وثائق كتيرة ذكرت انه توفى عام ٦٨ وهناك فيلم فى اليوتيوب بعنوان تشييع الميرغني ١٩٦٨ لكن يظهر فى هذا الفيلم الرئيس نميرى وعمر الحاج موسى ممكن افادة ؟
Post: #2 Title: Re: متى توفى السيد على الميرغنى Author: Asim Ali Date: 06-05-2020, 03:19 PM Parent: #1
سلام عليكم يبدو انهم كانو ضمن الضباط الكبار المجيطين بالنعش- حسب وضع المتوفى الاجتماعى والسياسى فى الفتره ديك- زى ماظاهر فى الفيديو وحاجز من تدافع اتباع الطريقه . نميرى ماكان بعيد من المشهد عموما فى الوقت داك بحكم الرتبه وبرضو عندو صوره ايام اكتوبر ايام تكوين حكومه اكتوبر واعتقد كان مسئول منطقه الخرطوم العسكريه فى الايام ديك واتطرق للقصه دى فى كتاب النهج الاسلامى لماذا
Post: #3 Title: Re: متى توفى السيد على الميرغنى Author: Amira Hussien Date: 06-05-2020, 03:34 PM Parent: #2
والله ما عارفة لكن نميرى ٦٨ ما اظن كان فى الخرطوم وحتى لوكان ما اظن يجى يحضر التشييع بى زى مدنى لابس فل سوت بعدين اساسا .....
Post: #6 Title: Re: متى توفى السيد على الميرغنى Author: نادر الفضلى Date: 06-05-2020, 03:49 PM Parent: #3
سلام أميرة
إنها معلومة مؤكدة أن السيد على الميرغنى توفى عام 1968. ويعتبر هو ومبارك زروق من السودانيين القلائل الذين كانةا فى ساحة العمل العام السياسى ماتا فى عهد ديمقراطى، فكان تشييعهما كبيراً شارك ت فيه جموع غفيرة وحضره شاغلى المناصب العليا بالدولة وكبار رجالات الخدمة المدنية والغسكرية .. وجعفر نمير أصلا أمدرمانى وحتى إبعاده لجبيت لا ينفى إحتمالات حضوره للخرطوم سواء لأسباب شخصية ورسمية.
الغريبة الفريق إبراهيم عبود وجعفر نميرى صادف موتهما من كان يحكم السودان عساكر .. عبود مات فى عهد النميرى، ونميرى مات فى عهد البشير وأقيم لهما تشيع رسمى عسكرى. نميرى لطول فترة حكمه فالأجيال التى عاصرته خرجت فى تشييعه فأيضا وجد تشييعا شعبياً.
بينما ستجد شخصيات مثل السيد عبد الرحمن المهدى، والسيد الصديق المهدى والسيد الهادى المهدى (قتل فى الكرمك) .. والسادة إسماعيل الأزهرى ويحيى الفضلى وحسن عوض الله والسيد أحمد الميرغنى، ماتوا فى عهود أنطمة عسكرية .. الأنظمة عرقلت التشييع الشعبى (لبعضهم) ولكن رغم ذلك كانت الجماهير وفية وتجلى ذلك فى تشييع الزعيم الأزهرى الذى لم تشهد أمدرمان مثيلا له. رغم كل السيطرة وقفل مداخل العاصمة والتعتيم والترهيب.
Post: #15 Title: Re: متى توفى السيد على الميرغنى Author: Amira Hussien Date: 06-05-2020, 04:28 PM Parent: #6
ايوا انا لقيت ٦٨ فى اى مكان بحثت فى لكن انا متذكرة احداث كانت عام ٦٩ وكانت قبل وفاة الميرغنى ....قد تخون الذاكرة احيانا
Post: #4 Title: Re: متى توفى السيد على الميرغنى Author: Amira Hussien Date: 06-05-2020, 03:38 PM Parent: #1
ما عندو شى مع الختمية
Post: #5 Title: Re: متى توفى السيد على الميرغنى Author: معاوية مصطفي Date: 06-05-2020, 03:45 PM Parent: #1
بتذكر في بدايه السبعينيات جدي ساقنا قال نمشي نعزي في وفاه علي الميرغني ،، اظن مشينا بحري وكان في زحام شديد يمكن ٧٤ او ٧٥
Post: #7 Title: Re: متى توفى السيد على الميرغنى Author: امتثال عبدالله Date: 06-05-2020, 03:57 PM Parent: #5
وين الفيديو... ازيك يا اميرة ...
Post: #8 Title: Re: متى توفى السيد على الميرغنى Author: Asim Ali Date: 06-05-2020, 04:06 PM Parent: #5
Post: #10 Title: Re: متى توفى السيد على الميرغنى Author: اخلاص عبدالرحمن المشرف Date: 06-05-2020, 04:15 PM Parent: #8
ده ما نميري . التعديل لسحب ما قد فهم منه عكس المقصود
ارجو تفهم الامر
Post: #21 Title: Re: متى توفى السيد على الميرغنى Author: ود محجوب Date: 06-05-2020, 05:23 PM Parent: #10
Quote: ده ما نميري .
هو السيد علي اتوفي. 😂😂😂😂😂
السيد على رضى الله عنه لم يمت
الذى مات هو من ماتت مشاعر الانسانية فى ضميره وفقد الاحساس بالاخر
Post: #11 Title: Re: متى توفى السيد على الميرغنى Author: Asim Ali Date: 06-05-2020, 04:15 PM Parent: #8
قصدك اللابس بدله جواراحمد الميرغنى ؟؟؟ دا ما نميرى يمكن ما اقدر احدد شخصيتو بسبب الصوره غير الواضحه لكن اعتقد نلقى زول يفتينا بالذات لو كن من اهلنا الختميه
Post: #9 Title: Re: متى توفى السيد على الميرغنى Author: Amira Hussien Date: 06-05-2020, 04:14 PM Parent: #1
يا معاوية صاح فبراير ٧٠ انا برضو مشيت مع امى وجدتى وخالاتى واخواتى وقفنا جنب بيت الازهرى انتظارا لمرور الجثمان قادما من جنينة السيد على بالخرطوم عبر كبر النيل الابيض متجها الى بحرى حيث ورى بمسجده ......بس اى توثيق حتى الختمية كاتبين ٦٨ .....اهلا امتثال ،عاصم جاب الفديو مشكور
Post: #12 Title: Re: متى توفى السيد على الميرغنى Author: Amira Hussien Date: 06-05-2020, 04:17 PM Parent: #1
ده منو طيب يا اخلاص الجاى بى سرينا ونزل من عربية وفسحو لى الطريق وماشى جنب الابن الاكبر للمرحوم ،
Post: #13 Title: Re: متى توفى السيد على الميرغنى Author: اخلاص عبدالرحمن المشرف Date: 06-05-2020, 04:20 PM Parent: #12
قد يكون الشريف حسين الهندي بس ما واضح
Post: #14 Title: Re: متى توفى السيد على الميرغنى Author: Amira Hussien Date: 06-05-2020, 04:22 PM Parent: #1
مش غريبة الرئيس ازهرى ما موجود ولا الصادق المهدى مش كان رئيس الوزراء وازهرى رئيس مجلس السيادة
Post: #16 Title: Re: متى توفى السيد على الميرغنى Author: اخلاص عبدالرحمن المشرف Date: 06-05-2020, 04:33 PM Parent: #14
السيد الحسيب النسيب مولانا علي الميرغني زعيم الختمية توفي قبل انقلاب مايو وقد كان زعيم الختمية حين انقلاب مايو أبنه السيد محمد عثمان الميرغني واذكر انه بعد الانقلاب مباشرة ذهب السيد محمد عثمان لمصر وكان في وداعة في المطار السيد بابكر عوض الله. يوم وفاته كان يوماً مشهوداً في بحري وقد دفن في ضرايح المراغنة ببحري
Post: #17 Title: Re: متى توفى السيد على الميرغنى Author: Amira Hussien Date: 06-05-2020, 04:41 PM Parent: #16
ما فى بحرى بس فى السودان عموم يا إخلاص
Post: #18 Title: Re: متى توفى السيد على الميرغنى Author: اخلاص عبدالرحمن المشرف Date: 06-05-2020, 04:55 PM Parent: #17
بعد انقلاب مايو الصورة ما كانت واضحة للختمية وكان هناك قلق كبير علي سلامة السيد محمد عثمان فهو ليس متمرس بالسياسة كوالدة له الرحمة وكانت مساعيهم منصبة علي تأمين سلامته والسماح له بمغادرة البلاد ( وضع جميع السياسيين في الاقامة الجبرية ) .
