Post: #6 Title: Re: ***** طرمبة .... المرة دي كبشرتها عشان ما اتمق� Author: علي عبدالوهاب عثمان Date: 05-18-2020, 10:51 PM Parent: #5
سي ان ان شريط الاخبار (( يستخدم الكلوركوين )) منتظر بس ما في تفاصيل قال يستخدم الاقراص للوقاية والفحص سلبي
نرجع لحبيبنا ترباس
Post: #7 Title: Re: ***** طرمبة .... المرة دي كبشرتها عشان ما اتمق� Author: علي عبدالوهاب عثمان Date: 05-19-2020, 01:07 AM Parent: #6
ابوحسين .. تحياتي مع حبس كورونا بقينا اخطر من حبيبنا زهير ========== اصابة رياك مشار وزوجته وزيرة الدفاع بفيروس كورونا في جنوب السودان
نتمنى لهم عاجل الشفاء
Post: #8 Title: Re: ***** طرمبة .... المرة دي كبشرتها عشان ما اتمق� Author: اخلاص عبدالرحمن المشرف Date: 05-19-2020, 05:10 AM Parent: #7
الهيدروكسي كلوروكوين بقي في العلالي بعد بيوت الطين و سكن الجخانيين بقي في البيت الابيض ، اكيد بركة ولي شفي من الملاريا من تاني جرعة .
الكلوروكوين سيتربع علي عرش القصص السودانية ، مثلاً حينما اخذت الكلوروكوين في قصر برطم الابيض او حين شرتني حبيبتي بعد ان صارت تري الاشياء صفراً عقب اخذ الكلوروكوين وهكذا قصص. وحكايات حتي نلفت نظر تيفاني لتعذر الوصول الي ايفانكا بسبب جارود كشنري .
ثم السلام عليكم
Post: #9 Title: Re: ***** طرمبة .... المرة دي كبشرتها عشان ما اتمق� Author: علي عبدالوهاب عثمان Date: 05-19-2020, 05:37 PM Parent: #8
حبيبنا ابوحسين .. تحياتي ترامب قبل قليل وسط المزارعين دعم كبير لهم ونحن في الشمالية الحكومة تهددنا بالسجن عشر سنوات لمن لا يسلم القمح المزروع على حسابنا .. والله أنا زرعت السنة دي ما أخذت ولا جنيه من البنك على الأقل ما كان يهددوا ..
يا سلام يا ترامب قدم لهم دعم 16 مليار دولار كالعادة رجع كل المشاكل على الصين ( الفيروس الصيني ) وقال ليهم خليت الصين يشتري منكم بعشرة مليارات اهم جملة قالها ( لازم تواصلواالزراعة ) عارف نفسيات المزارع كويس .. مش زي جماعتنا لو ما تسلم القمح عشرة سنة سجن 50 الف غرامة ومصادرة المحصول .. طيب أنا تاني ما بزرع قمح أي حاجة تانية
عارف ياخوي الفيديو بتاعك طلع ماسورة 😂😂😂 سحبوه من اليوتيوب ...
بقيت تشتغل في الممنوعات ؟؟؟؟
Post: #14 Title: Re: ***** طرمبة .... المرة دي كبشرتها عشان ما اتمق� Author: نادر الفضلى Date: 05-20-2020, 02:15 AM Parent: #13
سلام ود الحسين
مالك متلح رئيسنا الهمام عاجبنا وسارى بالنا
أذكر قبل أسبوع تقريبا كان فى خبر عن أنهم كشفوا على كورونا لعاملين بالبيت الأبيض ممن يخدمون ترمب طلع نتيجتهم إيجابية
فترمب بياخد علاج الملاريا إحتياطىاً. لكن بلوم الجالية السودانية بواشنطون. مفروض يمدوه بالدوية اللازمة: قرض وقونقوليز وعرديب
بس خازوق بعد يجربهم يطلب من العلماء تصنيعهم أمصال تحقن فى العضل!
Post: #15 Title: Re: ***** طرمبة .... المرة دي كبشرتها عشان ما اتمق� Author: ABUHUSSEIN Date: 05-20-2020, 09:15 AM Parent: #14
حبيبنا ابو علوة تحية طيبة صاحبك طرمبة من كم بوم ظهر بدون كمامة سألوه كيف الكلام دا ؟؟ قال ليهم علشان الناس ما تقول الرئيس الامريكي بخاف !!!!!!!!!!!!! اها اسي براااااه رمى ليهم الدرابة دي زول غريب و عجيب ... 😂😂😂
إن شاء الله استمعت بي ترباس ...
مودتي
Post: #16 Title: Re: ***** طرمبة .... المرة دي كبشرتها عشان ما اتمق� Author: ABUHUSSEIN Date: 05-20-2020, 09:25 AM Parent: #15
Quote: الهيدروكسي كلوروكوين بقي في العلالي بعد بيوت الطين و سكن الجخانيين بقي في البيت الابيض ، اكيد بركة ولي شفي من الملاريا من تاني جرعة .
