Post: #1
Title: القبض علي 9 سودانيين بالرياض بسبب تحويلات مالية ضخمة .
Author: Osman Musa
Date: 06-04-2020, 07:52 AM
Parent: #0
07:52 AM June, 04 2020 سودانيز اون لاين
Osman Musa-
مكتبتى
رابط مختصر
تم القبض علي عدد 9 سودانيين متهمين بتحويل مية مليون ريال
الي حسابات بنكية خارج المملكة .
عبر طرق غير مرخصة .
أرجو أن يجد الأخوة السودانيين الفرصة للدفاع عبر الطرق القانونية.
|
Post: #2
Title: Re: القبض علي 9 سودانيين بالرياض بسبب تحويلات
Author: حسن محمد عمر
Date: 06-04-2020, 09:45 AM
سبحان الله لسة من خمسة دقائق بكلمنى زميلي فى المكتب يقول جماعتنا البنحول عن طريقهم للسودان مصاريف العيال كرفسوهم الله يهونها عليهم حقيقة موضوع التحويل عن طريق القنوات الغير رسمية بقي هاجس وقلق مع إنو الواحد فينا يادوب مصاريف طلبة ولحدى فترة قريبة فى السفارة كان فى صرافة إسمها ريميت بتحول بسعر مقارب لسعر التجار ديل لكن قفلوها كدة فجأة من الطرائف جيت آخر مرة بسأل موظفة عن الصرافة دى وقالت لى قفلوها وبدون قصد قلت لها والحل فإذا بها ترد علي ( الحل فى البل ) شكلها كانت رايقة وأن ممغوص من المشوار قعدت أضحك غصبا عني هذه الحملة ليست الأولى ولن تكون الأخيرة صعبة يتوبوا الناس ديل الله بسهلها علينا نحن ونلقى حل جذري ورسمي ونناشد بنوكنا يشوفوا حل يرضى البنك والمستفيد
|
Post: #3
Title: Re: القبض علي 9 سودانيين بالرياض بسبب تحويلات
Author: Osman Musa
Date: 06-04-2020, 02:57 PM
Parent: #2
أخونا حسن سلامات
قبضوهم ؟
قبضوهم المساكين ؟
والله يا حسن ماليهم حق يقبضوهم.
اكيد في سودانيين حساد حسدوهم
وساعدوا في كشفهم .
لقوهم الحيطة القصيرة.
ما يهوداك ترامب
كل ما تهفليهو بيجي يلملم ريالات عينك عينك.
شنو = ريالات السودانين ال 9 ديل مع ريالات داك الزول؟
وهم حولوها عبر بنوك سعودية.
يا للخيابة .
و يا للعباطة.
التحويلات دي مرقت واندفع عليها رسوم عبر
بنوك سعودية .
كنتوا وين لحظة الريالات في الكاونتر؟
ربنا يحل كربتكم يا شباب .
|
Post: #4
Title: Re: القبض علي 9 سودانيين بالرياض بسبب تحويلات
Author: Osman Musa
Date: 06-04-2020, 05:15 PM
Parent: #3
اها يا سيادة وزير ماليتنا
ده من صميم شغلك.
الحل .
عندك .
المغتربين في رقبتك .
والمقبوضين ديل برضك ممكن تساهم في حل مشكلتهم.
|
Post: #5
Title: Re: القبض علي 9 سودانيين بالرياض بسبب تحويلات
Author: Osman Musa
Date: 06-04-2020, 08:15 PM
Parent: #4
وجود زي الإخوان ال 9 الممسوكين ديل
بكون ضروري جدا .
في حالة وجود أي عترسة في
التحويلات.
الناس ما حتقيف ابدا واكيد الناس بتفتش للاحسن.
..
شنو الممكن تعملوا سفارتنا في دي الحالات .
أرجو أن تكون دبلوماسية ابوالقدح قد تغيرت وتعلمت دخول
السيستم العالمي .
|
|