Post: #1
Title: عدم إقالة أكرم التوم وعادل بشاير هو الفشل والعجز وقلة الحيلة يا حمدوك
Author: عبدالعظيم عثمان
Date: 06-12-2020, 06:52 AM
06:52 AM June, 12 2020 سودانيز اون لاين
عبدالعظيم عثمان-
مكتبتى
رابط مختصر
الأول فاشل ويمارس التمكين لحزبه
والثاني متآمر على الثورة ويفتح الطريق لعودة الحزب
المحلول للسلطة..
لم تجد اي مبرر او سبب يجعل رئيس الوزراء
الإحتفاظ بهما الأزل وزيراً للصحة والثاني مديراً عاماً للشرطة
لماذا الانتظار حتى يوم 20 يونيو حتى تصدر قرار إقالة أكرم
شوته برا من هسي وشوف لينا إداري ناجح يستطيع
تحمل مسؤلية وزارة الصحة وليس بالضروره ان
يكون طبيب...
اما الكوز عادل بشاير فإستمراره هو عار الفترة الإنتقالية
وعجزها وفشلها وتتحمله أنت يا حمدوك وليس أحد سواك
|
Post: #2
Title: Re: عدم إقالة أكرم التوم وعادل بشاير هو الفشل
Author: عبدالعظيم عثمان
Date: 06-12-2020, 07:01 AM
Parent: #1
إدارة الدولة ما لعب يا حمدوك
وزير فاشل وعاجز عن القيام بدوره
من أزمة لي أزمة في القطاع الصحي
وهو عاجز.. ياخي اطلع برئ ذمتك كوزير
وورينا وين المشكلة عشان نبل المتسبب فيها
لكن تستمر وبهذا الفشل مفروض تأخذ بعضك
وتمشي.. صحه وحياة الناس ما لعبة يا حمدوك
الكوز عادل بشاير كل السودان بطالب بإقالته
هذا المدير العام للشرطة متآمر على الثورة
قواته تضرب الثوار وتحمي الفلول
سبب واحد يخلي الزول دا قاعد لغاية هسي
مافي.. إستمرار بشاير هو العار بعينه يا حكومة
|
Post: #3
Title: Re: عدم إقالة أكرم التوم وعادل بشاير هو الفشل
Author: جلالدونا
Date: 06-12-2020, 07:03 AM
Parent: #2
اها .... و بعدين
|
Post: #4
Title: Re: عدم إقالة أكرم التوم وعادل بشاير هو الفشل
Author: عبدالعظيم عثمان
Date: 06-12-2020, 07:11 AM
Parent: #3
الله يصبرنا لغاية يوم 20 يونيو
توقيع إتفاقية السلام والتعديلات الوزارية
معقولة حمدوك عاوز ليه مبرر يحفظ بيه خروج
مشرف لي وزير الصحة من الوزارة
شوته وشوف زول غيره
وزير فاشل منتظر بيه شنو؟
أما عدم إقالة عادل بشاير دي السقطة
الجد يا حمدوك.. زول شغال ضد الثورة
عديل ولا داسيها معقول حمدوك ما شايف
ولا سامع ولا قاعد توصله مناشدات الثوار
غايتو انا غلبني افهم إصرار حمدوك في عدم
إقالة مدير عام الشرطة
فعلا حاجة تحير
وصدق والد الشهيد كشة
'' انتو منو وجيتونا من وين
انتو مع الثورة ولا ضدها''
|
Post: #5
Title: Re: عدم إقالة أكرم التوم وعادل بشاير هو الفشل
Author: Hamid Elsawi
Date: 06-12-2020, 07:32 AM
Parent: #4
عبد العظيم و الله أنا ما عارف المصبرني عليك شنو؟
إحتمال فيك شي لله .... أو تكون عامل لي عمل.
