Post: #2
Title: Re: ما فهمت حاجة ... محتاج دليل
Author: Arif Nashed
Date: 05-30-2020, 03:17 PM
Parent: #1
أبو العزائم سلامة الحضور وكل عام وانت بخير.
املص نعلاتك وأمسك طرف جلابيتك في طرف سنيناتك وخوض ساااااي.
|
Post: #3
Title: Re: ما فهمت حاجة ... محتاج دليل
Author: Deng
Date: 05-30-2020, 03:27 PM
Parent: #2
سلامات يا أبو الريش
|
Post: #7
Title: Re: ما فهمت حاجة ... محتاج دليل
Author: محمد أبوالعزائم أبوالريش
Date: 05-30-2020, 07:00 PM
Parent: #3
| Quote: سلامات يا أبو الريش |
مرحب دينق،
ياخ قلنا (محتاج دليل) .... يعني من المخضرمين الزيكم، ما عايز ألقى لي زول بعد العمر ده يضقّل بي ياخ.
|
Post: #5
Title: Re: ما فهمت حاجة ... محتاج دليل
Author: محمد أبوالعزائم أبوالريش
Date: 05-30-2020, 05:34 PM
Parent: #2
| Quote: املص نعلاتك وأمسك طرف جلابيتك في طرف سنيناتك وخوض ساااااي. |
مرحب عارف، وكل عام وأنتم بخير.
تقصد إنو الخبرة القديمة ممكن تفيد؟
المتغيرات والكلام من نوع (مياه تحت الجسر) وما عارف شنو ما ذات أثر؟
|
Post: #4
Title: Re: ما فهمت حاجة ... محتاج دليل
Author: محمد البشرى الخضر
Date: 05-30-2020, 03:37 PM
Parent: #1
هلا ابو الريش و كل عام وانت و الاسرة بخير و عافية
ما فايتك شي ياهو نفس الحال و اللفحي من الواتس و التنظير و الغلاط في الفارغة
يمكن الجديد انو في ملفات اتقسّمت على اعضاء وكل واحد بشتغل بإخلاص ليتميز على الآخرين في تجويد ملفه
ابو حسين مع عطلة الكورونا بقى خبير وبائيات و علم فايروسات و سياسة و علاقات دولية, وفي وقت الفراغ من المحاضرات القيمة البقدمها بقزقز بي ملف ترمب
عبد العظيم ماسك ملف أكرم التوم, ومشارك كم زميل في ملف حمدوك
عمر التاج ماسك ملف اللفحي من الواتس و اللايفات و شغال كويس بجهز لأول لايف ح يطلعه قريب إن شاء الله
معتصم ادريس و الهادي ماسكين ملف قحت و مشاركين بارتايمر في ملف حمدوك
دينق ماسك كم ملف لكن بنجض كل واحد براه لحدي ما يخلصه أو يخلّص على سيده حتى يمسك الملف البعده
مولانا حافظ ماسك ملفات كم زميل كرّههم الكتابة بالمحاققة و التدقيق الواحد قيهم بقى يتلفت أول يشوفه وين حتى يعلّق
منص ياهو لسة في سطرينه ديل لكن شايف جاب ليها فلقصة كدا و حركات
العربي (نار الضلع)* بتاع الاوسكار و الآي تي طلع عربي جزيرة ساي
عاصم علي لسة ماسك خيوط المؤامرة الاخوانية العالمية مرقها في أمريكا
ود ابسن في الحجر المنزلي
عمّك علي لسة في ضواحي الدنيا و مجاملاته اللطيفة و اي بوست يدخله بوست مهم و هو العربي بتاعه تعبان
ود القوز لسّة في معلّقاته ديك اكان قلت ليه السلام عليكم بكشحك بي جردل رد سلام ساي
ود المدير خرج مغاضبا
علاء سيد أحمد لسّة بغرف و يخم من طرف, من كترة المواسير المسكها بعد الحظر ممكن يفتح مغلق
إمتثال لازالت في براءتها المعهودة و تطلق احكامها العرفية
المستنير حرد البورد و ضيع الباسويرد متعمدا وابى يرجع إلّا بالـ (تحانيس)**
بدر الدين فك عبد الإله أخيرا و مسك في الناطق الرسمي بتاع جهاز المخابرات
وتاني شنو, تاني شنو.. أيوة
في (كلبة ميتة ساكن الكونيكا)*** بتنبح بي تحت
بس, أتمنى تكون الأمور وضحت كدا, ما فاتك شي
______________________________________
* نار الضلع: مصطلح يخص الاستاذة مروة الدولية يرجى قوقلته لمعرفته.
