السوأل ده بعمل ( عشراقة ) في الحلق السوأل ده بعمل تمرد و بعمل انقلاب في البلد و بعمل نقاش طويل و بعمل مشااااكل في مكونات الحكومة و بعمل مليون خط بين الشعب و بين الحكومة !!
انا الوحيد بضحك لمن السوأل ده يتسأل هههه والله لأنو بحس بالزول العايز يسأل السوأل ده عايز يفتح باب نقااااااااش و ما عندو موضوع مع إحترامي ليهو !!
لانو اذا كنت بتسأل عن هو منو بالإسم !! دي حاجة تانية لكن لو كنت بتسأل عن هم منو ك كياااان فهم بالنسبة لي وليك معروفيييييييييين لدرجة انك الان عرفتهم طيب مدام انت عارفهم لي بتسأل ؟؟ و لا بتسأل عشان عايز تعرف انو كل الناس عارفين زيك او لا .. حابي اطمنك كلنا عارفييييييييين
كنت بتخيل لو انا او انت كنا شهداء مع اخوانا اذا ربنا كتب الشهادة طبعاً هل كان حتكون راضي عن الوطن الانت ضحيت بدمك الأن عشانو ؟! بالتأكيد الإجابة ( لا ) لأنو اذا كان الزول القتل لحدي الان حاااااااااااااااايم و عيني عينك
انا ما جاي اشعلل النيران بس انا جاي اوريكم في نفاااااااااق في البلد دي ما طبيعي ثورة كاملة اتعملت لتحقيق مطالب كثيرة لحدي الان شعاااااااار الثورة فقط لم يتحقق حرية سلام و عداله !! حتقولي م تستعجل حاااااااضر نحن منتظريييييين ☠️
حكومة شعارات فقط فرقها شنو من كيزان السجم كل يووووم بيان و كل يوم مؤتمر و غير قلعنا من فلان و شلنا من فلان و طردنا فلان مافي
طبعاً بإستثناء حمدوك الأملنا فيهو كبير 😅 اتمنى اتمنى ما يخذلني
يبقى الانسااااااااااان السوداني هو الضحية يبقى الانساااااااااااااان السوداني هو الضحية !!
عشان كده لو عايزين تفتحو موضوع و قاطعين موضوع اتناقشو في منو فض إعتصام القيادة العامة ؟! لأنو بحصل فيهو نفااااق و مسك زمن
عموما فلتشكر الحكومة كورونا هذه الأيام لأنو كانت هي المنقذ لها .. اتمنى البوست ده ما يكون بشبه مؤتمرات المجلس السيادي 😅 لانو ما بنفهم اي شي حازم حلمي
اتفق كل المتحدثون على شئ واحد.. هو ان دماء شهدائهم قد بيعت بثمن بخس كراسي معدودات... وان القصاص لن يتحقق في ظل حكومة يتشارك فيها القاتل ومن يدعي تمثيل المقتول
الفض الاعتصام هو المجلس العسكري والممثل الآن فيما يسمى بمجلس السيادة (المزعوم) بخمسة أعضاء بما فيهم رئيس مجلس السيادة ونائبه
ديل هم المسئولين بصورة مباشرة عن فض الاعتصام وعن عمليات القتل والمذابح التي نصبت للمعتصمين والانتهاكات الواسعة التي جرت وصاحبت عملية الفض وما تلاها من عمليات قتل وإعدامات للمواطنين
وطبعاً مسألة القصاص في ظل الحكومة غير واردة على الإطلاق..
لأنو زي ما تفضلت انت وقلت فالحكومة الحالية هي حكومة القتلة فكيف لشخص عاقل أن يتصور انو القتلة ديل يمكن أن يقتصوا من نفسهم
ولا في الأحلام يا صديقي !
Post: #8 Title: Re: الفض الاعتصام منو؟ (فيديو) Author: منتصر عبد الباسط Date: 05-30-2020, 04:34 AM Parent: #6
Quote: لفض الاعتصام هو المجلس العسكري والممثل الآن فيما يسمى بمجلس السيادة (المزعوم) بخمسة أعضاء بما فيهم رئيس مجلس السيادة ونائبه
ديل هم المسئولين بصورة مباشرة عن فض الاعتصام وعن عمليات القتل والمذابح التي نصبت للمعتصمين والانتهاكات الواسعة التي جرت وصاحبت عملية الفض وما تلاها من عمليات قتل وإعدامات
Quote: القحاتة طبعاً ما بحبوا الكلام ده
هههههههه والله يا الهادي حكايتك تحير ! هسع بالله شنو الما بحبوه القحاتة في كلامك دا؟! كلامك دا هو ذاااااتو المكن الحقاتة من الكراسي و من السلطة سواء كان حق أو باطل وهسع لو العساكر شاتو القحاتة وابعدوهم من السلطة القحاتة ما عندهم أي حاجة ماسكنها ومعتمدين عليها يقاوموا بها العسكر ويبتزو بيها العسكر غير جنس كلامك دا ، يبقى كيف ما يحبوهو كلامك دا القحاتة يحبوهو حباً جما بل و يمثل لهم الروح التي يعيشون بها قال ما يحبو قال ! وهسع الكورونا دي وقعت ليهم في جرح جمدوا بيها شغل لجنة أديب وحبسوا الناس في بيوتم بما لا يسمح بمظاهرات لمن يمكنوا نفسم ويعنينوا كل من يريدون تعينه ويسطروا على البلد تمااااام حتين يفكو الحظر ويدو لجنة أديب الأسبوعين الباقيات لإتمام مهمتها دا كان صدقو وبعداك لهم لكل حادث حديث
Quote: الفض الاعتصام صباح الاعتصام الخرطوم كلها نبذتو فتش من مني ال اتفشت للشعراء ال ما اتغشت
الفض الاعتصام ونبذتو الخرطوم عرفناه والوافق على الفض وعرف مواعيده ودساه من المعتصمين الا خاصة ناسه برضو عرفناه.. الا؛ الاتفشت وما اتغشت.. فدي هي الشورة الغلبنا دليلا
Post: #10 Title: Re: الفض الاعتصام منو؟ (فيديو) Author: سيف اليزل سعد عمر Date: 05-30-2020, 03:00 PM Parent: #9