ما مشكلة ... لكن مشاكل البلد ما بتتحل بي إقالة زيد و تعيين عبيد
بل بي خلق الآلية التي من خلالاها ممكن ننتج موظفين صالحين
بما فيهم رئيس الوزراء و رأس الدولة ( في النهاية هم موظفين)
و تحت رحمة القضاء .... القضاء الما قادر يحاكم البشير علي
جريمة سرقة السلطة و الدولة يعني شنو 20 مليون دولار شهرياً في حسابه
هو سرق الدولة كلها ... بي 40 مليون مواطن مش 20 مليون دولار
الغلابة كلهم كان ما توحدوا ما ح تقوم لينا قايمة
علينا البحث عن القواسم المشتركة ال ممكن توحدنا
دي فترة مؤقتة لازم نجتازها عشان نصل للأجمل
أكيد ح يكون فيها خلافات لكن لازم يكون فيها صبر
و طول بال ... عشان كده إحتمال أنا ما شايفك عدو
انت مواطن عاوز الخير للوطن ...
خلينا نمشي في الطريق ده مع بعض
المشكلة شنو ؟
|
Post: #6
Title: Re: عدم إقالة أكرم التوم وعادل بشاير هو الفشل
Author: Arif Nashed
Date: 06-12-2020, 08:08 AM
Parent: #5
الخلافات شيء طبيعي وصحي لكن استمرار الأداء الضعيف هو الغير مقبول ولسنا حقل تجارب (يتعلموا الحلاقة في رؤوس اليتامي) كفاية سنة صابرين علي القرف البحصل ده.
دي ثورة مش لعب عيال أما ان يكونوا قدرها او يتخارجوا.
طفح الكيل وبلغت الروح الحلقوم.
|
Post: #7
Title: Re: عدم إقالة أكرم التوم وعادل بشاير هو الفشل
Author: عبدالعظيم عثمان
Date: 06-12-2020, 08:26 AM
Parent: #6
الشيوعين ومرافيت الحزب الشيوعي
شغالين يجهضوا في الثورة بدون وعي
ويساعدهم في ذلك غواصات جهاز الأمن
الحقوا ثورتكم يا ناس
زمان قلنا ليكم تجمع المهنيين بعد ما خطفوه
الشيوعين تاني كان شاله كلب ما في زول
حيقول ليه جر
حمدوك بي طريقته دي لحق الحكومة
تجمع المهنيين
انتوا اقصر قامة من هذا الشعب العظيم
سيستمر التاريخ في كتابة سقطات هذه الجماعة
السياسة المتطرفة التي تجهض احلام السودانين في
التغيير.. من جبهة الهيئات لي التجمع النقابي
واخيرا تجمع المهنيين
مافي فرق بينهم وبين الكيزان
|
Post: #8
Title: Re: عدم إقالة أكرم التوم وعادل بشاير هو الفشل
Author: Hamid Elsawi
Date: 06-12-2020, 08:49 AM
Parent: #7
Quote: عبد العظيم و الله أنا ما عارف المصبرني عليك شنو؟
إحتمال فيك شي لله .... أو تكون عامل لي عمل.
ما مشكلة ... لكن مشاكل البلد ما بتتحل بي إقالة زيد و تعيين عبيد
بل بي خلق الآلية التي من خلالاها ممكن ننتج موظفين صالحين
بما فيهم رئيس الوزراء و رأس الدولة ( في النهاية هم موظفين)
و تحت رحمة القضاء .... القضاء الما قادر يحاكم البشير علي
جريمة سرقة السلطة و الدولة يعني شنو 20 مليون دولار شهرياً في حسابه
هو سرق الدولة كلها ... بي 40 مليون مواطن مش 20 مليون دولار |
آسف يا عبد العظيم .... حاولت التعامل معك بلغة الحوار
أخذ و عطاء للمصلحة العامة .... لكن القارئ يمكن يحدد
بحثت معك علي القواسم المشتركة لبناء الوطن
و ما زلت تبحث عن القواسم الغير مشتركة لهدم الوطن
هناك فرق بين من يبحث عن نقاط الخلاف لحلها
و من يخلق نقاط خلاف لتأجيجها.
