المسؤولية امانة.. لا يحملها الا القادر او المدعي.. شاهدنا ثورات الشعوب في محيطنا وحول العالم. أتسمت كل الثورات بالعنف والتخريب واتميزت ثورة شعبنا بالسلمية المطلقة. قدّم شبابنا وكنداكاتنا اروع المشاهد في الحراك السلمي في اعلي واسمي معانيه ضاربين المثل الاعلي بالتمسك الكامل بسلمية ثورتنا. معلم الشعوب , توارثناها جيل بعد جيل و حمل آخر اجيالنا المشعل واضاءوا ليالي من القهر والظلم و الاستعباد. حملوا ارواحهم علي أكفهم وقابلوا جلاديهم عراة الصدور واستقبلوا قمع الاسلاميين مليشيات وجيش مؤدلج خرج من رحمه مولود سفاح وابن غير شرعي عاث في البلاد والعباد بطش وتنكيل. لم يعرفوا للسلام معني ولا للوطن ثقل وقيمة ولا للأرض والعرض كرامة. وانتصرت ثورتنا بإرادة ثوارها وحدهم لا شريك لهم. لا عون دولي كان بسمع ويري او اقليمي تواطأ باع واشتري. وكانت دولة اعتصام القيادة العامة النموذج الاسمي لمعني المواطنة والانتماء.
Post: #2 Title: Re: حمدوك لا قاع لا سقف.. لافي ساااي Author: Mutasim Idris Date: 06-04-2020, 06:32 AM Parent: #1
جمهورية اعالي النفق ودولة اعتصام القيادة العامة النقطة الوحيدة المضيئة في تاريخ ما عرف بالسودان. كانت في خيال شعراء اغنيات , وفي كتب ادباء قصة , وحلم راود رواد صدقوا وصف انسان السودان ورسمة أنزلها الثوار علي الارض حقيقة. لو عندك خت ما عندك شيل!! يدك فووق التفتيش بالذوق. كل البلد دارفور.. هتافات واهازيج وفرح بالنصر.
Post: #3 Title: Re: حمدوك لا قاع لا سقف.. لافي ساااي Author: Mutasim Idris Date: 06-04-2020, 06:44 AM Parent: #2
إحتفل حمدوك في يوم شهداء اختاره هو او حاضنته شركاء الخونة من العسكر. أغلب شهداء الثورة ماتوا في رمضان صيام في ليلة الغدر وليس في يونيو. الشارع احتفي واحتفل بثواره في يوم استشهادهم في رمضان. من اشهر هتافات الثورة.. يا اخوانا الموت موت ما عادي موت في (رمضان) وبدوشكا كمان ومعاه جنة..
حمدوك ما عنده علاقة بالثورة ولا ثوارها..
Post: #4 Title: Re: حمدوك لا قاع لا سقف.. لافي ساااي Author: Mutasim Idris Date: 06-04-2020, 06:49 AM Parent: #3
خطاب حمدوك.. فيه تلاتة رسائل.. الثورة قامت علي (المؤتمر الوطني) معرف بالالف واللام وليس الانقاذ.. عدم تجريمه (للاسلامين) ليس بالمتسغرب. مواصل انبطاحه لجهة معروفة بولاءها للاسلاميين توجه وحليف اصيل ليهم لم ولن يتورع في مشاركتهم.
Post: #5 Title: Re: حمدوك لا قاع لا سقف.. لافي ساااي Author: adil amin Date: 06-04-2020, 10:11 AM Parent: #4
البقنع الديك منو https://top4top.io/
السودان عالق بين اهل الرجس الكيزان والسلفيين انقلاب 1989 واهل السفاهة الشيوعيين والبعثيين والناصريين انقلاب 1969 وتحت جذم المصريين والسعوديين والامارتيين والقطريين ولاتراك نفس كااااار الانقاذ
Post: #6 Title: Re: حمدوك لا قاع لا سقف.. لافي ساااي Author: Mutasim Idris Date: 06-04-2020, 04:52 PM Parent: #5
Quote: الدم السوداني غالي وان الدم السوداني واحد، وانه لابد من الكشف عن المجرمين الحقيقيين وراء جريمة فض الاعتصام ومحاسبتهم.
دا أهم ما جاء في انشاء وطلس رئيس وزراء الغفلة. نحن بنفتش في (المجرمين الحقيقيين)! وكل اللي سمعتوه من اعترافات العسكر كباشي وبرهان وشفتوهم من قوات الجنجويد والجيش ومليشيات الكيزان في ارض الاعتصام يوم الفض مااا مجرمين حقيقيين! نبيل اديب لسة بفتش عليهم. الفيديوهات والشهود وقطع النت دا كضب ساي ومامأكد. مجرد التلميح بكلمة (حقيقين) في تحقيقات هو بنفسه اشار بعدم اكتمالها فيه رسالة تطمين لفريق الخلاء (خليله) وعسكر الانقاذ (شركاءه) بأنهم يرقدوا قفا طالما هو لسة واقف ستارة وحاجز بينهم والشارع في كنس الوسخ.
Post: #7 Title: Re: حمدوك لا قاع لا سقف.. لافي ساااي Author: Gafar Bashir Date: 06-04-2020, 09:02 PM Parent: #6
والله يا معتصم انا لسة منتظر قصة منو الحاول اغتيال حمدوك وقصة مرتو الباركت النجاة قبل الاغتيال يحصل القالتو بتنا
اما حقيقيين دي واضحة ديل اللي هم الكائنات الفضائية الكانت بتقنص الثوار لازم نعرف حقيقتهم طال الزمن او طال
Post: #8 Title: Re: حمدوك لا قاع لا سقف.. لافي ساااي Author: محمد البشرى الخضر Date: 06-04-2020, 09:10 PM Parent: #7
Quote: وقصة مرتو الباركت النجاة قبل الاغتيال يحصل القالتو بتنا
حتى أنت يا بروتس!!