Post: #19 Title: Re: متى توفى السيد على الميرغنى Author: muntasir Date: 06-05-2020, 05:03 PM Parent: #18
وينو الزبير الختمي بس فالح الشكل وما عارف سيدي مات متين😂
Post: #64 Title: Re: متى توفى السيد على الميرغنى Author: الزبير بشير Date: 06-07-2020, 06:46 AM Parent: #19
الاخ منتصر
لك التحيه
معليش مع الحظر ما قاعد ادخل النت
السيد علي االميرغني قدس سره انتقل الي جوار ربه في يوم الاربعاء 21 فبراير 1968 م
Post: #20 Title: Re: متى توفى السيد على الميرغنى Author: Amira Hussien Date: 06-05-2020, 05:12 PM Parent: #1
بالجد دايرين افادتو مهمة جدا
Post: #22 Title: Re: متى توفى السيد على الميرغنى Author: ود محجوب Date: 06-05-2020, 05:30 PM Parent: #20
توفى رضى الله عنه يوم الاربعاء 21/2/ 1968
Post: #23 Title: Re: متى توفى السيد على الميرغنى Author: اخلاص عبدالرحمن المشرف Date: 06-05-2020, 05:48 PM Parent: #22
الاخ ود محجوب اعتذر لك ليس الامر كما قد فهمته ولكن هي اشارة لاعتقاد الكثيرين ببركة ممتدة
يمكن الوجوه الضاحكة أدت عكس المعني ارجو تقبل العذر فما لهذا الذي تبادر لك قصدت
Post: #24 Title: Re: متى توفى السيد على الميرغنى Author: عمر التاج Date: 06-05-2020, 05:56 PM Parent: #23
أنا ختمي على السكين ولكن حدود معرفتي من محمد عثمان وسيدي الحسن ابجلابية، وانت ماشة جاي على جعفوري وراجل تسابيح..
Post: #33 Title: Re: متى توفى السيد على الميرغنى Author: ود محجوب Date: 06-05-2020, 08:07 PM Parent: #23
Quote: الاخ ود محجوب اعتذر لك ليس الامر كما قد فهمته ولكن هي اشارة لاعتقاد الكثيرين ببركة ممتدة
يمكن الوجوه الضاحكة أدت عكس المعني ارجو تقبل العذر فما لهذا الذي تبادر لك قصدت
,اعتذر عن سؤ الفهم ولك العتبى
Post: #25 Title: Re: متى توفى السيد على الميرغنى Author: Amira Hussien Date: 06-05-2020, 06:05 PM Parent: #1
عمر التاج نحن أعمق من زمن سيدى على ، خليك معانا برضو معرفة التاريخ مفيدة
Post: #26 Title: Re: متى توفى السيد على الميرغنى Author: نعمات عماد Date: 06-05-2020, 06:39 PM Parent: #25
سلام يا اميرة
صاحب البدلة قد يكون الإتحادي و الوزير في حكومة المحجوب (الثقافة و الإعلام)
عبد الماجد ابو حسبو، عليه و عليهم جميعاً رحمة الله.
Post: #28 Title: Re: متى توفى السيد على الميرغنى Author: Amira Hussien Date: 06-05-2020, 07:04 PM Parent: #26
ما بشبه ابو حسبو
Post: #27 Title: Re: متى توفى السيد على الميرغنى Author: اخلاص عبدالرحمن المشرف Date: 06-05-2020, 06:40 PM Parent: #25
نحن بدريين السيد علي مدينا السماح نقول الدايرىنو ونسوي الدايرىنو وما بنسوى الا الصاح
Post: #29 Title: Re: متى توفى السيد على الميرغنى Author: اخلاص عبدالرحمن المشرف Date: 06-05-2020, 07:12 PM Parent: #27
قد يكون من المراغنة ابناء عمهم ممكن عزالدين الفحل او الزبير الختمي يفيدونا
Post: #30 Title: Re: متى توفى السيد على الميرغنى Author: عبدالله عثمان Date: 06-05-2020, 07:16 PM Parent: #27
سلام كبير ونفعنا الله بجاه الولي ابن الولي سيدي علي
بحسب خطاب المرحوم عمر الحاج موسى هذا فمن الواضح أن السيد علي انتقل للرحاب العلية في او قبيل فبراير ١٩٦٨
رئاسة القوات المسلحة تلفون 72771 الخرطوم في 23/2/68 أخي حسن من الذي قال: نظرت في المودة والإخاء فلم أجد أثبت مودة من ذي أصل؟ قريب قوله من قول زهير فمن يك من خير أتوه فإنما توارثه آباء آبائهم قبل وهل ينبت الخطيّ الا وشيجه وتغرس الا في منابتها النخل يا صديقي لك شكري لخطابك وعلى تمنياتك – يزعجني أنني كنت في أول الدرب بالإدارة وقد بدأت أعرف مشاكل الناس.. أنا مشغول هذه الأيام ومنذ عام تقريبا في عمل قاموس للكلمات العامية – لديّ الآن حوالي الألفين – بدأته بشندي كلما ذكرت شندي ذكرت شندي ذكرت قول أحد السعداب عندما هزمهم الملك جاويش شندي قفّلت بيبانا .. يا حليل جلستنا وديوانا اللطيف في عمل هذا القاموس هو كثرة البحث فإنني أكتب الكلمة ثم معناها ثم مثالا من الأدب الشعبي. تشييع السيد علي الميرغني كان حدثا فريدا – لن يتكرّر. لا أظنك تتخيّل مهما أوتيت من روعة الخيال – الحشد والبكاء (الفلكلور) – كانت تسير بجانبي شايقية عجوز محزّمة وتقول – الليلة يا الأسد .. الليلة يا (أكثر من عشرين نعت وصفة) يا حليلك لي ختميتك .. يا حليلك لي شايقيتك .. ثم الليلة يا ... ما كررت نعتا أو صفة مما سبق أن قالته – لقد كان يوما غريبا .. رحم الله مولانا ليتني أستطيع أن أدخل مكتبته ولو لساعة .. قيل أنه كتب كثيرا – يا لشقائنا إذا ذهبنا عن هذه الدار قبل أن نقرأ بعض ما كتب. انتظر الآن وصول (كلمة غير واضحة لعلها المرتضى) لأرحل للضفة الغربية – في ذهني الكثير مما أود أن أفعل لحاتم وأمه تحيات بدرالدين وأمه فقد توّزع الباقون .. سيف لا يزال بحنتوب ولحقه بابكر فإذا ذهب بدرالدين في العام القادم فسنبقى أنا والحاجة وحدنا ونبدأ الحياة من جديد ... يا لسخرية الحياة! أخوك عمر (نقلا عن مجلة الشباب والرياضة) (لا تاريخ في القصاصة)
