في غيابي المنتدى بائس

07:11 AM May, 13 2020

سودانيز اون لاين
أبوبكر عباس-الإمارات
مكتبتى
رابط مختصر

بائس جداً
غياب عالم، مفكر، سياسي وأديب صعب يترقع مكانو!!

رجعت بعد تحنيس ووساطات كتيرة،
عشان رمضان استجبت للنداء

وعدني الصديق حاتم إبراهيم بالعودة اليوم للمنتدى
قلت ليهو بالتلفون:
تعال راجع، الناس ديل اتيتموا بعد فتنا

يا زندقة عيب والله عالم زيك يخلوهوا يحنس ويتوسط عشان يرجع لكن ربنا عوضنا عن غيابك بمحلل ومفكر ما بنفضلوا عليك ، حاتم رجع اولردي انت كدي جيب لينا عاطف عمر فوق

عاطف عمر قلت ليهو بوست ليك وبوست لي
قال لي: أبداً أنا كافوري دي كلها حقتي

باي عاطف بيّا
—-
بيّا بالاردو أخو

يومك الفي مدني الشيخ بيك يعلم
لو كان حباك كان يلمك لم
-----

بنكي سري سواري في المغاره دكم

سرياني سرنكي
هك كلك كدكم ملكان
في كراسي اجلس اتقدم
ترجماني الحاله منه حتي انشم
مسكن وممكن
سكسكان
وجلم
هنكر
وتشنكر دس درس في حرم


اسمو اسم الجدي الفي ام درمان
درم نيلو نيل ود نيل يبلغ نچم
--
من طاحونة الدي لي مليح الزي
قدلة يا مولاي
وذو الشوق القديم وان تعزى مشوق حين يلقى العاشقينا

يا عبد الله، وحات سميح الزي، كنت رايت ناو داير أنزل مداخلة عنك وعن سميح الزي
قلوب العاشقين عند بعضها

في رأيك أترجم ليهم الكلام دا ولّ بعد رمضان؟

المداخلة:
(١) باب الأدب والعشق

العنوان: فريق الشعلة الدباغة مدني والشيخ العليش:

حكي لي بالواتساب صديقي الجمهوري عبد الله عثمان بتصرف مني ومنه ومن د. ع ع إ)عن شيخه وأستاذه زعيم الجمهوريين سعيد الطيب شايب، قال:
كان الشيخ العليش أحياناً يقضى يومه بود مدني، وعصيراً بدري يتراوح فوق حماره لمفازة أبحراز شرق مدني، في أوبته هذه بجي شاقي الدباغة لعترة عشان يلحق المركب لابحراز.
تيم الشعلة يتدرب هناك بالدباغة، وهو بالدرجة الثانية، جات كورة فالتة ضربت بطن حمار الشيخ العليش، لمان الحمار قنت، إلتفت العليش للميدان وقال ليهم:
ناس الشعلة لا تتعلوا لا تتدلوا
ظلت الشعلة بالدرجة الثانية سنين عددا حتى بعد ممات الشيخ العليش، لا قدرت تصل لناس الأهلي والإتحاد ونيل شدو، ولا نزلت للسنترليق (الدرجة الثالثة)
تقرب تطلع، في آخر مباراة تنهزم
تقرب تنزل، يلحقها العليش بضربة جزاء تمرقها من السنترليق.

يقول الأستاذ سعيد شايب:
بعض عقلاء مُريدي الشعلة ناس شيخ الجيلي صلاح والشيخ محمد جمعة قالوا ليهم لازم تمشوا للشيخ العليش في مرقدو حدى أجدادو العركيين بأبحراز وتحلوا معاهو القصّة دي.
مشوا هناك وذبحوا وأكرموا المريدين كرم شديد وإعتذروا للشيخ إعتذار يليق بمقامة.
نفس السنة طلعوا الأولى

مراجع:
- مقال لدكتور عبد الله علي إبراهيم
- رسالة واتساب من عبد الله عثمان
- حكاوي ناس الكورة بمدني
- بكري النعيم

ترجمان الأشواق
التراجمة
لو سار فيها سليمان لسار بترجمان

الحمدلله ياخ أن عشنا زمن مليح الزي

زاره يوما لاعب كرة متقاعد وكنا حضورا
حكى لنا عنه، بحضوره، وطريقة حكيه لا تبارى، لا تجارى
فلان دا (أشار للزاير ونسيت أسمه) ناس الأهلي حبوا يسجلوه في كشوفاتهم ... قال ليهم أفوت جزلان بلة علي شدو الداقي في الزلط دا وين!!!