طريقنا مختلف
مع السلامة
|
Post: #9
Title: Re: عدم إقالة أكرم التوم وعادل بشاير هو الفشل
Author: جلالدونا
Date: 06-12-2020, 08:58 AM
Parent: #8
حامد الصاوي انت جادّى!!!!؟؟؟؟
|
Post: #10
Title: Re: عدم إقالة أكرم التوم وعادل بشاير هو الفشل
Author: Hamid Elsawi
Date: 06-12-2020, 09:05 AM
Parent: #9
| Quote: حامد الصاوي انت جادّى!!!!؟؟؟؟ |
و الله جادي ....
عبد العظيم ده راجي منو خير و خير كتير
ياريت يركز علي بوست واحد
و يحدد نقاط محددة للنقاش ....
جهجهني بي بوستات كتيرة جداً
عموماً غلبني
خليتو ليكم انتو ديل
باي باي
|
Post: #11
Title: Re: عدم إقالة أكرم التوم وعادل بشاير هو الفشل
Author: محمد البشرى الخضر
Date: 06-12-2020, 09:16 AM
Parent: #10
Quote: الله يصبرنا لغاية يوم 20 يونيو
توقيع إتفاقية السلام والتعديلات الوزارية
معقولة حمدوك عاوز ليه مبرر يحفظ بيه خروج |
دي معلومة ولا توقّع يا عظمة؟
|
Post: #12
Title: Re: عدم إقالة أكرم التوم وعادل بشاير هو الفشل
Author: عبدالعظيم عثمان
Date: 06-12-2020, 10:10 AM
Parent: #11
الصاوي سلامات
أبشر بالحوار والنقاش الموضوعي والهادف
بعد ما نخلص من بعض الرجرجة والدهماء
وبعض الغواصات الذين يستترون تحت لافتتات
الحمراء وشغالين هدم للثورة..
نخلص منهم وابشر بالحوار والنقاش
اصلاً الشيوعين الوطنيين الخُلص حبيابنا وحلفائنا
بس صوت الانتهازين دائماً عالي
|
Post: #13
Title: Re: عدم إقالة أكرم التوم وعادل بشاير هو الفشل
Author: عبدالعظيم عثمان
Date: 06-12-2020, 10:14 AM
Parent: #12
يا يوم 20 يونيو ما تسرع
وتحلنا من وزير الصحة الفاشل دا
ربنا يختار المغادرة قبل اليوم المعلوم
ننتظر ونشوف اذا كان بينهم رجل رشيد
ينصح هذا الوزير الفاشل ب المغادرة
الأحزاب اتعاهدت انها ما ترشح كوادر حزبية خلال الفترة الإنتقالية
وكانت محقة.. لانه زي الوزير الفاشل دا إذا كان تكنوقراط
كان شال شنطته الهاند باك ورحل من سكات
بدون هرجلة او ضوضاء او حريق لساتك
|
Post: #14
Title: Re: عدم إقالة أكرم التوم وعادل بشاير هو الفشل
Author: Gafar Bashir
Date: 06-12-2020, 01:23 PM
Parent: #13
ما بتلموا في موضوع واحد
في النهاية اكرم بيحسب للصف الوطني
مهما كان اداؤه
|
Post: #15
Title: Re: عدم إقالة أكرم التوم وعادل بشاير هو الفشل
Author: يحي قباني
Date: 06-12-2020, 01:31 PM
Parent: #14
Quote: يا يوم 20 يونيو ما تسرع
وتحلنا من وزير الصحة الفاشل دا
ربنا يختار المغادرة قبل اليوم المعلوم
ننتظر ونشوف اذا كان بينهم رجل رشيد
ينصح هذا الوزير الفاشل ب المغادرة
الأحزاب اتعاهدت انها ما ترشح كوادر حزبية خلال الفترة الإنتقالية
وكانت محقة.. لانه زي الوزير الفاشل دا إذا كان تكنوقراط
كان شال شنطته الهاند باك ورحل من سكات
بدون هرجلة او ضوضاء او حريق لساتك |
يا عبد العظيم ..
توعدنا لو يوم ٢٠ يونيو جا و فات و ما حصل كلامك ده
توقف بوستاتك الكتيره دي و تنتظر على حكومة حمدوك تشوف شغلها ؟
و انا اوعدك لو كلامك طلع صحيح على كلام قلته عن ٢٠ يونيو و تمت اقالة د. اكرم و عادل
اني اجي كل يوم اقول ليك انت صاح ... و اطلب منك مراقبة كل الباقين ..
