الفنانة مونيكا تفجرها داوية أنا لازم يختوني في كتاب التاريخ السوداني لهذا السبب.. طموحي منافسة نانسي عجرم واليسا. أكدت الفنانة السودانية الشهيرة مونيكا روبرت خلال استضافتها عبر برنامج (الصندوق) الذي يذاع على قناة أنغام الفضائية صحة التصريحات التي أطلقتها في وقت سابق وقالت فيها (أنا يختوني في كتاب التاريخ).
وقالت مونيكا بحسب ما شاهد محرر كوش نيوز فعلا أنا لازم يختوني في كتاب التاريخ لأنني أول فنانة قبطية تغني بالدلوكة السودانية.
كما أكدت أن طموحها هو العالمية ومنافسة المطربات نانسي عجرم واليسا وشيرين, وبررت ذلك مستنكرة (ليه هم ما بني أدمين).
أضافت أنها باستطاعتها الغناء باللهجة الخليجية والمصرية وعزت السبب في عدم شهرة الغناء السوداني بالخارج لعدم معرفة شعوب العالم للهجة السودانية.
Post: #2 Title: Re: أنا لازم يختوني في كتاب التاريخ السوداني � Author: اخلاص عبدالرحمن المشرف Date: 05-09-2020, 03:32 PM Parent: #1
سلام يا عارف دخلت قلت اشوف عملت شنو😹😹
مونيكا حسب ما ورد دخلت تاريخ الأغنية السودانية حاولت اتذكر مطربة قبطية ( اظن موجودة ) لم تسعفني الذاكرة .
Post: #3 Title: Re: أنا لازم يختوني في كتاب التاريخ السوداني � Author: ABUHUSSEIN Date: 05-10-2020, 01:03 AM Parent: #2
قول ليها ابو حسين قال ليك قومي لفي ..... 😂
Post: #4 Title: Re: أنا لازم يختوني في كتاب التاريخ السوداني � Author: Arif Nashed Date: 05-11-2020, 00:29 AM Parent: #3
Quote: دخلت قلت اشوف عملت شنو😹😹
مونيكا حسب ما ورد دخلت تاريخ الأغنية السودانية حاولت اتذكر مطربة قبطية ( اظن موجودة ) لم تسعفني الذاكرة .
بت المشرف انزيك. تاريخنا أصلوا هملة ساي عندي فكرة أشارك في برنامج حرامي وحرامي بتاع التمكين يمكن ندخل التاريخ 😂😂
الحكامات المقعدات ما دخلن كتب التاريخ. مفتكره انها قبطية ولونه الأبيض يؤهلانها لتدون في كتب التاريخ ده فهم غريب جدا. إمكانياتها ممكن تؤهلها تكون ممثلة لكن الغناء تخليهو للقونات. غايتو السودان ده أي حاجة فيهو ممكن تبقي. قالت عايزة تنافس منو كده ما عارف. وبتغني خليجي ومصري شوفي جنس الاستلاب دا.