Post: #2 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-13-2020, 05:07 PM Parent: #1
الشعب اراد ان يبقى اكرم و سيبقى رغما عن جهالتكم و تخلفكم
Post: #3 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-13-2020, 05:09 PM Parent: #2
شئتم ام ابيتم د. اكرم باق على رؤوسكم القذرة ...
Post: #4 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-13-2020, 05:19 PM Parent: #3
صفحاتكم على مواقع التواصل اصبحت كصفحة مراهق يتخبط في عدم الاخلاق و الانحلال
اخجلو لي نفسكم و ل برضو نخجل ليكم نحن ؟؟؟؟
Post: #5 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-13-2020, 05:22 PM Parent: #4
الشعب اراد د اكرم و سيبقى بإرادة الشعب العظيم و لو فيكم واحد مالي قاشو اليفتح خشمو المعفن و يقول ....
Post: #6 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-13-2020, 05:31 PM Parent: #5
دي نتائج انكسارة قحت منذ البداية. نرجع للوثيقة الدستورية وتحديد الصلاحيات
Post: #7 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-13-2020, 05:36 PM Parent: #6
لا يا عارف مجلس الخيابة عايزين يعملو فيها شفوت قطعوها ليهم في راسم ....
Post: #8 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-13-2020, 05:36 PM Parent: #6
أخشي أن يكون موضوع أكرم لصرف الرأي العام عن أحداث كادوقلي الدعم السريع حسب ما يشاع له يد في أحداث كادوقلي.
Post: #9 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-13-2020, 05:43 PM Parent: #8
الله ينتقم منهم البلد كلها قتل و كراهية ..... طالما مجلس الخيابة دا موجود البلد ما حا تنعم بي سلام ....
Post: #10 Title: Re: ***** يا مجلس السيادة الشعب اقوى منكم و انتم Author: علاء سيداحمد Date: 05-13-2020, 05:54 PM Parent: #9
الزول العمل البلبلة دى مفروض يحاكم
Post: #11 Title: Re: ***** يا مجلس السيادة الشعب اقوى منكم و انتم Author: علاء سيداحمد Date: 05-13-2020, 05:57 PM Parent: #10
الكيزان شغالين تقيل فى نشر الاشاعات والاكاذيب والناس اصلا من البداية ما كانوا مصدقين رمضان كريم يا ابو حسين
Post: #12 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-13-2020, 06:02 PM Parent: #9
الشعب وراءكم حتى تسحبو كل وسخكم يا جهلة
Post: #13 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-13-2020, 06:09 PM Parent: #12
Quote: الكيزان شغالين تقيل فى نشر الاشاعات والاكاذيب والناس اصلا من البداية ما كانوا مصدقين رمضان كريم يا ابو حسين
اخونا علاء اهلا و سهلا بيك و كل سنة و كل احبابك بخير ابدا يا علاء ما اشاعة خبر نزل على صفحة مجلس الخيابة في الفيس و تويتر و بعد فترة سحبوه مكرهين ...
Post: #14 Title: Re: ***** يا مجلس السيادة الشعب اقوى منكم و انتم Author: جلالدونا Date: 05-13-2020, 06:17 PM Parent: #13
السحب تم نسبة للهجوم الكاسح الذى تعرضوا له فى صفحتهم من قبل من اتوا بهم لهذه المناصب الشق المدني فى مجلس السيادة و لجنة الطوارئ لن تنالوا من ظفر د/ اكرم لأنو اسهل شى انو الثوار يكشحوكم عير مأسوف عليكم
Post: #15 Title: Re: ***** يا مجلس السيادة الشعب اقوى منكم و انتم Author: Hamid Elsawi Date: 05-13-2020, 06:21 PM Parent: #13
💢 تحالف قوى الحرية والتغيير (تصريح صحفي)
اللجنة الإعلامية
تداولت بعض مواقع الصحافة الإلكترونية وصفحات وسائل التواصل الإجتماعي أخبار زائفة عن أن قوى الحرية والتغيير وعبر إجتماع يمثل شركاء الفترة الإنتقالية، قد دعت رئيس مجلس الوزراء إلي سحب الثقة عن وزير الصحة الدكتور / #أكرم_على_التوم. وعليه نؤكد الأتي :
🔸١/ لم تطالب قوى إعلان الحرية والتغيير بسحب الثقة من السيد/ وزير الصحة أو أيآ من وزراء حكومة الفترة الإنتقالية، ولم تناقش ذلك في اي مستوى من المستويات سواء كان إجتماعات اللجنة الثلاثية المشتركة، أو إجتماعات اللجان الفرعية لقوى الحرية والتغيير.
🔸٢/تتابع قوى إعلان الحرية والتغيير بإهتمام بالغ ومستمر التقارير التي تردها من ممثليها في اللجنة العليا لمجابهة فيروس كورونا المستجد.