----
الما وقعت ليهم اللطيفة أشار بيده لقامة الراحل بلة علي شدو (وهي بعد مديدة)

ويواصل في أخرى عن التعلّق

صديق منزل زميلنا في المحاسبة .... جانا مرة لمراجعة في ود مدني
بعد الشعل قلت ليهو تمشي معنا البيت
وافق
وأنا داخل على البيت شعرت في زول واقف تحت عامود النور يعاين لينا
مشيت عليهم قلت ليهو اتفضل
أعتذر
أخدنا مجلسنا ...
صديق أستأذن ... طلعت أقدمو
لاحظت الزول لسع واقف تحت النور وحالتو ما طبيعية .. زي برجف كدا
في شنو ياخينا؟ مالك؟! أن شاء الله عافية
الرجل متمتما وبرجف ... يؤشر بيده ناحية صديق منزول
الملك!!
الملك!!

التعلّق عجيب!!

التعلّق عجيييييب!!

يا سلااااااام .. هلت اللمبات واستنار المنبر استنارته مرة اخرى كيوم وجد..

إذن فلنجلس في مقاعد المتفرجين ...

يا يا أخي، فريق النيل العريق الشهير بنيل شدو (بله علي شدو) حالياً في الدرجة التانية ولّ التالتة ما عارف

ناس شدو الظاهر نار بليلتم ماتت

ما بتندم يا المدعو حيدر الزين لو قعدت اتفرجت في تابلوهات الكتابة المعتقة دي
التعليم ما عندو سن
لمبة واحدة تضي إليك قصور ترامب

(٢) في السياسة والعلم:
أكرم التوم هدية من السماء

انتهى

أهلا بصاحبنا العزيز بابكر ورمضان كريم .

Quote: في رأيك أترجم ليهم الكلام دا ولّ بعد رمضان؟

انا غايتو لي روحي دي " ترجمت"
الا رشوني بي موية باردة

(٣) في الفكر والمال:
كورونا وبيرني ساندرز يحولان بوصلة الرأسمالية الأمريكية نحو الرأسمالية المطعمة بمكاسب اشتراكية (ألمانيا بس)

أب لمبة
كيفك ؟

يا ود الشيخ، "ترجماتك" واصلانا دائماً
نحن البنرشرش روحنا الموية الباردة

Quote: عشان رمضان استجبت للنداء

ابو لمبة

أنت مش قلت تركت الاسلام؟

مرحب بالأديب الكبير هاني

يا شاويش، أجيب ليك مقتبسات أنت المسيحي "الكافر" دا كرمت فيهن على الناس رمضان؟

وأنا من قبيل أقول الكمبيوتر دا مالو مولع نور شديد كدا

يا أبو لمبة

أنا لم أكن مسلم في يوم من الايا، ولكن أنت كنت مسلم.

يعني أنت مفروض تكون الاكثر حساسية في ذلك.

واضح جدا في دواخلك لسه في ظلامي صغير.

البورد نوّر ياخ

والله يا حافظ، مشتاقين لثقالتك العلمية

يا أخوانا، واحد يرد لي على الشاويش دا لو عندو نقطة انتو شايفنها،
أنا مشغول بمسائل فكرية معقدة

يا حيدر، ما كلمتك، مرة سرقت مداخلة حقتك من هنا قشرت بيها في الفيس.

أعفي لي

هو أنت كان عندك علاقة بالفكر أصلا؟

واضح جدا في دواخلك لسه في ظلامي صغير.