Post: #31 Title: Re: متى توفى السيد على الميرغنى Author: Amira Hussien Date: 06-05-2020, 07:33 PM Parent: #30
يا سلام .......جمعت كتير للراحل عمر الحاج موسى وقرأت اكثر ، لكن اول مرة اشاهد هذا المكتوب الرائع ،كانت كلماته وخطبه السياسية تنافس اشهر الاغنيات فى اللهفة والشوق للاستماع ، كان كل حرف ثقافة وعلم وجمال ، فى الفيلم أعلى البوست يظهر الراحل عمر وحين توفى كان السيد محمد عثمان والختمية او المشيعين له الرحمة والمغفرة
Post: #32 Title: Re: متى توفى السيد على الميرغنى Author: عبدالله عثمان Date: 06-05-2020, 08:07 PM Parent: #31
شارك الأستاذ محمود محمد طه في تشييع السيد عمر الحاج موسى
عمر نشأ بالكوة ولكن تربطه آصرة قربى ونسب بركابية ديم لطفي
Post: #34 Title: Re: متى توفى السيد على الميرغنى Author: Hafiz Bashir Date: 06-05-2020, 08:24 PM Parent: #32
Quote: توفى رضى الله عنه يوم الاربعاء 21/2/ 1968
كلام ود محجوب بيكون صاح
Post: #35 Title: Re: متى توفى السيد على الميرغنى Author: محمد أبوالعزائم أبوالريش Date: 06-05-2020, 08:39 PM Parent: #34
سلام يا أهلنا،
لا أملك دليل مادي، لكن أذكر تماماً أن وفاته كانت في بداية العهد المايوي (71 - 72 - 73) ... كان التلفزيون ينقل التشييع مباشرة وكانت أمة لا إله إلا الله كلها في الشوارع. تعليق الناس كان إنو نميري وجماعته سمحوا بالموكب وأتاحوا ليهو بإغلاق الشوارع حتى لا يستفزوا طائفة الختمية ويستعدوهم.
Post: #36 Title: Re: متى توفى السيد على الميرغنى Author: MOHAMMED ELSHEIKH Date: 06-05-2020, 08:51 PM Parent: #35
Quote: وفى رضى الله عنه يوم الاربعاء 21/2/ 1968
لا اجتهاد مع هذا النص
لو في زول قريب من مسجده رضي الله ىيجد تاريخ وفاته امسجل في مرقده
واي زول يتخيل غير ذلك فليتخيل ايضا ان انقلاب نميري كان في 22 مارس 1974
Post: #37 Title: Re: متى توفى السيد على الميرغنى Author: Asim Ali Date: 06-05-2020, 09:15 PM Parent: #36
سؤال الاخت اميره وخاله الاختلاف دى بتنبه لشى مهم وهو انو حدث زى دا مرتبط بشخصيه ليها وزنها فى المجنمع ومافى مصادر توثيق لعى الاقل على النت ودا مهم كتير من التساؤلات او المعلومات عن السودان مابلقاها فى النت واغلب مايوجد كلام فيس ومنتديات من غير توثسق لمصادر المعلومه حتى احيانا لايمكن تعول على صوره نسحه من صحيفه (المتنشيت) لانو ممكن يكون مفتشب.اضافه لفقر شديد فى النسخ الالكترونيه للكتب القديمه (طبعا دى مفروض تكون مجهود منظم حتى لاتضيع حقوق الناشر او المؤلف/الورثه) موضوع اعتقد يحتاج لبوست يناقش فقر المكتبه السودانيه للمحتوى الالكترونى للكتب والمنشورات القديمه
Post: #38 Title: Re: متى توفى السيد على الميرغنى Author: Amira Hussien Date: 06-05-2020, 09:24 PM Parent: #1
محمد ابو العزائم انا رايك زيك وده السبب الخلانى افتح الموضوع لانو اى مكان لقيتو مكتوب تاريخ الوفاة ٦٨ لكن انا متذكره ان كانت فى بداية السبعينات
Post: #39 Title: Re: متى توفى السيد على الميرغنى Author: Amira Hussien Date: 06-05-2020, 09:29 PM Parent: #1
يا Asim Ali تبقى مصيبة ، وهسه أغلب الناس البتغالط يا اما معتمدة على المكتوب فى المنابر والاخرين معتمدين على الذاكرة ،اها انا حتة الذاكرة دى عندى مهمة داير اثبت لى نفسى قبل الآخرين انو ذاكرتي حديد
Post: #40 Title: Re: متى توفى السيد على الميرغنى Author: كمال عباس Date: 06-05-2020, 11:01 PM Parent: #39
السيد علي الميرغني توفي عام 1968 دي معلومة مؤكدة توفي في الديموقراطية الثانية وقبل وفاة الرئيس الأزهري الذي توفي عام 1969 بعد إنقلاب ببضعة شهور وصلي عليه إي (علي الأزهري )السيد محمد عثمان وخطب في تشيعه بصفته مرشد الختمية ...
Post: #41 Title: Re: متى توفى السيد على الميرغنى Author: Asim Ali Date: 06-05-2020, 11:06 PM Parent: #40
يعنى نستنتج من كلام كمال عباس انو الجنازه الخاشده فى بدايه السبيعنات بتاعت الازهرى غالبا
Post: #42 Title: Re: متى توفى السيد على الميرغنى Author: كمال عباس Date: 06-05-2020, 11:48 PM Parent: #39
الأزهري توفي في أغسطس 1969 ياعاصم -- عموما أرشيف الصحف السودانية - والإذاعة والتلفزيون يوثق للأحداث الكبيرة - خصوضا الوفيات بدقة 23 فبراير 1968 - تشييع جنازة زعيم طائفة الختمية في السودان السيد على الميرغني بحضور 100 الف من المشيعين تدفقوا على الخرطوم من مناطق البلاد المختلفة على متن القطارات. تم إغلاق جميع المصالح الحكومية والمتاجر في العاصمة واتشحت المباني باللون الأسود حدادا.
