أخونا مو سلامات ياخ مقدمة البرنامج ام مخ طاق دي . حقو كان قبل ما تحاور الطرطور ده مفروض تنادي ليه الشرطة. كيف يحصل كلام زي ده في قناة سودانية . وين وزير الإعلام؟ وين نقابة الفنانين ؟ وين وزارة الصحة ؟ وين الشرطة ؟ وين أهل الفنان السجم ده ؟ الموضوع يا مو خطير خطير . الحقن دي ممنوعة في العالم كلو .
دخلت علينا من مصر ومن نيجيريا بلاوي من الإبر والحبوب بلاوي متلتلة. و بالدولار كمان وعندها زباين من الجنسين زي الاهبل ده . حقن للسيدات . حقن عضلات للرجال. حقن تبييض البشرة . الحقنة تحصل ألف دولار .
أخونا شيخ علي سلامات والله جد مشكلة خطيرة . لاحظ ده عامل فيها فنان . واكيد عندو مجانين تابعين ليه . الزول جبهتو جبهة خواجات عديل يا حاج علي . واحد قال لي الفنان ده مالو شكلو زي الكلمات المتقاطعة؟ ابيض وأسود. ؟
غايتو زالط صاح لكن عقل الاصابع زى السكن ابت تفتح ......بالنسبة لى مقدمة الحلقة هى اساسا ما مذيعة هى خبيرة تجميل وتقشير وفيشيال وخلطات وحاجات عينة دى ولجت مجال الإعلام من هذا الباب ......القناة حيث قدم البرنامج مشهورة بالإسفاف واستضافة كل عاطل موهبة
بنتنا اميرة سلام لابد من توعية فيها جديدة للمحافظة علي صحة السودانيات ولابد من إعادة النظر في منح تراخيص لبيوت وصوالين وعيادات التجميل. في أمريكا في رقابة شديدة علي صحة المرأة وقصص الحقن و شغلات البشرة من الحاجات الفيها سجن يصل لي 15 سنة سجن . لكن السودان القصة هبتلي.
البرقص في الفيديو التاني دي ما سجاد يا عبد الغني, اعتقد اسمه كبشور و سمعت انه توفي قبل سنين
Post: #23 Title: Re: فنان سوداني بياخد حقنة تفتيح البشرة . بال� Author: Osman Musa Date: 05-29-2020, 10:01 AM Parent: #12
أخونا عبدالغني سلام مقدمة البرنامج أبدا ما حاورتو في الأضرار. كيف القنوات دي تسمح بي شغل زي ده ؟ ولا جابت سيرة الجريمة . جريمة التهاون في تجارة السموم دي . الشباب ديل بموتوا في أعمار صغيرة بي سبب بلاوي كتيرة الحقن والسليسيون وادمان الشم والحبوب المنتشرة. وين وزارة الرعاية ؟
النوع دا من الغناء هو ما يسمى منذ عشرات السنين بـ (غناء البنات) وكان هذا الغناء غير معترف به كفن ولا يسمح بتقديمه في التلفزيون السوداني الرسمي وفي عهد الكيزان وبالتزامن مع إزدياد القنوات بدأ يسمح بتقديم غناء البنات في القنوات وبدأ يجد ما يسمى بغناء البنات سيطرة واسعة في حفلات الزواج وهو لا يحتاج لموهبة ولا تلحين ولا اجتهاد موسيقي المؤسف هو أن يصبح لغناء البنات ممارسين له من قبل الذكور وهنا يكمن خطر ثقافي وإنحدار خطير وكبير لفن الغناء السوداني حين يتحول غناء البنات من تراث نسوي لفن يلج إلى ساحته الذكور مزاحمين النساء! هذه مصيبة
يا ود البشرى سجاد ده انا ما سمعتوا بيغني لكن زول غياظ ودمه بارد كل ما الم فيه في التيك توك بليس ليهو لكن ولا بهمه😂 لكن كضاب ٦ الف دولار شنو البيدفعها كل شهرين وكمان قالوا ليك في حقنة زي ما قال ذو اليد لل 😂
مافي إحتمال الولد يكون قاصد يسخر من المذيعة؟ طريقتو في الإجابة ممكن تكون سخرية من سؤال المذيعة وبعدين حقنة الجلوتاثيون البستعملوها لتفتيح البشرة ما بتحتاج يسافروا ليها وما بتفوت ليها 500 دولار كان بقبقت
Post: #22 Title: Re: فنان سوداني بياخد حقنة تفتيح البشرة . بال� Author: Deng Date: 05-29-2020, 08:37 AM Parent: #21
دي نتيجة الاستلاب الثقافي والعرقي في السودان.