🔸٣/ تدعم قوى الحرية والتغيير بشكل كامل الجهود المُخلصة التي يقوم بها السيد وزير الصحة والطواقم الطبيه والمتطوعين لمجابهة فيروس كرونا المستجد.
🔸٤/ نطالب و سائل الإعلام بالالتزام الأخلاقي و التحلي بالمسئولية المهنية ونشر المعلومات الصحيحة و محاربة الشائعات و الإسهام بإيجابية في إجتياز معركة جائحة الكورونا.
بيان .... شعبنا الابي .. نما الى علمنا عن وجود تحركات داخل مجلسي السيادة والوزراء للدفع بتوصية لرئيس مجلس الوزراء بخصوص اقالة وزير الصحة اكرم التوم نراقب هذا القرار عن كثب ونود توضيح الاتي :
- علل المطالبون باقالة وزير الصحة مطالبهم بفشل الوزير في ادارة ازمة الكورونا وهو ما ينافي الواقع المعاش والذي نراه فالواضح الجلي لنا في هذه الازمة هو الاتي : 1/ فشل وزارة الداخلية في ضبط الحظر الشامل وقلة عدد ارتكازاتها وتساهل قواتها في المرور مع الجميع عدا الاطباء !! 2/ فشل وزارة المالية في تقديم الدعم الكافي للمواطنين المتضررين من الحظر نتيجة لتخبط قرارات وزيرها الذي لم نرى له محمدة حتى الان ولا سياسة واضحة في سبيل تحسين معاش الناس 3/ كان الأولى للمطالبين باقالة وزارة الصحة المطالبة بمحاسبة افراد الاستخبارات العسكرية ممن يبيعون تصاريح المرور ويتاجرون بها في خرق واضح للقانون (يا نورا العسكر ما بتفهم ) 4/ كان الاجدر محاسبة ضباط القوات المسلحة الذين حولو عرباتهم الى ترحيل مستغلين نفوذهم للتحايل على القانون (يا نورا العسكر مأجورة ) 5/ تأييدنا لدكتور اكرم علي التوم غير نابع عن اي توجه سياسي او غيره انما نابع من دورنا الرقابي الذي يصنف هذا الوزير في المرتبة الاولى من الوزراء القائمين بدورهم في الفترة الانتقالية بالاضافة الى وزير العدل 6/ نؤكد على اننا نقف في خندق واحد مع وزارة الصحة في سبيل العبور بالبلاد من هذه الجائحة وسنعمل على ضمان انفاذ القرارات الصادرة بفتح المراكز الصحية وتوسيع رقعة مراكز العزل بعدما تبين لنا تقاعس جميع الجهات الحكومية عن ذلك 7/ الاخطاء التي ذكرت اعلاه لم نذكرها لمجرد تعزيز موقف وزير الصحة بل ذكرت لنذكر الحكومة الانتقالية اننا نعي ونعلم حجم التقصير ولنا حساب عسير سيجمعنا 8/ اخيرا نوضح اننا لم نرى حتى الان خللا في سياسات وزير الصحة تتطلب اقالته ونرفض اي قرار بهذا الصدد ونجدد اننا بصفتنا الرقابية على الاداء الحكومي سنجمع كل صغيرة وكبيرة ونحتفظ بها لساعة الحساب والمساءلة
تنسيقية لجان مقاومة امبدة 13/5/2020
#القضاء_على_تجار_الدواء #خليك_في_البيت
Post: #18 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-13-2020, 07:32 PM Parent: #17
الكوز أبو حسين هدي اللعب شوية ما كلنا مغفلين
Post: #19 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-13-2020, 08:07 PM Parent: #18
Quote: الكوز أبو حسين أصمت
تحت الجلد والا في العضل.
Post: #20 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-13-2020, 08:32 PM Parent: #19
Quote: تحت الجلد والا في العضل.
طبعاً أنت ذهبت مذهب آخر أنا في ذات اللحظة التي دست فيها على ذر الرد قررت تعديل ما كتبته ولكن فصل النت واستغرق إعادة النت أكثر من نصف ساعة مكنتك هذه المدة من اختطاف كلامي قبل تعديله الذي تأخر أكثر من نصف ساعة بسبب انقطاع النت عندي أنت الأن مخير إذا أحببت تعديل الكلام بحسب تعديلي أو لا لأني لم أكن أقصد بكلمة (اصمت) المعني الذي فهمته ولأني علمت أن البعض قد يفهمها بخلاف مقصدي قررت في ذات اللحظة تعديلها ولكن حدث ما ذكرته. أما مصلحة الكيزان واستفادتهم من التعامل الأخرق والكارسي من المدعو دكتور أكرم فلا يجهله إلا غافل أو متغافل فكل ما يدعو للكوارث الصحية الإقتصادية والاجتماعية التي سببتها سباسات أكرم ستعود للكيزان بالنفع الذي هو حدوث فوضى وفشل وتدهور المدعو أكرم حقق الكثير ولو استمر كان سيحقق من الكوارث والأزمات ما عين رأت ولا أذن سمعت ولا خطر على عقل غافل . .
