يا بتي، حسي أنت جرسون صحون بس .. أنتظري بعد العرس .. ح يبقي عليك المطبخ كله .. زايداً مكوة الملايات وغسيل الملابس .. وتفريش المنزل وكنسه كمان وتربية الأطفال .. شد حيلك، مشوارك طويل.
بريمة
Post: #2 Title: Re: قضية جندر: شابة سودانية تشتكي من غسل الصحو Author: Asim Ali Date: 05-20-2020, 12:57 PM Parent: #1
سلامات بريمه هسى اخوها لو عمل فيديو عن تحملو مسئوليه البحث و الوقوف فى الصفوف عيش وغاز الخ .هل برضو تصبح قضيه جندريه ولاالرجال ماعندهم حقوق فى الزمن وعليهم كوم واجبات ؟ انا شفت الفيديو بتاعها اول ماطلع .الظاهلر انو الحبشيه الشغاله شردت بعد موضوع كورونا وهى مامتعوده على القصه دى واشارطك لو تكون حتى بتعرف تغسل الطرحه اللابساها دى. دى حنكوشه نوع العايشين فى الوسائط وتيك توك والتفاخر بفيديوهات تجيب اكتر مشاهدات وومتابعين ليها
Post: #3 Title: Re: قضية جندر: شابة سودانية تشتكي من غسل الصحو Author: Abureesh Date: 05-20-2020, 01:42 PM Parent: #2
ما عارف ليه المسلمين بدل يقولوا شهر الصيام.. يقولوا رمضان شهر الأكل. فى صدر الاسلام الإفطار كان على الاسودين.. الماء و التمر فهل نقول ان كثرة الاكل فى رمضان بدعة حسنة؟ إدامان فى إناء.. النبى قال لا اكله و لا احرمه.. طيب نمشى بالسنة واللا بس لأنه ما حرام؟ فى رمضان الان تلقى الصينية فيها تلاتين إدام. (إدام معناها ملاح)
مرحب رمضان .. شهر الاكل و الخرفان. الغريبة الفقهاء يقولوا ليك الصيام عشان المسلم يتذكر جوع الفقراء و يتضامن معهم.. هههههه.. جوع السرور
Post: #4 Title: Re: قضية جندر: شابة سودانية تشتكي من غسل الصحو Author: Osman Musa Date: 05-20-2020, 02:01 PM Parent: #2
بريمة سلام
يا حليل امهاتنا زمان . حتي ماكان في طاحونة لطحن الفيتريتا. كان الام تطحن كمية من العيش في المرحاكة و تقوم بعد داك. بعملية الطحين . و عملية الطحين دي عملية شاقة جدا . بعدها تقوم بتخمير الطحين عشان يتحول إلي عجين. بعدها مرحلة تحضير حطب العواسة. والحطب و فزعة الحطب ده كمان قصة طويلة . بعد داك تجي لي فيلم العواسة نفسها في الصاج المقاسو متر وربع في متر وربع . والطبق الماهل. وتحضير الطبق والبرتال والسعفة والمعراكة وزيت المسحة والطايوقة. وموعد العواسة لو الزوج زول زراعة وبمشي الجزر والجروف بدري . لابد موعد العواسة يكون قبل صلاة الصبح . عشان الزوج يطلع بدري ومعاه فطور للشغالين . طبعا تاني الزوج ما بيرجع الا المغرب . ومعاو اللبن وتقوم تاني الحاجة تركب الصاج لعواسة فطير العشاء. البت الدلوعة دي ما جربت الحفظ والكتابة بي لمبة الكوز ولا باتت جعانة. كانت تسوي شنو ؟ 30 صحن ؟ يا حليلك يا حبوبة بت ابوجديري الكنتي في العواسة اسرع من رونالدينو . واحرف من ماريا شاربوفا.
Post: #5 Title: Re: قضية جندر: شابة سودانية تشتكي من غسل الصحو Author: Biraima M Adam Date: 05-21-2020, 03:23 AM Parent: #4
عاصم، سلامات ..
Quote: هسى اخوها لو عمل فيديو عن تحملو مسئوليه البحث و الوقوف فى الصفوف عيش وغاز الخ .هل برضو تصبح قضيه جندريه
بغض النظر عن قضية أخوها أو أبوها الذي يكد، أو أمها التي تعمل الطعام .. هي عندها قضيتها التي لا ينكرها أحد ..