** التحانيس المذكورة تصلح لتقرأ في الاتجاهين: تحانيس لـه أو منه.
*** الكلبة الميتة ساكن الكونيكا نفس مصدر (نار الضلع)
|
Post: #6
Title: Re: ما فهمت حاجة ... محتاج دليل
Author: جمال ود القوز
Date: 05-30-2020, 06:41 PM
Parent: #4
Quote: ود القوز لسّة في معلّقاته ديك اكان قلت ليه السلام عليكم بكشحك بي جردل رد سلام ساي
|
يا أبو الريش ..
وبعد الترحيب بي قدومك الميمون ..
صاحبي ود البشرى ده لا زال في ( غلاطو ) القديم ..
وحاة الله يغالطك يوديك بيتكم كداري ..
يا ود البشرى أنا زي كتابتي دي نضام ..
وبتاع (منطقه) سواء بالفتح أو بالكسر ..
لاني كنت زمان بمش مع أبوي في الاجازة ..
لكن لا طاقة لي بالغلاط نهائيا بكبّر منو اللفة طوالي ..
نسايبي غالاطين يوقفوك في الحد ..
ويغالطوك في عدتك .. خخخخ
عندي بنتي 9 سنوات بتغالط زيك كده ..
شالت الخصلة دي من أهلها الترحيل حقها ما جاء في يوم ما ..
كلفوني أمش اجيبها حسب الأوامر السامية ..
وقفت من الناحية الامامية للمدرسة مدة من الزمن .
.ثم اتحركت خلف المدرسة برضو ما لقيتها
أتاري في الوقت ده هي جات عقبتني ..
تاني دورت رجعت فلقيتها في نص المسافة ..
قلت ليها من قبيل أنا لافي ليك ما لاقيك ..
ركبت وقفلت الباب بقوة وأصرت اني اتاخرت ..
واني وقفتها في الحر وما مفروض أعمل كده ..
قدر ما قلت ليها يا بت أنا لي قريب نص ساعة ..
رفضت كلامي وقعدت تغالط وانها حتصل البيت وتتأكد ..
وطالبت بالدليل والاثبات ...
صراحة أنا حمبكت وقلت ليها طيب تاني أنا ما بجيك
كان ترحيلك ما جاك تقيفي في الحر كده بس ..
مالك دايره تبقي لي زي ود البشري زانقنا في سودانيز ..
جيب اثباتك وجيب دليلك دايره تكملي لي الناقصة مالك ..
|
Post: #8
Title: Re: ما فهمت حاجة ... محتاج دليل
Author: Deng
Date: 05-30-2020, 07:12 PM
Parent: #6
الكيزان هربوا من المنبر، ولكنهم تركوا لنا بعض أذنابهم.
|
Post: #9
Title: Re: ما فهمت حاجة ... محتاج دليل
Author: علاء سيداحمد
Date: 05-30-2020, 07:50 PM
Parent: #8
سلام يا ابوالريش حمدلله على سلامة العودة
الحوش ياهو نفس الحوش مافى جديد
| Quote: علاء سيد أحمد لسّة بغرف و يخم من طرف, من كترة المواسير المسكها بعد الحظر ممكن يفتح مغلق |
اها صاحبى ود البشرى لسه فى قبقبتو
الله لا وقعك فى يدو ..
|
Post: #10
Title: Re: ما فهمت حاجة ... محتاج دليل
Author: محمد أبوالعزائم أبوالريش
Date: 05-31-2020, 09:08 AM
Parent: #9
مرحب ود البشرى،
ما قصرت والله .... تقرير كامل.