Post: #21 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-13-2020, 08:57 PM Parent: #20
Quote: الكوز أبو حسين هدي اللعب شوية ما كلنا مغفلين (عدل بواسطة منتصر عبد الباسط on 05-13-2020, 08:15 PM)
انتو كلكم منو ؟؟؟؟؟
Post: #22 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-13-2020, 09:02 PM Parent: #21
Quote: السحب تم نسبة للهجوم الكاسح الذى تعرضوا له فى صفحتهم من قبل من اتوا بهم لهذه المناصب الشق المدني فى مجلس السيادة و لجنة الطوارئ لن تنالوا من ظفر د/ اكرم لأنو اسهل شى انو الثوار يكشحوكم عير مأسوف عليكم
و الله يا جلال صفحة شفع بس ....... ينزلو الخبر و يسحبوه بدون اي شرح او توضيح ..... شغل جربندية ..... 😂😂😂😂 و قاعدين ليهم على راسم ......
Post: #23 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-13-2020, 09:06 PM Parent: #22
حامد الصاوي اكيد حا يحاربوه لأنو ناجح و صادق في شغلو ..... نجاحه فشل ليهم ........ و عملوها وااااااضحة و لا حياء لهم .....
Post: #24 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-13-2020, 09:12 PM Parent: #23
Quote: انتو كلكم منو ؟؟؟؟؟
الما كيزان ولا شيوعيين
Post: #26 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-13-2020, 09:16 PM Parent: #24
Quote: Quote: الكوز أبو حسين أصمت
تحت الجلد والا في العضل
لقيتك حامض شديد لكن ..... 😂😂😂😂
Post: #27 Title: Re: ***** يا مجلس السيادة الشعب اقوى منكم و انتم Author: كمال عباس Date: 05-13-2020, 09:30 PM Parent: #24
بس منتصر عبد الباسط والكيزان والفلول وذو النون والسلفية المتكوزنة ناس الجزولي وعبد الحي ضد الوزير أكرم ما كيزان ولا شيوعيين الناس اللي بتساند دكتور أكرم -معظمها لاعلاقة بالشيوعيين ! والشيوعيين في الأساس ضد الوثيقة الدستورية والإتفاق السياسي وضد المكون العسكري في السيادة... وأنت يامنتصر كنت فرحان وبتقول إنو الشيوعيين أبعدو من الوزارة والسيادة ! دا أيام كنت قاعد تطبل لبرهان وجوقته
Post: #28 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-13-2020, 09:44 PM Parent: #27
أنتو يا كمال عباس من يتعاطى من القضايا رغم حساسيتها تعامل حزبي وهذا ما دفعني لذكر حقيقة تهافتكم وليس أنا من تناولت القضية بحزبية أنا ما عندي مشكلة أو اعتراض حتى لو تولى الشيوعيين كل الوزارات ونجحوا بمهنية وتجرد أنا ما عندي مصلحة في فشل الحزب الشيوعي أو فشل كادر من كواردره بل أتمنى صادقاً أن ينجح أي كادر شيوعي إذا تولي أي منصب لأن هذا سيصب في مصلحة الوطن والمواطن لأني ببساطة لا أنتمي لأي حزب وليس عندي مصلحة مع أي حزب وبعدين أبشرك الكيزان الفاهمين اللعب كلهم معاكم في الوقوف ضد اقالة دتور أكرم ابسطوا طبعاً سوف لا تسألني لماذا ولا تريد أن تعرف!
Post: #25 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-13-2020, 09:16 PM Parent: #23
منتصر ربما لم تفهم النقطة التي اقصدها في ردي. الروشتة العلاجية
Post: #29 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-13-2020, 11:38 PM Parent: #25
الخبر نزل مرة تانية على صفحة مجلس الخيابة في الفيس .... !!!!!!!!!! إتهكرو و ل شنو ؟؟؟؟؟؟؟ و الناس ما قصرو معاهم ضرب صاح .....
Post: #30 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-13-2020, 11:52 PM Parent: #29
Quote: لقيتك حامض شديد لكن ..... 😂😂😂😂
فيتامين سي 😆😆😆
Post: #31 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-14-2020, 00:01 AM Parent: #30
Quote: أما مصلحة الكيزان واستفادتهم من التعامل الأخرق والكارثي من المدعو دكتور أكرم فلا يجهله إلا غافل أو متغافل فكل ما يدعو للكوارث الصحية الإقتصادية والاجتماعية التي سببتها سياسات أكرم ستعود للكيزان بالنفع الذي هو حدوث فوضى وفشل وتدهور المدعو أكرم حقق الكثير ولو استمر كان سيحقق من الكوارث والأزمات ما عين رأت ولا أذن سمعت ولا خطر على عقل غافل . .
