الفلول يعتدون على منزل اسره الشهيد كشه

12:26 PM June, 10 2020

سودانيز اون لاين
Asim Ali-
مكتبتى
رابط مختصر

Quote: تعرض منزل الشهيد عبدالسلام كشة إلى هجوم غادر من فلول النظام البائد، وتعدي على والدة الشهيد الحاجة آمنة بالضرب والسب وإصابة العم كشة في القدم وإصابة احد الثوار في الظهر نتيجة القذف المتواصل بالحجارة على المنزل ومحاولات التصدي من العم كشة وعدد قليل من الثوار.

عمل جبان لا يصدر إلا من جبناء .....
ربنا ينتقم منهم ....

دعواتنا للعم كشة و اهله بأن يحفظهم الله من كل شر

Quote: عمل جبان لا يصدر إلا من جبناء ..... ربنا ينتقم منهم ...

بالله دى حالة واين لجان المقاومة هل وصل بنا الحال الى قلة ادب هولاء الارهابيين

العملوا على ( تهميش ) قزاز عربية عم كشة ديل منو ؟ ..
الناس شغالة بتردد ديل فلول النظام السابق - الكيزان يعني!! ..
مصلحتهم شنو الكيزان يجوا (يهمّشوا) قزاز العربية
ويعتدوا على والد ووالدة الشهيد كشة ؟ ..
واشمعني هسه !! ..
يا جماعة بعد ما قالته والدة الشهيد كشه وتخوين الحرية والتغيير ..
المفروض المتهم يكون أي جهة تانية غير الكيزان
كدي باصروا لينا الشغلانة دي بالله ..
لانه كده السيناريو ما ظابط معانا ولاّ شنو يا حرية وتغيير ..

الزول ده حد يفهموا إنه التهميش دي حاجة تانية غير التهشيم ..

تحياتي عاصم
وضيوفه
يا ود القوز في الظن ان العمل مقصود هكذا ليحدث الارتباك
لايوجد غيرهم من يسئ الادب والاخلاق ويرتكب كل موبقة ليصل لهدفه

السلام عليكم جميعا
ياود القوز الفعل جبان يشبه الكيزان .
فى موضوع القحاته وطبعا ذا النون طلع قال ديل القحاته لكن اللسؤال المهم ياتو فرع فى القحاته ؟

الحبيب عاصم .. تحياتي
شكرا على نقل الخبر موثق كمان
ما هذه السلوكيات التي دخلت في مجتمعنا
اشياء لم نعتاد عليها أبداً ..
دعك من قحت والكيزان وغيرهم .. سلوك مجتمعي لم نسمع به عبر التاريخ
اذا كانوا قحت .. كيزان .. شيوعي .. اسلامي لم ينزلوا من السماء .. هم في الحي الواحد
جيران وأولاد عم وغيرهم .. في البيت الواحد ممكن كوز وقحت ..
أرجوكم فكروا بعمق كلهم ابناءنا وبناتنا ركزوا على هذا التصرف
هناك ثوابت اذا تخطتها المجتمع كان على البلد السلام
القيم والمباديء ..

معقول اعتداء على أم وأب وعلى المنزل
ظاهرة خطيرة جداً .. لا امن ولا أمان .. ولا حرمة للبيوت
ادنى درجة من الانحطاط الاخلاقي

سبحان الله كان مجتمعنا رغم الخلاف الحاد هناك خطوط حمراء وعيب

لا شرطة لا أمن ولا حتى عقلاء الحي ..

الحبيب عاصم بالنسبة لي الموضوع اعمق بكثير من اعتداء فقط
ظاهرة اخذ الحق والانتقام بالقوة ظاهرة جديدة على مجتمعنا

اتركوا أي شيء وناقشوا هذا الموضوع
ظاهرة اخطر من الكورونا ..

تحياتي الحبيب شكرا على نقل الصورة لنا

السلام عليكم عمنا الحبيب على
الفعله شنيه ولاتشبه المجتمع السودانى وغض النظر عن الفاعل فهو نتاج ثقافه عنف وضرب نسيج اجتماعى بداها الكيزان. وفعلا ظاهره العنف المتصاعد اصبحت مقلقه وتحتاج وقفه عميقه

حقيقة الشتيمة للكيزان ماحل
وصراحة والد الشهيد معاه حق ما ممكن تربع يدينك وتعاين للزبالة ديل بمارسوا في عفنهم ووساختهم دي.
المثاليات دي ما حبابا ونهايتا حا تكون كارثية جيبوا للناس ديل حق اولادهم قبل ما يفوت الاوان.