الولد ده فاهم انو الجمال مرتبط فقط باللون الفاتح أو الابيض.
دي حالة متأخرة جدا من حالات الاستلاب.
أنها مأساة حقيقية.
Post: #24 Title: Re: فنان سوداني بياخد حقنة تفتيح البشرة . بال� Author: أحمد محمد عمر Date: 05-29-2020, 11:04 AM Parent: #22
أنا مع رأي حافظ وما اعتقد إنه الفنان دة عندو المقدرة المالية دي لكن بغض النظر ... انتو مشكلتكم شنو مع زول عاوز يفتح لون بشرته؟ دايرين تدخلو بين الواحد وجلدو؟ والله أنا شايفها حرية شخصية وما من حق المذيعة تسأل ذاتو
السؤال مفروض يكون شنو تأثير بشرة الفنان - الما عارف اسمو - دة عليك انت؟
سلام اخ عثنان المشكلة ما في هذا المتصابي بل في وزارة الاعلام بالتسمح لاشخاص وبرامج من هذا النوع تظهر علي الملاء وتاثير هذه النوعية من البرامج علي الراي العام كبير جدا، بعض السوريين بشتغلوا في هذه المساحيق الخاصة بتبيض البشرة بشكل مقرف ولا علاقة له بالمنهج العلمي والتخصصية واستفادو من الفوضي الموجودة في البلد واعتنو غني فااااحش نسال الله السلامة
لا ياخ انت فهمتني غلط ما دايرين نتدخلفي حريتك الشخصية بينك وبين الجلد بس دايرين نتأكد ما تكون عضو في قروب جلخ وملخ
Post: #29 Title: Re: فنان سوداني بياخد حقنة تفتيح البشرة . بال� Author: أحمد محمد عمر Date: 05-29-2020, 01:42 PM Parent: #28
أنا رجل شعرور لكن بكره الشعر موت الدقن مقطعها النفس والشنب نمرة واحد بالمكنة .. نظام ما تكوركوا أهو دة في شنب بس انتو دققوا كويس المدام شايفة اجتهادي في موضوع الشعر دة كل مرة تقترح علي الليزر تقول لي بي حالتك الشايفاها دي لحدي ما تموت ما بتحتاج لحية عشان كدة اقتل البصيلات بالليزر وريح نفسك بقول ليها بس كدة خلينا نهاجر لدولة غربية حتى شوية الشنب دي بلحقها أمات طه أبقى ليكم الكابلي بس
أها دحين انت كان من ناس الشنب رجالة أحسبني مع التانين
يا زول انا كان غرموني في الحظر ده ( غرامة الكمامة حد أقصى ٢٠٠ الف ريال) بيكون عشان الحلاق بن اللذين بيتصلوا بي ٢ منهم وواتسابات فلسوا بقول ليهم اختوني حاجتين افتقدهم في الكرونا الحلاق والشيشة ( تدخين)
Post: #31 Title: Re: فنان سوداني بياخد حقنة تفتيح البشرة . بال� Author: أحمد محمد عمر Date: 05-29-2020, 02:33 PM Parent: #30
ياخي أنا أكتر حاجة مكيفاني من حبسة الكورونا دي الشيشة خليتها ليك من أول يوم ولقيت الدنيا بتمشي بلاها عااااادي :) هسة أكتر حاجة ملاوزة بي يفتحوا المقاهي تاني وما أقدر امسك نفسي الحلاقة سيلفي بالمراية وبعد داك بخلي المدام والولد الكبير يشتغلو مواساة .. بقول ليهم شخبتو ساي أصلو ما تلاوزوا هو الشايفني منو في الحظر دة :)