المنبر نور

مرحب بك ( بصوت ود الجبل )

حبيبنا ابوبكر .. تحياتي يا جميل
اكيد سودانيز بدونك لا طعم ولا رائحة
مرحب يا جميل ..
حبيبنا بس من فضلك الى نهاية رمضان ما تتكلم في الدين (هههه)
عشان نتابعك من قبل الفطور .. بعد العيد براحتك

مودتي الحبيب أبوبكر ..

Quote: حبيبنا بس من فضلك الى نهاية رمضان ما تتكلم في الدين

ياتو دين يا شيخ علي؟
المستنير دينو براهو..
يا هندسه ارخي للزول دا الحبل صدقني ما عندو حيل بقطعوا تاني.

😂😂
كنت فى سيرتك مع نسيبى فيصل سعد الشيخ؛
للشفافية قطيعة شديدة و كده

نورك للبورد جاهر

حمدا لله على سلامة العودة يا مستنير

لك وحشة.
ولكتابتك الساخرة بهجة تبهج فى زمن عبوس.

لقد صبأ المستنير يا دينق
عاين لي تعازي الليلة


وقارنهم بي تعازي زمان

يا احمد محمد عمر.

القصة شنو ؟

أعتقد أبو لمبة محتاج يوضح لنا.

والغريبة هو جا المنبر وقال لأبو حسين كيف" تدردقها ساهلة كدا لدينق" ؟

وعاين ليهو هسع هو جاني مدردق كيف بالله!

لكن يا أحمد شغلك نضيف.

سلام ابوبكر
مطول الغيبات جاب الغنايم

و في وجودك اكثر بؤسا .... 😂😂😂

Quote: يا المدعو أحمد محمد عمر، الزميل أينشتاين كان يتقلب في الكون بخصوص القوة العظمى!!

زوجة صاحبي كانت واقفة معانا في القيفة، جاتها كورونا وشفت منها .. بقت كل ما تلقانا في منشور أنا وصاحبي راجلها تردمنا ليك بكلام الخير والإيمان من نوع ستسألون عما تفعلون وتحسبونه هين وهو عند الله عظيم ويقول أحدكم الكلمة لا يلقي لها بالاً تهوي به سبعين خريفاً في جهنم .. قلت ليها يا بتنا والله كلنا بنرجع الحلة ونجي تاني القيفة لكن انتي بقيتي صعبة عديل .. راجلها قال لي بعد الاسبوعين العدتها مع عزرائيل دي محتاجة ليها إعادة تأهيل 3 شهور أقل حاجة حتى ترجع معانا الحياة الدنيا :)

بكور
يا سلاااام ياخ...معاك نحن ناس بنسمر ونسهر لمن ديكنا يصيح
غايب السنين الليلة مالو

في حاجة ضحكتني في الپوست دا، لكن ما ح أقولها
حزر فزر

بفضل الترحيب يا إخلاص يكون بصوت فاطمة عمر
مرّة الحركة اتكوجنت في استوب شارع خمسطاشر مع محمد نجيب
فتحت قزاز العربية ورفعت صوت سماعات عربيتي الفارهة
لمان لمبة صوتها طلعت بمقطع:
أنا فيك عشقتا الروعة ما أحلاها في الدل والدلال؛
العربات اتفكفكت من بعض ولسّ الإشارة قاطعة كهربا

زعلان منك في عدم ترحيبك بصديقتنا الأديبة أماندا
صحي البوست فتحو النذير، لكن برضو مرات بكون عندو شويّة فهم!!

شكراً يا شاويش، يا عفين، على الرسم الساقط، لكن يا أخي، البتاعة دي كان تعملها سودا ومدغلبة شوية

اهلين بكور الراجل الكلس
اخبارك ايه ...
ومرحب بيك في البورد حقيقة غيابك طال ومكانك شاغر