اصلا الكوز دا كيف! إلا يكون كاتبه في جبهتو انا كوز. شوف كمية التهم التي تكيلها لدكتور أكرم ووصفه بالاخرق والكارثي. نبرة الحقد والكراهية ظاهرة. طيب هناك لجنة عليا للطوارئ ودكتور أكرم طبق ما طبقته معظم دول العالم لمواجهة جائحة كرونا ولم يأتي بجديد. عن اي كوارث تتحدث؟
Post: #32 Title: Re: ***** يا مجلس السيادة الشعب اقوى منكم و انتم Author: احمد حمودى Date: 05-14-2020, 00:27 AM Parent: #31
السلام عليكم يا رفيق الصبا والدراسة والنضال.. اسمح لي أكتب ليك كلمتين على عجالة..أصلو أخوك( ممكون مرتين) وأسأل الله العلي القدير الشفاء لنا ولجميع المرضى وأن يزيل الوباء ويغطي على جميع البشرية.. أكتب لك وأنت تتعرض لأتفه وأحقر حملة تشويه وحقد ممكن أن يتعرض لها وزير في هذه الثورة المجيدة.. نعم وأول من قاد هذه الحملة الجبانة بالطبع هم الكيزان الفاسدين الذين لا يريدون أي نجاح للحكومة الانتقالية ولا أي خير لهذا الشعب النبيل حتى يحن الناس لعهدهم الخائب الفاسد ويعودوا هم للسرقة والتجارة بالدين ونهب الاراضي..كيف لا وهم من قالوا ان الحكومة تكذب على الشعب وما في كورونا ولا أي وباء ودعوا الناس للخروج للتظاهر(والمخالطة بالكوم بالردوم. 😡) ..وبعد أن زادت الاصابات.. صاروا يطالبون بإقالة وزير الصحة لفشله في درء وباء الكورونا.. (أجي ياااا الكضابة ونسّايه… 😲😏)..وطبعا ما في غرابة ابدا في كذب ونفاق الكيزان..فكم من غزالة قالت لهم (هيت لكم..) في احراش الجنوب اذبحوني واطعموا المجاهدين الجياع..وكم من عرس شهيد اقيم بالزغاريد وشوهد في الجنة لابس اخضر وبشرب اللبن والعسل… وهو حيي يرزق في الأسر… وكم.. وكم . .وكم من كذب ونفاق وتجارة پاسم (هي لله..ما سلطة ولا جاه) طيب الاراضي دي شالها منو ..ابولهب يعني… ؟😡.. نعم انت تعلمهم يا صديقي وانت من ناضلت ضدهم من 89 وتشردت بعدها كما شردونا جميعا.. ولكن الانكأ والاتفه والاسوأ..ان يكون هناك بعض مكونات قوى التغيير وبعض من المكون العسكري وما ادراك ما مجلس السيادة من الذين يحفرون لك..واتضح ذلك في التغريدة التويترية المسحوبة بسرعة البرق… عالم تخاف ما تستحيش😡 للاسف الشديد تكشفت لنا في هذه الازمة ان هناك من لا يستحق ان يكون في سدة الحكم في هذه الثورة العظيمة التي مُهرت بأرواح غالية لشهداء كرام ربنا يرحمهم..ودماء نبيلة من شباب خلص انقياء..قدموا الغالي والنفيس ليخوض فيها نجسا الان بعض الشيوخ الضالة وثلة من الهايفيين. .ويحاربون واحد من أحسن وزراء الصحة في السودان..علما وتخصصا وخبرة وشجاعة وتواضع.. وأقول لك كسوداني عادي متابع وشغوف بحب وطنه وشباب بلده وبني شعبه الاصيل..أن معظم الناس والشباب ولجان المقاومة الاشاوس يقدرون ما تقدم من جهد وعمل كبير وخبرة عالية..ويعلمون ايضا ما قدمت في السابق عالميا من خلال عملك مع منظمة الصحة..ويدعمونك ويقفون من خلفك بإذن الله.. أرجو أن لا تستجيب لأي استفزازات من بعض العطالة والمرجفين من تلك المكونات ومن الذين يدعون كذبا انهم مع الثورة والشعب.. فأولئك النفر سيظهر المزيد من وسخهم وستتمايز الصفوف (والكوك بتبين عند المخاضة😏).. أما الكيزان الفاسدين..فلو لم يحاربوك فعندها يجب أن تعلم انك(ماشي غلط) وكفى.. ربنا يوفقك يا (أبوعلي) ويديك العافية ويسدد خطاك..وخليك زي ما عهدناك من زمن الكلية . .لا بتخاف..ولا بتهاب.. ولا بتداهن في الحق..ومحل الرهيفة التنقد ودوس أي وسخ في طريقك سواء كانوا فيروسات او طفيليات مكونات بشرية.. الله ينصرك يا الأصيل.. اخوك المحب
