***** حساب Fake في الفيس ساكينو الجماعة لكشفه *****

07:56 PM June, 12 2020

سودانيز اون لاين
ABUHUSSEIN-السعودية الرياض
مكتبتى
رابط مختصر

https://m.facebook.com/story.php؟story_fbid=10219469386018900andid=1040736213رابط القصة بالفيس
مشكلة الروابط دا اليوزر نيم اللي الموضوع على صفحته في الفيس اعرفو القصة :-

Quote: الطبيب الجراح السوداني الأمريكي الوهمي، الجارح لقلوب العذارى، مصطفى الساكن الدويم 🙊💔 سارة رحمة - خنساء البدري - حنظلة .. واليوم مصطفى 🤓🍿 بداية القصة: رسالة في الخاص (زول بيغش في البنات وما حصل زول شافه، وشاكين انو حساب fake بيضرب للناس من رقم خاص، وما حصل اتكلم فيديو، وبيقول أمه لبنانية وأبوه دكتور سوداني مشهور اسمه محمد أحمد البدوي "ومتوفي") الخلاصة: شاب سوداني بملامح سورية ومواصفات هوليودية، دارس في هارفارد ومولود في لوس انجلوس، مكسر البنات، وبتحت تحت بيلعب بيهم عاطفيا لدرجة انو وحدة فيهم مرضت عديل عشان خلاها ومشى لزولة تانية! وفجأة ماسورة قصص عاطفية اتفتحت! حيتكون تيم تحقيق من الشباب، ياهم الكشفوا سارة رحمة وخنساء البدري وكدا، ندااااء إلى قاعدة الديجيتال 😂 أصلا مما شفت اسم القروب (الغرفة السرية) ولقيت الشباب قاعدييين فيها، عرفت اننا قدام مصيبة كبيرة وراجينا شغل 😂🍿 وتبدأ مباشرة مرحلة جمع المعلومات يا صحبي 🤓 نبدا من آخر شي، ونعمل بعدها فلاش باك زمني: ١. مصطفى محمد أحمد البدوي، الدكتور السوداني في المستشفى الأميركي في دبي، ومسؤول قسم الوقائيات فيها حسب كلام أخوه الإفتراضي! ٢. ينزل صورة بإصابته بكورونا وتعامل الإستاف الإيجابي معاه، والولد بصراحة مجتهد وسرق صورة من حساب المسشفى بتويتر وقال الصورة كانت عشاني انا مريض وكدا 🤓 وطبعا صورة الدكاترة دي لا كانت عشانه ولا شي، زي ما شايفين في تويتة المستشفى يعني! ٣. وطبعا ببحث سريع في موقع المستشفى الأمريكي في الويبسايت، وطاقم الأطباء الموجودين فيه، حتلقى انو لا دكتور جراحة أعصاب زي ما بيقول ولا هم يحزنون وهو عليك الله في جراح بيقعد حارس الفيسبوك ويلاحق البنات وونسات ٢٤ ساعة؟ والحاجة الفاتت على صاحبنا ده، انو عندنا زميلتنا وصاحبتنا، طبيبة سودانية وموجودة في نفس المستشفى، وجابت لينا الخبر الأكيد انو المخلوق ده لا وجود له 🤓 وبكدا، عرفنا اننا قدام قضية كوبيييييرة 🤓 سوداني مولود في أمريكا، وبملامح سورية، مولود من أم لبنانية، وطبيب جراح أعصاب كمان، دي قمة مواصفات رجل الأحلام ليفل الوحش لخرتمية بنت يا مان 😂😂 ٤. حيكتب الكتير من البوستات بتاعت التنمية البشرية وستقطع البحر وحدك وإن الله معك فلا تيأس، ومعاها سيلفيهات عجيبة كدا ومرات مع أصحابه وأهله "كما يقول" ٥. لغته العربية المكسرة أول شي حيلفت انتباهك، وحيقول للبنات لاحقا عشان أمي اللبنانية وانا عاوز اتعرف على السودان وبتاع وبصراحة كدا، غلطاته الإملائية براها كانت سبب لي عشان أقرر اني أردم أبو أهله زاتو 😒 ٦. في بداية الثورة السودانية، حيبدا يتكلم بالثورة وانو ثورجي للدين ومواكب ومشى القيادة وبتاع، وبعد اعتصام القيادة واستشهاد مطر، يقوم يقول للناس انو الشهيد كان صحبي، ومعاه كم بوست كمان وينك يا صحبي وبتاع زول دراما كوين بامتياز 😂😂 ٧. الشاب الخارق ده عنده غرام مع أميركا، بيقول للناس انو مولود في أميركا وما شاف السودان وعاوز يتعرف عليه، وحتى أيام المظاهرات، فجأة كدا نلقاه في السودان، ومرة قال لبنت وصلنا ليها واتكلمنا معاها، انو اتقبض في المواكب ودقوه الأمنجية لكن جوازه الأميركي نفعه 😂 ٨. طبعا حيظهر أخو افتراضي ليه (راكان) ويقعد يمدح في البطل ده، وعنده أخوات ما بتشوف أشكالهم إلا في مجلة سيدتي من شدة سماحتهم ما شاء الله، نور وملاذ ومي، وعنده أم كيوت وما بعرف شنو والطريف في الأمر اننا وأثناء بحثنا في الموضوع، الدكتور قفل حسابه الفيسبوكي وأخوه اختفى كمان والواطة بلعتهم فجأة .. لكن توقف التحقيق؟ اه ويييين يا 🤓 ٩. واحدة من غلطاته الغبية لمن نزل صورة لواحد في المستشفى نظام أنا شغال، والصورة طبعا مختلفة عن صورته البيقول انو هو دا! ١٠. العاشرة دي كانت قاصمة الظهر والفضيحة الإنتهت منو، البعدها وانت مرتاااااح تقول: تلك عشرةٌ كاملة 🤓 مصطفى (الجراح) كان (دائما) بيحكي للبنات عن انو ساعد صديق ليه اسمه (محمد) دخل مشكلة في التسويق الشبكي في مصر، وانو سافر من دبي لمصر عشان ينقذه وبتاع بالعربي كان بيحنّك بقصة صحبه محمد ده، وهي قصة حقيقية حصلت لمحمد، لكن الدكتور الجراح دة ما كان جزء منها أصلا 🤓 وكان طرف الخيط بالنسبة لينا اننا نتواصل مع محمد، وبعدها انكشف كل المستور! كمية بنات راسلوا محمد، انت بتعرف الزول ده، وهل القصة دي حصلت، واييييك غلطة مصطفى القاتلة كان لمن رسل رقمه الخاص، الواتسابي لواحدة من البنات، وهو رقم سعودي ليه غلطة قاتلة؟ لأنو نفس الرقم ده حافظه صاحبنا محمد (بتاع التسويق الشبكي) لزول لاقاه في السعودية وبيعرفه اسمه (مصطفى مرتضى)، وكان في مجموعة محمد في التسويق الشبكي 🤓🔥 واكتشف محمد انو (مصطفى مرتضى) كان بيراسل للبنات ومن حسابه (الحقيقي) في الفيسبوك وبيحنّك بقصة التسويق الشبكي، زي ما مصطفى (الجراح) بيعمل بالضبط بحسابه الفيسبوكي زي ما عرفنا لاحقا! عشان ما تضيع: محمد بتاع التسويق الشبكي بيعرف مصطفى مرتضى وقابله على أرض الواقع وحافظ رقمه في الواتس كمان من زمان وصااادف انو رقم الواتس بتاع الطبيب السوداني الجراح اللي اسمو مصطفى، هو نفسه رقم مصطفى مرتضى صاحبنا 🤓🔥 وما تنسى، مصطفى عمل بلوك لمحمد من الفيس، وبعد دا كان بيقول للبنات انو صحبي شديد وساعدته وبتاع 🤓 # ملاحظة: رقم الواتس زاتو اتقفل في اليومين الفاتو أثناء بحثنا عن الموضوع، زي ما قفل حسابه الفيسبوكي اليوم الصباح فجأة، بحنك انو مجتمع الفيسبوك بقى ما بينفع معاه، زي ما كتب في بوست أمس 🤓 وكأننا قربنا للكارثة يا مان 😃 وطوااالي مفروض نمشي نسأل مصطفى مرتضى ده، المتزوج، الدرس في الأهلية ومن الدويم وقاعد حاليا في السعودية/ الرياض 🤓🔥 كفاك وللا نزيدك يا مان في المعلومات ونجيب أصحابك؟ هو مُطالب انو يشرح، كيف رقم الواتس بتاعك، وبتاع مصطفى الجراح السوداني/لبناني يكونوا نفس الشي 🤓 لأنو لو ثبت فعلا انو هو نفس الزول، معناها الموضوع عاوز علاج نفسي عديييييييل، دا ليفل الوحش في انتحال الشخصية والإحتيال والتلاعب العاطفي كمان على كمية بنات كمان! ليفل الوحش بإنو بيدير تلاتة حسابات لشخصيات مختلفة، حساب بحسابه الشخصي، وحساب مصطفى الجراح السوداني، وحساب أخوه راكان اللي بيعلّق ليه في بوستاته، وحساب كمان لأخته 😂 هوي، دي أربع حسابات عديل 😂 المهم، الناس تعمل حسابها، عشان لو رجع تاني نعرف نتعامل معاه كيف 🤓 ويااا مصطفى ود الدويم .. any comment؟ 🤓 الصور التحت .. كل قصة ومعاها شرح، تعبت كتبته عشانكم، اقروه 😂 قصرنا معاكم؟ مع تحيات، فريق تحقيق المحقق كونان من "الغرفة السرية" وهاكم الفشار 🍿🤓 Mubarak JA