Post: #9 Title: Re: حمدوك لا قاع لا سقف.. لافي ساااي Author: Mutasim Idris Date: 06-05-2020, 06:12 PM
الرسالة التالتة للجنة اديب.. ماطلوا ولتوا واعجنوا واخدوا راحتكم.. نبيل اديب بكل عنجهية بقول (كرونا) اخرت تحقيقاتنا وفي شهود خايفين يجو يقولوا شهادتهم!!! والادهي والامر اديب بقول الادلة لازم تكون قاطعة عشان القاضي ما يرميها.. يعني اديب ح يطالب بفترة تاني ( 3 شهور) والفورة 100 .
Post: #10 Title: Re: حمدوك لا قاع لا سقف.. لافي ساااي Author: Mutasim Idris Date: 06-05-2020, 06:28 PM Parent: #5
استاذي عادل أمين سلامات..
Quote: السودان عالق بين اهل الرجس الكيزان والسلفيين انقلاب 1989 واهل السفاهة الشيوعيين والبعثيين والناصريين انقلاب 1969 وتحت جذم المصريين والسعوديين والامارتيين والقطريين ولاتراك نفس كااااار الانقاذ
[AIM]
المنظومة دي يا عادل نجحت في الفشل بإمتياز وابت نفسها الا وتواصل مسلسل نجاحها الفاشل وتبيعه طالما لسة في سوق لبضاعتها وتجار..
Post: #11 Title: Re: حمدوك لا قاع لا سقف.. لافي ساااي Author: Mutasim Idris Date: 06-05-2020, 06:42 PM Parent: #10
الحبيب جعفر بشير تحياتي..
Quote: اما حقيقيين دي واضحة ديل اللي هم الكائنات الفضائية الكانت بتقنص الثوار لازم نعرف حقيقتهم طال الزمن او طال
قال حقيقيييييييين. بغالطنا في الشفناهم ديل صورة وصوت وحقيقة. كان بس يسأل وزير التجارة مش هو قال كان هناك ولة الصورة كانت برضو ما حقيقية هههههههههه.
Post: #12 Title: Re: حمدوك لا قاع لا سقف.. لافي ساااي Author: Arif Nashed Date: 06-05-2020, 07:09 PM Parent: #11
منتصر وضيوفك سلام. سنة كاملة الاتغير فيهو شنو لا سلام تم. لا هياكل السلطة من المجلس التشريعي وتعيين ولاة. لا لجنة فض اعتصام أنهت أعمالها. لا حاكموا رموز النظام. والكيزان لسع متمكنين في مفاصل الدولة. الدولار طاير السماء والتضخم وصل أرقام قياسية. والصادق عايز يشلعه. ياااخي الواحد قرف منهم.
Post: #13 Title: Re: حمدوك لا قاع لا سقف.. لافي ساااي Author: Mutasim Idris Date: 06-05-2020, 08:42 PM Parent: #12
عارف ازيك.. معتصم يا عارف..
Quote: سنة كاملة الاتغير فيهو شنو لا سلام تم. لا هياكل السلطة من المجلس التشريعي وتعيين ولاة. لا لجنة فض اعتصام أنهت أعمالها. لا حاكموا رموز النظام. والكيزان لسع متمكنين في مفاصل الدولة. الدولار طاير السماء والتضخم وصل أرقام قياسية. والصادق عايز يشلعه. ياااخي الواحد قرف منهم.
بدات الخط دا يا عارف قبل لقاءه التلفزيوني وابداا ما خاب توقعي.. الراجل كلامه كله متناقض ويشيل ويعلق فشله في شماعات. قال ما فشلنا لكن اخفقنا!!! قعد مع الكيزان كتييير ههههه. قال واضحين مع شعبنا وشفافين.. منتظر لحظة كبيرة عشان يقيم وزراءه.. معقولة يا حمدوك انت في عدد من وزراءك ما عارفين حتي اسماءهم وتانين زااتو ما عندهم شغل.. اما قصة ربط الولاة بالسلام غايتو لخبط جنس لخبطه وعاس جنس عواسة.. رابط السلام بقضايا ورابط القضايا بالولاة. وقال داير يشوف وااااالية علي الخرطوم هههه. فهمتني.. دا موضوع بوست تاني ياعارف.. الزول دا حالم ياااخ. والله.
Post: #14 Title: Re: حمدوك لا قاع لا سقف.. لافي ساااي Author: Arif Nashed Date: 06-05-2020, 10:29 PM Parent: #13
آسف يا معتصم كنت بقرأ في بوست لمنتصر بدأت اكتب مداخلة غيرت رأي والاسم لصق جيت كتبتوا بيج اي ههههههه. الواحد قرفان من البحصل ده.
Post: #15 Title: Re: حمدوك لا قاع لا سقف.. لافي ساااي Author: Arif Nashed Date: 06-05-2020, 10:31 PM Parent: #13
آسف يا معتصم كنت بقرأ في بوست لمنتصر بدأت اكتب مداخلة غيرت رأي والاسم لصق جيت كتبتوا بيجاي ههههههه. الواحد قرفان من البحصل ده. لازم تتشكا من جديد..