علي الكوباني
دفعتك المفتخر بك دوما *#كلنا_أكرم_التوم*
Post: #33 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-14-2020, 01:45 AM Parent: #32
*تنسيقية لجان المقاومة وادي حلفا* *١٣/٥/٢٠٢٠* المجد والخلود لشهداء ثورة ديسمبر المجيدة الذين تركو علي عاتقنا ارثا ثقيلا وهو ان تستمر الثورة حتي تحقق غاياتها النبيلة وتطبيق شعاراتها حرية سلام وعدالة .نحن هنا لجان مقاومة مدينة وادي حلفا نتابع عن كثب مايحدث من خروقات لجهات لانود ان نسمها ونخوض في تفاصيلها فيما يتعلق بالاجراءات الاحترازية التي اتخذتها السلطات الصحية الاتحادية والولائية ونراقب عن كثب المجهودات المقدرة والملموسة الذي ظل يقودها *دكتور* *اكرم* *التوم*.... . وزير الصحة الاتحادي وظللنا نتابع ايضا الهجمة الشرسة التي تعرض لها د. أكرم التوم هذا الرجل الذي اتت به القوي الثورية خاصة بعد إعلانه الحرب علي المتلاعبين بمقدرات ومكتسبات المواطنين وتجار الادوية نحن من هنا مدينة وادي حلفا ارض الصمود نعلن وقفتنا القوية مع د. أكرم التوم وزير الصحة الاتحادي ونرفض كل المؤامرات التي تحاك ضدة ونثق فيه كامل الثقة بانة قادر علي العبور بالبلاد من هذه الجائحة اللعينة لفايروس كورونا..... *تنسيقية لجان المقاومة وادي حلفا* *سكرتارية الاعلام*
Post: #34 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-14-2020, 02:12 AM Parent: #33
Quote: صلا الكوز دا كيف! إلا يكون كاتبه في جبهتو انا كوز. شوف كمية التهم التي تكيلها لدكتور أكرم ووصفه بالاخرق والكارثي. نبرة الحقد والكراهية ظاهرة. طيب هناك لجنة عليا للطوارئ ودكتور أكرم طبق ما طبقته معظم دول العالم لمواجهة جائحة كرونا ولم يأتي بجديد. عن اي كوارث تتحدث؟
يا راجل حقد وكراهية مرة واحدة ؟! طيب كلامك بيعني حكمك على الأمور مبني على العاطفة ! أنا ضد قرارات وتعامل فلان في قضية معينة معناتو بكرهو ! أنا بنتقد فلان معناها بحقد عليهو! شغل إرهاب عجيب يعني الديمقراطية راحت في غضب الله ! ثم لماذا أنا بتكلم في قضايا بلدي وقضايا بلد بحجم السودان وطن يقطنه الملايين ولي فيه كما لكم ولغيركم أم بتكلم في خصوصيات أهلو؟! دي قضايا عامة يا عارف وليس قضايا خاصة أقسم لك بالله العظيم يا عارف الكيزان بدعمو استمرار أكرم خاصة الجزء البنفذ في اللعبة وأنا الناس البتتعامل ببرود مع القضايا الانسانية وبتكلموا بدافع طائفي ما بثنونيني عن موقفي لو أصبحوا مليارات . بعدين حقد شنو وسجم رماد شنو يعني كلامي دا لو كتبو واحد بيعمل في المجال الطبي أو منافس له في المجال كان حا تقول عليهو شنو ؟! المثل بقول العارف نفسو مستريح
Post: #35 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-14-2020, 02:31 AM Parent: #34
Post: #36 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-14-2020, 03:07 AM Parent: #35
Quote: عن اي كوارث تتحدث؟
ضيف للكلام دا ما ينتظرنا من أمطار جمدت أي مجهودات لمواجهتها بسبب الحظر ومن أضرار اقتصادية ...والخطاب الباث في الناس الذعر الذي يخاطب به وزير الصحة الناس في كل يوم
أنا المحيريني قال بتخش الكورونا بيقدر عليها
وشوف بعد دخلت الدخول المتوقعو قال شنو !