Sudanhistory
2/ جاء نعش الميرغني محمولا على أكتاف ضباط من الجيش السوداني في جنازة لم تشهد الخرطوم مثلها في تاريخها واضطر المسؤولون لاتخاذ إجراءات للحيلولة دون وجود نقص في الطعام نتيحة للاعداد الضخمة من المشيعين.
حضر الجنازة الرئيس اسماعيل الأزهري وخليفة الميرغني السيد محمد عثمان. https://twitter.com/sudanhistory280/status/1081033173960667136؟lang=enhttps://twitter.com/sudanhistory280/status/1081033173960667136؟lang=en
Post: #43 Title: Re: متى توفى السيد على الميرغنى Author: Ahmed Yassin Date: 06-06-2020, 01:04 AM Parent: #42
في اواخر عام ١٩٦٧ كان يركب سيارته وفجأة توقفت دون سابق انذار فضحك وعرف انه قبره سيكون هنا في ذات المكان وكان ميدان في بحري حلة خوجلي فاشترى الميدان من حر ماله وبدأ فورا في بناء مسجده وقام بوضع الخرطة ولم تمر اشهر حتى دفن فيه وتم تشييعه يوم الجمعة ٢٣ /٢ / ١٩٦٨ مكتوب على ضريحه ..( قبر الحبيب النسيب السيد/ على الميرغني كان لا ياكل الا حلالا ولا يشرب الا حلالا ولا ينام الا فوق ( عنقريب) صغير جدا
Post: #44 Title: Re: متى توفى السيد على الميرغنى Author: adil amin Date: 06-06-2020, 03:04 AM Parent: #43
https://top4top.io/
جماعة جوروج ارويل ورواية تسمي 1984 خطيرة تحكي كيف يصيب نظام الدولة البوليسية الشعب بالزهامير السياسي ويزيف التاريخ ويغيب الشخصيات المهمة من وجدان الشعب باعلام فج ورخيص ومنع للاجتفاء بالشخص ويغيب عن الاجيال المعاصرة او تشوه سيرته واستخدمها ال################ عبدالناصر ضد محمد نحيب واستالين ايضا في تزوير حتي الوثائق في التاريخ وايضا اسقطت مصر حكم الاسرة25 الفراعنة السودان
واستخدمها نظان نميري الحقير والبشير الاكثر حقارة في تغيب رموز السودان الحقيقيين والوجدان الديني السوداني السليم باعلام البوق الغبي المستمر لحدي الليلة 2020 ناس ما عارفين السيد عبدالرحمن والسيد علي اتوفي بتين بدل يكون جيل2000 ده عارف الناس ديل منو ومت هم ناس جيل الاستقلال الذهبي وايضا لم يقرا الشباب كتب برومثويس خاطف النار الدكتور منصور خالد لتربطهم بالحقائق الموثقة واتبعو كل دع الي امر نكر ولازلنا في متاه شعب اسود مع المختنقة والموقوذة والنطيحة والمتردية وما اكل السبع والنجوم المزيفة ناس بابكر عوض الله وبعاعيت مايو 1969 وشيخ جهاد الفطايس الترابي 1989 ادوات الخارج الرخيصة لحدي الليلة https://top4top.io/
والعيب في اعلام الختمية لو كانو بحتلفو بيه سنويا وبصورة قوية وفي الاعلام ما كانت الاجيال الجديدة نست حتي متي توفي واين ولد وماذا فعل العايز يعرف اخر نسخة من الاتحادي الديمقراطي الاصل2020 الصورة دي تكفي https://top4top.io/ عاش ابو هاشم وووويييييي
Post: #45 Title: Re: متى توفى السيد على الميرغنى Author: Abureesh Date: 06-06-2020, 03:38 AM Parent: #44
السيــد على رحمه الله توفى عام 1968..
Post: #48 Title: Re: متى توفى السيد على الميرغنى Author: Amira Hussien Date: 06-06-2020, 05:59 AM Parent: #45
شكرا كل المعلومات المسجلة بتقول كده لكن انا ما مقتنعة بصحة ٦٨ دى ،لانى كنت حاضره التشييع
Post: #47 Title: Re: متى توفى السيد على الميرغنى Author: Amira Hussien Date: 06-06-2020, 05:58 AM Parent: #43
كما الكورونا كنت وصلت المسجد وشفت التاريخ المكتوب على الضريح
Post: #78 Title: Re: متى توفى السيد على الميرغنى Author: صديق مهدى على Date: 06-07-2020, 03:25 PM Parent: #47
اميرة السيد على الميرغنى قبل انقلاب مليون وغالبا عام 1968رحمه الله أما بخصوص الفيديو ممكن يكون تشيع الشهيد اسماعيل الازهرى أول رئيس وزراء ورئيس للسودان رحمه الله ربنا يرحمهم جميعا امين
Post: #46 Title: Re: متى توفى السيد على الميرغنى Author: Amira Hussien Date: 06-06-2020, 05:50 AM Parent: #1
Quote: عاش ابو هاشم وووويييييي
لكن ما قلت لينا متى توفى السيد على ً......انا من امس منتظرة افادتك
Post: #49 Title: Re: متى توفى السيد على الميرغنى Author: adil amin Date: 06-06-2020, 08:51 AM Parent: #46
Quote: لكن ما قلت لينا متى توفى السيد على ً......انا من امس منتظرة افادتك
ما مهم ... الختمية قاعدين في السودان المهم تعرفي السيد علي ده منو
Post: #50 Title: Re: متى توفى السيد على الميرغنى Author: Amira Hussien Date: 06-06-2020, 09:03 AM Parent: #1
انا مهم عندى التاريخ .......لانو لما بتكتب تاريخ وفاة خطأ لى شخصية مهمة فى كل الكتابات والاصدارات تبقى مشكلة ولسه مصرة لو تكرمت تورينى التاريخ الصاح بعدين معرفتى بالسيد على ده موضوع تانى
Post: #51 Title: Re: متى توفى السيد على الميرغنى Author: MOHAMMED ELSHEIKH Date: 06-06-2020, 01:39 PM Parent: #50
يا اميرة اربطي الذاكرة بأكثر من حدث انا اعرف اني دخلت المدرسة الوسطى في 4-7-1969 وبعد أيام قلية توفي الفنان الكاشف
وقبل فتح المدرسة بحوالي أسبوعين توفيت جدة امي اسمها نفيسة ابن ادريس
لذا هذا العام مربوط جدا في ذاكرتي ومعه طبعا انقلاب نميري
Post: #52 Title: Re: متى توفى السيد على الميرغنى Author: نادر الفضلى Date: 06-06-2020, 02:15 PM Parent: #51
Quote: وهسه أغلب الناس البتغالط يا اما معتمدة على المكتوب فى المنابر والاخرين معتمدين على الذاكرة ،اها انا حتة الذاكرة دى عندى مهمة داير اثبت لى نفسى قبل الآخرين انو ذاكرتي حديد
يا أميرة بطريقتك دى لو جابو ليك السيد محمد عثمان الميرغنى أكد تاريخ 1968 ما حتصديقوه وبتقولى كبر وذاكرتو ضعفت. لامن تقولى لى الزبير الختمى إفادته مهمة!! حتقولى على الزبير ما حاضر ومعتمد على المكتوب. ود المحجوب دا ختمى من العيار التقيل قال ليك 1968 تانى شنو؟ إلا بعد دا يجيك السيد على الميرغنى فى المنام ويقوليك يا بتى صدقتى أنا توفيت فى 1968، ولكن مت مرارا فى السبعينيات وبعدها، وأنا أشهد أبناء السودان يهدمون سوداناً جميلا تركناه وكنا نأمل فى تكملتهم للمشوار فى تنميته وعلو شأنه!
