Post: #2
Title: Re: بالجد زيادة المرتبات بالحجم ده حاجة تخوِّ
Author: محمد عبد الله الحسين
Date: 05-15-2020, 08:46 AM
Parent: #1
حتى لو كان استحقاق أو شيء مطلوب من زمان لكن كمان سبعة أضعاف؟؟
هل الموضوع كرم و ألا طُعْم؟؟
الله أعلم..
لكن شايف الناس ساكتين ..و بعضهم ما مصدق و بعضهم فرحان و قليل منهم متوجِّس..
الله يكضب الشينة..
|
Post: #3
Title: Re: بالجد زيادة المرتبات بالحجم ده حاجة تخوِّ
Author: محمد عبد الله الحسين
Date: 05-15-2020, 08:50 AM
طيب ديل ناس القطاع الحكومي أخذوا ضعف الراتب..
اها ناس القطاع الخاص وضعهم حيكون شنو؟؟
هل تدفع المصانع و المحلات و البزنس الخاص نفس الزيادة عشان الموضوع يتوازن؟
طيب معناها زيادة الأسعار..
و الا يكون الحكومة ناوية تزيد الضرائب و ترفع الدعم؟؟؟؟؟
|
Post: #4
Title: Re: بالجد زيادة المرتبات بالحجم ده حاجة تخوِّ
Author: Asim Ali
Date: 05-15-2020, 08:51 AM
Parent: #1
سلام عليكم
الزياده دى مفروض تكون التالته خلال 3 / 4 سنه الفاتو .يعنى لو حصل زيادات سنويه (منطقيه) كان زياده السنه دى ما بالحجم دا .
كتير من بنود الصرف اتخقضت ان لم تجمد وبدايه العام الدراسى السنه دى كان حتكون مقياس لحجم العجز للعاملين فى تلبيه متطلبات اسرهم ؟.
.
التعديل لتصحيح اخطاء فى الكتابه
|
Post: #6
Title: Re: بالجد زيادة المرتبات بالحجم ده حاجة تخوِّ
Author: محمد عبد الله الحسين
Date: 05-15-2020, 09:53 AM
Parent: #5
عاصم سلام
Quote: الزياده دى مفروض تكون التالته خلال 3 س / 4 سنه الفاتو يعمى لو حصل زيادات سنويه (منطقيه)
كان زياده السنه دى ما بالحجم دا .
كتير من بنود الصرف اتخقضت ان لم تجمد وبدايه العام الدراسى السشنه دى كان حتكون مقياس لحجم العجز
للغلملين فى تلبيه متطلبات اسره |
صاح لكن يا عاصم سبعة مرات كتيرة حتزيد السوق..و العاملين في القطاع الحاص و البائعين و المؤجرين
و ستات الشاي كلهم حيتأثروا بزيادة السوق و حيزيدوا أسعارهم..
و السوق حيرتفع و يكون ما عملنا حاجة..
و الله أعلم
|
Post: #7
Title: Re: بالجد زيادة المرتبات بالحجم ده حاجة تخوِّ
Author: حسام الدين حمودة
Date: 05-15-2020, 10:10 AM
Parent: #6
إذا لم يتم ضبط السوق ،، ستتضاعف الأسعار بنفس النسبة ويتهاوى الجنيه بنفس النسبة ،،،
بالذات الآن والمكونات الأمنية لا ترغب في أي نجاح أو تطور لحكومة الثورة
|
Post: #8
Title: Re: بالجد زيادة المرتبات بالحجم ده حاجة تخوِّ
Author: محمد عبد الله الحسين
Date: 05-15-2020, 11:28 AM
Parent: #7
بالضبط يا أخ حسام
Quote: إذا لم يتم ضبط السوق ،، ستتضاعف الأسعار بنفس النسبة ويتهاوى الجنيه بنفس النسبة ،،،
بالذات الآن والمكونات الأمنية لا ترغب في أي نجاح أو تطور لحكومة الثورة |
يعني لو تم تخفيض الأسعار باعتبار ذلك حل مؤقت و قصير المدى لتخفيف الضائقة و في نفس الوقت العمل على
زيادة الصادرات و بالتالي زيادة سعر الجنيه فإن الأسعار ستنخفض تلقائياً على المدى المتوسط..
حسب رأي زيادة الأجور بهذا الحجم وراءه ما وراءه... و لا أظن سيهنأ به الناس طويلاً.