Post: #37 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-14-2020, 03:23 AM Parent: #36
شوفوا وأحكموا 1ـ أول تصريح لدكتور أكرم نحن قدرنا على البشير بتغلبنا الكورونا الصغيرونة دي! 2ـ حتخش الكورونا وحا نقدر عليها وانو يثق في كافة الفريق بتاع الوبائيات في المركز والولايات 3ـ بقر ويعترف أن أول حالة سجلت كانت غير مصابة 4ـ يأتي ويرسل رسائل احباط وتخويف وبث الذعر في الناس بانو الوضع ما بسر وما عندو ما يقدمو لمريض كورونا غير البندول ولو كتم نفس يركبو ليهو جهاز اكسجين ولو ضاقت عليك بتموت وهو يرى الحل فقط في يد الواطن وفقط في الحظر دون أي شيء آخر الذي يدقق ويراجع هذه النقاط في ذهنه ولا يرى تناقض في هذه النقاط يراجع نفسه
Post: #38 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-14-2020, 03:26 AM Parent: #37
Quote: فيتامين سي 😆😆😆
وأنت فاكر الحموضة مصدرها فايتمين c نفسه؟!
Post: #39 Title: Re: ***** يا مجلس السيادة الشعب اقوى منكم و انتم Author: ترهاقا Date: 05-14-2020, 03:39 AM Parent: #36
دكتور أكرم مقاتل صنديد وقايم بدوره على أكمل وجه ، أما المجلس السيادي ده قاعد يعمل شنو؟ طراطير عالة على الدولة ، ومن زول يقول ليك دكتور أكرم اخفق تعرف إنو كوز مأصل مزروعين في أي حته للتشويه والتشويش وجنهم وجن اي زول ناجح لكن نقول ليهم تاني تشموها قدحة يا حرامية قرف يقرف الكيزان على المجلس السيادي على المجلس العسكري القميء
Post: #40 Title: Re: ***** يا مجلس السيادة الشعب اقوى منكم و انتم Author: محمد على طه الملك Date: 05-14-2020, 11:29 AM Parent: #39
أبو حسين رمضان كريم .. لقيت صاحبك محبوس في العزاء ونزلت بتقلك هههههه .. ما يخموك جداد الكيزان مجلس السيادة ما عندو اي يد .. دا شغل ماشي بالدور لا ترك حمدوك ولا البدوي ولا مدني ولا القراي ولا البوشي والان اكرم والشغل مستمر .
Post: #41 Title: Re: ***** يا مجلس السيادة الشعب اقوى منكم و انتم Author: adil amin Date: 05-14-2020, 11:44 AM Parent: #40
شكلة بين الشيوعي اكرم والبعثي تاور دي الصجة القشرت بيها هنا يا ابو الحصين والقصة لا التزام بي دستور ولا في برنامج تحول ديمقراطي من الاساس وقحت لمة بلا مشروع وكل لاعب حسب مواهبو كدي لةز راجل تاني امشي علي د عمر القراي القراي الوحيد العمل مشورة شعبية وما قعد في راس الناس يورجغ وشغلو علمي ومؤسس والسلفية عريضين القفا وعقاب الكيزان ديل نحن بنعرف نقطع لهيم دينهم الفالصو ده في راسهم اي زول قاعد في المهلكة العرببة السعودية يزح من الجمهوريين لاني برش السلفية في محلها وبي الوثائق والكلام ده بجيب هوا مش كده اي بوست يتفتح عن د القراي والجمهوريين بجي بكل اسلحة الدمار الشامل ... لكنهم ولبئؤسهم هم نفسهم https://top4top.io/ وابدا بي المنافق بتاع الحرم المكي ده
Post: #42 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-14-2020, 09:12 PM Parent: #41
Quote: تحت الجلد والا في العضل
Quote: لقيتك حامض شديد لكن ..... 😂😂😂😂
شوفوا إنتو الإتنينلمن أجيكم في بيت حبوبتكم أو أجي أطفل عليكم وإنتو بتتونسو في جمب دكان حلتكموكتها ممكن تقولو علي
حقنة
أما ونحن في منبر عام والموضوع المطروح عام ويمس كل الناس وكل السودانيين و هم في حق تناوله وتحديد موقف فيه متساوون وأنتم من طرقتم هذا الباب في منبر عام يطلع عليه عدد مفتوح في نافذة مفتوحةعلى مصرعيها للجميع يبقى حينها يصبح استخدام هذه العبارات والألفاظ سفه لا أكثر ولو كنتم تظنون أنكم ستنالون مني بذلك تكونون غافلين .