قصّة الملاية في كاريكاتير الشاويش العفين كان حكيتها هنا لتوثيق حاجة كان بتحدث في جامعة سنوياً واسمها كشة مارس أو زفّة مارس ما عارف.
مارس كانت بتقوم فيهو الامتحانات، قبل الامتحانات بحددوا يوم للتهريج بالجامعة
يحصل تلوين للوجوه وتغطيتها بالألوان وناس تلفح نفسها بملابس غريبة، وواحدين بغطوا نفسهم بالملايات، (السنة ديك في الكشة وجنب داخلية البنات أشوف عمر صديقي وزميل الغرفة لأفي وجهو بملايتي، عرفتو من الملاية مربعات كبار صفرا،
أشيل أتحشر في الزحمة وأجر الملاية عشان أكشف وشو...)
وتطلع مسيرة من البركس لداخلية البنات ومنها للمكتبة المين ويلقوا فيها خطبة، ومن ثمّ لقاعة الامتحانات وتعيين شيخ البركس ودا بكون زول عجوز (عائد كتير)
شيخ البركس بقوم يلقي خطبة عصماء بقاعة الامتحانات يصدر فرمانات من شاكلة
تحويل قاعة الامتحانات لصالة ديسكو وفرمانات مخستكة كتيرة.
سنتنا ديك في التمانينات الكيزان قرروا يهاجموا الناس لو مشت على داخليات البنات
مشاين على داخلية البنات في شارع الداون تاون داك نسمع ليك ناس عمار محمد آدم يقود كتائب وبالسيخ والله أكبر الله أكبر
سفنجاتنا وملاياتنا في شارع الجامعة وتدافع كبير، جري راجعين البركس
لقيت عمر في الغرفة في داخلية أربعات
قلت ليهو؛ ما لك ما جيت الكشة؟
قال لي في واحد معفن جنني أصرّ الا يكشف وشي
بسري قلت ليهو البركة في ملايتي الجات راجعة وسلمت من غنائم عمار

السادة العجم؛ علي عبد الوهاب، محمد طه الملك
بخلي الكلام في الدين، لكن عندي ليكم أخبار علمية غير سارة.
يا أخي، الحضارة النوبية والمصرية، طلع أحفاد الناس العملوهن قاعدين في الشام وأوربا!
الناس القاعدة في شمال السودان ومصر ديل ما عندهم علاقة رحم بالناس البنت الاهرامات

العظيم شاهين شخصياً يرحب بي؟!
يا مرحى يا مرحى
مشتاقين يا أديب
أدباء بحيوا في بعض

ملحوظة.

الرسومات والتعليقات الكاركتيرية تعود الى صاحبها أخونا عضو المنبر عارف ناشد.

أنا بس بغرف من الارشيف.

أركز يا أبو لمبة أركز.

ود جيرانا زمان النصري،
تذكر حاجة عملتها لينا في مدني زمان اسمها المداهمة؟
تحياتي للشفيف فيصل سعد وصديق الطفولة والشباب طارق بونا

هلا بشيخ العرب أبسن
كيفك يا زول؟ شايفك سفهتني رسلت ليك طلب صداقة بالفيس وما اشتغلت بي

هلا علاء سيد أحمد
يا أخي صورة البروفايل بتاعتك دي جزء من حياتي اليومية بالإمارات
تموج الكثبان مع الغروب من المناظر المحببة لي والتي أتأملها دائماً
جميلة مع الأشعة الحمراء

الأديب الكبير أبو جهينة، يا أخي، بحكم كلنا أدباء صالحني مع الشاعر اسامة الخواض لمدة ستة شهور

بفط أحمد محمد عمر، أبو حسين ومهندس البلاعات الفاشل النذير
وبمشي للموسيقار الحبيب أحمد ياسين
عليك الله غير صورة البروفايل من ساكس لكمان
ما تقول لي ليه؟
بس جات في راسي كدا

كدا انتهيت
خلي واحد يقول لي ما بترد على المداخلات

نسيت أشكر جلال دونا على كلمة المرور
شفرة الرقم عرفتها يا معفن

معقول الزعيم اليساري الكبير خالد العبيد؟
أقول ليك حاجة يا خالد، ما بتصدقها
قريت ليك مداخلة هنا انك لاقيت سيف النصر بالخرطوم صدفة أو كتبها سيف النصر ما عارف،
نفس الليلة ديك حلمت انو لاقيتك وسيف بنورث كارولاينا
تعرف لأنو لاقيتك بدبي
وأي زمن بأمريكا بحاول ألاقي سيف النصر (نحن بنفس الولاية) ولم أتوفق.
بكون العقل التخيلي بتاعي تخيل ملاقاة سيف صدفة بكارولاينا
المخ سجلها وحققها لي في المنام

