Post: #1
Title: تدخل القفص الذهي للمرة الـ 12 غادة عبد الرازق تعلن زواجها من مدير التصوير هيثم زنيتا!#
Author: زهير عثمان حمد
Date: 05-08-2020, 08:05 PM
08:05 PM May, 08 2020 سودانيز اون لاين
زهير عثمان حمد-السودان الخرطوم
مكتبتى
رابط مختصر
https://top4top.io/
إيلاف من بيروت:
أعلنت الممثلة المصرية غادة عبد الرازق زواجها من هيثم زنيتا مدير تصوير أحدث مسلسلاتها "سلطانة المعز".
وصرحت عبد الرازق لوسائل الإعلام المصرية، بأنها احتفلت بعقد قرانها أثناء تصوير المسلسل على أن يقام حفل زفاف بسيط بعد العيد، وتنوي قضاء شهر العسل في الجونة.
غادة وهيثم
يذكر أن الممثلة المصرية تعاونت مع هيثم زنيتا في مسلسل "حكاية حياة" الذي عرض في رمضان 2013، وخرجت شائعات وقتها تفيد بإرتباطهما ولكنها نفت ذلك.
وكشفت غادة قبل ذلك أنها تزوجت 11 مرة خلال حياتها، وكان أول زواج لها في عمر 17 عاما، موضحة أن الزيجة الأولى هي التي أنجبت منها ابنتها روتانا بعد عام من الزواج. وأضافت أنها تزوجت مرات عديدة، وكان الزوج الأخير أصغر منها في السن، لكنها لا تلتفت إلى ذلك، لأنها لا تنظر إلا إلى الإنسانية التي ترتبط بالتفكير والحب والاحتواء.
|
Post: #2
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-08-2020, 08:28 PM
Parent: #1
ابو الزهور دي بقت سبيل عديل كدا .... 😂😂😂😂😂😂😂
|
Post: #3
Title: Re: تدخل القفص الذهي للمرة الـ 12 غادة عبد الرا
Author: Fatima Alhaj
Date: 05-08-2020, 08:30 PM
Parent: #1
سلام زهير
Quote:
وكشفت غادة قبل ذلك أنها تزوجت 11 مرة خلال حياتها |
عفيت منها، أن شاء تقطعهم بعرق العافية :)
تعرف يا زهير نحن السودانيين عند كتير من الناس المرأة المطلقة أو الارملة
لو فكرت في الزواج مرة أخرى بيشوفها عيب. قربنا نبقى زي بعض قبائل الهند
تُحرق الزوجة مع جثمان الزوج، في اعتقادي ذلك ارحم، لان في حالتنا لاهي حية و لا ميتة.
|
Post: #4
Title: Re: تدخل القفص الذهي للمرة الـ 12 غادة عبد الرا
Author: Asim Ali
Date: 05-08-2020, 08:49 PM
Parent: #3
| Quote: نحن السودانيين عند كتير من الناس المرأة المطلقة أو الارملة |
الموضوع مختلف للمثلات والشهيرات فالزواج عندهم زى السجاره فهم فى الزواج بين الشاب الدمال رياضى القوام او الغنى وكتير منهم عندهم زيجاتهم السريه لابعلنو عنها من الاغنياء خاصه الخليجيين او اغنياء اصحاب علاقه بالانتاج السينمائى(مصلحه يعنى) ضمن عدد الزيجات.
موضه زواج مدرا التصوير سبفتها ايتن عامر .اما ممثله تانيه اليومين ديل الشباب جنو بيها اسمها ياسمين صبرى(33 سنه) تزوجت ايام الحظر دا من رجل اعمال مشهور(احمد ابو هشيمه) ومن قبله كانت متزوجه من صاحب المستشفى الشغال فيها والدها (طبيب).اما ابو هشيمه اصبح مثار تندر انو حيخلص على تجمات مصر فياسمين صبرى هى التالته من النجمات بعد هيفاء وهبى واخرى من نفس الوسط..
اما فكره الطلاق وتعدد الزيجات ونظره المجتمع كانت حتى فى المجتمع المصرى شبه نظرتنا هنا لكن تعليم المراه واستقلالها ساهم فى تضاؤل النظره السالبه تجاه المطلقه او تعدد زيجاتها.وحتى زواج العانس من شاب صغير السن او غير ادنى تعليما منها او قبولها لمركز الزوجه التانيه /التالته رغم تعليمها ومركزها والحالات دى عندنا فى مؤسستنا امثله تتجاوز سته خالات عادى
|
Post: #6
Title: Re: تدخل القفص الذهي للمرة الـ 12 غادة عبد الرا
Author: Asim Ali
Date: 05-08-2020, 09:03 PM
Parent: #4
غاده عبدالرازق عندها مسلسل اسمو زهره وازواجها الخمسه لاتحتلف فيه اختياراتها عن اختيارات الفنانات فى الحقيقه
|
Post: #5
Title: Re: تدخل القفص الذهي للمرة الـ 12 غادة عبد الرا
Author: جمال ود القوز
Date: 05-08-2020, 08:50 PM
Parent: #3
يا أبو الزوز عينا باردة عليها ..
