هل يعقل إطلاق سراح على عثمان ؟

08:46 PM June, 03 2020

سودانيز اون لاين
عمر التاج-KHT
مكتبتى
رابط مختصر

قالت تسود..( الصبر انتهي.)
=================
والان. اطلاق سراح علي عثمان. وسرا.
وابقاؤه في بيته وانكار انهم اطلقوه..وحامد صديق معه. .
الاطلاق هو اشارة للشعب للذي . يتجه الي الباب وهو يحمل العكاز.
اشارة من قحت. تقول للناس
لا.. لا... نحن مساكين. نحن ناس سلام..
==============
. (ت)
سلام..
من الجانب الايمن من قحت.. وسلام . يقول فيه الجانب الايسر من قحت..
سلام علي شرط.. ان اظل انا احكم. وان تظل بيوتكم هي المقابر..
و ( تسود ) .. ترفض.. وتستعد للخطوة القادمة التي هي القاضية..
وغندور.. امس الاول. يقول..
لا صبر..
والفصائل المقتتلة داخل قحت. يصرخ بعضها ليقول للاخرين
قلنا لكم ان اطلاق سراح الرجل الثاني في الانقاذ. يعني اشارة منا . الي اننا نرفع ايدينا فوق الروؤس.
لكن الاشارة الحقيقة الان هي.
هي اغرب عصيان مدني في الارض.
عصيان مدني تصنعه الحكومة ضد نفسها
والغصيان المدني هو ان يبقي الناس في بيوتهم.
لا مكاتب ولا سوق ولا غيره
والان.. الناس بامر من قحت.. في بيوتهم.. ثم تمديد. وتمديد.
الموظفون في بيوتهم ولا ادارة مدنية
واهل المصانع والمزارع. في بيوتهم يعني لا انتاج
والمستشفيات اغلقت
وموت المرضي علي ابواب المستشفيات ظاهرة يومية
والمستشفيات تغلق. لانها اصبحت جدران فقط
والصيادلة منذ امس الاول في اضراب
لان الصيدليات اصبحت رفوف فارغة
ومصانع الادوية اغلق اخرها امس..
والبنوك ليس فيها شئ.
والخراب ليس هو الاغلاق..
الخراب .. هو ما يعنيه الاغلاق..
الاغلاق يعني..ان الناس تفقد الامل..
==============
ثم جملة هي افصح من كل ما مضي.
فكل ما مضي هو يعني. ان قحت تقول للناس.
ما دمت انا جالسة فوق الحكم والمال. وزراء ومديرين وغيرهم مستمتعين. فلتصبح بيوت الناس قبورا..
ومن يصرخون من داخل قحت. يطلبون الصلح.. يقولون لمن يرفضون الصلح ان .
الحظر الان يكسره الناس عمليا.. لانه شئ يطلب من الناس ان يموتوا.
والكسر الجزئي يتمدد ليصبح كاملا في اسبوع في اسبوعين في شهر
وكسر الحظر الحظر. يعني كسر عظم الدولة.. فالدولة ان ضربت.. ضربوها
وان سكتت دفنوها..
قحت..تحاصر..وتسود ..( ١٠٨ جهه تكمل اعداد مخططتها للايام القادمة..
وقحت . يتركها الناس. دون سروال.
ونحدث غدا عن صورة ما هنالك..
والشيوعي. يبقي وحيدا ومحاصرا..
ووحيدا ومحاصرا..تعني اخطر الاحوال..
فمن يرتكب المجازر في التاريخ كله . هو جهه تدافع عن سلطانها. لكن اشهر مافي تاريخ الشيوعي هو انه يرتكب اعظم مجزرة بعد فقدانه للسلطة.
الشيوعي يذبح المئات في بيت الضيافة ( بعد ) ان فقد السلطة
وتسود تتحسب لهذا..
والتحسب يجعل تسود تفتح خمس مسارات الي القط المحاصر حتي يهرب منها
اخرها هو ان كتيبة من المحامين تقدم طعنا دستوريا. في شرعية قحت..
طعن . ربما لا يهمك شأنه. لكن شعر رأسك يقف حين تعلم ان المحكمة الدستورية.،( قبلت الطعن) .
وان قبول الطعن بصورة نهائية. يجعل قحت. حكومة . وقوانين وتعيين وفصل. وادارات لكل شي كلها باطل باطل..
المحكمة. ما يعطلها الان عن اصدار الحكم الاخير.. تنتظر. تعيين اربعة اعضاء جدد بديلا لاعضاء المحكمة للذين انتهت مدة خدمتهم
وهذا يعني شهرا او شهرين.
لكن تسود تكمل الان استعدادها للخروج في يوم او يومين خروجا لايتوقف. الا في قاع البحر
في قاع البحر هي.. او قحت..
إسحق فضل الله

Quote: اخرها هو ان كتيبة من المحامين تقدم طعنا دستوريا. في شرعية قحت.. طعن . ربما لا يهمك شأنه. لكن شعر رأسك يقف حين تعلم ان المحكمة الدستورية.،( قبلت الطعن)

لو صح الكلام دا معناها الناس قاعده تسرح وتمرح فى البلد وكانو البلد مسجله باسمها ؟؟

دى كتابة اسحق فضل الله.

