منو المتكيف زينا لطرد المصريين من الكويت ؟

Post: #1
Title: منو المتكيف زينا لطرد المصريين من الكويت ؟
Author: Osman Musa
Date: 05-28-2020, 04:43 PM

04:43 PM May, 28 2020
سودانيز اون لاين
Osman Musa-
مكتبتى
رابط مختصر

انا غايتو متكيف رسمي.
موظفين حجر الماشية في ميناء جدة كلهم مصريين.
وشغالين ضدنا بي مزاج.
وهم السبب في استرجاع ماشيتنا من السعودية وهم سبب
خسارتنا للاسواق العربية .
عشان هم منحشرين في زي دي الوظايف المهمة . وطبعا
دي سياسة مصر .
السودان بلد كبير ومخيف .، ومليان خير .
وزي ما قال لي تاجر ماشية زهجان.
قال لي الماشية الحمرية دي مافي منها إلا في الجنة.
وكمان الفاكهة السودانية .
والله لو انعدلت سياسات الصادر. ولو تفاوضنا مع العرب
في حلول لي سلعنا إلا الدولار يبقي بي فد جنيه .

Post: #2
Title: Re: منو المتكيف زينا لطرد المصريين من الكويت
Author: Osman Musa
Date: 05-28-2020, 05:25 PM
Parent: #1

اسباب كتيرة تخلي الواحد متكيف لي طرد
عيال بمبا من الكويت.
والسنة الجاية انشاءالله السودان يقدر يوقف
اتفاقيات تصدير البقر والجمال الحية لمصر .
المصريين حقارين .

Post: #3
Title: Re: منو المتكيف زينا لطرد المصريين من الكويت
Author: دفع الله ود الأصيل
Date: 05-28-2020, 05:36 PM
Parent: #1

مساياتك لبن مقنن يا عصمان في قندهار سوق الناقة
صراحة متكيف منك متابع لشأننا العام بروح مرحة تنقط عسل .
أولاد بمبة ديل لو فكونا ليهم برانا نلاقيهم في فرقة نلحسم المرقة.
لكن زعاماتنا رمم الغريبةبدون فرز راقدين لهم سلطة، ما عارف ليه.
ياخ ذكرتني: اتنين زيلان متشاكلين خاتنو قرض.أها ود بمبة ملقوف
للشلاقة قام يحجزم ؛ جاهو طالوش جدعو متل هنوك ؛ و سامع واحد
واحد بيهدد في التاني أصبر لي آالفعن يوم بلاقيك في فرقة و بلحسك
المرقة . أها المصري بقى معلق فيها: آه ياني، الحقيني يمة. يخرب بيتك
يازول ، طب و أنا كان ذنبي إيه ؛ دي قزاتي يعني اللي منعتكو تعورو
بعض.. ثم أنا نفسي أعرف بس ليه الخشونة دي؛ دانا سامعو بوداني
حتى بالأمارة كان بيعزم أخوه ع العشا يمكن كوارع بيقوللو: تعالالي
في فرقة كدا و ح ألحسك مرقة تأكل صوابعك وراها آ والله صحي.
تخريمة :
حكيناها لأخونا رباطابي قاللي: أصلو ود بمبة بطيني
لهفان، تلقاه جا جاري يتشمسم جابتو ريحة ( الكُشنة).

Post: #4
Title: Re: منو المتكيف زينا لطرد المصريين من الكويت
Author: Osman Musa
Date: 05-28-2020, 06:33 PM
Parent: #3

أخونا دفع الله
سلام
ياخ الافندية الماسكين وزاراتنا مساكين وما بيعرفوا سياسة كلوكلو.
يادفع الله ياخ سيل الجمال والبقر شوف عيني لسع ماشة . اتفاقيات الانقاذ
مافيها ولا أي تغيير .
في دي نفس السرقة الزمان .
في دي لم تسقط بعد.
تخيل ؟

Post: #5
Title: Re: منو المتكيف زينا لطرد المصريين من الكويت
Author: احمد حمودى
Date: 05-28-2020, 06:57 PM
Parent: #1

Quote: موظفين حجر الماشية في ميناء جدة كلهم مصريين.