التدينا الاتنين بس وتشيل العشرة عرسات ..
غايتو زولك ده إلا كان داير قروشها
لكن ما ظنيتو يلقى فيها شيتا يسر
غير تملاهو هبايب ..
ويا واخد الشنو كده عشان مالو ..
ما تلقى المال وتتحمدك هبايبو .. 
ليك ولي زمانك ماتقع العجوز ولو معها كنوز قارون ..
تمصك عونكوليب بس ......
|
Post: #7
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-08-2020, 09:10 PM
Parent: #5
Quote: غير تملاهو هبايب ..
|
غايتو يا ود القوز ما بسعلك
😂😂😂
|
Post: #8
Title: Re: تدخل القفص الذهي للمرة الـ 12 غادة عبد الرا
Author: جمال ود القوز
Date: 05-08-2020, 09:21 PM
Parent: #7
Quote: غايتو يا ود القوز ما بسعلك
|
الخالة دي حتكون كمبروسور راسو عديل ..
تدشه فيك لامن تفطسك ..
شفت أبو العفين البفطّس الجداد داكـ ..
بس ...... خخخخخخ ......
غايتو إنت سنارتكـ دي بتودرنا .. ......
|
Post: #9
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-08-2020, 09:31 PM
Parent: #8
| Quote: الخالة دي حتكون كمبروسور راسو عديل .. |
ذكرتني زمان القندرانات لأمن تجي من سفرية ويوقفوها ويقعد السواق ينفس فيها يقول ليك كابسة هواء.
|
Post: #10
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-08-2020, 09:43 PM
Parent: #9
ود القوز الليلة ما نصيح ... 😂😂😂😂😂
لولا رمضان و قوانين المنبر لشفنا العجب العجاب(ما تقراها غلط تورطنا) .... 😂😂😂😂😂😂
|
Post: #11
Title: Re: تدخل القفص الذهي للمرة الـ 12 غادة عبد الرا
Author: عبدالحفيظ ابوسن
Date: 05-08-2020, 10:16 PM
Parent: #10
اههه ود القوز
اها دى من الابقار المقدسة
ال... بتعمل هبايب
لكن شكل لي شكل بتفرق
حلاتها ياخ
|
Post: #12
Title: Re: تدخل القفص الذهي للمرة الـ 12 غادة عبد الرا
Author: زهير عثمان حمد
Date: 05-08-2020, 10:21 PM
Parent: #11
ود أبوسن صوم يا أنسان نسيت أننا في رمضان الله يهديك#
|
Post: #14
Title: Re: تدخل القفص الذهي للمرة الـ 12 غادة عبد الرا
Author: جمال ود القوز
Date: 05-08-2020, 10:56 PM
Parent: #11
Quote: اههه ود القوز
اها دى من الابقار المقدسة
ال... بتعمل هبايب
لكن شكل لي شكل بتفرق
حلاتها ياخ |
هااااا وينا يااااااا ..
ما تتغرا بالمنااظر ويفوتك الفلم ..
انت يا ود أب سن ..
زولا نجيض وأنا خابرك ..
ما بتدقس بي أخوي وأخوك
علا إت داير تدودرنا ساي .. ههههههههه ..
مش قالوا شنو كده ما عارف ..
عين العجوز الكرفوس
التسد الريق في طرف الفريق ..
بس أياها وعين لي عين بتفرق طبعن ...
ولاّ شنو يا أب سن ..
طبعن تلقى أبو حسين بيضحك ساااي ....
بغران من الخمج ده ..
يأخ التدينا عرستين ..
اصلو ما قلنا تلاتة ولا طمّاعين نحن .. خخخخ ....
الله اتذكرتا واحد لامن كان قاعد يفلس ماف زول بلحقو ...
واكتر زول بيدهشني في كلام الدقداق الزي ده
ياخ بتاع سيدي داك الله يجعل كلامنا خفيف عليهو
وسيدي يلحقنا وينجدنا ..
ماتقول جدي خليفة كمان ...
|
Post: #15
Title: Re: تدخل القفص الذهي للمرة الـ 12 غادة عبد الرا
Author: جمال ود القوز
Date: 05-08-2020, 11:01 PM
Parent: #14
Quote: ود أبوسن صوم يا أنسان نسيت أننا في رمضان الله يهديك#
|
ود اب سن يسوي شنو
لقى ملطمك ملخوخ
يفوووتوووو !!! .. ما بتجي دي خالص
أها قال يناولنا نبني سريقه سريقتين ..
انت بس في بواقي رمضان ده
خلي اخبار الحتات الضيقة دي
(مع انه دي ما ظنيتا ضيقة ولا شيتين) ..
لانه واخد بالك نحن نفوسنا ضعيفة
واي فرقة زي دي بنخت فيها ورقا طوالي ..
وذنبنا على جنبكـ ...
|
Post: #16
Title: Re: تدخل القفص الذهي للمرة الـ 12 غادة عبد الرا
Author: جمال ود القوز
Date: 05-08-2020, 11:06 PM
Parent: #15
Quote: ذكرتني زمان القندرانات لأمن تجي من سفرية ويوقفوها ويقعد السواق ينفس فيها يقول ليك كابسة هواء.
|
عاد هو قندراني نصاح .. هههههههه
ده اي تنفيس براني ما بينفع معاهو
الا ينفس في مكانو بس .. خخخخخ ..