Post: #43 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-14-2020, 09:40 PM Parent: #42
Quote: شوفوا إنتو الإتنينلمن أجيكم في بيت حبوبتكم أو أجي أطفل عليكم وإنتو بتتونسو في جمب دكان حلتكموكتها ممكن تقولو علي حقنة أما ونحن في منبر عام والموضوع المطروح عام ويمس كل الناس وكل السودانيين و هم في حق تناوله وتحديد موقف فيه متساوون وأنتم من طرقتم هذا الباب في منبر عام يطلع عليه عدد مفتوح في نافذة مفتوحةعلى مصرعيها للجميع يبقى حينها يصبح استخدام هذه العبارات والألفاظ سفه لا أكثر ولو كنتم تظنون أنكم ستنالون مني بذلك تكونون غافلين . (عدل بواسطة منتصر عبد الباسط on 05-14-2020, 09:26 PM)
انا غايتو لا عايز انال منك و لا حاجة ... و كلامي كان موجه لي عارف و انت ما مقصود لا من قريب و لا من بعيد ...
كدي شوف عارف قاصدك و ل لا .... ؟؟؟
Post: #44 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-14-2020, 09:53 PM Parent: #43
Quote: شوفوا إنتو الإتنين لمن أجيكم في بيت حبوبتكم أو أجي أطفل عليكم وإنتو بتتونسو في جمب دكان حلتكم وكتها ممكن تقولو علي حقنة أما ونحن في منبر عام والموضوع المطروح عام ويمس كل الناس وكل السودانيين و هم في حق تناوله وتحديد موقف فيه متساوون وأنتم من طرقتم هذا الباب في منبر عام يطلع عليه عدد مفتوح في نافذة مفتوحة على مصرعيها للجميع يبقى حينها يصبح استخدام هذه العبارات والألفاظ سفه لا أكثر ولو كنتم تظنون أنكم ستنالون مني بذلك تكونون غافلين .
بالرغم من انك سفهتنا إلا بنمشيها ليك عشان مخك تخين وما فاهم حاجة من مداخلاتي ارجع أقرأ وركز شوية من اقتباسي لمداخلتك الاولي. كان ما فهمت تعال راجع بفهمك. لها قصرت معاك.
Post: #45 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-14-2020, 10:16 PM Parent: #44
Quote: وأنت فاكر الحموضة مصدرها فايتمين c نفسه؟
آمنت بالله. 😅😅😅
Post: #46 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-14-2020, 10:27 PM Parent: #45
Quote: كدي شوف عارف قاصدك و ل لا .... ؟؟؟
اقعد اغنج بالورق لأمن يسيكوك في قبولك. 😅😅😅😅😅
Post: #47 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-14-2020, 10:33 PM Parent: #46
Quote: آمنت بالله. 😅😅😅
بتستنكر حموضة الكلام ول بتستنكر إنو فايتمين سي حاجة والحموضة الفي الليمون والكوي والبرتقال والقريب حاجة تانية؟! أما إذا بتقصد وجود فايتمين سي في الحمضيات أكثر ماشي مقبولة
Post: #48 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-14-2020, 10:42 PM Parent: #47
Quote: اقعد اغنج بالورق لأمن يسيكوك في قبولك. 😅😅😅😅😅
في قبولي كمان ... ؟؟؟؟ حقو الواحد يشاكلك تاني عشان اتكافى شرك ..... 😂😂😂😂😂😂
Post: #49 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-14-2020, 11:02 PM Parent: #48
Quote: بتقصد وجود فايتمين سي في الحمضيات أكثر ماشي مقبولة
شفت لامن تشغل طايوقك بتصل للمقصود. باقي ليك اتنين.
Post: #50 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-14-2020, 11:09 PM Parent: #49
Quote: في قبولي كمان ... ؟؟؟؟ حقو الواحد يشاكلك تاني عشان اتكافى شرك .....😂😂😂😂😂😂
اتا كيشه دي ما الاسنافيك زاته. 😅😅😅😅
Post: #51 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-15-2020, 00:26 AM Parent: #50
Quote: شفت لامن تشغل طايوقك بتصل للمقصود. باقي ليك اتنين.
دا ما تشغيل طايوق دا تشغيل للذوق لأنو الأحماض شيء وفايتمين سي شي آخر أما الاتنين الباقيات خليهن عندك . وطايوقك وفهمك الخلاك مع القطيع دا مبروك عليك.
Post: #52 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-15-2020, 00:49 AM Parent: #51
Quote: دا ما تشغيل طايوق دا تشغيل للذوق لأنو الأحماض شيء وفايتمين سي شي آخر أما الاتنين الباقيات خليهن عندك . وطايوقك وفهمك الخلاك مع القطيع دا مبروك عليك
كنت ماشي كويس وبدأت تستوعب لكن برضو رجعت لتخانة المخ. أمرنا لله نشرح ليك لانو بوضعك ده لن تفهم المقصود. مداخلتك كانت (الكوز أبو حسين اصمت). ردي ليك كان(تحت الجلد والا في العضل). المقصود بيهن مؤتمر شعبي والا وطني. التانية قلت ليك الروشتة العلاجية قلت احتمال تفهم. الروشتة دي البصرفوها الاعضاء لبعضهم. اتا كوز؛ اتا شيوعي وهلم جر. شفت انك كنت ظالمنا كيف وأنه لم نقصدك بسوء. كونوا نكون مع القطيع ما مشكلة لكن بنسوق الحملان. هسع المفروض يكون عندك شجاعة أدبية وتعتزر لأبو حسين وشخصنا الضعيف.