الكلوروكوين سيتربع علي عرش القصص السودانية ، مثلاً حينما اخذت الكلوروكوين في قصر برطم الابيض او حين شرتني حبيبتي بعد ان صارت تري الاشياء صفراً عقب اخذ الكلوروكوين وهكذا قصص. وحكايات حتي نلفت نظر تيفاني لتعذر الوصول الي ايفانكا بسبب جارود كشنري .
ثم السلام عليكم
دكتورتنا بت المشرف و عليكم السلام و رحمة الله و بركاته زولنا دا مادي اي شي بحسبو ربح و خسارة بالدولار حتى شيكات ما بقبلا .. 😂😂😂 الشركة المنتجة للعقار دا .. إما اشترى فيها اسهم إما ادوهو كاش تقيل 😂😂😂😂😂😂
مودتي
Post: #17 Title: Re: ***** طرمبة .... المرة دي كبشرتها عشان ما اتمق� Author: علي عبدالوهاب عثمان Date: 05-20-2020, 09:28 PM Parent: #16
الحبيب أبوحسين .. تحياتي آخر ابداعات ترامب :
تسجيل الولايات المتحدة لأكبر عدد من الإصابات بفيروس كورونا المستجد على مستوى العالم "وسام شرف" يفتخر به. وقال ترامب في أول اجتماع حكومي منذ بدء تفشي الفيروس في البلاد: "كما تعلمون، عندما يقال أننا نتصدر العالم من حيث عدد الإصابات فهذا يعني أننا نجري عددا أكبر من اختبارات الكشف، مقارنة بغيرنا".
حبيبنا أبوحسين .. تخيل نشرات الاخبار بدون ترامب لا طعم لا لون لا رائحة اذا لم يفز في الانتخابات واختفي عن الساحة سي ان ان ستفقد نصف مشاهديها
أذكر قبل أسبوع تقريبا كان فى خبر عن أنهم كشفوا على كورونا لعاملين بالبيت الأبيض ممن يخدمون ترمب طلع نتيجتهم إيجابية
فترمب بياخد علاج الملاريا إحتياطىاً. لكن بلوم الجالية السودانية بواشنطون. مفروض يمدوه بالدوية اللازمة: قرض وقونقوليز وعرديب
بس خازوق بعد يجربهم يطلب من العلماء تصنيعهم أمصال تحقن فى العضل!
و عليكم السلام حبيبنا نادر عارفو عاجبكم مونسكم ما مقصر معاكم 😂😂 صدقني حاسدنكم عليه رئيس تحفة بي شعرو الزي بوخ الحلة دا 😂😂😂 اوع توروه القرض و القنقليز يقوم يغزو السودان بي سببهم 😂😂😂
مودتي
Post: #20 Title: Re: ***** طرمبة .... المرة دي كبشرتها عشان ما اتمق� Author: علي عبدالوهاب عثمان Date: 05-21-2020, 08:20 PM Parent: #19
الحبيب أبوحسين .. تحياتي ترامب ده زي الترابلة اهلنا .. ما في قراءة من خلف السطور واضح .. هجوم او شكر مباشر .. أجمل شخصيتين في حبس كورونا ترامب .. اليوم صرح بأن الصين يعمل على فوز بايدن والشخص الآخر حبيبنا الجميل الرائع صاحب الصوت الخيالي كمال ترباس .. ابن حي مكي .. بالمناسبة أحد اجدادي فضل مكاوي من مؤسسي حي مكي ترباس واضح وصريح وكلامه مباشر بدون اي تستر .. حتى قال انو تزوج خمس مرات وذكر الزوجات بالاسماء .. برنامج انت المهم .. وحشنا اليوم البرنامج انتهى امس
مع حبس كورونا ممكن الواحد يدخل في عوالم غريبة التشابه بين ترباس وترامب .. ( الوضوح والصراحة .. الحرص على الاناقة ) ترامب طبعا منتهى الاناقة في اللبس والهيئة .. وترباس أجمل زي سوداني عباية ( بشت قصيمي ) في السعودية بالالاف الريالات الاستديو والعازفين والكورس منتهى الاناقة .. اضاف رونق للزي السوداني .. يا ريت كان وزني زيادة .. كنت عملت زي ترباس لكن للاسف وزننا زيرو ( الرجل الجرادي ) عشان زي السوداني ما يصلح معانا ( تماما مثل راية الكورنر *
شكرا الاحباب ترباس وترامب .. احلى شخصين في رمضان
أبوحسين حبيبنا .. تنظير مع حبس وقراغ كورونا .. لا جمعية لا فطور جماعي لا صلاة قيام لا كوتشينة
وعيد بأية حال عدت يا عيد
جميل البوست بالنسبة لي متنفس .. منتظر حبيبنا ترامب على سي ان ان ترباس خلاص الحلقات انتهت امس ..