يا أبو الزوز ياخ اعذرنا للخرمجة
حبسة الكرونا والصيام قاموا بينا
قوموا الى سحوركم يرحمكم الله
ففي السحور بركة ..
اللهم اجعلنا جميعا من عتقاء هذا الشهر الكريم ..
حليل زمن بتاع النكات الكان بقول
ديك غادة وانتي عبد الرازق
اها هسه الاتنين بقوا عبد الرازق .. خخخخخخخخ
أو في قول آخر عبد الرازقين .......
|
Post: #13
Title: Re: تدخل القفص الذهي للمرة الـ 12 غادة عبد الرا
Author: جمال ود القوز
Date: 05-08-2020, 10:46 PM
Parent: #10
Quote: ود القوز الليلة ما نصيح ... 😂😂😂😂😂
لولا رمضان و قوانين المنبر لشفنا العجب العجاب(ما تقراها غلط تورطنا) .... 😂😂😂😂😂😂 |
ههههههههههه
والله يا أبو حسين انا نصيح
الما نصيحة الخرابة دي ..
تملا ليها شوال عجور ..
ونحن ما لاقين لينا كوستين تلاتة
ونحن بي حقنا ..
هي الرقدت سلطة ومافيها حقنة موية ..
برضو لا زالت شغال (حش ) ..
في حيضان العجور طبعا ... وااااي يا بطني
رمضان ده غايتو الله يمشيهو لينا على خير ..
زهير يأخ ما تشتت المُشك للسمك
الدنيا رمضان وكده ...خخخخخ
|
Post: #17
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-08-2020, 11:09 PM
Parent: #13
| Quote: (مع انه دي ما ظنيتا ضيقة ولا شيتين) .. |
احييييي يا بطني.
😆😆
|
Post: #18
Title: Re: تدخل القفص الذهي للمرة الـ 12 غادة عبد الرا
Author: جمال ود القوز
Date: 05-08-2020, 11:15 PM
Parent: #17
Quote: احييييي يا بطني.
😆😆 |
دي ما فاتتكـ يا عارف ... ههههههههه
وحاة الله سنارتك عينة ... خخخخخخ
تقبض كنكيج راسو عديل ..
زهير ده في رمضان حقو يربطو ليهو مصفى ..
عشان تصفي لينا أخباره ..
ما يناسب رمضان وما يناسب الفْطُر ..
|
Post: #19
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-08-2020, 11:24 PM
Parent: #18
ما تشيل حال ابو الزهور صاحبي ...
وحات نظري و عافيتي انت اتعمقت في الموضوع و وسعت الضيق زاتو ....
😂😂😂😂😂😂😂😂
آمنت بالله ...........
جاني وجع بطن عدييييييل 😂😂😂😂😂
|
Post: #20
Title: Re: تدخل القفص الذهي للمرة الـ 12 غادة عبد الرا
Author: عبدالحفيظ ابوسن
Date: 05-08-2020, 11:33 PM
Parent: #19
انا غايتو امتنع عن الرد
هرشوني مع انو الامساك لسة
سواقة الهكر يا ود القوز متعودين عليها
يمين بالله بنسوق الداتسون من سنة اسكت شركتو قفلت
العصاية ماتعرفها في نمرة كم زاتو هي لايصة والدركسون لايص
|
Post: #21
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-08-2020, 11:40 PM
Parent: #20
دي الحالة هرشوك ..... ؟ 😂😂😂😂
قال يموت الزمار و صباعو ........
|
Post: #23
Title: Re: تدخل القفص الذهي للمرة الـ 12 غادة عبد الرا
Author: عبدالحفيظ ابوسن
Date: 05-08-2020, 11:44 PM
Parent: #21
يا ابوحسين كمان سواقة الهكر فيها حاجة
يمين بالله تعلمك السواقة والحرفنة
والميكانيكا زاتو
انا بتكلم عن القيادة فن وادب وذوق
بيض النية
|
Post: #22
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-08-2020, 11:42 PM
Parent: #20
| Quote: الما نصيحة الخرابة دي ..تملا ليها شوال عجور .. |
هسع عجور قدر ده يجيبو ليهو ليمون وشطة من وين والا يكون بخللوه
|
Post: #24
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-08-2020, 11:52 PM
Parent: #22
| Quote: وحات نظري و عافيتي انت اتعمقت في الموضوع و وسعت الضيق زاتو .... |
😂😂😂
|
Post: #25
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-08-2020, 11:54 PM
Parent: #22
Quote: يا ابوحسين كمان سواقة الهكر فيها حاجة
يمين بالله تعلمك السواقة والحرفنة
والميكانيكا زاتو
انا بتكلم عن القيادة فن وادب وذوق
بيض النية |
ما اختلفنا في القيادة فن و ادب و ذوق
لكن سواقة الهكر لازم تكون دايس على الابنص حتى لو واقف في إشارة عشان ما تبطل ليك ...