و الله أعلم
|
Post: #9
Title: Re: بالجد زيادة المرتبات بالحجم ده حاجة تخوِّ
Author: Mohd Ibrahim
Date: 05-15-2020, 12:31 PM
Parent: #8
بالذات المعلمين ديل اتظلمو مفروض يضربو ليهم في عشرين
|
Post: #10
Title: Re: بالجد زيادة المرتبات بالحجم ده حاجة تخوِّ
Author: النصرى أمين
Date: 05-15-2020, 01:44 PM
Parent: #9
زيادة المرتبات خطورتها (كندا مثالا) فى تاثيرها السلبى فى التوظيف، مثلا صاحب المطعم لا يستطيع دفع أجور كل العاملين و يضطر لتخفيض عددهم كذلك صاحب المشروع الجديد يكتفى بعدد اقل من العاملين؛ عشان كده فى الدول الصناعية زيادة الحد الأدنى للأجور لديه اثر ايحابى فى مساعدة الشريحة الضعيفة و زيادة القدرة الشرائية ، و اثر سلبى فى زيادة نسبة العمالة employment.
فى السودان ؛ الزيادة فى مرتبات العالمين فى القطاع الحكومى لن يكون لها اثر سلبى على الاقتصاد
|
Post: #11
Title: Re: بالجد زيادة المرتبات بالحجم ده حاجة تخوِّ
Author: tabaldy
Date: 05-15-2020, 02:14 PM
Parent: #10
سلام
احتمال تكون خطوة في اتحاه تحرير الوقود بالكامل
تحياتي
|
Post: #12
Title: Re: بالجد زيادة المرتبات بالحجم ده حاجة تخوِّ
Author: Asim Ali
Date: 05-15-2020, 05:48 PM
Parent: #6
| Quote: سبعة مرات كتيرة حتزيد السوق..و العاملين في القطاع الحاص و البائعين و المؤجرين |
انا من قبل الثوره بشهور ورغم عدم زياده المرتب صاحب البيت كان بزيد الايجار كل سته شهور تقريبا بحجه مسببه تردى الوضع الاقتصادى والغلاء والضغط الحاصل عليهو .
اعتقد انو رغم انو كل ناس الاعمال الحره والسوق ماقصرو وكانو ماخدين حقهم وبزيدو طوالى .لكن فكره سلعتى وعوده التعاونيات فى الاحياء حتخفف كتير من استغلال السوق (التجار والسماسره).واديك اقرب مثال السكر بشتريهو فى حساب الكيلو 90/100 جنيه والسكر عبر لجان التغيير والخدمات الشوال ب530 (الكيلو 53جنيه).وتجربه من المنتج للمستهلك الشغاله اليومين ديل .دى كلها تجارب فى كسر سيطره السوق عبر التعاونيات ومبادره من المنتج للمستهلك
|
Post: #13
Title: Re: بالجد زيادة المرتبات بالحجم ده حاجة تخوِّ
Author: علي عبدالوهاب عثمان
Date: 05-15-2020, 06:41 PM
Parent: #12
حبيبنا محمد .. تحياتي
الكلام في اقتصاد بدون تخصص صعب جداً
ولكن بحساب عادي مثلا (( زيادة الراتب خمسة اضعاف )) المنتج أيضا خمسة اضعاف وأكثر
الطبيب راتب 50 الف
والممرض 20 الف
اذا انطبق الأمر على المستشفيات الخاصة كم حيكون الكشف .. وهكذا في كل المجالات
ارتفاع سعر المدخلات اكيد يرفع سعر المنتج والمتضرر المستهلك
وأكبر مشكلة ستكون في الاعمال الصغيرة والمتوسطة وهي دافعة اقتصاد البلد
ومعظم القوى العاملة ..
تحياتي الحبيب محمد ..
|
Post: #14
Title: Re: بالجد زيادة المرتبات بالحجم ده حاجة تخوِّ
Author: علي عبدالوهاب عثمان
Date: 05-15-2020, 06:47 PM
Parent: #13
الحبيب محمد
كنت في اتصال مع البلد
فرحانين للاخر .. تكفي هذه الفرحة
تحياتي الحبيب
|
Post: #15
Title: Re: بالجد زيادة المرتبات بالحجم ده حاجة تخوِّ
Author: Asim Ali
Date: 05-15-2020, 08:25 PM
Parent: #13
Quote: الطبيب راتب 50 الف
والممرض 20 الف |
سلام عليكم عمنا الجبيب على عبدالوهاب
المرتبات زى ما اتذكرت فى جدول الوزير ماحتتتصرف كامله وحيكون المرتب اقل لانو منحه العيدين ووالبديل النقدى وبدل اللبس كانت تصرف ضمن المرتب (مقسومه على 12) لكن الان حسب المتداول هى خارج المرتب وتصرف كامله فى وقت محدد زى منحه العيد فى وقتها كامله مع العيد
|
Post: #16
Title: Re: بالجد زيادة المرتبات بالحجم ده حاجة تخوِّ
Author: علي عبدالوهاب عثمان
Date: 05-15-2020, 08:48 PM
Parent: #15