حامد صديق دا زول حقيقي ام اسم رمزي؟

Quote: طعن . ربما لا يهمك شأنه. لكن شعر رأسك يقف حين تعلم ان،المحكمة الدستورية.( قبلت الطعن)

شوف الصراع الخبيث بتاع الكزيان والقصة ما ثورة انقلاب يحافظ علي مشروع الانقاذ الحقير بدون محاسبة
قلنا الناس ديل لو جدعو دستور نيفاشا والمحكمة الدستورية بيكلو نيم مع الجنرالات وتراهات ساطع والسنهوري والاعلان الدستوري الغبي والفطير
ليه زاغ القحطيين من المحكمة الدستورية ولي رضو بن عوف الكوز يجدع دستور 2005 المرتبط بالمنطقتين وابيي ومشو عملو سيرك ذى وشهم في جوبا
المخزي في ق حت دي خبير دستوري واحد ما فيها اطلاقا او العقلية المجرمة الشيوعية والبعثية والناصرية شالة حواسهم الطبعية عايز يسحق المؤتمر الوطني بس ويغطي دقنو
المحكمة الدستورية موجودة في شارع البلدية لحدي الليلة ومن 2005 والمشكلة ما في وظيفتا في القضاة الفيها
انتهت مهلة 8 قضاة الكيزان الفيها من 2020 وبقت مهلة رئيس المحكمة 2021 وقاعد بكل امتيازاتو
لا شالهم حمدوك الفاشل وجاب قضاة ثوريين يلزمو الانقاذ والانقاذيين بتجاوز كل الشطط بتاع البشير وبدرية سليمان ونظفو الدستور من القوانين المعيبة وفعلو المحكمة الدستورية ووظيفتا معروفة في العالم مش في السودان بس
عشان كده ممكن الكيزان يلعبو بي ناس ق حت قدام الشعب ويمثلو دور المظاليم واعلام ق حت الرخيص ذاتو يدعم ذلك
الكتابات البستهزا بيها فاشلين البورد دي يا عمر التاج بقروها الالالف في السودان وتؤثر في وعيهم حتي الطيب مصطفي شعبيتو كبيرة
وديل يتخبطو في غرورهم ونرجسيتهم وادعاهم المستمر للفهم وده شخصو منصور خالد كويس الزول المؤدلج ده اصلو مخو ما شغال
مفروض الناس تسال حمدوك وحكومة ق ح ت دي عن المحكمة الدستورية وليه خلو قضاة الانقاذ فيها لحدي هسة؟؟؟
https://top4top.io/

الاعلان الدستوري الفطير والغاء دستور 2005 واهمال الاتفاقيات المتعلقة به وعدم تفعيل المحكمة الدستورية من الاول ووضع قضاة دستوريين محترميت فيها هو ما سيدخل السودان في جحر الضب الخرب للفصل السابع
بعيدن مدمنين الفشل يجو ينكرو ويلفو ويدور ذى انقلاب 1969 الوسخ المدعوم من المخابرات المصرية
الله يرحم محمود عرف مشكلة السودان وين زمان
ما في الدستور والقضاء بل في القضاة

Quote: إسحق فضل الله

في إفادة تلفزيونية قال الأستاذ / اسماعيل التاج
انه تقدم ببلاغ الى نيابة المقرن عقب تصريحات على عثمان على شاشة سودانية 24 حول كتائب الظل مباشرة
وانه ظل يتابع البلاغ في اواخر حكم الانقاذ وبعد قيام الثورة وانه تقدم بطلب للنائب العام الحالي في شأ ن تأ خر إجراءات البلاغ .من قبل وكلاء النيابة في ذلك العصر

عليه
لا مجال لاطلاق سراح على عثمان
ومن اخطاء الثورة عدم تحريك هذا البلاغ منذ اول يوم حتى في ظل تخاذل النيابة حسب تصريحات مولانا التاج


(*) مولانا الملك
.

Quote: حامد صديق دا زول حقيقي ام اسم رمزي؟

حامد صديق شخصية حقيقية وهو خريج هندسة الخرطوم ووصل الى منصب قيادي في المؤتمر الوطني وهو من المحسوبين على على عثمان

شكرا Al Sunda ..
اذا كان الزول دا خارج المعتقل بكون ذكره اسحق ليدعم خروج علي عثمان ..
أو كمان الموضوع كلو كذبة وهو متعويييييدا.

دى اكبر كذبه