يعني محتاجة لي نفس طويل و إلا ......
😂😂😂😂😂😂😂😂😂😂
|
Post: #26
Title: Re: تدخل القفص الذهي للمرة الـ 12 غادة عبد الرا
Author: عبدالحفيظ ابوسن
Date: 05-08-2020, 11:59 PM
Parent: #25
ابنص وكلتش وكراعك جمب الفرملة
اها حرفنة زي دي دايرة سواق ماهر
وحياتك سواقة الهكر تمسخ ليك سواقة الفل اتوماتيك
اهم شي بتعلمك تجيب التايم في محلو
وتدخل القطر الصنفور
عيبها بتاكل طارة كلتش كتير
|
Post: #27
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-09-2020, 00:03 AM
Parent: #26
والعجب لو بتاكل زيت إلا تربط ليك صفيحة في ضهرك
|
Post: #28
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-09-2020, 00:30 AM
Parent: #27
Quote: ابنص وكلتش وكراعك جمب الفرملة
اها حرفنة زي دي دايرة سواق ماهر
وحياتك سواقة الهكر تمسخ ليك سواقة الفل اتوماتيك
اهم شي بتعلمك تجيب التايم في محلو
وتدخل القطر الصنفور
عيبها بتاكل طارة كلتش كتير |
الله يسألني انت و ودالقوز الواحد ما بقدر يجاريكم في سواقة البوست ....
تدخلوه في دقداق يقعد يتهز كلو ....
إلعن شيطانكم انتو الاتين .... 😂😂😂😂😂😂😂
|
Post: #29
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-09-2020, 00:35 AM
Parent: #28
| Quote: والعجب لو بتاكل زيت إلا تربط ليك صفيحة في ضهرك |
بتاكل زيت دي معناها جابت ليها دخنة يا غبيان .....
خلي يجيك ود القوز يوريك تعمل ليها شنو ...
ود القوز بقعد ليك كلام الدخاخين دا كويس ...
😂😂😂😂😂😂😂😂
|
Post: #30
Title: Re: تدخل القفص الذهي للمرة الـ 12 غادة عبد الرا
Author: محجوب البيلي
Date: 05-09-2020, 02:25 AM
Parent: #29
ود القوز وعارف وأبو سن
غايتو ماكُن نصيحين كلو كلو..
لاكين لزيزين ؤ خفيفين (مع الكراهة طبعاً).. 
|
Post: #31
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-09-2020, 02:32 AM
Parent: #30
الحمد لله انا طلعت براءة ...... 😂
البيلي مشتاقين ياخ ....
|
Post: #32
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-09-2020, 02:45 AM
Parent: #31
| Quote: بتاكل زيت دي معناها جابت ليها دخنة يا الغبيان |
يا وهم بتعتمد علي الجوكي وكت الشدة يرخي ووكت الدخنة يشد طبعا الابنص لزوم ما تفهم غلت.
|
Post: #33
Title: Re: تدخل القفص الذهي للمرة الـ 12 غادة عبد الرا
Author: جلالدونا
Date: 05-09-2020, 02:45 AM
Parent: #31
غايتو واقعة عليك جنس جلبغة
___
يا زهرنا الباسم مافى طريقة الواحد يكون رقم 13
ما دام طشينا من رقم صفر
اهو لسه فينا حبّة رومانتك
|
Post: #34
Title: Re: تدخل القفص الذهي للمرة الـ 12 غادة عبد الرا
Author: محجوب البيلي
Date: 05-09-2020, 02:50 AM
Parent: #31
ما براءة ولا شيتين...
كل (تـ)حركاتك مرصودة.. وإن خلتَها تخفى على الناسِ.. تُعلمِ
.................
بالأكتر والله يا حبيب
|
Post: #35
Title: Re: تدخل القفص الذهي للمرة الـ 12 غادة عبد الرا
Author: Salah Zubeir
Date: 05-09-2020, 03:02 AM
Parent: #31
| Quote: الحمد لله انا طلعت براءة ...... 😂 |
براءة شنو ... تشيل وتقنطر ليهم ...