أهم ما في الموضوع وأكتر شي بيطفش الناس هو حكاية النقل من الواتساب.
يعني الحال في حاله.
|
Post: #11
Title: Re: ما فهمت حاجة ... محتاج دليل
Author: Deng
Date: 05-31-2020, 12:30 PM
Parent: #10
أبو الريش
الحل في البل.
|
Post: #12
Title: Re: ما فهمت حاجة ... محتاج دليل
Author: ABDALLAH ABDALLAH
Date: 05-31-2020, 01:07 PM
Parent: #11
مرحب بعودتك , أخونا أبو الريش
البورد فى حالو لكن أهم ما يميزه بتلقى فيهو راحتك وبتكتب الدايرو .
كل عام أنت بخير .
|
Post: #13
Title: Re: ما فهمت حاجة ... محتاج دليل
Author: محمد أبوالعزائم أبوالريش
Date: 06-01-2020, 01:41 AM
Parent: #12
حباب ود القوز،
| Quote: صاحبي ود البشرى ده لا زال في ( غلاطو ) القديم .. |
غايتو ود البشرى ده إتفقتوا عليهو كده، بيأكد إنه بيعرف دواكم كويس.
|
Post: #14
Title: Re: ما فهمت حاجة ... محتاج دليل
Author: Abureesh
Date: 06-01-2020, 02:06 AM
Parent: #13
هلا ابو الريش.. الف مرحب بالعودة الميمومة.. الغابو و جابو
ما فى جديد ادفر ساكت.. الاخ العزيز عادل أمين متابع قضية الخمسة اقاليم و علم الإستقلال و حالف ما يخلى القضية دى لحد ما يوصلها المحكمة الدستورية..
|
Post: #15
Title: Re: ما فهمت حاجة ... محتاج دليل
Author: اخلاص عبدالرحمن المشرف
Date: 06-01-2020, 05:54 AM
Parent: #14
اهلاً محمد الوالعزائم ابو الريش
منور وكل سنة وانت طيب
ود البشرى ما قصر
|
Post: #16
Title: Re: ما فهمت حاجة ... محتاج دليل
Author: محمد أبوالعزائم أبوالريش
Date: 06-01-2020, 10:02 AM
Parent: #15
| Quote: اها صاحبى ود البشرى لسه فى قبقبتو |
أفتح ليهو المغلق وريحو يا علاء ياخ
|
Post: #17
Title: Re: ما فهمت حاجة ... محتاج دليل
Author: محمد أبوالعزائم أبوالريش
Date: 06-02-2020, 09:11 AM
Parent: #16
مرحب مولانا عبدالله،
أشياء كتيرة بتميز البورد، القصد إنه الواحد يواكب عشان ما يعفص ليهو ضنب زول (:
|
Post: #18
Title: Re: ما فهمت حاجة ... محتاج دليل
Author: تماضر الطاهر
Date: 06-02-2020, 10:00 AM
Parent: #17
ههههه وانا كمان
،
تحياتي لك ولجميع ضيوفك
|
Post: #19
Title: Re: ما فهمت حاجة ... محتاج دليل
Author: محمد أبوالعزائم أبوالريش
Date: 06-03-2020, 08:37 AM
Parent: #18
مرحب بالسمي أبوريش،
شكراً على الترحيب ... لكن بالجد الواحد محتاج يسخن في الأول
|
Post: #20
Title: Re: ما فهمت حاجة ... محتاج دليل
Author: محمد أبوالعزائم أبوالريش
Date: 06-05-2020, 08:29 PM
Parent: #19
مرحب بيك وكتر خيرك إخلاص
|
Post: #21
Title: Re: ما فهمت حاجة ... محتاج دليل
Author: محمد أبوالعزائم أبوالريش
Date: 06-05-2020, 09:54 PM
Parent: #20
Quote: * نار الضلع: مصطلح يخص الاستاذة مروة الدولية يرجى قوقلته لمعرفته.