السيد على توفى فى الديمقراطية الثانية عام 1968 ويوم تشييعه (عصراً) طاف موكب تشيبعة المدن الثلاث الخرطوم ثم أمدرمان ثم بحرى إلى مرقده بمسجد السيد على الميرغنى .. يوم تشييعه إستظل المشييعين بغمام سحاب حجب الشمس، يومها قال الناس أنها من علامات الصلاح للسيد على الميرغنى وأن السماء حزنت عليه. هذا تاريخ معروف وموثق وشهود العيان حاضرين بالكوم .. وكل معلومات تحفيز ذاكرتك قد طرحت ففيما الإنحياز إليها؟! ولو معتمدة على الفيديو دا فهو لم يعكس شيئا يذكر التشييع حضره الأزهرى وكبار رجالات الدولة والسياسة آنذاك أنت على ما أظن مقيمة بالسودان .. قومى ببحث فى اضابير دار الوثائق وتعالى بالصور وتقارير الصحف ..
Post: #53 Title: Re: متى توفى السيد على الميرغنى Author: Hafiz Bashir Date: 06-06-2020, 02:38 PM Parent: #52
Quote: أنا ختمي على السكين ولكن حدود معرفتي من محمد عثمان وسيدي الحسن ابجلابية، وانت ماشة جاي على جعفوري وراجل تسابيح..
إنت وقت معرفتك ممتدة لغاية دابي رندة سيدي الحسن اب ريش، السيد علي القريب دا مالك ما قادر تتذكر يوم وفاته؟
جنس ختميتك دي يا عمر التاج ما بتأهلك تقرأ لوح واحد من البراق
.
Post: #54 Title: Re: متى توفى السيد على الميرغنى Author: Ahmed Yassin Date: 06-06-2020, 03:05 PM Parent: #53
غايتو اميرة دي
Quote: صاح فبراير ٧٠ انا برضو مشيت مع امى وجدتى وخالاتى واخواتى وقفنا جنب بيت الازهرى انتظارا لمرور الجثمان قادما من جنينة السيد على بالخرطوم عبر كبر النيل الابيض ذاكرتي حديد
غالاطة خلاص.. وكمان فبراير ؟؟!! انا ساكن بحري والمسجد دا انا حافظه حفظ الا بس انتي الزهايمر اليومين ديل شغال معاك كويس فبراير ٧٠ قال
Post: #60 Title: Re: متى توفى السيد على الميرغنى Author: Amira Hussien Date: 06-06-2020, 05:26 PM Parent: #52
يلحقونى وينجدونى ........ ليه الانفعال الشديد ده ؟! انا ما بغالط انا دايره اقناع عندى حاجة مهمة بعمل فيها ويهمنى التاريخ الصحيح اذا ٦٨ او ٧٠ او اى عام
Post: #59 Title: Re: متى توفى السيد على الميرغنى Author: Amira Hussien Date: 06-06-2020, 05:21 PM Parent: #51
دى المشكلة انى ربطت ببعض الاحداث ومنها وفاة جدى والد امى فى ٣سبتمبر ٦٩ وشيعو السيد محمد عثمان وشياب الختمية
Post: #55 Title: Re: متى توفى السيد على الميرغنى Author: Amira Hussien Date: 06-06-2020, 03:12 PM Parent: #1
اها انا دايره اثبت انو الزهايمر ما جانى ......خلاص طالما الجامع قريب منك البس الكمامة وامشى شوف التاريخ المكتوب موضوعى ده جهجه الدنيا ياناس معقول ؟!
Post: #56 Title: Re: متى توفى السيد على الميرغنى Author: اخلاص عبدالرحمن المشرف Date: 06-06-2020, 03:20 PM Parent: #55
اميرة انتي ملخبطة عشان الصورة لو في زول بعرف المراغنة ( دكتور الميرغني او السادة المراغنة في كسلا ) ممكن نصل
Post: #61 Title: Re: متى توفى السيد على الميرغنى Author: Amira Hussien Date: 06-06-2020, 05:28 PM Parent: #56
ممكن
Post: #57 Title: Re: متى توفى السيد على الميرغنى Author: كمال عباس Date: 06-06-2020, 03:41 PM Parent: #55
Post: #58 Title: Re: متى توفى السيد على الميرغنى Author: Biraima M Adam Date: 06-06-2020, 04:49 PM Parent: #57
Quote: وانت ماشة جاي على جعفوري
سمعت قالوا قريب دا لما كان صغير .. وكان يقود سيارة .. لما تناديه جعفوري .. يرد عليك بالبوري .. تيت تيت تيت .. ذي عربية االسيرة.
والعهده في بعض جوانب الرواية علي حبيبنا الحبشي معاوية عبيد الصائم ..
بريمة
Post: #69 Title: Re: متى توفى السيد على الميرغنى Author: الزبير بشير Date: 06-07-2020, 07:16 AM Parent: #58
يا العربي بريمه
فكيت شوط دينق
عاوز تمسك شوط سيدك جعفر الميرغني
يا عربي انت زول خلاء و عارف البمشي لي مكان الاسود بكون جاهز حربه و كوكاب ، ما تبقي جاهل و تابع اولاد البندر
الزبير الختمي
Post: #62 Title: Re: متى توفى السيد على الميرغنى Author: Amira Hussien Date: 06-06-2020, 05:30 PM Parent: #57
كلام منطقى
Post: #63 Title: Re: متى توفى السيد على الميرغنى Author: Ahmed Yassin Date: 06-06-2020, 09:07 PM Parent: #62
Quote: طالما الجامع قريب البس الكمامة وامشي اقرأ التاريخ المكتوب
بسبب وجودي خارج السودان.لكن جبت ليك المعلومة من السادة المراغنة امعانا في التاكيد.