|
Post: #36
Title: Re: تدخل القفص الذهي للمرة الـ 12 غادة عبد الرا
Author: ترهاقا
Date: 05-09-2020, 03:44 AM
Parent: #35
ما شاء الله ، عندنا في البورد زملاء عندهم ثقافة
ميكانيكية عالية
|
Post: #37
Title: Re: تدخل القفص الذهي للمرة الـ 12 غادة عبد الرا
Author: نادر الفضلى
Date: 05-09-2020, 05:09 AM
Parent: #36
عنى العريس دا ما تجاملوه شوية من نوع ككلام زى الشدر الكبار فيهو الصمغ
وسماحة الطول والعلا .. وتجامله فى روحو وتقولوا ليهو ما قاله
محمد رمضان لوفاء عامر وأثار ضجة:
(القضيب لو ما حديد ما بشيل القطر)
|
Post: #38
Title: Re: تدخل القفص الذهي للمرة الـ 12 غادة عبد الرا
Author: عبدالحفيظ ابوسن
Date: 05-09-2020, 07:19 AM
Parent: #37
يا بيلي ياخ الموضوع كلو سواقة وركوب
ياعارف البتاكل زيت دي كعبة البستم بكون بجبلغ ساي جوة القميص 😆😆 لا تعرفو طالع ولا نازل
لكن البتاكل زيت ظاهرة تعافر لي ترس خفيف اصلو ماينزل معاك
ومابتطلع العالي
يا نادر اصلو الصغار بتعلمو في الهكر
لو ساق فول اتوماتيك بقلبها 😆😆
يتعلم اول حسن القيادة وفنياتها لو دقش عادي اصلها مدقشمة
الجديدة لو دقش سعرها بنقص
|
Post: #39
Title: Re: تدخل القفص الذهي للمرة الـ 12 غادة عبد الرا
Author: نادر الفضلى
Date: 05-09-2020, 09:30 AM
Parent: #38
با أبوسن
العريس طلع عاقد عليها فى السر قبل ستة سنين وإختلفوا وطلقها
وعاودوا مرة أخرى الآن وعقد مرة ثانية وإحتفلوا بالحنة
واشهر العسل محلى بسبب حظر كورونا .. تخيل لولا الظروف
كانت سفرة خارجية !
العروس مواليد 6 يوليو 1970 يعنى شارفت على الخمسين عاماً
12 زيجة (خبرة)، أى 33 سنة فى تنقلات زواجات.
ومولودة واحدة من زواجها الأول عندما تزوجت عمرها 17 سنة
غزارة فى العمل وقلة فى الإنتاج!
البعض بفضلون الفلتر الإضافى، ويفضلونها طويلة وخبرة، ويحبون العلا
ليس غزال شارد ولكن زراف نافر ورافس كمان! وكلو فولا وليها كيالا!
|
Post: #40
Title: Re: تدخل القفص الذهي للمرة الـ 12 غادة عبد الرا
Author: محمد قسم الله محمد
Date: 05-09-2020, 11:07 AM
Parent: #39
Quote: غادة عبد الرازق تعلن زواجها من مدير التصوير هيثم زنيتا!#
|
إسمو هيثم منوووو
إسمو زاتو معولق البنوادم ده.
|
Post: #41
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-09-2020, 11:09 AM
Parent: #39
البيلي انزيك.
المسعلة نقاش حول صحة وخطأ المثل البقول الفقراء بتقاسموا النبقة.
اتنين تلاته اوكي يتقاسموا لكن لامن يصلوا اطناشر دي بتبقي بقرة.
|
Post: #42
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-09-2020, 11:42 AM
Parent: #41
Quote: ياعارف البتاكل زيت دي كعبة البستم بكون بجلبغ ساي جوة القميص 😆😆 لا تعرفو طالع ولا نازل
لكن البتاكل زيت ظاهرة تعافر لي ترس خفيف اصلو ماينزل معاك
ومابتطلع العالي |
القميص زاتو عايزلو مباصرة شان البستم ما يكسر شنبر 😂😂
ياااخي الهكر لامن يبوش ببقي زي مكنسة الكهرباء تشفط بس. 😂
|
Post: #43
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-09-2020, 05:22 PM
Parent: #42
فطرنا و شربنا كباية شاي و سجارتين و الحمد لله ....
شوفو لينا ود القوز وين ....
الزول دا اليومين ديل مزاجو راااااااااايق و بقى دمو خفيف خلى تقالة الدم الفيه ديك ....
شوفوه لينا بالله خرمنا ليه .... 😂😂😂😂😂😂😂
|
Post: #44
Title: Re: تدخل القفص الذهي للمرة الـ 12 غادة عبد الرا
Author: جمال ود القوز
Date: 05-09-2020, 07:50 PM
Parent: #43
Quote: فطرنا و شربنا كباية شاي و سجارتين و الحمد لله ....
شوفو لينا ود القوز وين ....
الزول دا اليومين ديل مزاجو راااااااااايق و بقى دمو خفيف خلى تقالة الدم الفيه ديك ....
شوفوه لينا بالله خرمنا ليه .... 😂😂 |
تقبل الله صيامك وقيامك أبا حسين ..
انت وبقية زوار البوست وعلى راسهم راعيه ابو الزهور
ياخ بتبالغ
انا اصلا زول بتاع ضحك فما بكون دمي تقيل
ياخ خرمت لي اصلو انا شيشة .. خخخخخ
الواحد ليهو زمن طويل ما شرب شيشة
أها وصلتو وين .. هههههههههههههه
قلبة الجلود ودفاق الزيت ده شغل عايز تكبيس تقيل ..
عشان تستعيد كبس الباكم ..
ولو جابت دخنه بتكون بساتما عايز شمبر ..
عشان الزيت بتهرب ويمش للعادم
فدي حالة الحالة آنفة الذكر
في الحالة دي الا يتعمل ليها شمبر وكان جلبقت خالص
يتعمل ليها قميص وكان بقت بيجو هكره زي حالتها
تخش ليها في اب استكة اواب ورقة ..
