Post: #1
Title: عضو بالمجلس السيادي السوداني يلتقي زميلته في الإبتدائي مصادفة بعد 30 عاماً تعمل بائعة للشاي
Author: عبدالله محمد احمد بلة
Date: 05-27-2020, 10:26 PM
Parent: #0
10:26 PM May, 27 2020 سودانيز اون لاين
عبدالله محمد احمد بلة-كوستي
مكتبتى
رابط مختصر
Quote: عضو بالمجلس السيادي السوداني يلتقي زميلته في الإبتدائي مصادفة بعد 30 عاماً تعمل بائعة للشاي
الخرطوم: محمد الطاهر
تفاجأ عضو المجلس السيادي الإنتقالي في السودان ” محمد حسن التعايشي” بلقاء زميلته في المدرسة الابتدائية، خلال زيارة رسمية له إلى غرب السودان بعد غيبة امتدت لثلاثة عقود.
وغرد “التعايشي” على حسابه بتويتر وقد حكى الواقعة قائلاً: ) يالها من مصادفة!! زميلتي في الابتدائي قبل 30 عام وجدتها في منطقة الكركر في حدودنا مع افريقيا الوسطي، تعمل بائعة للشاي.. التعليم مفتاح التنمية والنهضة(.
وتفاعل مع الموقف عشرات المئات من متابعيه، يتمنون أن يعم السلام والرخاء ربوع السودان، وعلق أحدهم متى تسقط راء )الحرب( لنعيش في )الحب(
|
|
Post: #2
Title: Re: عضو بالمجلس السيادي السوداني يلتقي زميلت�
Author: Abureesh
Date: 05-27-2020, 10:33 PM
Parent: #1
كدى خلونا من السلام و الحرب..!! عمل ليها شنو؟ اشترى ليها بيت؟ عربية؟ مطعم؟ غمت ليها كم مليون؟
|
Post: #3
Title: Re: عضو بالمجلس السيادي السوداني يلتقي زميلت�
Author: امتثال عبدالله
Date: 05-27-2020, 10:37 PM
Parent: #2
اهو ده المهم يا ابو الريش ...
مفروض وواجب يكفيها شر العوز ...ويبني ليها كشك ويشتري ليها بيت
|
Post: #4
Title: Re: عضو بالمجلس السيادي السوداني يلتقي زميلت�
Author: اخلاص عبدالرحمن المشرف
Date: 05-28-2020, 00:12 AM
Parent: #3
من وين ومن اين له 😂😂
|
Post: #5
Title: Re: عضو بالمجلس السيادي السوداني يلتقي زميلت�
Author: خالد العبيد
Date: 05-28-2020, 04:12 AM
Parent: #4
مفروض وواجب يكفيها شر العوز ...ويبني ليها كشك ويشتري ليها بيت
---------------------------------------
والله ده كلام غريب يشتري ليها كشك ويبني ليها بيت !
من وين ؟!
منو القال ليك بيع الشاي والعمل بي عرق الجبين عوز
الظروف قد تكون دعتها للعمل مبكرا
ممكن جدا تكون مستورة حال وسعيدة وسط اهلها واولادها بهذه المهنة الشريفة
|
Post: #6
Title: Re: عضو بالمجلس السيادي السوداني يلتقي زميلت�
Author: يحي قباني
Date: 05-28-2020, 04:19 AM
Parent: #5
كفتيرا تفك الحيرة
يا بت أحسن من غيرا
البنبر جنب البنبر
والمسك الفايح عنبر
نعناعك طينو قريرا
الشاى والبن قلاية
هبابة ترفرف طيرا
نجوم الضحى جمراتك
صحيها جميرا جميرا
غزلانك دسته كبابي
تتفنني في تِمّيرا
فنجانك جنب فنجانك
شفع في زفة وسيرا
وتزازي برندا برندا
العدة حرام كسيرا
كفتيرا تفك الحيرة
يا بت احسن من غيرا
حليمة النيمة تلمك
في ضلها كتر خيرا
|
Post: #7
Title: Re: عضو بالمجلس السيادي السوداني يلتقي زميلت�
Author: دفع الله ود الأصيل
Date: 05-28-2020, 07:31 AM
Parent: #6
: ® مسرح في الهمبريب الطلق £
< دفع الله ود الأصيل>
((({3})))
ستكتش (1)
(STOP / ACTION )
● حيث يفتح الستار على واحد من إياهم و هو رافع القزاز شديد.
و شيل الريموت ليفتح مصاريع البوابة الراجمات لباحة قصره المنيف
و الكائن بضاحية المنشية شرقاً . ليجد أمامه شاباً اشعث أغبر بائس
الهيئة ؛ أقرب إلى زوال شَبَحَ كان نحيلاً لامن كملان من لحم الدنيا ؛
عظيم التِّفة هزيل القامة نحيف الرجلين و شبه منعدم ما بين المنكبين،
وقف أمامه مصلوباً متل (عود الفسو) ببنطلون جنز مهيريت،
تحتو سروال مقدود و مرقع و فوقو تي شيرت مشرتم
منقوش بشعار(حافظو على نظافة مدينتكم)-
● بسم الله ، فتاح يا عليم رزاق يا كريم ،ا للهم اجعلو خير يا رب،
داير شنو يا زول مالك منشحط لينا هنا مصاقرنا من صباح الرحمن؟!
-داير أشيل ليكم كيس القمامة، ي أستاذ (و هنا يتنفس صاحبنا الصعداء).