** التحانيس المذكورة تصلح لتقرأ في الاتجاهين: تحانيس لـه أو منه.
*** الكلبة الميتة ساكن الكونيكا نفس مصدر (نار الضلع) |
برضو في تشفير يا ود البشرى
|
Post: #22
Title: Re: ما فهمت حاجة ... محتاج دليل
Author: محمد أبوالعزائم أبوالريش
Date: 06-08-2020, 05:47 AM
Parent: #21
إنتي كمان ما فهمتي والا محتاجة دليل يا تماضر؟
|
Post: #23
Title: Re: ما فهمت حاجة ... محتاج دليل
Author: Osman Musa
Date: 06-08-2020, 06:20 AM
Parent: #22
سلامات أستاذ ابوالريش
صاحب القلم الأخضر والقلب برضو.
اهم حاجة اخبار صحتك .
المنبر في حالتو.
وصلعة أخونا بكرى طال عمرو تتحمل
وتمنحنا السعادة والحرية في التعبير
لكن يا شيخ ابوالريش الاسعار في ملجات بلدنا ارتفعت.
والقرع أصبح زيو وزي التيترن الياباني.
والحمد لله نتعشم في مستقبل البلد وصحتو .
ياخ سلامة رجعتك.
|
Post: #24
Title: Re: ما فهمت حاجة ... محتاج دليل
Author: اخلاص عبدالرحمن المشرف
Date: 06-08-2020, 07:36 AM
Parent: #23
مشيت زرت نار الضلع
لقيت شكلة حميدتي وكضباشي 😹😹
اقرأوها قبل ما يجي يصححها ود البشرى
|
Post: #25
Title: Re: ما فهمت حاجة ... محتاج دليل
Author: محمد أبوالعزائم أبوالريش
Date: 06-08-2020, 10:29 AM
Parent: #24
Quote: سلامات أستاذ ابوالريش
صاحب القلم الأخضر والقلب برضو.
اهم حاجة اخبار صحتك .
المنبر في حالتو.
وصلعة أخونا بكرى طال عمرو تتحمل
وتمنحنا السعادة والحرية في التعبير
لكن يا شيخ ابوالريش الاسعار في ملجات بلدنا ارتفعت.
والقرع أصبح زيو وزي التيترن الياباني.
والحمد لله نتعشم في مستقبل البلد وصحتو .
ياخ سلامة رجعتك. |
سلام أحمد موسى،
غايتو من كلامك لي كلام ود البشرى وباقي الأخوان والأخوات، طلعت بي إنه الواحد يكفكف بنطلونه ويخوض بنفسه عشان يفهم الحاصل.
تسلم.
|
Post: #26
Title: Re: ما فهمت حاجة ... محتاج دليل
Author: يحي قباني
Date: 06-08-2020, 11:06 AM
Parent: #25
| Quote: يكفكف بنطلونه ويخوض بنفسه عشان يفهم الحاصل |
او تكون لابس بنطلون قطِع خور ..
|
Post: #28
Title: Re: ما فهمت حاجة ... محتاج دليل
Author: محمد أبوالعزائم أبوالريش
Date: 06-11-2020, 07:41 AM
Parent: #26
| Quote: او تكون لابس بنطلون قطِع خور .. |
ده رِدا .... والا بناطلين أولاد السر قدور يا دفعة؟
|
Post: #27
Title: Re: ما فهمت حاجة ... محتاج دليل
Author: تماضر الطاهر
Date: 06-08-2020, 04:37 PM
Parent: #22
ههههه الاتنين والله
،
تحايا ليك وللجميع
|
|