بقينا مكنيكية زي المكنيكية .. ههههههههههه
|
Post: #45
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-09-2020, 08:11 PM
Parent: #44
ود القوز وابو حسين تقبل الله صيامنا وصيامكم.
الهكرة دي بتكون ماكلة السلندر زاتو.
الجلبغة ولا الصيانة دام بتوصلك مشاويرك.
|
Post: #46
Title: Re: تدخل القفص الذهي للمرة الـ 12 غادة عبد الرا
Author: Ahmed Yassin
Date: 05-09-2020, 08:37 PM
Parent: #45
في شنو هنا؟
كومركم دا ..دفرنشيهو كيف
|
Post: #47
Title: Re: تدخل القفص الذهي للمرة الـ 12 غادة عبد الرا
Author: عبدالحفيظ ابوسن
Date: 05-09-2020, 08:42 PM
Parent: #46
دايرة كبيس كيف شغلتكم دي جاز ولا بنزين 😆😆😆
كبيس البنزين الا كان فرامل ولا كلتش 😆
المصيبة تخش المخرطة ويقولو ليك بعد تخرط الكرنك وتركب قميص .. بوشت 😆😆
الا مكنة جديدة
جديدة لكن احسن تكون تشليح اليابان 😅😅😅
|
Post: #48
Title: Re: تدخل القفص الذهي للمرة الـ 12 غادة عبد الرا
Author: عبدالحفيظ ابوسن
Date: 05-09-2020, 08:45 PM
Parent: #47
في رفاعة الهيلمان والهنتر والفور او فور شغالة تش
وحياة الخوة بوكس 76 يجيب ليك بوكس اخر موديل
بتحمل الشيل والحفر 😅😅😅
|
Post: #49
Title: Re: تدخل القفص الذهي للمرة الـ 12 غادة عبد الرا
Author: نادر الفضلى
Date: 05-09-2020, 09:34 PM
Parent: #48
يا أبوسن يا خبير
صاحبة العربيية قد تكون مهتمة بالشاسى وزينة العربية وبتعمل ليها
عمليات تجميل ممكن تغش الزبون
من خبرتك لمن يدوروها بتقسم .. ومن صوت تقسيمتا بتعرف الفيها؟!
وبكثرة الإستهلال الإتبادلوها سواقيين عديدين كل واحد عنده طريقته
ودوستو على الأبنس والفرامل .. تفتكر ممكن تتعمر؟ وإسبيراتا موجودة؟
وبتستاهل الصرف عليها؟
فى ناس بتفضل موريس 50 وهيلمان ستين وبوكسى تايوتا 76
وكورلا تمانين وبيعرفوا يطوعوها كيف ويطمنوا نفسهم بالمثل البقول
(القديمة أحلى ولو فيها ..)!
|
Post: #50
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-09-2020, 09:39 PM
Parent: #48
Quote:
تقبل الله صيامك وقيامك أبا حسين ..
انت وبقية زوار البوست وعلى راسهم راعيه ابو الزهور
ياخ بتبالغ
انا اصلا زول بتاع ضحك فما بكون دمي تقيل
ياخ خرمت لي اصلو انا شيشة .. خخخخخ
الواحد ليهو زمن طويل ما شرب شيشة
أها وصلتو وين .. هههههههههههههه
قلبة الجلود ودفاق الزيت ده شغل عايز تكبيس تقيل ..
عشان تستعيد كبس الباكم ..
ولو جابت دخنه بتكون بساتما عايز شمبر ..
عشان الزيت بتهرب ويمش للعادم
فدي حالة الحالة آنفة الذكر
في الحالة دي الا يتعمل ليها شمبر وكان جلبقت خالص
يتعمل ليها قميص وكان بقت بيجو هكره زي حالتها
تخش ليها في اب استكة اواب ورقة ..
بقينا مكنيكية زي المكنيكية .. ههههههههههه |
تقبل الله منا و منك صالح الاعمال
كلمة (شيشة) في البوست دا قد تؤول فإنتبه من استخدام كلمات حمالة معاني عدة .... 😂
فعلا الهكرة لو ما بقت مكنتها نضيفة و البودي بتاعها مكرب مافيه خدوش او مهلهل ما بعجب
لكن الهكرة لو بقت مجيهة و مكنتها نقرة بس و سواقها مهتم بيها برضو بتعجب شديد
و في هكر لغاية الآن العادم بتاعو بنقط موية ..... 😂😂😂
فا شنو برضو حب الناس مذاهب .....
و ل شنو يا ابو سن و عارف ... ؟؟؟؟؟
|
Post: #51
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-09-2020, 09:51 PM
Parent: #50
من الواتس :-
حكى لي سمسار عربات قصة غريبه لسماسره يعملون فى بيع العربات وبتاعين كلو .
هؤلاء السماسره يجلسون بمعرض سيارات مع مالكه ويقومون بالتسويق واخذ العمولات من الطرفين
ومع ازمة كورونا وعدم الشغل والحكايه كاتمه قرروا انو يزوجوا صاحب المعرض فعرضوا عليه الزواج من بنات اهلن
فقال الرجل ما عندى مانع بس فى السر ..
