رايكم في الكلام دا شنو ؟! فيديو

10:08 PM May, 08 2020

سودانيز اون لاين
منتصر عبد الباسط-
مكتبتى
رابط مختصر

للناس غير التحزبيين

في ناس وهم كل أو معظم من يبادر بالتعليق
ما بيشاهدوا الفيديوا عشان يعطوا وجهة نظرهم الشخصية لا أبدا!
طوالي يجو يقولو لي يا منتصر( يا غبي) فهمت شنو إنت من الكلام دا ؟!
أو ما معناه
هههههههه
غايتو وجنس غايتو !

اول شىء هى البتتكلم دى بلد قامت فيها ثوره ومحتاجه اولادها وبناتها هى مالخها حايمه بره وتتفاصح اخير تحشاهوو نراب وتسكت وكان عنده فايده تجى تسويها جوه البلد ناس نق نق نق ديل مافيهم خير غير يغتسو حجر البلد بفقرهم دا ونقتهم

Quote: اول شىء هى البتتكلم دى بلد قامت فيها ثوره ومحتاجه اولادها وبناتها هى مالخها حايمه بره وتتفاصح اخير تحشاهوو نراب وتسكت وكان عنده فايده تجى تسويها جوه البلد ناسنق نق نق ديل مافيهم خير غير يغتسو حجر البلد بفقرهم دا ونقتهم

طيب كويس كيف نفرق بين الكلام المفيد أو الذي يستحق الرد وبين الكلام نق نق نق؟!
بعدين نحن عايزين الرأي في كلامها وليس فيها بصورة شخصية
هي لا تعنينا لكن يعنينا الكلام هل هو كلام فيه شيء من الحقيقة أم لا
بغض النظر عن نية صاحب الكلام أو ماهية صاحب الكلام أيا كانت حسنة أو سيئة.

الوزير زول بيقوم بدورو وشى طبيعى فى ظرف السودان ووضعو يشوف استهتار الناس وعدم تقديرهم للمجهود البتعملو الجهات الصحيه رغم التردى الموروث وازمه الكوادر بسبب الهجره (ماشقنا افواج كوادر عائده فى المجالات المهمه من بره بس ياهو نقه الللايفات والوسائط)وفى النهايه الوزير انسان ما ملاك وزعلان ورغم كدا اتكلم بصراحه اخنرمو عليها كل الناس فى الدول المججاوره .
غايتو انا لو محلو بجهز مؤسساتى العلاجيه وبقعد جواها والعيان يجى يكوس العلاج وكان دايرين طوارىء صحيه او اغلاق اقول اعملو مليونيه تكالب عشلن مانجى نلقى عينه دى وعينه ود الضى فى السعوديه ويسخن فى الناس هنا

رايي بتفق معاها في كلامها في الحتة بتاعة الواحد كل ما يحضر فيديو أو لايف يلصق لسانه في حلقه وياخد نفس عميق ويدي نفسه فرصة يفهم الكلام ويوزنه قبل ما يطير بيه و يشيره و يفروده ويفتح بيه بوست

Quote: وياخد نفس عميق ويدي نفسه فرصة يفهم الكلام ويوزنه قبل ما يطير بيه و يشيره و يفروده ويفتح بيه بوست

يلا أنت وأنا والجميع
ناخد نفس عميق ونعطي نفسنا فرصة لفهم محتوى الكلام في هذا التسجيل
قبل إبداء أي وجهة نظر .

يا خي انت ما تتحسس, أنا تعليقي على الجزئية دي بشكل عام ودا كلامي وبقولوا طوالي وقلته في اكتر من مكان و خاصة في موضوع التشيير في الفيس و الواتس و فتح البوستات في المنبر هنا بناء على فيديوهات ولايفات الفيس, ما انت المعني تحديدا
انت ارخي جسمك بس وروق وأحلى

البنية نجيضـة
أكتر شئ عجبنى فى كلامها إنها تنطق القاف قاف و ليس غين (إلا نادرا مرة او مرتين)

تكلمت مع ناسنا فى السودان قالوا الرقم المعلن 221 لا يرد.. و هو رقم مخصص للشخص الذى يحس بأعراض الكوفيد19 ..

