للناس الدايرة تفهم الحاصل شنو اسي في وزارة الصحة.

06:26 AM May, 14 2020

سودانيز اون لاين
Hassan Farah-جمهورية استونيا
مكتبتى
رابط مختصر

وليه في حملة ضد أكرم.. طبعا زي ما عارفين القطاع الصحي كله مخصخص وأكرم من اول يوم جا داير يزيد الصرف على القطاع الحكومي ويرفع من مستواة دا ما عاجب ناس كتار.. وللأسف جزء من قبيلة الأطباء بالذات الاستشاريين المستفيدين
اول ما أكرم جا اتعامل مع الجسم الثوري القوي عامود ثورة سبتمبر... اللي هو المكتب الموحد وبيكون من لجنة الاستشاريين اللجنة المركزية ونقابة الأطباء.. ديل قال ليهم عينو الدايرنو.. قامو بتعيين مدراء الصحة في الولايات مدراء المستشفيات ومدراء الادارات مع مراعاة الكفاءه
وكذلك في قطاع الصيادلة والأسنان.. اتعامل مع الأجسام الثورية واللي مليانة كفاءات.. هم ملو كل الخانات.. وكل شوية ينزلو تبريكات..لحدي اخر تعيين هنا رئيس المجلس الطبي.. فرحانين بيو
طيب اول قرار من أكرم انو يصلح مستشفى الخرطوم.. Guess what وقفو ضدو وعطلوهو.. لانو مستشفى الخرطوم اشتغلت شارع الحوادث ومستشفياته الخاصة حتتعطل.. الكلام دا في بيان عديل منهم بدون خجلة.. وربطوهو بالسلام وطلس
أكرم اول ما استلم وقف مع صغار الأطباء والصيادلة.. و ساعدهم.. وقال يزيدو المرتبات.. ودا ما عجبهم.. لانو بي بساطة لو ناذب الاخصائي بستلم مرتب عشرين ألف جنيه... البشغلو في الخاص شنو.. ولو الحكومي دور كويس.. عياداتهم بتنشف
أكرم بدا يستبين القصة دي ويخرج منهم ويعين براو.. بقو شابكنو محاصصات وشلليات والاعلام معاهم.. بينما دا مقترح منشور في صفحاتهم قدمو للوزارة والحكومك.. خاتيين التنسيق مع المكتب الموحد كانو جزء من الدولة.. وفعلا لمن اتجاوزهم استقال اسامه مدير صحة ولاية الخرطوم
واسي استقال مدراء الادارات العينوها هم.. في الاستقالة المنشورة صباحا.. ودا لي ذراع لي اكرم.. ووصلت انو مشو قابلو البرهان.. البرهان عديل طالبو بي اقالة أكرم ورشحو واحد استشاري منهم يجي وزير.. ومتحالف معاهم تجار الأدوية الأسى يقفلو في مصانعهم عشان يخلقو أزمة.. والمستشفيات الخاصة
‏ملخص الازمة دي.. دا صراع بتاع خصخصة و زيادة تمويل حكومي.. بين مافيات الدواء ومافيات القطاع الخاص.. بي ذريعة الكورونا..
#منقول
#دعم_وزير_الصحة
#كلنا_اكرم_التوم