اتفقنا ؟
|
Post: #16
Title: Re: عدم إقالة أكرم التوم وعادل بشاير هو الفشل
Author: عبدالعظيم عثمان
Date: 06-12-2020, 01:37 PM
Parent: #15
كتب أمين مكي
Quote: لو إنت قايلني صحيت من النوم فجأة وركبني شيطان وقررت أطالب بـ #اقالة_وزير_الصحة ساي كدة بدون سبب تبقى غلطان..
السيد وزير الصحة المفدى حفظه الله ورعاه، قعد معانـا فـي اجتماعات مطوّلة من أول يوم وصل فيهو وقبل ما يقعد فـي كرسي الوزارة من 5/9/2019، وعرضنا عليهو كل مشاكل الدواء فـي الخمسة سنين الفاتت ومقترحات الحلول، حتى كميات الأدوية الفاضلة فـي المخازن، وإننا حنوصل لمرحلة خطرة وحنعدم البندول لـو المشاكل دي ما اتلافيناها من هسـي قبل ما الفاس تقع فـي الرأس، وأي Task هو طلبه تم إنجازه على أكمل وجه واتقدم ليهو، بوجود خبراء واستشارة عاملين فـي المجال ده ..
بما فيهـا الخطط الإسعافية قصيرة المدى والخطط بعيدة المدى.. لحـدي حتـة الإكتفاء الذاتـي وتوطين الصناعة الدوائية..
وكل الخطط دي كانت بتهدف لتوفير دواء فعال وآمن وفـي متناول المواطن.
لجنة صيادلة السودان المركزية عملت مؤتمر جامع فـي فبراير وقدمت فيهو أوراق علمية ودعت فيهو كل الشركاء من مجلس قومـي للصيدلة والسموم والمالية وبنك السـودان والإمدادات الطبية وأعضاء مجلس السيادة ووزارة صحة عشـان تجمعهم كلهم ويناقشوا المشكلة ويطلعوا بتوصيات حلول، لكن كالعادة حضر الجميع والوزير ما حضر ولا رسل من يمثله
تعامل الوزير كان بالإهمال الكامل للملف ده ونحـن فـي كل يوم بنقرع ليهو ناقوس الخطر، لحـدّي ما وصلنا للحالة اللـي نحـن فيهـا دي، وواضح جداً إنو الوزير ما خاتـي موضوع الدواء ده من أولوياته، وبيتنصل من مسؤولياته وبيتغيب عن اجتماعات مهمة عشـان كدة ما قادر يعكس للحكومة خطورة الموضوع ده..
الوزير هو المسؤول المباشر قدامنا، وهو المفروض يتكلم مع المالية ومجلس الوزراء والجن الكلكي زاتو ويورينا إنو عمل كدة كدة والحكومة أبت تعمل كدة، ولو بتقول شركات الدواء دي كلها حرامية أمشي قفلها وأسحب تراخيصها وجيب الدواء براك لأنو أنا كمواطن بيهمني وجود الدواء أكتر من إنك تطلع تذيع ليـك أرقام، لأنو الناس بتموت بأمراض تانيـة غير الكورونا..
#الدواء_معدوم
#اقالة_وزير_الصحة |
ملف الدواء دا بس براو مفروض يطيح بوزير الصحة
|
Post: #17
Title: Re: عدم إقالة أكرم التوم وعادل بشاير هو الفشل
Author: elsharief
Date: 06-12-2020, 03:53 PM
Parent: #16
الحل في شنو ؟
كمال كرار
١٢ يونيو ٢٠٢٠م
قضية تسعير الأدوية والجدل بشأنها والتهديد بالإضراب ..ومحاولة إدخال وزارة الصحة في (فتيل)،تتحمل مسؤوليتها وزارة المالية وبنك السودان،والشرارة لم توقد بالأمس ..بل منذ شهور يوم أن ألغيت نسبة ال10% من حصيلة الصادرات التي كانت تخصص لاستيراد الأدوية ومدخلاتها ..والإلغاء يومها كان امتيازاً قدمته وزارة المالية للمصدرين (لأسباب معلومة)،ولكنه ضمن شروط صندوق النقد الدولي بشأن تعويم العملة ..