يا أبسن، أشرح ليك ليش رديت على شاهين قبلك والنصري؟
كنت بديت أكتب المداخلة جامع فيها الرطانة التلاتة علي عبد الوهاب، الملك وشاهين حفظاً لكوتة المداخلات.
أثناء الكتاب قلت في سري معقول أخت أديب مع ناس عاديين؟
سحبت اسم شاهين وأرسلت المداخلة
بقى شاهين في راسي
ثم رديت عليهو
ورجعت واصلت
رجعت تاني لقيتك سحبت مداخلتك!
الظاهر عليك صائم

https://top4top.io/
ابو فانوس
اما تلقي او نكون اول من القي
سحرة موسي مرو من هنا

Quote: توثيق حاجة كان بتحدث في جامعة سنوياً واسمها كشة مارس أو زفّة مارس ما عارف.

يا سلاااام يا بكوري
ياخي دي الحاجات الجميلة التي غتس حجرها الكيزان
كانت الهتافات من شاكلة:

ناقص ناقص يا فبراير ( 28 يوم)
و
عميل عميل يا ابريل ( الامتحانات كانت تمتد من مارس لبضعة أيام في ابريل)
من احلى ما قاله عمدة البركس في زمننا:
" لقد تدهورت القيم و انحلت المجتمعات حتى صار الانسان يمتحن أخيه الانسان ! "

يا عادل، سحرة موسى وموسى دي كلها أساطير ساكت
رأيك شنو انو بناة الاهرامات شوام وأوربيين؟
الموضوع دا ظاهر، ما ممكن ناس شمال السودان الحاليين ديل والمصريين يكونوا أصحاب حضارة عريقة كدا
ما ممكن يحصل انقطاع قدر دا؟!
أصحاب العقول النيّرة ديل هاجروا شمالاً وحصل احلال من (الجنوب).

أصلاً يا ود الشيخ، أن قاعد أكتب ليكم هنا للناس الشاطرين أولاد جامعة الخرطوم
الشاويش كان بليد، يمكن الفرع دي ما دخلها، عشان كدا الكلام دا ما بقع ليهو!!

في حاجة تانية يا ود الشيخ
كان في مصطلح اسمو امتحانات السمر
بالإشارة لامتحانات الملاحق شهر سبعة وموسم توالد السمبر فوق شجر المهوقني بتاع الجامعة

غريبة النذير يكون قرأ جامعة الخرطوم؟!
بكون قراها في زمن الإنقاذ بالقروش

Quote: حفظاً لكوتة المداخلات

حالتي كنت داير أقول حق لعاطف أن يغني وتركت مثل السيف وحدي :) لكن يأبي بكري إلا أن يخليك مشعلق في النص


____________
الناس الراقين الحساسين وقتين ما يردوا عليهم بسحبوا مداخلاته والجلدهم تخين يقولوا ليهم ما عاوزين نرد عليك ولسة حارسين البوست

سلام غالينا بكّور و حمدلله على سلامة العودة الميمونة

Quote: كورونا وبيرني ساندرز يحولان بوصلة الرأسمالية الأمريكية نحو الرأسمالية المطعمة بمكاسب اشتراكية (ألمانيا بس)

يا خى استنارتك لسه طاشّةكان تكون بيرنى ساندرز و اكرم و كورونا و نحو اشتراكية وستمنستر
كده بتكون لفخت الرأسمالية و امبريالية دينق و هرطقة عادل امين و هرجلة ترامب بى لفخة واحدة
و شكري الجزيل على تعفينتك الحلوة دى

Quote: أصحاب العقول النيّرة ديل هاجروا شمالاً وحصل احلال من (الجنوب).