متابعة الموضوع على الفيس ممتعة و في المداخلات بتشوف العجب العجاب ...
و فيه تفاصيل لي حسابات برضو Fake تم كشفها سابقا
سارة رحمة و حنظلة و ... و....

موضوعك المفضّل عاد! من زمن الدرويشة وسودان عجل
الله ريّح طرمبة شوية اليومين ديل

Quote: الله ريّح طرمبة شوية اليومين ديل

قرقرقر

ياخ طرمبة ده لو الناس ريحوهو ما بريح نفسو
شلاقة شديدة

Quote: موضوعك المفضّل عاد! من زمن الدرويشة وسودان عجل الله ريّح طرمبة شوية اليومين ديل

و الله ما بنكر انو من مواضيعي المفضلة ....
ما شفت سودان عجل جرجرناه كيف و جبناه هنا مكلبش .... 😂😂😂
شغل نضيف ياخ ......

أيوه كده خليك شغال بالفارغة.

أصلك بتاع صواتات و قولات.

Quote: أيوه كده خليك شغال بالفارغة. أصلك بتاع صواتات و قولات.

اكيد ما حا تفهم .....
قلت ليك اختلاف ثقافات و مجتمعات و كل بيئة بتطلع عقول و اخلاق مختلفة
بيئتك اهو طلعت واحد زيك مشوه فكريا و عقليا ....
زول عاطل فكريا غير قادر على تمييز الصاح من الغلط
انا مؤمن بي انك ياها إمكانياتك غير تنفيذ الاوامر ما بتصلح لي اي شي
صفا انتباه يمين دور شمال دور معتداااااال مارش
اسي كان ما غبي و كائن بتحركو احقاد و حسد مداخلتك دي الجابرك عليها شنو ؟؟؟
يعني لازم تدخل و تكتب ليك سطرين علشان تقول للناس (شوفوني انا غبي) ....
ارحم نفسك يا شاويش فرقع ....

أعصابك يا تلفون الدلاقين أعصابك.

Quote: أعصابك يا تلفون الدلاقين أعصابك.

مدفع الدلاقين ما تلفون اللاقين يا شاويش الغفلة ... 😂😂😂😂😂
غايتو لفاح جنس لفحي ....