ويوم أن ألغيت ال10% ..(ويتحمل رئيس الوزراء أيضاً المسؤولية لأنه تحدث عن بديل آخر سيؤخذ من المصدرين ولكن هذا البديل سيأتي يوم القيامة العصر)..كان مفهوماً أن الخطة تمضي في سياق إبعاد الدولة عن الإستيراد ..ولو للسلع الضرورية،في سياق إبعاد الدولة عن الإقتصاد،وفي طريق إلغاء السعر الرسمي للدولار ..والإبقاء على هيمنة الرأسمالية الطفيلية للأسف ...على الإقتصاد ..
هذه هي الحقيقة المجردة ..وبالنظر لقوائم المصدرين والموردين سنكتشف إن فلول الإنقاذ الآن ينالون امتيازات بأكثر مما نالوه إبان حكمهم (الذي لم يخلع بالكامل)..
ورفع الدعم ..وأصدقاء السودان ..وغيرها من المصطلحات المضللة ..تحفر الآن قبراً للثورة التي جاءت بالدماء القانية ..
ومعركة الدواء ..هي الحد الفاصل بين الثورة وإجهاضها ..وبين الثوار ..وأعداء الثورة وإن لبسوا طاقية الحرية والتغيير ..
ولماذا الدواء ؟ لأن المكاسب ضخمة ..ولأنها مليارات الدولارات ..التي تدور في حسابات شركات وأفراد ..يعرفون من أين يستوردون الأدوية (درجة رابعة)،بالفواتير المضروبة ويشهادات المنشأ المضروبة،ولهم علاقات متشابكة مع الفلول في قطاع الصحة،وصندوق الدواء الدوار،والإمدادات ..وغيرها من مناطق لا زالت قلاع للدولة العميقة ...لهذا تشتد الحملة المضادة ضد وزارة الصحة وهي الوحيدة الآن التي تتمترس في الموقف المنحاز للشعب ..
وقولوا لي ماذا سيحدث قبل يوم 25 يونيو ..ومؤتمر المانحين المنتظر ..وإليكم ما سيجري في اللقاء الإسفيري :
الخواجات : هل حطمتم الجنيه السوداني ..؟
المتصندقون السودانيون : نعم واعتمدنا سعر الدولار في السوق الأسود لجميع السلع ..ونزيدكم من الشعر بيتاً بأننا أدخلنا تجار العملة في قنوات بنك السودان المختلفة ..للمزيد من بث الإطمئنان فيكم ..
الخواجات : وهل رفعتم الدعم عن البنزين والجازولين والغاز والكهرباء والدقيق ؟
المتصندقون : بدأنا بالمحروقات والأدوية وقبل نهاية العام نكمل الباقي ..
الخواجات : إذن انتظروا دعمنا المالي إلي حين أن تنفذوا الأوامر ..انتهى الإجتماع ..
وسيقبل بعضهم على بعض يتلاومون ..وتخرج نشرة الجهاز المركزي للإحصاء لتقول أن التضخم (150%)،وإن أسعار السلع زادت إلي 300% ..وسيخرج المعاشيون في مظاهرات لأن معاشاتهم ما زادت ..وكذا موظفو وعمال الحكومة بالولايات ..والمفصولون الذين لم يعودوا للعمل بحسب الوثيقة الدستورية،والعيشة الواحدة تصل إلي 10 جنيهات ..والماعاجبو (ياكل كسرة) مثلما قال المأفون على محمود ..
الحل في البل ..ولا أرى حلاً غيره ..ولا كبير على الثورة ..