قالوا ليه ابشر بس عمولتنا بتزيد قال ليهم المهم العروس سمحه؟
قالوا ليهو شوف البابور ده بابور طبى .. وفل اوبشن .. امها ميته وابوها تاجر جمله وساكنه الصافيه فى طابق برااااها
ووحيدة ابوها ومفتاحه معانا ..
والله لوشفت العيون بس لمبات مارسيدس الاسمو الجراده داك ..
والرجول لساتك انفاتى العريضه ديك ..
والخشم فتحة لديتر فيستو .
والسنون نور سبحة اكسنت ٢٠١٦..
وعلى الطلاق شركه من الضفر لى الشعر ..
وحرم الصوت تدويرة هايلوكس ٢٠٢٠ ..
والعجب الضحكه تقسيمة توسان ..
وعلى الطلاق جسمها ابرد من تكييف الدبدوب ...
وفتحة النخره صراخات كلك ٢٠٠٩ ..
والله وكت تمشى تقول رابطه قرب
ومن وراء .. على الطلاق ضهرية سوناتا بس ....
يازول باختصار خاليه من اى بهيه ولا بونش ساى ما اخدت وضع ربها ...
والله لو ما انت عزيز علينا وعارفين قبيل اهلك ركبوك جردل ما حا نوريك ليها...
اهم شئ العواميل قبل المحامى اقصد المأذون ...
المهم الشغل تم وزولنا ركب هنتر من أمو وساكن فى الجخيص غرب ام درمان.
😂😂😂😂😂😂😂😂😂😂😂😂😂😂😂😂😂
🤣🤣🤣🤣🤣😂😂😂😂😂😂😂😂
|
Post: #52
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-09-2020, 09:53 PM
Parent: #50
Quote: فعلا الهكرة لو ما بقت مكنتها نضيفة و البودي بتاعها مكرب مافيه خدوش او مهلهل ما بعجب
لكن الهكرة لو بقت مجيهة و مكنتها نقرة بس و سواقها مهتم بيها برضو بتعجب شديد
و في هكر لغاية الآن العادم بتاعو بنقط موية ..... 😂😂😂
فا شنو برضو حب الناس مذاهب .....
و ل شنو يا ابو سن و عارف ... ؟؟؟؟؟ |
ده كلام الخبراء زاتو.
لكن في الزمن ده تلقى هكرة عادمه بنقط موية وين غايتو الا تكون مخزنة.
اهم حاجة في الهكرة يكون دفرنشيها نضيف. 😂😂😂
|
Post: #53
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-09-2020, 10:00 PM
Parent: #52
Quote: وتقولوا ليهو ما قاله محمد رمضان لوفاء عامر وأثار ضجة:
(القضيب لو ما حديد ما بشيل القطر) |
يا نادر معقولة بس اسمو السكة.
كان باريتو بدخلك المحطة توووووش.
😉😉😉
|
Post: #54
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-09-2020, 10:20 PM
Parent: #53
Quote: في شنو هنا؟
كومركم دا ..دفرنشيهو كيف |
عاين بتاع الكوامر دا 😂😂😂
يااااااا حليلك الكوامر دي الا في المتاحف .... 😂
في الثانوي بنطلع فسحة الفطور بنفطر بره المدرسة سريع سريع عشان ما نتأخر
لقينا عمك واقف جنب كومر في نص الشارع
و نحن زي 7 كدا قال يا اولادي بالله دفرة
لزينا الكومر جارين جري و كل شوية يرفع ليها ترترت و مافي اي صوت للمكنة
فترنا
و الزمن ضايقنا
صاحبنا ساخر و لميض قال لي الراجل
انت يا عم العربية دي فيها مكنة ؟؟؟؟
زعل و قال ليه امشي يا ........ خلوها ....
😂😂😂😂😂😂😂😂
|
Post: #55
Title: Re: تدخل القفص الذهي للمرة الـ 12 غادة عبد الرا
Author: عبدالحفيظ ابوسن
Date: 05-09-2020, 10:40 PM
Parent: #54
يقولو ليك هكر زمان بترفع لو رفعتو 😆 لكن الجديد دة صفيح ساي دقشة دقشتين الا تبيعو بالكيلو
وصحي الهكرة كترة الابنصات بتخربها دايرة ابنص واحد
واي سواق بيعرف يسوق هكرتو 😆😆
حكاية ينقط موية دي دخلها غش . بكبو ليك نصيبة في المكنة ومصيبة في التنك ويقول ليك تبيعها في ظرف اقل من اسبوع
لكن الاصلي ظاهر . بوهية الشركة زاتا ظاهرة
والعربية القالبة 😆😆 وقفها عكس الضو وعاين ليها من ورا علي بعد متر 😆😆
الهكر حنين ياخ بقبل اي تعديل . كعب الموديلات الجديدة . مابتحملن ياخ
وحياة الخوة باب الهكر ممكن تلحم ليهو رزة وضبة وتعمل ليهو طبلة كمان
الجداد ديل مابتحملن تشة اللحام بتقد البودي طوالي 😆😆
انتو بوستيكم دة عن شنو
|
Post: #56
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-09-2020, 11:41 PM
Parent: #55
| Quote: انتو بوستيكم دة عن شنو |
عن الكورونا يا اخوي .....