الحبيب عاصم .. شكرا
القطاع الخاص .. الصغيرة والمتوسطة هي المهمة في الاقتصاد
لاحظنا هنا في السعودية .. مع كساد كورونا .. الشركات الكبيرة ما مشكلة
كيف سيكون موقف عمال القطاع الخاص وهم أيضاً غالبية
المهم عدم ارتفاع تكلفة الانتاج لأن الفرق من المؤكد سيضاف في السلعة المنتجة
ليس من المعقول راتب العامل الحكومي 7 الف جنيه .. والقطاع الخاص 2 الف جنيه
حتى العمال العاديين ، سباك كهربائي حداد بناء عامل بوهية سمكرة .. كيف سيكون وضعهم
بصراحة في فرحة عارمة وسط الناس في البلد
مع التحية للحبيب محمد
|
Post: #18
Title: Re: بالجد زيادة المرتبات بالحجم ده حاجة تخوِّ
Author: محمد عبد الله الحسين
Date: 05-16-2020, 01:00 PM
Parent: #17
الأخ الصادق
أسمح لي أن اقتطع هذه الفقرات من تغريداتك لمصلحة الجميع:
.....حسب الجهاز المركزي للإحصاء ان معدل التضخم في مارس الماضي بلغ 81% اي أنه ارتفع بما يقارب ال 20% من شهر يناير
و التضخم يعني انخفاض القيمة الشرائية للعملة المحلية للسلع بالأسواق المحلية بمعنى أوضح أن ما كنت تشتريه بعشرة جنيه في يناير تشتريه
في مارس ب 12 جنيه على التقريب، أما عوامل انخفاض التضخم و هو إرتفاع الناتج المحلي إذ يتناسب التضخم و الإنتاج تناسبا عكسيا بمعنى اذا ارتفع أحدهما
انخفض الآخر، و هنا في السودان لم يرتفع معدل الناتج المحلي بما يذكر و أعتمد وزير المالية في حديثه التلفزيوني الأخير على الإيرادات المحققة من خلال
لجنة إزالة التمكين و محاربة الفساد باسترداد الاموال و الأصول المنهوبة، رغم ان هناك جدال في القيمة التي ذكرها الا ان هناك ما
هو أخطر من ذلك، و هو أن وزارة المالية حتى تاريخه لم تضع يدها على تلك الايرادات لأسباب قانونية لا زالت تاخذ مجراها بمعنى أوضح أن السيد
الوزير باع السمك في الماء للجماهير التي هللت وكبرت و فرحت بالزيادة
الخلاصة
1- الحقيقة الماثلة أن وزارة المالية لا تملك موازنة فعليةلعام 2020، فقد تم تأجيل الموازنة ختى المؤتمر الاقتصادي الذي كان مزمع انعقادة
في فبراير الماضي و الذي تأجل بسبب الوباء.
2- لم تقدم وزارة المالية ميزانية طوارئ لمواجهة المرحلة الحالية.
3- إيرادات صادر اللحوم عائد إلى شركات القوات المسلحة.
4- لم يتم اي إعلان عن إيرادات الصادر الأخرى و لازالت لم تخرج لجنة التحقيق في شركة الفاخر إلى العلن.
تبقى التساؤلات المشروعة من أين اتى وزير المالية بزيادة المرتبات، و كيف سيخفض من معدل التضخم او حتى السيطرة على مستواه الحالي.
تبقى الحقيقة إن زيادة الرواتب ليست سوى مناورة سياسية في زمن الكرونا
(تبسيط غير مخل)
غالبا حيستدين من النظام المصرفي او حيطبع العملة هو قال انه مسألة رفع الدعم الكلى عن البنزين والجازولين غير قابلة للنقاش
I
في تقديري و توقعاتي أنه قي أقل من شهرين أقصاه ثلاث أشهر من اليوم ما لم تتحسن الإيرادات سواء من المسترد او من الصادر او دمج إقتصاد
شركات الجيش او عودة تصدير الذهب لحاضنة الدولة، لن يستطيع البدوي ان يدفع الأجور و ستدخل البلاد في أزمة لم تشهدها من قبل و الله يستر
|
Post: #19
Title: Re: بالجد زيادة المرتبات بالحجم ده حاجة تخوِّ
Author: محمد عبد الله الحسين
Date: 05-16-2020, 01:08 PM
Parent: #18
بالمنطق البسيطكده...لو واحد من ناس بيتكم جاء شايل على غير المعتاد حاجات كتييرة أكثر مما متعودين عليه أو أكبر من مرتبه...طوالي
ناس البيوت بيطيروا عيونهم يسألوه دي جبتها من وين؟؟
ده الحاصل هسه بعد إعلان الزيادة الضخمة للمرتبات..
طبعا غير الكسب السياسي ممكن تكون و هو أغلب الظن هو مقدمة لعملية تحريك كبيرة لدعم السلع.
شكله وزير المالية مصر على ذلك و قوى الحرية الكان معارضة شايفة صمتت..
طُعْم كبير...الله يستر.
|
|