أي كوز مالو ؟؟
|
Post: #18
Title: Re: عدم إقالة أكرم التوم وعادل بشاير هو الفشل
Author: Salah Zubeir
Date: 06-12-2020, 04:54 PM
Parent: #17
| Quote: كان مفهوماً أن الخطة تمضي في سياق إبعاد الدولة عن الإستيراد ..ولو للسلع الضرورية،في سياق إبعاد الدولة عن الإقتصاد،وفي طريق إلغاء السعر الرسمي للدولار ..والإبقاء على هيمنة الرأسمالية الطفيلية للأسف ...على الإقتصاد .. هذه هي الحقيقة المجردة . |
النظام الشيوعي الإشتراكي يفرض هيمنة الدولة
علي التجارة والصناعة والزراعة بإسم القطاع العام
ويصادر حق الأفراد والجماعات التي اجتهدت
وكونت أعمال ناجحة ويسميها الرأسمالية الطفيلية ..
يهيمن الحزب الحاكم (الشيوعي) وحده لا شريك
له علي القطاع العام وتتحول الثروة لأصحاب
السلطة أوتوماتيكلي ويتحول أعضاء الحزب
الحاكمين من مجرد موظفين حكوميين يفتغرون
إلي الموهبة إلي رأسماليين اشتراكيين (قطط سمان) ....
ودا الحاصل في دولة واحدة في العالم كلو وهي
كوريا الشمالية ... باقي العالم كلو بما فيهم الصين
تؤمن بخروج الدولة من النشاط الإقتصادي وترسم
السياسات فقط للقطاع الخاص وبالاتفاق معه ...
تنظيف القطاع الخاص بواسطة لجنة التمكين لكل
من اجرم في حق الناس والإقتصاد والبلد وسيبونا
من نظرياتكم الفاشلة ...
تلقوها عند الغافل ...
|
Post: #19
Title: Re: عدم إقالة أكرم التوم وعادل بشاير هو الفشل
Author: نادر الفضلى
Date: 06-12-2020, 05:34 PM
Parent: #18
إذا كان حمدوك حيستمر فى منصبه بعد توقيع إتفاقية السلام، وتشكيل حكومة جديدة، فعلى الفترة الإنتقالية السلام ..
وما تنسوا وزير الرى ياسر عباس أكبر الكوارث، هو الموت دا إلا محسوس قدامكم؟ حمدوك وياسر عباس
سيتسسببا فى موت جماعى لأهل السودان بمخازيهما فى ملف سد النهضة. وبدون أى مصوغ دستورى يعطيهم
حق الإنفراد بالقرار فيما يخص ملف الدمار الأثيوبى.
|
Post: #20
Title: Re: عدم إقالة أكرم التوم وعادل بشاير هو الفشل
Author: خالد العبيد
Date: 06-12-2020, 09:48 PM
Parent: #19
يهيمن الحزب الحاكم (الشيوعي) وحده لا شريك
له علي القطاع العام وتتحول الثروة لأصحاب
السلطة أوتوماتيكلي ويتحول أعضاء الحزب
الحاكمين من مجرد موظفين حكوميين يفتغرون
إلي الموهبة إلي رأسماليين اشتراكيين (قطط سمان) ....
-------------------------------------------------------
ده كلام الكوز صلاح زبير
اخيرا اكتشفنا ان بيننا خبير ومحلل اقتصادي دولي
الصفقة الصفقة
قلت لي اوتوماتيكي !!
|
Post: #21
Title: Re: عدم إقالة أكرم التوم وعادل بشاير هو الفشل
Author: Salah Zubeir
Date: 06-13-2020, 00:15 AM
Parent: #20
النقدا النقدا ... يلا يا بنات ... هههه
غايتو البباري الشيوعيين حا ينحرف .. حا ينحرف ..
😃😃😃😃😃😃😃
|
Post: #22
Title: Re: عدم إقالة أكرم التوم وعادل بشاير هو الفشل
Author: Asim Ali
Date: 06-13-2020, 00:42 AM
Parent: #21
نموذج لافعال فئران الدوله العميقه فى قطاع الصحه لافشال الجهود المبذوله
|
Post: #23
Title: Re: عدم إقالة أكرم التوم وعادل بشاير هو الفشل
Author: Salah Zubeir
Date: 06-13-2020, 09:51 AM
Parent: #22
X تلبية لرغبة لا ترد ....
|
|