Post: #53 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-15-2020, 03:33 AM Parent: #52
Quote: مداخلتك كانت (الكوز أبو حسين اصمت). ردي ليك كان(تحت الجلد والا في العضل). المقصود بيهن مؤتمر شعبي والا وطني. التانية قلت ليك الروشتة العلاجية قلت احتمال تفهم. الروشتة دي البصرفوها الاعضاء لبعضهم. اتا كوز؛ اتا شيوعي وهلم جر. شفت انك كنت ظالمنا كيف وأنه لم نقصدك بسوء. كونوا نكون مع القطيع ما مشكلة لكن بنسوق الحملان. هسع المفروض يكون عندك شجاعة أدبية وتعتزر لأبو حسين وشخصنا الضعيف
أولاً أنت تحدثت عن مصطلحات ليس بالضرورة أن أكون ملم بها وأرجو في حتة إنها مصطلحات دي ما نختلف لأنو شيء واضح وأنا صراحة هذا المصطلح لم يمر علي شرحك للموضوع بالروشتة ما ممكن يساعدني لأنو الروشتة وصفة علاجية وليس تشخيصية ، وصف الإنسان بكونو كذا وكذا هذا أقرب لنتيجة الفحص من الروشتة ثم وصفي لأبو حسين بالكوز هو ربما يعرف السبب أكثر منك ويعرف السبب بأنني أعتبر أن الكيزان منذ 12 ابريل يدعمون خط الحزب الشيوعي لأسباب يعلمها من يعلمها ويجهلها من يجهلها عموماً أنا آسف بسبب أنني أعتقدت أنكم وصفتوتي بالحقنة رغم أن كلامك كان يشير في ظاهره للحقنة .
Post: #54 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-15-2020, 08:02 PM Parent: #53
Quote: ثم وصفي لأبو حسين بالكوز هو ربما يعرف السبب أكثر منك ويعرف السبب
امرق يا الكوز المندس البدعم الظلاميين. 😅😅😅😅😅
Post: #55 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-15-2020, 08:05 PM Parent: #54
منتصر لو كان د أكرم كوز لوقف الناس خلفه كما يحدث الآن. لانو الناس النضيفة والعفيفة أصبحت عملة نادرة.
Post: #56 Title: Re: ***** يا مجلس السيادة الشعب اقوى منكم و انتم Author: ABUHUSSEIN Date: 05-15-2020, 08:30 PM Parent: #55
Quote: ثم وصفي لأبو حسين بالكوز هو ربما يعرف السبب أكثر منك ويعرف السبب بأنني أعتبر أن الكيزان منذ 12 ابريل يدعمون خط الحزب الشيوعي
و الله ما عارف نورني ينوبك ثواب .....
Post: #57 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-16-2020, 00:49 AM Parent: #56
Quote: لو كان د أكرم كوز لوقف الناس خلفه كما يحدث الآن
.أنا ما قلت إنو د أكرم كوز!
Post: #58 Title: Re: ***** يا مجلس السيادة الشعب اقوى منكم و انتم Author: Arif Nashed Date: 05-16-2020, 01:20 AM Parent: #57
Quote: أنا ما قلت إنو د أكرم كوز!
يا اخي مامنكن ده انت حالتك مستعصية بس وريني وين قلت ليك انك قلت د أكرم كوز. صراحة تعبت معاك مضطر احيلك لابوحسين يمكن تتفاهمو. وده طرفي من البوست ده.
Post: #59 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-16-2020, 02:03 AM Parent: #58
Quote: لو كان د أكرم كوز لوقف الناس خلفه كما يحدث الآن
ماشي تقصد دكتور أكرم ماشي صاح حتى لو كان كوز دا بالنسبة ليك إنت وأنا كلامي ليس موجه لك بصورة خاصة أنت أعتبرت أنه ماشي صاح وأنك ستؤيده حتى لو كان كوز لأنك تعتبره أنجز ما لم ينجزه الأوائل ! ماشي دا رايك ونحترمك ونحترم حقك في أن تعتقد فيما تشاء وتعبر عن إعتقادك .
Post: #60 Title: Re: ***** يا مجلس السيادة الشعب اقوى منكم و انتم Author: منتصر عبد الباسط Date: 05-16-2020, 02:14 AM Parent: #59