اها و بعدين
___
حب ما تفعل لكى تفعل ما تحب ... دى معناها شنو

Quote: قرقرقر ياخ طرمبة ده لو الناس ريحوهو ما بريح نفسو شلاقة شديدة

الموضوع دا لايف طرمبة ملحوق 😂😂😂

Quote: اها و بعدين ___ حب ما تفعل لكى تفعل ما تحب ... دى معناها شنو

تابع و متع نفسك بالدهشة

و دا بوست بعد الاول في صفحة مبارك:-

Quote: Mubarak JA مبدئيا كدا .. وبسبب قصص النصب والإحتيال (المالية) البدت تظهر من مصطفى عساف .. وشملت أولاد وبنات غير قصص صور البنات العنده والإبتزاز الممكن يحصل، غير الابتزاز العاطفي الحصل زمان منه ليهم فاتمنى الكلام ده يصلك يا (مصطفى مرتضى) .. اسمك/ مكان سكنك في السودان (بالتفصيل)/ بل حتى مدرستك الأساس القريت فيها ومكانك في السعودية .. وقصتك الحصلت في مظاهرات الدويم العام ٢٠١٢ والانتحال الحصل منك ، كل المعلومات دي عندنا ولسة شغالين نبحث بالمناسبة .. لسة شغالين نبحث وصورك في خرتمية مكان بدت تجينا كمان :) فأحسن تمسك أدبك، لأنو أي حركة منك لابتزاز البنات، وانت في النهاية زول متزوج، عارف الموضوع ده ممكن ما يكون لصالحك نهائيا يعني، خاصة وانك بقيت مكشوف :) الكلام حيصلك، قلنا نقوله في العام وكدا :) وبالمرة امشي اعرض نفسك على طبيب نفسي .. نصيحة لوجه الله :)

المجرم اكيد بكون محتفظ بي محادثات او صور لي بنات فكان لابد من ردعه .....

متابع بهناك
بصراحة عالم عجيبة*

..............
*تقرا مريضة كذب وابتزاز واستغلال للناس
والغريبة زول متزوج ومغترب
غايتو تعيش كتير تشوف كتير

Quote: متابع بهناك بصراحة عالم عجيبة* .............. *تقرا مريضة كذب وابتزاز واستغلال للناس والغريبة زول متزوج ومغترب غايتو تعيش كتير تشوف كتير

إنسان مريض فعلا يا منعم
لكن حا يتأدب و يكون عظة و عبرة ليه و لي غيرو ....

شايف في بلف جديد باسم امل درويش تحت الفحص الآن

بالله انت ما بتعرف تلفون الدلاقين!

ناقل صواتات وقوالات الفيس بوك هنا

أنت أصلك ما بتتوب!

Quote: شايف في بلف جديد باسم امل درويش تحت الفحص الآن

ما قابلني دا لكن بجيني لافي ....

Quote: الفصل ما قبل الأخير، والتطورات الحصلت في قضية مصطفى عساف مجموعة من رجال الدويم كتّر خيرهم وصلوا للراجل، بما فيهم بعض أصحابه، واتكلموا معاه الكلام الحااااار البتعرفوه داك، وكفاك الفضيحة البتعمل فيها وكدا وحدّك هنا :) وهو طبعا عامل فيها ما عاوز يتكلم مع أي زول وناكر وحاجة بطالة خلاص، شكلو لسة في صدمة انه تم اكتشافه والبلد كلها بتتكلم عنه! لكن الوعيد كان شديد: أي قلة أدب تجي منك تاني، مع أي بنت، ويجينا خبرها، البل بس، دا كلام الشباب معاه :) طبعا ما ننسى، إنو لازم يتعرض على طبيب نفسي عديل، زول بعقلية إجرامية زي دي يخلوه ساااي كدا بين الناس؟ وكتر خيرهم الشباب أدونا معلومات تفصيلية كاااافية ووافية عنه، صامولة صامولة، صورة صورة، عشان لو فكر يدخل في الإبتزاز تاني، نحن والشباب ديل ننتهي منه :) ولأخواتنا البنات اللي اتعرضوا للإبتزاز زمان وخايفات، ممكن نقول ليهم اطمنوا خلاص، أخوانكم معاكم، ما براكم وربنا يخضّر ضراعكم يا شباب الدويم وان شاء الله الحصل دا يبقى درس ليكم لقدام طيب، لشنو قلت الفصل ما قبل الأخير؟ لأنو الفصل الأخير بيد البنات نفسهم، لو عاوزين يفتحوا فيه بلاغ ويتابعوا الموضوع قضائيا من عدمه، كونهم المتضررات من الحصل مع العلم انو قضية زي دي لو اتفتحت في السعودية وأثبتوها عليه، الود دا حيروح فيها حرفياً :) وبكدا، نقفل ملف القضية، وتيم الغرفة السرية يتمنى ليكم أياماً سعيدة بعيدة عن الطلس والوهمنة 🍿😌 عودوا إلى حياتكم آمنين مطمئنين، ومعاكم الفشار 🍿😌 #المحقق_كونان 🍿🤓

كثرت الحسابات الوهمية و خاصة الرجال ابين شنبات الفاتحين حسابات بأسماء بنات
أو ابين شنبات البكون وشو زي الجزمة و خاتي ليه صورة ولد وجيه و قيافة و يحمل شهادات و مهنة محترمة و زول راقي ....