حتى متغلغلين داخل السودان السودان بقى مرتع ليهم

Post: #6
Title: Re: منو المتكيف زينا لطرد المصريين من الكويت
Author: علي عبدالوهاب عثمان
Date: 05-28-2020, 07:12 PM
Parent: #5

تحياتي الحبيب عثمان
هم كانوا عالقين واحتجاجهم كان لتسريع تسفيرهم الى مصر
العكس الكويتين قدموا ليهم خدمة ما كانوا يتوقعونها

لينا في الخليج سنوات طويلة
الجليجيين يعملوا ألف حساب للمصريين
لأن الاعلام المصري خطير جداً .. ومواقع التواصل كذلك
حتى كعمالة ومعاملة الشرطة والكفيل مختلف عننا كثير

تعرف عمرو اديب كان متخصص في شتم الخليجيين
اتقاءاً لشره منح عقد 2 مليون دولار في قناة ام بي سي
وزوجته لميس كمان بعقد اكبر

مرتضى منصور تم استقباله كالرؤساء
ودعوة لحضور منافسات يكون في المقصورة

تحياتي الحبيب عثمان ..

Post: #7
Title: Re: منو المتكيف زينا لطرد المصريين من الكويت
Author: Mohd Ibrahim
Date: 05-28-2020, 07:20 PM
Parent: #6

احسن الايام دي نركزعلي انفسنا ونحاول نتسغل فرصة اقتصاد الكورنا للخروج من ازماتنا ..المصريين مابنقدر نلحقهم نحنا هسي ..ديل عندهم مليون خريج كل عام جاهزين لسوق العمل ..اقتصاد الخليج البشري قايم علي المصريين والهنود ..
دا واقع تفرضو الارقام ..

Post: #8
Title: Re: منو المتكيف زينا لطرد المصريين من الكويت
Author: دفع الله ود الأصيل
Date: 05-28-2020, 07:41 PM
Parent: #7

Quote:
أخونا دفع الله
سلام
ياخ الافندية الماسكين وزاراتنا مساكين وما بيعرفوا سياسة كلوكلو.
يادفع الله ياخ سيل الجمال والبقر شوف عيني لسع ماشة . اتفاقيات الانقاذ
مافيها ولا أي تغيير .
في دي نفس السرقة الزمان .
في دي لم تسقط بعد.
تخيل ؟

تخريمة تاني يا عصمان:
● هن جينا للحق نحنا زاتنا كشعب غالبنا النسويو. ناس
اللنغاظ لامن كان بصدرو أناتي قلنا بينكطع نسل المواشي.
رجعو يصدرو ضكور ؛ لاقتم واحدة في سواكن شافت الباخرة
مليانة تيوس جدعت توبا هنوك و لمت في بشة دعاسف و قرش
يا الرسلتو رجالنا للجنوب قرضتوهم في ساكات فداكم و رملتونا .
كمان هسة مقبلين على تيوسنا عاد نقبل على وين تاني نحنا !!!

Post: #9
Title: Re: منو المتكيف زينا لطرد المصريين من الكويت
Author: osama elkhawad
Date: 05-28-2020, 11:07 PM
Parent: #8

Quote:
احسن الايام دي نركزعلي انفسنا ونحاول نتسغل فرصة اقتصاد الكورنا للخروج من ازماتنا ..المصريين مابنقدر نلحقهم نحنا هسي ..ديل عندهم مليون خريج كل عام جاهزين لسوق العمل ..اقتصاد الخليج البشري قايم علي المصريين والهنود ..
دا واقع تفرضو الارقام ..

شكرا استاذ محمد .