Quote: أختاره الله تعالى لقربه وجواره في يوم الأربعاء الثالث والعشرون من ذوالقعدة عام 1387 هجرية ألف وثلاثمائة وسبعة وثمانين الموافق للحادي والعشرين من فبراير عام 1968 م
Post: #65 Title: Re: متى توفى السيد على الميرغنى Author: الزبير بشير Date: 06-07-2020, 06:47 AM Parent: #1
السيد علي االميرغني قدس سره انتقل الي جوار ربه في يوم الاربعاء 21 فبراير 1968 م
Post: #66 Title: Re: متى توفى السيد على الميرغنى Author: الزبير بشير Date: 06-07-2020, 06:47 AM Parent: #1
السيد علي االميرغني قدس سره انتقل الي جوار ربه في يوم الاربعاء 21 فبراير 1968 م
Post: #67 Title: Re: متى توفى السيد على الميرغنى Author: اخلاص عبدالرحمن المشرف Date: 06-07-2020, 06:52 AM Parent: #66
اهلاً يا الختمي في الفيديو ال فوق يظهر شخص لابس فول سوت ملامحه ما ظاهرة هل عندك فكرة هو منو ، اكيد ما نميري فالشكل مختلف خاصة الشعر وملامح الوجه
Post: #68 Title: Re: متى توفى السيد على الميرغنى Author: الزبير بشير Date: 06-07-2020, 07:11 AM Parent: #67
الاخت اخلاص لك التحيه
صاحب البدله فول سوت هو اسد الرجال الحوب الشريف حسين الهندي قدس سره و رضي الله عنه
Post: #70 Title: Re: متى توفى السيد على الميرغنى Author: الزبير بشير Date: 06-07-2020, 07:17 AM Parent: #68
يا العربي بريمه
فكيت شوط دينق
عاوز تمسك شوط سيدك جعفر الميرغني
يا عربي انت زول خلاء و عارف البمشي لي مكان الاسود بكون جاهز حربه و كوكاب ، ما تبقي جاهل و تابع اولاد البندر
الزبير الختمي
Post: #71 Title: Re: متى توفى السيد على الميرغنى Author: اخلاص عبدالرحمن المشرف Date: 06-07-2020, 07:22 AM Parent: #68
شكراً يا الختمي في تلك الايام كانت اعداد المشيعين والحضور كثيفة لدرجة مذهلة وقد قام الشريف الهندي واحبابه باطعام الالوف طوال ايام العزاء ..
مطر الخريف و لمام الضعيف ود الهندي ال في بري الشريف .
Post: #72 Title: Re: متى توفى السيد على الميرغنى Author: اخلاص عبدالرحمن المشرف Date: 06-07-2020, 07:23 AM Parent: #68
شكراً يا الختمي في تلك الايام كانت اعداد المشيعين والحضور كثيفة لدرجة مذهلة وقد قام الشريف الهندي واحبابه باطعام الالوف طوال ايام العزاء ..
مطر الخريف و لمام الضعيف ود الهندي ال في بري الشريف .
Post: #73 Title: Re: متى توفى السيد على الميرغنى Author: نعمات عماد Date: 06-07-2020, 07:34 AM Parent: #72
Quote: اها انا دايره اثبت انو الزهايمر ما جانى
ولا يهمك.. انتم السابقون و نحن اللاحقون ☺🌷😑
Post: #74 Title: Re: متى توفى السيد على الميرغنى Author: نادر الفضلى Date: 06-07-2020, 08:34 AM Parent: #73
الزبير الختمى
سلام
1968 دى حاضرها شاهد عيان وللا قالوها ليك أو قريتا
Post: #75 Title: Re: متى توفى السيد على الميرغنى Author: امتثال عبدالله Date: 06-07-2020, 12:05 PM Parent: #74
يا ريت الزبير الختمي يختف رجله ويصل قبر المرحوم علي الميرغني ويقرأ على شاهد الخبر تاريخ وفاته ولا شك أن التاريخ مكتوب على الشاهد ، وذلك بعد أن يترحم على المرحوم ،وبعد ذلك يجي المنبر ويؤكد لينا تاريخ الوفاة ... وذلك لحسم الخلاف حول تاريخ وفاته ...
Post: #76 Title: Re: متى توفى السيد على الميرغنى Author: muntasir Date: 06-07-2020, 02:25 PM Parent: #75
الزبير الختمي زي ما قال الراحل حميد في رائعة السرة بت عوض الكريم( خلوك تدخل للختم حرموك يكفيك الضريح ) قوم انت ما عليك نضر 😂
Post: #77 Title: Re: متى توفى السيد على الميرغنى Author: Ahmed Yassin Date: 06-07-2020, 02:53 PM Parent: #76
عاينوا امتثال دي
Quote: ياريت الزبير يختف رجله ويمشي قبر المرحوم علي الميرغني ويقرا لينا تاربخ وفاته
اول شىء ضريح السيد علي ..تعظيما لمقامه.وليس هناك شاهد زي ما انتي متخيلة انما الضريح محاط بسياج اخضر وداخله ( ٣) اضرحة جنب بعض وتوجد لوحة كبيرة معلقة على الجدار بها سطور مضيئة ( مخطوطة)عن حياته الكريمة والتواريخ مع خلفية لصورة السيد علي الميرغني
Post: #80 Title: Re: متى توفى السيد على الميرغنى Author: Amira Hussien Date: 06-07-2020, 04:49 PM Parent: #77
امتثال الاجازة الجاية لازماها زيارة
Post: #81 Title: Re: متى توفى السيد على الميرغنى Author: Amira Hussien Date: 06-07-2020, 04:51 PM Parent: #74
المشكلة فى قالوها ليك دى
Post: #79 Title: Re: متى توفى السيد على الميرغنى Author: Amira Hussien Date: 06-07-2020, 03:52 PM Parent: #73
نعمات ، قالوا فى تمارين للذاكرة والتذكر
Post: #82 Title: Re: متى توفى السيد على الميرغنى Author: امتثال عبدالله Date: 06-07-2020, 04:58 PM Parent: #79
الأميرة الحبيبة أميرة ضروري الاجازة الجاية حنزور الضريح ونتاكد من الكلام القاله احمد ياسين ونتاكد من التاريخ. ولكن السفر لا يمكن تنفيذه إلا بعد انتهاء الكرونا و العلماء الألمان بياكدوا ان الكرونا سوف لن تنتهي من العالم قبل سنتين على الأقل... .ونسأل الله أن يرفع عنا هذا البلاء والوباء بأسرع فرصة، ،والله غفور رحيم والله لطيف خبير...
Post: #83 Title: Re: متى توفى السيد على الميرغنى Author: Amira Hussien Date: 06-07-2020, 05:08 PM Parent: #82
الشكلية لى الله ......تانى سنتين ؟ دى عوجة كبيرة ، ربنا يحفظ الجميع ويمد فى الايام ، انا فى بحرى باذن الله بمشى اشوف الحاصل ، انا بزور الضريح دائما لكن ما قريت اللوحة المضئة ...... تروق الدنيا وتفتح المساجد باذن الله
Post: #84 Title: Re: متى توفى السيد على الميرغنى Author: اخلاص عبدالرحمن المشرف Date: 06-07-2020, 06:33 PM Parent: #83
الحبيبة اميرة العقل البشري يدهشك ، في الفترة دي وتحديداً في 70 كان النميري رئيس وبابكر عوض الله رئيس وزراء ، توفي عبدالناصر واقيمت له جنازة ، اخرج طلاب المدارس والموظفين وتعطل جهاز الدولة باكمله ، غالباً دي هي الجنازة ال انتي حضرتيها . ليس وحماً بالغيب ولكن اقرب الحقائق .