Quote: قالوا الرقم المعلن 221 لا يرد

انا الان اتصلت عليه للتاكد ووجدت الرقم شغال

Quote: غايتو انا لو محلو بجهز مؤسساتى العلاجيه وبقعد جواها والعيان يجى يكوس العلاج وكان دايرين طوارىء صحيه او اغلاق اقول اعملو مليونيه تكالب عشلن مانجى نلقى عينه دى وعينه ود الضى فى السعوديه ويسخن فى الناس هنا

والله أنا من الناس الناااادر أسمع للناس البوجهو كلام عبر اليوتيوب
ويقولوا ليك شير لي وفيهم ناس أعضاء هناوالبت دي أول مرة أسمع ليها كلام وقلت هي بصورة شخصية
لا تعنيني في شيء ولا تعنيني نواياها ومقاصدها في شيء وشايفك لميتها لي شلة ناس الضيأنا زي ما قلت
ليك ضد فكرة الكلام عن الأشخاص وتلك التصنيفات لأنها هي المانع الأكبر الأن عن الكلام في أصل المشاكل
التي تهمنا جميعاًبعدين نحن إذا لم يتسع صدرنا للنقد حتى نثبت ما يحتوى نقد الناقدين من كذب( إذا وُجد )
أو خطأ إذا وُجد أو جهل بعذر أواستحالة فعل شيء كان في نقد الناقدين أو اعتراض المعترضينأو لوم على
ترك ذلك الواجب لعذر أو استحالة أن يتم حتى يبين لهم ذلكأو ينتبه المسؤول بالنقد لخطأ فيتم اصلاحه
فبعد ذلك لا تضرنا سوء نية الناقد أو المعترض في شيءالله سبحانه وتعالى مدح سيدنا ابراهيم عليه السلام
حين جادله عبر رسله من الملائكةعليهم السلام وهو الله الواجب الطاعة والعبادة قال الله تعالى :
{{لما ذهب عن إبراهيم الروع وجاءته البشرىيجادلنا في قوم لوط وإنهم
آتيهم عذاب غير مردود﴿٧٤﴾ إِنَّ إِبْرَ‌اهِيمَ لَحَلِيمٌ أَوَّاهٌ مُّنِيبٌ ﴿٧٥﴾} }
البجادل ربنا سبحانه وتعالى بدافع الرأفة والشفقة على الناس ربنا يثني عليه ويصفه بالحلم وأنه أواه
ومنيب أي رجاع للحق وإذا جادل الناس أصحاب الحق لكع بن لكع فهو ود لذينة وعهات الدنيا كلها يلصقوها فيهو!!
مع أنه يجادل إنسان مثله وهو مواطن له حق وهو المفروض أي المسؤول أجير قابض لأجره من جيب هذا المواطن
فيحرم من مجرد الجدال في حقوقه!
ذلك الجدال الذي قبله الله سبحانه من غير حق ومن عبد مخلوق من أشد الناس عبادة وتسليم له تبارك وتعالى
.يعني في ناس استغفر الله ما رضيانيين بالجدال الذي أثنى الله سبحانه على من يفعله معه سبحانه
إذا كان بصدق وبدافع الرأفة بالناس!
يا للعجب!

ألاخ منتصر والضيوف الكرام
* كونها تخت مقارنة أغنى دولة في العالم بأي دولة من دول العالم
التاني أو الثالت كحال كل الدول الافريقية دي مقارنة ما في محلها ،
* أتفق معها إنو يكون في تنوير بالأرقام ، ولو إنو المسألة برضو صعبة
* وكان على دكتور أكرم ، فهو قال الكلام الواضح بدون دسدسة وعلى السلطات المختصة بتطبيق الإجراءات
* كان على الــ 1200 دولار لكل لكل مواطن أمريكي ، فهي سُلفة بطريقة ذكية
* كان على المستشفيات الامريكية،في مسألة الكرونا ، بيسألوك الاعراض شنو ، ويقوقلوا ليك اتصل علينا لمن يجيك ضيق نفس ،
يعني المستشفيات ما شغالة بنفس الكفاءة كما تعتقد الأخت
ومن هنا يجب أن نرفع القبعات للطواقم الطبية في السودان اللي شعالين في ظروف أكتر من صعبة في مستشفيات أقرب
إلى الخرابات التي ورثوها من الكيزان الحرامية المتأسلمين
والله غالب

Quote: * كونها تخت مقارنة أغنى دولة في العالم بأي دولة من دول العالم

ومن فرض هذه المقارنة؟؟
وفي ماذا فرضت هذه المقارنة؟؟
الذي فرض منع التجول بشكل كامل هو الذي فرض علينا هذه المقارنة!
وفرض حالة منع التجول لشعب لا يملك إمكانات مادية معقولة للأفراد والأسر
وبنية تحتية واقتصادية وحضرية وحضارية وخدمية
لا سوبرماركتات وخدمات دليفري ولا سيارات اسعاف ولا ولا
يعني لا رحموا أو عندهم قدرة للرحمة كما تقر أنت وتعترف
لا خلوا الناس لرحمة ربهم سبحانه!
هؤلاء هم الذين فرضوا هذه المقارنة حينما قلدوا وطبقوا إجراءات تلك الدول
التي أنت تقول لا نملك ما تملك تلك الدول من معينات تعينهم على تطبيق الحظر الكامل.
والشعب السوداني يطبق عليه ذات ما طبق من حظر على شعوب تلك الدول
دون توفر ما تملك تلك الدول من معينات!