طيب بعض السودانيين يكثرون من الحديث عن "حب" الخليجيين للسودانيين ..

كيف نوفّق بين ما ذكرته اعلاه بحديثك عن الارقام، وبين "حب الخليجيين للسودانيين"؟؟؟؟

Post: #10
Title: Re: منو المتكيف زينا لطرد المصريين من الكويت
Author: Mohd Ibrahim
Date: 05-28-2020, 11:30 PM
Parent: #9

Quote: شكرا استاذ محمد .

طيب بعض السودانيين يكثرون من الحديث عن "حب" الخليجيين للسودانيين ..

كيف نوفّق بين ما ذكرته اعلاه بحديثك عن الارقام، وبين "حب الخليجيين للسودانيين"؟؟؟؟

اكون واضح معاك .اخي اسامة وانا موجود في الخليج منذ 20 عاما ..الخليجيون لايحبون احدا ولكنهم يفضلون التعامل مع جنسية دون الاخري ..مثلا يتعاملون مع السودانين بامان لانهم مساكين ومن السهل استغلالهم اواكل حقوقهم ... خاصة انه لاتوجد لديهم دولة او اعلام يخافونة ...
الموضوع بتاع الحب هو عبارة عن sugar coating لكلمة الاستغلال ...طبعا توجد استثناءات لهذة القاعدة ولكنها ضيقة جدا ..

Post: #11
Title: Re: منو المتكيف زينا لطرد المصريين من الكويت
Author: osama elkhawad
Date: 05-28-2020, 11:57 PM
Parent: #10

Quote: مثلا يتعاملون مع السودانين بامان لانهم مساكين ومن السهل استغلالهم اواكل حقوقهم ... خاصة انه لاتوجد لديهم دولة او اعلام يخافونة ...

الموضوع بتاع الحب هو عبارة عن sugar coating لكلمة الاستغلال ...

طبعا توجد استثناءات لهذة القاعدة ولكنها ضيقة جدا ..

هذا ما جال بخاطري حينما سألتك..

شكرا اخي محمد على "واقعيتك"...

Post: #12
Title: Re: منو المتكيف زينا لطرد المصريين من الكويت
Author: adil amin
Date: 05-29-2020, 04:03 AM
Parent: #11

انت حرر السودان من المهرولين ومن صتعتهم المشاريع المصرية القذرة في السودان وفرضتهم بي الانفلابات لحدي هسة
وارجع لي مشاريعك الوطنية في حدود 1يناير 1956 فقط وبي علم الاستقلال
اراضي السودان كلها منهوبة من دول الخليج ومصر والبعثي والشيوعي والناصري يذر لينا في الكيزان
https://top4top.io/
ترجع لي جيل الاستقلال الذهبي او تكل نيم
المخابرات المصرية ماسكة اللجنة الامنية وكعوك الجيش والامن وجماعة مايو لحدي هسة والدولة المركزية الغبية والمحاصصة
نظف السودان اول حاجة وشوف بنوك والشراكات الامنية والجيس وصلاح قوش وبن عوف القاعدين ليك في مصر ويديرو السودان بي خمسة جنرلات في المركز و17 في الاقاليم بالوضع الشاذ ده لحدي هسة
لا شماتة في المصريين
بي\س زح من مصر والخليج وشوف مواردك المهولة واديرا بمؤسسات والدولة الديمقراطية والفدرالية ده الحل

Post: #13
Title: Re: منو المتكيف زينا لطرد المصريين من الكويت
Author: نادر الفضلى
Date: 05-29-2020, 05:16 AM
Parent: #12

Quote:
وزي ما قال لي تاجر ماشية زهجان.
قال لي الماشية الحمرية دي مافي منها إلا في الجنة.
وكمان الفاكهة السودانية .

