Post: #1
Title: ألم تجد قناة النيل الأزرق غير ندى القلعة في أول يومٍ للعيد .. عجباً ..!!
Author: محمد مختار جعفر
Date: 05-24-2020, 09:53 PM
Parent: #0
09:53 PM May, 24 2020 سودانيز اون لاين
محمد مختار جعفر-
مكتبتى
رابط مختصر
ألم تجد قناة النيل الأزرق غير ندى القلعة في أول يومٍ للعيد .. !! حيث لا زلنا نتطلع للوجوه الفنية في يوم عيدٍ للشباب، الذين أثروا الساحة الثورية بأعمال غنائية عاطفية ألهبت المشاعر وكانت راسخة واعدة ، أم لا زالت المجاملات تطغى على برامج النيل الأزرق ، في الوقت الذى يتطلع فيه المشاهد الى جديد الشباب الزاخر .
وتحيتي
|
Post: #2
Title: Re: ألم تجد قناة النيل الأزرق غير ندى القلعة ف
Author: محمد قسم الله محمد
Date: 05-31-2020, 01:01 PM
Parent: #1
Quote: في الوقت الذى يتطلع فيه المشاهد الى جديد الشباب الزاخر .
وتحيتي |
أستاذنا محمد مختار..
اها قاموا جابوا الشباب في قنوات لقينا اخير منهم ندى القلعه وانصاف مدني
واحد شاب قال بياخد حقن تفتيح
وواحد تاني حالق كيف كيف شايل الشعر بالجمبات وعامل ليهو خنفس في نص دوماتو زي الديناصور..
وواحد جابوهو أيام العيد لابس لبسه غريبه لا عرفناها جلابيه ولا جنقول..
ده غير بتاعين اغاني واغاني اللابسين ضيق ومظبظب..
دحين ما اخير ندى وانصاف وما بينهما.
|
Post: #3
Title: Re: ألم تجد قناة النيل الأزرق غير ندى القلعة
Author: محمد مختار جعفر
Date: 06-05-2020, 08:23 AM
Parent: #2
يادكتور / محمد قسم الله محمد .. لك التحية
ما قلته فعلاً هو الحاصل مع جيل اليوم في المظهر .. وماهو إلا مسخ مشوه للشكل العام للشاب في الوجاهة ، وكثيراً ما أعجب لقصات الشعر التي تدعو، ا الى الضحك ، وهل هم مقتنعين بأن هذا مستحسن منظراً للأنثى، وفيهم من يجعل شعره حليق في شكل ( بقجة ) في أعلى نافوخه ومنكوش للأعلى كالشيطان تماماً ..
أما ندى القلعة وغيرها من جيلها لا أرى فيهن من عملٍ فني يطرب أو وأداءاً يميزهن ، غير المساحيق وألوان الثياب فقط ، وما هو إلا ترديد إبداعات الرواد الأوائل من الفنانين ..
لك التحية ..
|
Post: #4
Title: Re: ألم تجد قناة النيل الأزرق غير ندى القلعة
Author: Osman Musa
Date: 06-05-2020, 09:00 AM
Parent: #3
سلامات يا استاذ م م مختار
كيفك يا ابن دنقلا الحبيبة.
زمان زمن الزمن الحلو .
كان نعرف انو الليلة العيد لمان في اليوم الأول
التليفزيون يجيب وردي .
بعدها السعادة تعم البادية والحضر .
بعد فات الزمن الجميل بقت القنوات الهلفوتة يوم العيد تجيب
لينا اجهل جاهلتين .
ن القلعة وإنصاف مدني .
ياخ انصاف مدني دي تمنحك طن من الدبرسة والتعب .
|
Post: #5
Title: Re: ألم تجد قناة النيل الأزرق غير ندى القلعة
Author: Asim Ali
Date: 06-05-2020, 11:18 AM
وقفت يوم فى مسرح قاعه الصداقه فى احتفال محضور برموز من الانقاذ على راسهم على عثمان وغنت اغنيه تراثيه شكر اوحماسه لا اذكر رددت فيها يا (على ).....
|
|