- طيب خش شيلا و انكشح أبقى مارق خلصنا، و بالله اتخارج لينا سريع،
عشان أنا ما فاضي ليك ؛ مارق وراي مية مشوار و مقاضي مهمة بالهبل.
- لاكين سعادتك عندي ليك سؤال نصيحة في نفس الوكت، إنو شايف
كلبكم الوولف دا زي الما مرتاح؛ شكلو بعاني من حالة شيزوفرينيا متأخرة
و (اختصاء) عاطفي حاد ، بالمناسبة عندكم برضو كديسة دلوعة؟!
- و ما لا دي كمان ! و ديناها أمبارح تاخد مساج و حمام مغربي جنبينا هنا
في عفىاء موول. و لا أقول ليك حاجة، يا زول بطل رغي، و شيل وساختك
دي و انكشح من هنا أدينا عرض كتافينك ، هو إنت بتاع كرتة و لا تمرجي
بيطري ما لاقي شَغُل، أما و الله بجاحة شماشة عواطلية سعاليق ووو...!!
- لا و أنت الصادق ي وجيه ، و كمان لو ما عجبك ، و أزيدك في القصيد
بيتين ، محسوبك استتشاري نفساني متخصص بالذات في الحيوانات الزيك
گدا {طبعن دي برطم بيها سرياَّ اً كدا في حنانو ساي} ؛ قصدي زيكلابكم و
قططكم السمان ديل ! ثم بعد تنهيدة..لكن أهو ترا ظروف المعايش جبارة
جابتنا ليكم نلم وساختكم و نسمع منك إهانات تكسر الخاطر. و تسم البدن
● ثم ينصرف الشاب و يخلِّي صاحبنا مندهش فاتح خشمو شبرين، ياخي
دا لدرجة إنو قرر لأول مرة و منذ زمااان ، يخلي اللاندي كروزر (VXR) بتاعو
الفاره مقرش في محلو ، و يمشي يركب يعمل جولة بالمواصلات العامة يقضي
مقاضيه مع سواد خلق الله الغبش أبان مسوحاً موية و يتفقد أحوالم و أهي
فرصة باامرة يشوف الدنيا دي برة الشارع فيها شنو و الحياة ماشة كيف.
• صدر تحت توقيعي في ظل نظام زاحف إلى مزابل التاريخ
و أنا كنت في كامل قواي العقلية المعتبرة شرعاً و غاااانونن!!
ود ال ح ي ش ا ن ال ت ل ا ت ة
مؤذن محجور منزلياً بجزيرة مالطة
|
Post: #8
Title: Re: عضو بالمجلس السيادي السوداني يلتقي زميلت�
Author: اخلاص عبدالرحمن المشرف
Date: 05-28-2020, 07:39 AM
Parent: #7
في حال إعطاؤها يفعل
قانون من أين .....
اقترح عليها أن تضع الصورة
بعد استئذان صديق الطفولة
امام محلها للترويج وربنا يرزقها
|
Post: #9
Title: Re: عضو بالمجلس السيادي السوداني يلتقي زميلت�
Author: امتثال عبدالله
Date: 05-28-2020, 09:31 AM
Parent: #8
خالد العبيد
نحن ما قلنا مهنة بيع الشاي ما مهنة شريفة والدليل ان قلت يبني ليها كشك تبيع فيه الشاي وقدام
الكشك مثلا كراسي وترابيز بدل القعاد في الواطة ،،
وبعدين انا ما قلت يبني ليها قصر في المنشية او كافوري زي القصور المنيفة بتاعة اللصوص والحرامية
لكن بيت متواضع في قريتهم ، هذا اذا ما عندها بيت وساكنة بالايجار ،،،
اما حكاية من وين !! فهو عضو مجلس سيادة ، وخاصة بعد ان زادوا المرتبات ٧٠٠ في الميه ، ومرتبو حيكون
بالشئ الفلاني ،،وممكن ربع مرتبه يعمل الحاجات دي كلها ،،،،فاهل القرى والبادية ، زينا ، بنقتنع بالقليل ،،،ولا طمع ،،،
وكل سنة وانت طيب ،،،
|
Post: #10
Title: Re: عضو بالمجلس السيادي السوداني يلتقي زميلت�
Author: اخلاص عبدالرحمن المشرف
Date: 05-28-2020, 09:36 AM
Parent: #9
الحبيبة امتثال
بعد زيادة الراتب فعلاً ممكن يساعد
وكم صورة للترويج
الحمدلله بقينا زي الدول المحترمة الراتب
يكفي الشهر ، زمن الكيزان الله لا عادو
|
Post: #11
Title: Re: عضو بالمجلس السيادي السوداني يلتقي زميلت�
Author: عزالدين عباس الفحل
Date: 05-28-2020, 12:49 PM
Parent: #10
عضو مجلس السيادة دا .
معقول كان سنة 1990 م .
في المرحلة الابتدائية ...
وحسه ف كرسي القيادة...
دي واسعة شديد ..
do not worry
،،،،
عزالدين عباس الفحل
ابوظبي
|
Post: #12
Title: Re: عضو بالمجلس السيادي السوداني يلتقي زميلت�
Author: عبدالله محمد أحمد
Date: 05-28-2020, 01:28 PM
Parent: #11
يجوز اخي عز الدين الفحل. ١٩٩٠ في ثامن اساس. ١٩٩٧ تخرج من الجامعة. ٢٣ سنة خبرة عمل.
|
|