Quote: ومن هنا يجب أن نرفع القبعات للطواقم الطبية في السودان اللي شعالين في ظروف أكتر من صعبة في مستشفيات أقرب إلى الخرابات التي ورثوها من الكيزان الحرامية المتأسلمين والله غالب

نعم ها هنا أنا معك تماما هم أكثر من يقع عليه العبىء
ويتحملون أي تقصير يقع فيه الساسة وهذا الكلام كتبته في بوست في هذا الشأن
في يوم 28/ابريل /2019م
هذا هو الرابط وتحته الكلام الذي في ذلك البوست
https://sudaneseonline.com/board/500/msg/%D9%88%D9%84%D9%85%D8%A7%D8%B0%D8%A7-%D8%A7%D9%84%D8%A3%D8%B7%D8%A8%D8%A7%D8%A1-%D8%A8%D8%A7%D9%84%...8%9F-1556479379.html

Quote: لماذا الأطباء هم دائما القطاع الذي يتصدر الثورات على الفساد والظلم أعتقد السبب لأن مهنة الطب هي المهنة الإنسانية الوحيدة التي يتعامل فيها صاحب المهنة مع كل شرائح وطبقات المجتمع وينعكس الفقر والظلم والفساد مباشرة على حالة المرضى والطبيب مضطر للوقوف إلى جانب المريض الذي مجبر للتعاطف معه . وليس كالمهن الأخرى التي يكون الطرف الثاني مجرد عميل يتعامل معه بمفهوم المصلحة المادية. ذلك النظام أورث الناس حالة مزرية أصابت كل شرائح المجتمع خاصة الدنيا و الوسطى مما جعل الأطباء مضطرين للثورة على هذا الظلم الذي يرونه في حالة مرضاهم وأوضاعهم وما يحدث من صعوبة للحصول على معينات العمل من دواء ومعامل وغير ذلك. .التحية للأطباء لدورهم العظيم فيما تحقق ولريادتهم ومواجهتم للصعاب وصمودهم وثورتهم ضد الظلم ونسأل الله قبول شهدائهم وجميع شهداء الثورات ضد نظام الكيزان البائد.

Quote: انا الان اتصلت عليه للتاكد ووجدت الرقم شغال

طبعا لا يرد لا تعنى انه لا يرد مطلقا.. تذكرت مداخلة لأحد الزملاء قبل كم سنة.. قال انا الان جاى من السوق العربى مافى مظاهرات.
سمعت نكتة الحرامى لما نكر السرقة.. القاضى قال ليه لكن فى نفرين شافوك.. الحرامى قال ليه لكن يا مولانا أنا ممكن أجيب ليك 100 نفر ما شافونى.

Quote: طبعا لا يرد لا تعنى انه لا يرد مطلقا.

الرقم شغال بيان بالعمل مش جرس ورد الى فقط
يا خ الاتصال زى خكايه اى مركز رد /خدمات /بلاغات بيديك خيارات بين تلاته جهات التوعيه والبلاغات واظن المستشفيات المتاحه كمراكز او خيار محادثه مباشره وانا للتاكيد وصلت حتى رد على الشاب واستفسرت عن معلومه وشكرت وقفلت الخط .
الان لو عندك زول صاحى خلى يتصل
القصه ماغلاط . فعلا الرقم فتره كان غير مفعل وبعد داك الاستهتار كان حتى معاهم اتصالات عبيثيه زى زول يتصل عشان يقول حمارتى عمندها كورونا ويفقعها ضحكه ومن غير خجل ينزلها فى تويتر والفيس

Quote: فعلا الرقم فتره كان غير مفعل

طيب يا اخى لو قلت العبارة دى، و قلت من قال لى ذلك ربما أتصل فى تلك الفترة موش كان أحسن من الغلات؟ دشئما أحسنوا الظن. خصوصا انا قلت ليك
"طبعا لا يرد لا تعنى انه لا يرد مطلقا"

نزل النفس شوية نحن ما فى ميدان معركة.

Quote: لا خلوا الناس لرحمة ربهم سبحانه!

والله يا منتصر (حسب توجهاتك) وبإعتبار إنك ود شيوخ بتاعين دين
وصوفية وكده كنت قايلك فاهم في الدين لكن ما شاء الله عليك
فاهم في الصحة العامة أحسن من الدين ونرشحك بدل د. أكرم
اللي ما فاهم حاجة لا في الدين ولا في الصحة فرأيك شنو؟