ذاكرتك جيدة ولا تحتاج الا تركيز
تعيش انت ويدوم خيرك ( اهداء لود محجوب )
Post: #85 Title: Re: متى توفى السيد على الميرغنى Author: Ahmed Yassin Date: 06-07-2020, 07:42 PM Parent: #84
Quote: ذاكرتك جيدة ولا تحتاج الا تركيز
بت المشرف اههههههههههه قالت ليك مشت وقفت قدام بيت الازهري والنعش جاء من كبري النيل الابيض باتجاه بحري تقولي ليها جمال عبدالناصر !!؟ انتي الظاهر لحقتيها توفى عبدالناصر واقيمت له جنازة قال.. .يعني الجاء من الكبري دا هو؟
Post: #86 Title: Re: متى توفى السيد على الميرغنى Author: اخلاص عبدالرحمن المشرف Date: 06-07-2020, 07:56 PM Parent: #85
عبدالناصر كان برضو في مراكز والناس كانت تتجه من كذا محل ، اما وفاة السيد علي ف كانت في 1968 ، مركز التحامه كان المقرن ، وبعد التجمع الناس اصيبت بصدمة ، ميت غير موجود .
Post: #87 Title: Re: متى توفى السيد على الميرغنى Author: اخلاص عبدالرحمن المشرف Date: 06-07-2020, 08:16 PM Parent: #86
تلفزيون السودان اذاع خبر وفاة عبدالناصر قرب نهاية الارسال ، المذيع احمد سليمان ضو البيت انفجر بالبكاء ، لم يستطيع اتمام الخبر ، الاستلاب كان يعجبك ، و طبعاً المسيرات الجنائزية من كل العاصمة ، والخروج اجباري ، مدارس حتي الابتدائي . خلي عزيز القارئ بشاشا يجيك .
Post: #88 Title: Re: متى توفى السيد على الميرغنى Author: Amira Hussien Date: 06-07-2020, 08:51 PM Parent: #84
الحمد لله ......اذكر ليلة وفاة عبدالناصر جيدا وصدى بعيد لكلمات الرحل عمر الحاج موسى ينعى الراحل الكبير بطريقتو المختصرة المعبرة ......قد تحدث الربكة واللخبطة فى أحداث بسبب او بدون سبب المهم انا سعيدة بالجميع هنا منعشين للذاكرة وباعثين للتذكر والذكريات .......استمرى يا اخلاص حكى جميل
Post: #89 Title: Re: متى توفى السيد على الميرغنى Author: اخلاص عبدالرحمن المشرف Date: 06-07-2020, 09:00 PM Parent: #88
الحمدلله يا اميرتنا ما في خطأ والذاكرة حديد يبقي التاكد من التاريخ ( كورونا وحبسونا )
لو بتعدي في بحث او كتاب مهم جداً التوثيق .
Post: #90 Title: Re: متى توفى السيد على الميرغنى Author: Ahmed Yassin Date: 06-07-2020, 09:25 PM Parent: #89
Quote: لو بتعدي في بحث او كتاب مهم جداً التوثيق .
ومهم جدا تجيب سيرتي وتقول انا رسلتوا ضريح السيد يتاكد لي من التاريخ لاني قايلاهو سنة ٧٠
Post: #91 Title: Re: متى توفى السيد على الميرغنى Author: Amira Hussien Date: 06-07-2020, 09:32 PM Parent: #90
ضرورى ......وكمان أقول لقيتو فى بلدا طيرو عجمي
Post: #92 Title: Re: متى توفى السيد على الميرغنى Author: Ahmed Yassin Date: 06-07-2020, 09:45 PM Parent: #91
ههههههههههه بصراحة يا اميرة ..اخلاص المشرف بى ذكاء شديد جدا ربطت ذاكرتك التعبانة بوفاة عبدالناصر وانتي طبعا ما صدقتي...دي في لعبة الوست بسموها ( مراقة) لكن اخلاص طلعت حريفة
Post: #95 Title: Re: متى توفى السيد على الميرغنى Author: Amira Hussien Date: 06-07-2020, 09:56 PM Parent: #92
الزميل الحريف نعمة
Post: #93 Title: Re: متى توفى السيد على الميرغنى Author: Asim Ali Date: 06-07-2020, 09:45 PM Parent: #91
حته ذكريات الاحداث دى ابعد ذكرياتى ايام انقلاب 19 يوليو بتذكر كان بيعيد عرض صور شهداء بيت الضيافه ولسه فى البيت متذكرين لى موقف لما جو نيفتشو البيت (كان الحى-برى اللاماب اظن مكرتن كلو وبفتش) تانى حادثه موكب زياره رئيس الغابون عمر بونقو وكنا راكبين البص المخطط داك ووقفونا لغايه الموكب يمر
Post: #94 Title: Re: متى توفى السيد على الميرغنى Author: Amira Hussien Date: 06-07-2020, 09:53 PM Parent: #93
ده تاريخ بيتعبر قريب .....فكرة جميلة حقو نشوف ابعد نقطة ممكن تصلا الذاكرة رجوعا وين
Post: #96 Title: Re: متى توفى السيد على الميرغنى Author: الزبير بشير Date: 06-08-2020, 09:38 AM Parent: #1
الاخت امتثال
الحكايه ما عاوزه ختفت رجل ، انتقال السيد علي قدس سره محفور في شواهد الوجدان ، الاربعاء 21 فبراير 1968 م .
ما زلنا منذ ان وعينا علي الدنيا ان تقيم الاسره مأتم في شهر شوال حزنا علي انتقال سلطان الاولياء بان حرمت الدنيا من الاستمتاع بوجود احد شجار الدوحه النبويه الشريفه .
الزبير الختمي
Post: #97 Title: Re: متى توفى السيد على الميرغنى Author: الزبير بشير Date: 06-08-2020, 09:47 AM Parent: #1
الاخ نادر الفضلي
اخوك من مواليد مارس 1963 م
بس اقول ليك حاجه لما الولحد فينا يلدوه في الأذن اليمين آذان و في الأذن اقامه . و تقرأ مناقب الساده المراغنه علي طول .
يعني من ولدونا نحن عارفين مناقب الساده المراغنه .
الزبير الختمي
Post: #98 Title: Re: متى توفى السيد على الميرغنى Author: الزبير بشير Date: 06-08-2020, 09:49 AM Parent: #1
بت المشرف
لا يعرف الفضل الا اولو الفضل
كتر خيرك و فعلا الشريف الهندي حمال تقيله
ربنا اديك الصحه و العافيه بجاه سيدي اب جلابيه و سيدي ساكن حلة حمد
الزبير الختمي
Post: #99 Title: Re: متى توفى السيد على الميرغنى Author: امتثال عبدالله Date: 06-08-2020, 10:02 AM Parent: #98
الزبير الختمي ما دام ذكرت عبارة ؛"حرمت الدنيا من احد اشجا الدوحة النبوية الشريفة "" يا دوبك صدقت انك ختمي صحي صحي ،،، والله بالجد انت مفروض تكون نائب رئيس حزب الاتحادي الديمقراطي او على الاقل في اللجنة التنفيذية للحزب،،، وشكرا كتير لتاكيد المعلومة التي كانت غائبة عنا ،،، ونسال الله ان يبعد عنكم وعن اهل السودان جميعا وعن العالم اجمع وباء وبلاء الكرونا،،
Post: #100 Title: Re: متى توفى السيد على الميرغنى Author: يحي قباني Date: 06-08-2020, 10:11 AM Parent: #99
Quote: ولسه فى البيت متذكرين لى موقف لما جو نيفتشو البيت
و طلعت اغنية وقتها الفها احد اعضاء الحزب الشيوعي بتقول: ناس فيرناندو سانشو .. دخلوا بيتنا و فتشو .. و صوت رصاصهم يسوي شَوْ ..