ديل الكيزان ومعاهم تاتشر بتاع شرطة ولما سالوهو الشباب للتدخل وحماية الاسرة
قالوا ناس الشرطة ماعندهنا سلاح
الشرطة والداخلية اعطت الكيزان اليوم ضوء اخضر عديل للمظاهرة التافهة دي
وكلو بعلم الشرطة لو لم يكن بتخطيطا ومعاهم الامن والدولة العميقة
مفروض الارنب حمدوك يمشي للاسرة المظلومة دي
قتلوا ابنها وهاهو يفلعون بالحجارة كبارها ويههدون امنها وسلامتها بغرض كسر عينهم وتخويفهم
ليه الارنب حمدوك دا ما يمشي للاسرة دي
ويطمنهم ويوريهم ان الحكومة في اعلى مستوياتها واقفة مع الشعب واسر الشهداء
ناس كشة ديل هم الجابوا حمدوك وحكومته
ولو استمر هذا الهبوط بكرة بغيروها انها ليس اقوى ولا ارسخ من حكومة البشير والكيزان
اصحى يا ارنب
الترس صاحي

صاح منعم
مش حمدوك
بل كل الحكومة يجب ان تزور منزل الشهيد وتعلن تضامنها معهم . فهم رمزية الثورة
سبق واعلنوا تضامنهم مع وزيرة الرياضة
اسرة الشهيد رمز الثورة احق منها

الشرطة والداخلية اعطت الكيزان اليوم ضوء اخضر عديل للمظاهرة التافهة دي
وكلو بعلم الشرطة لو لم يكن بتخطيطا ومعاهم الامن والدولة العميقة

=============================

حبيبنا عبدالمنعم تحياتي
معقول مظاهرة في الخرطوم كمان كيزان
خبر مؤسف .. الغريبة قناة الجزيرة لم تنقل الخبر

وبعلم الشرطة كمان .. حبيبنا عبدالمنعم حسب كلامك صحيح في تراخي
من الشرطة والامن .. قبل كل شيء حماية الناس من الكورونا
على الاقل مبرر واضح لفض المظاهرة ممارسة متبعة حتى في اعتى الدول الديمقراطية
وزارة الداخلية لا بد من مراجعتها

تحياتي الحبيب عاصم

Quote: ليه الارنب حمدوك دا ما يمشي للاسرة دي ويطمنهم ويوريهم ان الحكومة في اعلى مستوياتها واقفة مع الشعب واسر الشهداء ناس كشة ديل هم الجابوا حمدوك وحكومته ولو استمر هذا الهبوط بكرة بغيروها انها ليس اقوى ولا ارسخ من حكومة البشير والكيزان اصحى يا ارنب الترس صاحي

منو البمشى اذا كان والى الخرطوم المفروض كمسئول مباشر مامشى وامتفى بكليمات على السوشيال ميديا ويقول انو وجه بالتحقيق ومعاقبه المعتدين ولمن خرقو الحظر الصحى !!! منو المسئول يا السيد الوالى عن التراخى فى حسم خرق الحجر الصحى او تعديى الزواحف ؟

Quote: حقيقة الشتيمة للكيزان ماحل وصراحة والد الشهيد معاه حق ما ممكن تربع يدينك وتعاين للزبالة ديل بمارسوا في عفنهم ووساختهم دي.

فعلا ماحل وضرورى.. زى ما ثوار برى طالبو رفاقهم الثوار برفع درجه الاستعداد بعد احداث اليوم سواء الاعتداء غلى منزل اسره الشهيد او فرفره الكيزان جهه القياده

Quote: مش حمدوك بل كل الحكومة يجب ان تزور منزل الشهيد وتعلن تضامنها معهم . فهم رمزية الثورة سبق واعلنوا تضامنهم مع وزيرة الرياضة اسرة الشهيد رمز الثورة احق منها

نعم مفروض كل الحكومة يا ابوسن
فهي زيارة كفارة ليهم وتضامن ضد هجوم الزواحف وفيها رمزية كبيرة
لكنهم لا يعلمون ومفروض تكون زيارات حمدوك الارنب وحكومته في مثل احداث زي دي مفروض تكون فرض عين
اهم من زيارات الصادق المهدي وتخريج الجنجويد ولكنها حكومة هبوط ناعم
لو استمرت كدة حا تسقط والشمش حية
..................
الف سلامة يا نيل والاسرة الكريمة

لا أدري إن كانت مقصودة وهذا ذكاء خبيث جدا ام صادفت كدا
تصريح والي الخرطوم عن خرق الحظر الصحي و اللوم الموجه نحو شرطة الخرطوم يعطي مؤشرات ان مظاهرات 30 يونيو ستجابه بقمع متشدد من الجهات المسؤولة
إن كان الأمر مقصود, يبقى المتضرر من المظاهرات المخطط لها يوم 30 يونيو له يد كبيرة في ما جرى اليوم لأسرة الشهيد بإذن الله

الدافع ارهاب أهالي الشهداء..
وتخويف الشهود ..
لا بد من العمل بنظام الحماية المطلوبة .