Post: #1
Title: بورداب قطر مساعدة لو سمحتوا
Author: حسن محمد عمر
Date: 05-17-2020, 09:59 AM
09:59 AM May, 17 2020 سودانيز اون لاين
حسن محمد عمر-السودان
مكتبتى
رابط مختصر
مايحدث لبعض العمال من أبناء الوطن ممن تضطرهم الظروف للعمل خارج السودان شىء مؤلم والأكثر إيلاماً أن تجد الأذي من بعض بنى جلدتنا تجدهم أكثر قسوة من الكفيل بإختصار شديد شقيق زميل لى إضطرته ظروف العمل للسفر إلى قطر للعمل بإحدى الشركات بمهنة سائق ومنذ أن وطأت أقدامه أرض قطر (ماخت رجلو فى أبنص ) نائم قرابة العشرة أشهر وأبلغوه أنهم صفوا شركتهم وعليه نقل كفالته بأسرع وقت إلا أن الرجل إحتار وماعرف يعمل إيه وقرر العودة للسودان ولكن مع دخول العالم فى أزمة الكورونا تم إلغاء كافة الرحلات والإقامة أوشكت أو تكاد تنتهي فى يوليو القادم الغريب فى الأمر من باعوا له الفيزا سودانيون وهم الظاهرين فى الصورة لديهم تفويض يعملوا أي شىء بإسم الشركة كيف الحل لو الزول دا عايز يعمل خروج نهائي ويستعد للمغادرة فور فتح الرحلات أفيدونا ياناس قطر جزاكم الله خير
|
Post: #2
Title: Re: بورداب قطر مساعدة لو سمحتوا
Author: muntasir
Date: 05-17-2020, 10:17 AM
Parent: #1
سلام على مقدار علمي لا يوجد ما يسمى خروج نهائي في قطر ولا يوجد ما يمنعه من الخروج طالما ليس عليه ديون للبنوك وحتى اذن الخروج العادي تم الغاؤه كذلك من حق العامل تغيير مكان عمله بعد الغاء نظام الكفالة أو صاحب العمل انصحه بالتسجيل في السفارة السودانية للراغبين في العودة فكما سمعنا يوجد تسجيل الذين اتوا بزيارات او المنتهية إقامتهم ليتم اعادتهم للسودان في حالة رغبتهم والحصول على موافقة الحكومة السودانية فالمغادرة من قطر مسموح بها ولم يتم اغلاقها اذا كانت جهة الوصول تقوم باستقبالك ، بخصوص حقوقه اذا تمت تصفية الشركة فيمكنه المطالبة بحقوقة من وزارة العمل وسيحصل عليها اما اذا تم الاحتيال عليه فيمكنه ملاحقتهم قانونياً اذا كانوا في قطر وأوكد ليك بحصلوهم، رسل لي رقمه في الخاص اذا لم يكن يمانع وممكن نحن كمجموعة من بورداب قطر نساعده مالياً حتى يحلل الله كربته
|
Post: #3
Title: Re: بورداب قطر مساعدة لو سمحتوا
Author: حسن محمد عمر
Date: 05-17-2020, 10:33 AM
Parent: #2
أستاذ منتصر جزاك الله خير للإفادة القيمة ماقصرتا باخذ رقمه من زميلي وبتواصل معاك إن شاء الله شباب قطر الله يديكم العافية ويرفع عنا الوباء والبلاء
|
Post: #4
Title: Re: بورداب قطر مساعدة لو سمحتوا
Author: محمد عبد الله الحسين
Date: 05-17-2020, 10:33 AM
Parent: #2
الأخ حسن صباح الخير
قريت رسالتك لكن ما عرفت المشكلة شنو...Quote: وعليه نقل كفالته بأسرع وقت إلا أن الرجل إحتار وماعرف يعمل إيه وقرر العودة للسودان
ولكن مع دخول العالم فى أزمة الكورونا تم إلغاء كافة الرحلات والإقامة أوشكت أو تكاد تنتهي فى يوليو القادم الغريب فى الأمر من باعوا له الفيزا
سودانيون وهم الظاهرين فى الصورة لديهم تفويض يعملوا أي شىء بإسم الشركة كيف الحل لو الزول دا عايز يعمل خروج نهائي ويستعد للمغادرة فور
فتح الرحلات أفيدونا ياناس قطر جزاكم الله خير |
هو ما عايز ينقل كفالة و الا ما لقى طريقة؟؟
بعد تنتهي كفالته بيعطوه فترة تلاتة شهور لنقل الكفالة..و بعدها بيتم ابعاده..هسه مع الإلاق و الحظر بتاع كورونا فترة السماح لنقل الكفالة
بتكون تلقائيا امتدت..و إذا هو ما عايز ينقل و عايز يرجع السودان عادي مافي مشكلة إذا كان عايز يطلع نهائي بيعمل إبراء ذمة من كافة التزاماته و بيغادر عادي..
و الإالغاء بيكون بمثابة خروج نهائي لو عايز يستفيد منه في السودان..
|
Post: #5
Title: Re: بورداب قطر مساعدة لو سمحتوا
Author: حسن محمد عمر
Date: 05-17-2020, 10:47 AM
Parent: #4
أخونا الفاضل / محمد عبدالله الزول دا متضايق وعايز يمشى السودان فور إنتهاء الأزمة وتوفر رحلات منتظمة وماعارف نظام المغادرة عندكم بموجب تأشيرة خروج نهائي زي السعودية مثلاً ولا كيف الزول دا من وصل قطر ماإشتغل وأخوهو بحول ليهو مصاريف من السعودية غايتو شغلانة صعبة بالحيل دا غير الخسائر المادية لتكلفة التأشيرة وضياع الوقت الله يعوضوشاكرا ومقدرا لكم حسن تعاونكم وفى موازين حسناتكم
|
Post: #6
Title: Re: بورداب قطر مساعدة لو سمحتوا
Author: محمد عبد الله الحسين
Date: 05-17-2020, 10:58 AM
Parent: #5
مافي أي إجراء بيتم إلا بعد فك الحظر.زلأن كل المعاملات الآن اليكترونيا..
بعد يتفك الحظر يمشي للجوازات يعمل خروج ..
|
|