تحياتي يا اميره و ضيوفك ..
يا امتثال خلي الزبير الختمي و نادر الفضلي يوروك منو فرناندو سانشو الحقيقي و المشبه به ...
Post: #101 Title: Re: متى توفى السيد على الميرغنى Author: MOHAMMED ELSHEIKH Date: 06-08-2020, 10:37 AM Parent: #100
Quote: لفزيون السودان اذاع خبر وفاة عبدالناصر قرب نهاية الارسال ، المذيع احمد سليمان ضو البيت انفجر بالبكاء ، لم يستطيع اتمام الخبر ، الاستلاب كان يعجبك ، و طبعاً المسيرات الجنائزية من كل العاصمة ، والخروج اجباري ، مدارس حتي الابتدائي . خلي عزيز القارئ بشاشا يجيك .
انا وإبراهيم ود عمي في الثانوي العام ذاتنا بكينا واتنخجنا يمين لمان سمعنا بوفاة جمال .
اما عزاء السيد علي في القرية فقد أقيم بمنزلنا ومنها توجه المريدين للقطار وسافروا الخرطوم بقيادة الوالد والوالدة رحمهم الله .
واحد يشرح "اتنخجنا" للأستاذ علي عبد الوهاب
Post: #107 Title: Re: متى توفى السيد على الميرغنى Author: Amira Hussien Date: 06-08-2020, 03:20 PM Parent: #101
كلنا اتنخجنا خاصة وانو عبد الناصر كان فى وداع اخر روؤساء مؤتمر القمة العربى المنعقد فى القاهرة وطبعا السودان وكل العرب متابعين ،انا شخصيا كنت بحب اتفرج على استقبال الرؤوساء و وداعهم
Post: #102 Title: Re: متى توفى السيد على الميرغنى Author: محمد أبوالعزائم أبوالريش Date: 06-08-2020, 10:41 AM Parent: #100
يبدو إني خلطت بين موكب تشييع الميرغني والأزهري .... عشان كده قلت وفاته كانت بعد إنقلاب مايو.
Post: #108 Title: Re: متى توفى السيد على الميرغنى Author: Amira Hussien Date: 06-08-2020, 03:21 PM Parent: #102
الخلط وارد وده الخلانى استعين بيكم
Post: #103 Title: Re: متى توفى السيد على الميرغنى Author: امتثال عبدالله Date: 06-08-2020, 10:41 AM Parent: #100
ود قباني اظن فرناندو سانشو ممثل مشهور في هوليود وهو من اصل اسباني ،، ويا ريت ناس نادر والزبير يجو يورونا منو فرناندو السوداني.... وانا افتكرت في البداية ان شبيهه هو قائل shoot to kill,,, بالله حتى زمان كان في shoot to kill
Post: #104 Title: Re: متى توفى السيد على الميرغنى Author: نادر الفضلى Date: 06-08-2020, 12:02 PM Parent: #100
الوبير الختمى مشكور .. بس لإفادتك بتاريخ وفاة السيد على، لم تعتم إلا بعد إحلاص الحريفة فكت ود الدينارى
يا إحلاص ليه بتسمى دموع المرحوم أحمد سليمان ضو البيت إستلاب؟ بل هى مؤشر الزمن داك الناس كانت بتجمعها قضية مشتركة قضية فلسطين، وعبد الناصر له سلبياتن ولكن بشهادة أعدائه قبل أصدقائه كان زعيم للأمة العربية (قد تكونى الآن ما معترفة بيها)
أما عند موته، تم إخراج المدارس ودواوين الحكومة وتجمعات ومسيرات لا استطيع من ذاكرتى أن أويد أو أنفى كامل المعلومة، فقط جزئية المدارس تم إخراجها دىن فأنا أذكر جيداً أنه لم تخرج مدرستنا وقد درست الإبتدائية والعامة فى مدرستين بالخرطوم هما الأقرب من أقرب المدارس الحكومية لمسرح الأحداث .. فتلاميذها دائماً يخرجون لإستقبال الرؤساء بالإصطفاف عى رصيف شارع القصر ولكن أذكر جيداً يوم وفاة عبد الناصر لم نخرج.
ونستفيد من ذاكرتك أذكرى بعض نقاط التجمعات وكانت ماشة وين أخمن أن وجهتها سفارة مصر. الرئيس جعفر نميرى حين سمع بخبر الوفاة سافر للقاهرة وأخبار التلفزيون جابت صورته لحظات وصوله بالزى العسكرى وهو يجهش بالبكاء. كما نقل التلفزيون مراسيم تشييعه ولا أذكر إن كان لايف أو تسجيل، وأرجح تسجيل لأأن التاريخ مبكر لإنشاء محطة الأقمار الصناعية بأم حراز.
Post: #105 Title: Re: متى توفى السيد على الميرغنى Author: نعمات عماد Date: 06-08-2020, 03:12 PM Parent: #104
ما شاء الله تبارك الله و لا حول و لا قوة إلا بالله
عشان ما نسحر ذاكرة د. إخلاص
و يا مرمر حمدلة ع السلامة
غايتو أنا ماشة على التمرين 😊😁😂
Post: #109 Title: Re: متى توفى السيد على الميرغنى Author: Amira Hussien Date: 06-08-2020, 03:25 PM Parent: #105
الصلاة على النبى ....عليكم كلكم ويا امتثال انتى لسه شباب بدرى من عمرك
Post: #106 Title: Re: متى توفى السيد على الميرغنى Author: Amira Hussien Date: 06-08-2020, 03:17 PM Parent: #100
عليكم السلام والرحمة. ،فرناندو سانشو ممثل اسبانى لكن ما عرفوا حرامى خاين ولا شريف .....ده الاصلى لكن المشبه به ما بعرفو
Post: #110 Title: Re: متى توفى السيد على الميرغنى Author: Amira Hussien Date: 06-08-2020, 03:31 PM Parent: #1
عبدالناصر رئيس ما بشبه الروؤساء له جاذبية عجيبة تحترمو وتهابو وتعطف على فى وقت واحد فى شى فى ملامحو محير ، اما سياسيا فادهش العالم بتاميم القنال وبناء السد العالى وفكرة القومية العربية ياعرابى قم وبارك لحظة نلتقى فيها بعملاق القنال بالجد السودانية كانو مفتونين بى