بريمة
Post: #6 Title: Re: قضية جندر: شابة سودانية تشتكي من غسل الصحو Author: Biraima M Adam Date: 05-21-2020, 03:52 AM Parent: #5
باشمهندس أبو الريش عيد سعيد،
Quote: إدامان فى إناء.. النبى قال لا اكله و لا احرمه.. طيب نمشى بالسنة واللا بس لأنه ما حرام؟
أسألني من نفسي، أنا من أهل الرخص .. ما رخص الله ورسوله رخصة وإلا أنا نايم فيها نوم .. أضرب الطيبات .. والمبغجات (التحلية بلغة ناس الغرب) .. يحب الله أن تؤتي رخصه كما تؤتي نواحيه.
بتنا المسكينة، الله يعنيها .. أيديها نشفوا من صابون الغسيل .. إن شاء الله يلقوا لها خدامة ما دام مربينها علي الراحات.
بريمة
Post: #9 Title: Re: قضية جندر: شابة سودانية تشتكي من غسل الصحو Author: Biraima M Adam Date: 05-21-2020, 04:03 AM Parent: #6
ول أبا عثمان، عيد سعيد ..
Quote: بريمة سلام
يا حليل امهاتنا زمان . حتي ماكان في طاحونة لطحن الفيتريتا. كان الام تطحن كمية من العيش في المرحاكة و تقوم بعد داك. بعملية الطحين . و عملية الطحين دي عملية شاقة جدا . بعدها تقوم بتخمير الطحين عشان يتحول إلي عجين. بعدها مرحلة تحضير حطب العواسة. والحطب و فزعة الحطب ده كمان قصة طويلة . بعد داك تجي لي فيلم العواسة نفسها في الصاج المقاسو متر وربع في متر وربع . والطبق الماهل. وتحضير الطبق والبرتال والسعفة والمعراكة وزيت المسحة والطايوقة. وموعد العواسة لو الزوج زول زراعة وبمشي الجزر والجروف بدري . لابد موعد العواسة يكون قبل صلاة الصبح . عشان الزوج يطلع بدري ومعاه فطور للشغالين . طبعا تاني الزوج ما بيرجع الا المغرب . ومعاو اللبن وتقوم تاني الحاجة تركب الصاج لعواسة فطير العشاء. البت الدلوعة دي ما جربت الحفظ والكتابة بي لمبة الكوز ولا باتت جعانة. كانت تسوي شنو ؟ 30 صحن ؟ يا حليلك يا حبوبة بت ابوجديري الكنتي في العواسة اسرع من رونالدينو . واحرف من ماريا شاربوفا.
زمن حبوباتنا وأمهاتنا .. زمن كان فيه مشقة وتعب .. أنا عندي بت واحدة جاية وراء أخوانها .. وأمها دائماً تقول ليها سوي دا وسوي داك .. تسأل أمها .. وليه أنا كل مرة؟ هل أنا خادمة maid في البيت؟ أمها تقول لها: أنت بنت؟ وهى ترد so what ..؟ ماما .. أمها تسألني: دي ح تطلع لي راجل ولا شنو؟ وأنا أرد علي أمها .. هي سألتك هل هي خادمة؟ أمها تقول: دي ثقافتنا كده .. وأنا أرد لكن هي ثقافتها ما كده .. لازم تقسمي الشغل بينهم بالتساوي ..
أشياء كثيرة جرت يا عثمان تحت جسر الماضي .. والناس يجب أن يقدروا الحياة العصرية .. التي فيها سرعة وقع الحياة .. واختلاف اهتمامات الشباب من الناس العجزة ..
بريمة
Post: #7 Title: Re: قضية جندر: شابة سودانية تشتكي من غسل الصحو Author: امتثال عبدالله Date: 05-21-2020, 03:57 AM Parent: #5
ظريفة لكن زينب ... لكن بصراحة عندها حق تشتكي...٣٠ صحن كتيرة بالجد ... ٢٠ صحن معليش ..ههههههههههههه.....
Post: #8 Title: Re: قضية جندر: شابة سودانية تشتكي من غسل الصحو Author: Khalid Abbas Date: 05-21-2020, 04:02 AM Parent: #1
هوي يابريمة ده شعر ماعندك ليهو رقبة البت بتتكلم عن ضرر الاظافر ونعومة اليدين واللوشن انت زول خلا ساكت ما بتكون فاهم منها حرف