والحمد للله
الضان البلدى خرافى

Post: #14
Title: Re: منو المتكيف زينا لطرد المصريين من الكويت
Author: Hasheem Karouri
Date: 05-29-2020, 06:07 AM
Parent: #13

السلام عليكم

ليس المقصود بالقرار ، المصريين وحدهم . بل كل الجنسيات الاخري .
هو مشروع تقدم به نائب بالبرلمان ، بخصوص قلة اعداد المواطنين الكويتين ، مقارنة مع عدد الجنسيات الاخري بالكويت .
وضح في مشروع القرار ، نسب للجنسيات الاخري الموجودة ،والتي يسمح لجزء منها بالبقاء في الكويت ، والمصريين لديهم نصيب فيها ، وذكروا بالاسم .
للاسف السودان غير مذكور في اي من القوائم التي يشملها القرار .

Post: #16
Title: Re: منو المتكيف زينا لطرد المصريين من الكويت
Author: Osman Musa
Date: 05-29-2020, 01:20 PM
Parent: #10

يا أخ مو
ياخ والله الموظفين المصريين في الدول العربية جد شغالين شغل،واضح
ضد السودان واضح .
وكمان حتي موظفين الجمارك المصريين في المعابر
برضو متساهلين مع المهربين بتاعين الممنوعات الداخلين
السودان . القصة فيها قصد عديل للاقتصاد السوداني

Post: #15
Title: Re: منو المتكيف زينا لطرد المصريين من الكويت
Author: Osman Musa
Date: 05-29-2020, 08:47 AM
Parent: #5

الأخ حمودي سلام
تلقاهم الآن في أي ملف في السودان.
ياخ في غرب امدرمان عاملين المزارع المحمية وزارعين
النبق الفارسي والعنب . وشبعانين شبع .
وكلو تمليك . تمليك عديل.

Post: #17
Title: Re: منو المتكيف زينا لطرد المصريين من الكويت
Author: يحي قباني
Date: 05-29-2020, 01:30 PM
Parent: #15

Quote: الأخ حمودي سلام
تلقاهم الآن في أي ملف في السودان.
ياخ في غرب امدرمان عاملين المزارع المحمية وزارعين
النبق الفارسي والعنب . وشبعانين شبع .
وكلو تمليك . تمليك عديل

و دي مشكلتهم هم يا عثمان ؟

و بالمقابل في كم مليون سوداني عايشين في مصر ؟

بصراحة شتم او الشماته على شعب باكمله كلام غير مقبول ..

Post: #18
Title: Re: منو المتكيف زينا لطرد المصريين من الكويت
Author: علي عبدالوهاب عثمان
Date: 05-29-2020, 01:47 PM
Parent: #17

حبيبناعثمان تحياتي
ما كل المصريين بالصورة دي
في مناطقنا في الشمالية منطقة شمال دنقلا
كان الصعايدة يجوا للزراعة بالقسمة
عمنا ابوالحسن ، ودسوقي ، وفوزي وكثيرين لا أذكر اسماءهم
واشهرهم كان ناس أبورواش ومازالت زريتهم باقية اليوم
أذكر في مزرعتنا على الطريق البهائم تهجم على الزراعة جاء فوزي الصعيدي
ونصح الوالد بشتول (طماطم اسود ) احضرها بنفسه وزرعها أول مرة أعرف البهائم تهرب من الطماطم الاسود
كانوا احسن ناس علموا ناسنا زراعة الخضار ( الجزر ، والفلفل الاخصر والنبجر ) حتى المنطقة أهلنا سموها الامبابة والى اليوم
تصدق الكلام ده من قبل ستين سنة ..
الآف اليوم باعوا منازلهم في الخرطوم واستقروا في مصر .. حتى الاطباء عندنا يقولوا ( سافر مصر )
ليس دفاعاً عن الحكومة المصرية والاعلام المصري ولكن هذا ماعيشناه
ليس كل الشعب مصري هكذا .. وربما نحن كان لنا تواصل معهم من زمان