Post: #1
Title: لماذا يطبع بنك السودان عملة جديدة؟
Author: Gafar Bashir
Date: 05-25-2020, 10:06 PM
Parent: #0
10:06 PM May, 25 2020 سودانيز اون لاين
Gafar Bashir-
مكتبتى
رابط مختصر
شايف اعلانات لطباعة عملة جديدة من فئة 200 جنيه
دي تفسيرها شنو
بس مجرد تغيير التصميم ولا الهدف شنو
للمختصين عشان نفهم
|
Post: #2
Title: Re: لماذا يطبع بنك السودان عملة جديدة؟
Author: Asim Ali
Date: 05-25-2020, 10:29 PM
Parent: #1
سلام عليكم
الظاهر انو فئه 200 اتعرضا لحالات تزوير لو متابع حالات القبض على عصابات التزوير لانو فى عمله فئه 500 برضو وشغاله وماذكرو قصه اعاده طباعتها بتصميم جديد
|
Post: #3
Title: Re: لماذا يطبع بنك السودان عملة جديدة؟
Author: جمال ود القوز
Date: 05-25-2020, 10:39 PM
Parent: #2
هم اصلا ليه رافضين يغيروا الفئات كلها ؟ ...
ده شغل ترقيع وتلتيق
هناك جهات بعينها تعوّق وترفض تغيير العملة ..
عشان عندهم قروش تقيلة خارج المصارف
مكدّسنها في البيوت وشغالين بيها شغل تقيل
كان اتغيرت العملة قروشهم بتمرق
وبتخش المصارف وتتعرف كم
وممكن يخشوا في حيص بيص لامن ترجع ليهم
السودان لو ما اتزالت اللوبيات المتحكمة فيهو
ما ببقى بلد زي الناس لي يوم يبعثون
يفضل لافي صينية كده في حالة اللا دولة ...
|
Post: #5
Title: Re: لماذا يطبع بنك السودان عملة جديدة؟
Author: Gafar Bashir
Date: 05-26-2020, 00:07 AM
Parent: #3
| Quote: هم اصلا ليه رافضين يغيروا الفئات كلها ؟ |
اتوقعت الاجراء ده من الوزير كأول اجراء بعد توليه الوزارة
علي الاقل لحصر ومعرفة الاموال وامكانية متابعتها
طبعا الفطاحلة ما يكونوا داسين عملة سودانية
لكن علي الاقل مكافحة التزوير
وتتبع الاموال بالعملة السودانية
|
Post: #4
Title: Re: لماذا يطبع بنك السودان عملة جديدة؟
Author: Gafar Bashir
Date: 05-26-2020, 00:04 AM
Parent: #2
نعم متابع يا عاصم
وده الخلاني اسال لاانو اذا موضوع التزوير كان مفروض يكون معاها 500 ..
والمشكلة التانية اتعودنا انو كلما نتعامل مع الامور بحسن نية تطلع سذاجة
|
Post: #6
Title: Re: لماذا يطبع بنك السودان عملة جديدة؟
Author: منتصر عبد الباسط
Date: 05-26-2020, 00:15 AM
Parent: #4
تحياتي جعفر
وزير المالية قال المرتبات دي ليست من التضخم وليست من عملة مطبوعة جديدة
هي من مال مجنب
طباعة عملة جديد دون غطاء يعني استمرار في مسلسل التضخم والتدهور
ونرجو أن يكون الوزير صادقاً في كلامه ويكون البند الأول وغيره أنفق عليه
من مال حقيقي وليس من التضخم
الشيء الثاني ربما يكون هناك تبديل تدريجي للعملة القديمة بعملة جديدة بتصميم جديد
يعبر عن شعارات الثورة أو إزالة لآثار 30 ينيو
|
|