Post: #1 Title: حالات التعافي من الكورونا يعادل 92% في السعودية كم يعادل في السودان؟ Author: منتصر عبد الباسط Date: 05-30-2020, 05:34 AM
05:34 AM May, 29 2020 سودانيز اون لاين منتصر عبد الباسط- مكتبتى رابط مختصر
النسبة المذكورة في العنوان هي ليست نسبة التعافي من العدد الكلي للمصابين التي تبلغ أكثر من 50% بل هي نسبة المتعافين مقابل المتوفيين يعني لوجمعنا عدد المتعافين مع المتوفيين تبلغ نسبة المتعافين أكثر من 92% في مقابل 7,6% متوفيين هل سنتحجج بالإمكانيان وإريتريا نسبة التعافي 100%
Post: #2 Title: Re: حالات التعافي من الكورونا يعادل 92% في السع Author: حسام الدين حمودة Date: 05-30-2020, 07:16 AM Parent: #1
تحياتي مقاربة غير واقعية ،،،، السعودية تجري يومياً ما بين 16 ألف و 26 ألف فحص ،، ومرات في بعض الأحياء فحص عشوائي ،، وفاتحين المجال تجي تفحص نفسك بدون ما يكون عندك أعراض ،،، وعشان كده الإحصائيات أكثر للمصابين وللمتعافين في السعودية ،،، السودان بيناتل لفرق الإمكانيات وأريتريا لاتجري فحوص أصلا * معلومة ،،، السعودية طلبت من الصين توريد 9.5 مليون فحص كرونا ،،،،،
Post: #3 Title: Re: حالات التعافي من الكورونا يعادل 92% في السع Author: منتصر عبد الباسط Date: 05-30-2020, 01:26 PM Parent: #2
حياك الله الأخ حسام الدين
Quote: السعودية تجري يومياً ما بين 16 ألف و 26 ألف فحص ،، ومرات في بعض الأحياء فحص عشوائي ،، وفاتحين المجال تجي تفحص نفسك بدون ما يكون عندك أعراض ،،، وعشان كده الإحصائيات أكثر للمصابين وللمتعافين في السعودية ،،، السودان بيناتل لفرق الإمكانيات وأريتريا لاتجري فحوص أصلا * معلومة ،،، السعودية طلبت من الصين توريد 9.5 مليون فحص كرونا ،،،،
الكلام عن نسبة التعافي ما ظنيت ليهو علاقة إيجابية بنسبة الفحص في السعودية في السعودية المريض بتعاملو معها باعتباره مريض عندو إعراض التهاب ياخد علاج التهابات عندو ضغط ياخد علاج الضغط عندو سكري ياخد علاج السكري عندو جلطة ياخد علاج الجلطة وفي ذات الوقت مصاب بالكورونا في السودان بتعاموا مريض كورونا بصورة ممكن تكتل المريض بالرعب أو اليأس والوزير قال ما عندو غير البندول بالله ما فضيحة يموتوا المئات بسبب الجلطات دون يجدو علاج ولا يتوقفوا يعيدو النظر في الأمر؟!
Post: #4 Title: Re: حالات التعافي من الكورونا يعادل 92% في السع Author: Asim Ali Date: 05-30-2020, 01:45 PM Parent: #3
Quote: لكلام عن نسبة التعافي ما ظنيت ليهو علاقة إيجابية بنسبة الفحص في السعودية
كيف الكلام دا يامنتصر ؟ الشخص المتعافى زةل عمل فحص وخضع لاجراءات حجر وبورتكول علاج .بالتالىى توسيع رقعه الفحص يوسع رقعه الاعداد المرصوده فى الاحصاءات وتكون الاحصاءات اكثر موثوقيه من حاله السودان اللى فيهو حالات الاصابه فقط المبلغ عن اشتباه اصابتو و مخالطيه (لو ماشرد منهم زول) بالتالى عينه الاحصاء بتاعتك فى السودان محصوره فى فئه المبلغين فقط مش زى فى السعوديه . .
Quote: والوزير قال ما عندو غير البندول
وينو العلاج المرخص باستهدتمو عالميا ويتم انتاجو عشان الوزير والحكومه يجيبوهو يعالجو بيهو ؟ . ابحث عن الكوز والفلول الليله فى صف العيش (فى محاولات خلق ازمه فيهو ) والوقف وراى بنكلم انو الناس مابتصبر بعد دا وتنزل الشغل وانو هو طول الفتره الفاتت التزم بالحظر حتى ماعيد على اهلو وفى نفس الوقت حالق حلاقه عيد مظبوطه يعنى بحلاق . (فهمت قصدى) فى محاولات جاريه باسلوب زى دا الناس تكسر الحظر بعد نهايه العيد وبعدها احسن يامنتصر تفتتش السلوك الاجتماعى البيخلى المجتمع يقتل نفسو ينفسو ويشكل ضغط على امكانيات بلدو والجميع يعلم امكانياتها فى مجال الصحه . انت بتتجاهل اطراف اخرى مسئوله عن تردى الزوضع الصحى الوبائى وعملت زى الناس البقولو يسقط حمدوك وتسقط الحكومه ويوم واحد ماسمعنا منهم يسقط برهان او الكباشى !!!!!! تحياتى
Post: #5 Title: Re: حالات التعافي من الكورونا يعادل 92% في السع Author: حسام الدين حمودة Date: 05-30-2020, 01:49 PM Parent: #3
تحياتي منتصر أنا في السعودية وشايف الحاصل فيها ،،،،،، أي مستشفى محروس بالجيش ،، الحرس الوطني أصلاً ما بيسمحوا ليك تدخل جوة ساكت كده ،،،، إنت لو مريض خلي يسمحوا لي 20 مرافق دي المستحيل بي عينه أي مستشفى عندهم حاجة إسمها Screening ،، ودي يعني قبل الطواري ،،، وبتلقى فيها ناس الوبائيات ،،، ما بتقابل دكتور ولا يعملوا ليك أي علاج قبل فحص الكورونا وحتى يتأكدوا إنك مافي خطر عندك ،،،، حتى النساء والولادة تجي قبل وقت كاف وتجري فحص الكورونا ،،، أو تعامل معاملة المصاب بالكورونا وبتعاملوا معاك ناس الوبائيات ،،،،، كل المستشفيات ألغت مواعيد المراجعة ،،، ومنعت العيادات الخارجية ،، وأوقفت أي تعامل مع أي حالات باردة ،،،، يا منتصر الإنتقاد من أجل الغرض ومن أجل تشويه الوزير يجب أن يكون بمنطق قوي وبحجج ثابتة وإلا فإنه تجني،،،، كل الموضوع في السودان الناس ما ملتزمة ،،، اليوم مثلاً في السعودية الرياض ،، الحظر مسموح بالحركة من 6 صباح الى 3 عصر ،،، شوف الشوارع ،، خاااااالية ،،، الناس من غير حظر لا تتحرك بدون سبب قوي .