لو تابعت المناخات حسب خطوط العرض وتحولاتها
ح تلقى الزحف الطبيعي للبشرية دائما من الجنوب للشمال
الطبيعي ما بقصد بيهو (الهاربين ) من الشمال للجنوب( وش مادي لسانو).

Quote: الموضوع دا ظاهر، ما ممكن ناس شمال السودان الحاليين ديل والمصريين يكونوا أصحاب حضارة عريقة كدا

ليه ما ممكن
دي عنصرية نظرية تفوق الانسان الابيض the white man burden عبء الرجل الابيض القطعا الانصار لي كتشنر لي راسو وخلوهو احترم الانصار
الصين ذاتا كانت متخلفة رغم حضارتا القديمة ونهضت مع ماو والان جدعت الغرب وامريكا هناك
نحن للاسف المركز الهش ده ما مثل الحضارة السودانية ابناء الحضارة السودانية لحدي هسة
والحديث ذو شجون
ودماغ البشر في العالم ده كلو واحد والحضارة دورات
https://top4top.io/

عليك الله ذى القرود البتلعمطو عمر القراي ديل ممكن ينهض معاهم السودان ما اكتفو بي فشلهم وتشوبه السودان ويرفسو لحدي هسة
في حاجة اسمها الموروث الجيني الحضاري بكون قاعد في ناس الحضارات القديمة عبر العصور متي وصلو الي السلطة تزدهر البلد
لانه البصلو للسلطة بطرق ملتوية ديل بتوصلم اجهزء استخابرات اقليمية ودولية من اجل الابادة نهب الموارد
والخرطوم ليست مركزز حضاري اطلاقا حتي تنهص بي السودان من جديد
ودي بتدخل في علم النفس السياسي الاجتماعي وتثير حساسيات ما ليها داع في البوست المبهج ده

يــا أهل الخيـر ..

يآخي مافي زول يحنس لينا هذا المستنير بلا استنارة

حقيقة في بؤس عام في المنتدى ما حايفرج همـه إلا هذا المدعو ..


وإنا لله وانا اليـه راجعون

Quote: حقيقة في بؤس عام في المنتدى ما حايفرج همـه إلا هذا المدعو ..

حقيقة والله يا حيدر...

المستنير ده ملح البورد

المستنير رضي الله عنه مستمتع بأجواء القرينز ولا ود اب سن في رفاعة

حالف ما ينزل الا بي وقية دهب

قلت لي النقطة الحمراء في البلية عيب في الصناعة؟! 🐸🐸🐸🐸

فك الرهاين يا خميني؟*

—-

* دي لغة ناس الكونكان للزول البرمي البليظ دو وارس🙈

Quote: سيف الدين بابكر اللهم أرفع يد الشماليين أهل الفتنة في الخرطوم مساكن الظالمين عن أهلي المسلمين البجا بشرق السودان ووحد بين أهلي البجا .. وأبعد أهل الفتنة من بينهم فما يزيدونهم هؤلاء الشماليين إلا خبالاً.. اللهم وحد بين أهلي المسلمين البجا: الهدندوة، البشاريين، الأمرار، البني عامر، الحلنقة، الكمالاب، الكميلاب، المرقوماب، الحدارب، التقري، البلو، الحمران، الارتيقا، الشعاياب، الأشراف، الحسناب، أهلي أهل الإسلام أهل القرآن مأوى العربان؛ أهل التقرايت أهل البداويت أهل البلويت.. أهل الساحل وحتى النيل ومن القضارف والخيار إلى طويلة وبئر شلاتين (بلاد كوش*) شرق السودان الحبيب.

الإجابة البطيخة



________
منتظرين المستنير يحنن قلبه البوست ويجي متلب بفوق فإذا بالفيسبوك يخرج أثقاله :)

عارف يا مستنير
لمن تشرق الشمس
تغيب الانوار المصطعنة
حتى لو من سد مروي
ولا النهضة
وبما فيهن السد العالي
فعلا لك الحق أن تقول:
اشرقت شمس منبرنا
فقد انمحا اثرنا
فلا ضوء منا يفيض
باشراق ابوبكر على سمائنا الدنيا