|
Post: #57
Title: Re: تدخل القفص الذهي للمرة الـ 12 غادة عبد الرا
Author: جلالدونا
Date: 05-10-2020, 01:13 AM
Parent: #56
| Quote: ابنص وكلتش وكراعك جمب الفرملة |
يا شنو لو سواقتك بالطريقة دى
بتحرق طارة الكلش و من غير ما ريحتا تطلع كمان
وزنة ابنص و كلتش بس عشان....العربية .... ما تردردق و الاموز بتظبط معاك
|
Post: #58
Title: Re: تدخل القفص الذهي للمرة الـ 12 غادة عبد الرا
Author: بدر الدين الأمير
Date: 05-10-2020, 01:34 AM
Parent: #57
ياطيور الشؤم
اتلحتوها وجبتو ضقلا يكركب
النقاد الشناوى قدم فيها ثلاثة شكاوى
من ضمنهن القذف حيث اتهمته بانه ناقد مرتشى
لانه انتقد اعمالها الاخيرة
المصدر حوار مع الشناوى على اسكاى نيوز العربية امس
|
Post: #59
Title: Re: تدخل القفص الذهي للمرة الـ 12 غادة عبد الرا
Author: زهير عثمان حمد
Date: 05-10-2020, 06:44 AM
Parent: #58
يا ود الامير تصوم وتفطر علي خير وأنشالله معتوق من النار في الشهر الكريم
المهم أنت خليك مع الناقد الشناوي وما عندنا مع كلامو كلام
*بس نحن في قصة جلخ قمصان المكنة في عضمها بالله انت عندك فكرة بعد العمرة التالتة ممكن يكون الجلخ مفيد ولا البيع بس هو الحل
|
Post: #60
Title: Re: تدخل القفص الذهي للمرة الـ 12 غادة عبد الرا
Author: عبدالحفيظ ابوسن
Date: 05-10-2020, 06:52 AM
Parent: #58
عشان ماتبطل يا جلال . تكون ماشي في صف طويل وزحمة . كل مرة بتاخد وقفة
عشان كدة قلت بتفوت طارة الكلتش والدبرياش والفحمة
الاحرف منها قبل تقيف كل ماتجي تقيف تفضيها وابنص وفرملة وتختف التعشيقة ختف
ماقلنا ليك الهكرة بتعلمك السواقة
يا بدر كمان في داعي تسابق الموديلات الجديدة . الحمدلله لسة ماشة ياخ 😆😆😆
كان عندي كرونا 82 علمتني السواقة والميكانيكا واولادي لامن يركبو معاي بشيلو ملاية يفرشوها قالو بتوسخهم
|
Post: #61
Title: Re: تدخل القفص الذهي للمرة الـ 12 غادة عبد الرا
Author: نادر الفضلى
Date: 05-10-2020, 02:44 PM
Parent: #60
زى ما قال ود الأمير نجهتوها .. ياخ هى (ناشطة) .. إلا يعنى تكون ناشطة سياسية؟
واليشوف النقة دى والمكنة ما عارف إيه وعمرها الإفتراضى .. يقول ما كوامر!
وما دام الحكاية مكن وحديد وركوب لمشوار سكة بيوصل للمحطة والعنوان .
فوابور القطار ما فارق معاهو يشتغل فى خط رحلة القشاش أو رحلة السوبر
* يا عارف .. محمد رمضان ما قاصد خطة السكة حديد!
لكن تعليقك راكب!
|
Post: #62
Title: Re: تدخل القفص الذهي للمرة الـ 12 غادة عبد الرا
Author: Osman Musa
Date: 05-10-2020, 04:57 PM
Parent: #61
قال ليها :
دركسونك مخرطة وقايم علي بولاد
ومكنتك... ... .... الحداد
...
هههههها
يا جماعة حتي في ملاكمة الوزن التقيل
كتير من بعض النزالات حدها الجولة 12
هسع الزولة دي في العرسة 12
الله يستر علي واحد منهم في النزال الاخير
|
Post: #63
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-10-2020, 07:52 PM
Parent: #62
Quote: بس نحن في قصة جلخ قمصان المكنة في عضمها بالله انت عندك فكرة بعد العمرة التالتة ممكن يكون الجلخ مفيد ولا البيع بس هو الحل
|
دي يا ابو الزهور إعادة تدوير زاتو ما بتلفق معاها.
الاطناشر ديل يا خوي قوم يأجوج ومأجوج كانت هنا هكرة.
😂😂😂
|
Post: #64
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-10-2020, 09:02 PM
Parent: #63
عارف شايفك سايق (إفراج مؤقت) بي هناك و بتجي هنا تكابس في (الهكرة) ....
😂😂😂😂😂😂😂😂😂😂😂😂😂😂😂
|
Post: #65
Title: Re: تدخل القفص الذهي للمرة الـ 12 غادة عبد الرا
Author: عبدالحفيظ ابوسن
Date: 05-10-2020, 09:49 PM
Parent: #64
يا ابوحسين كتبت المداخلة ومسحتها
الله لاتاجرك داير تجرح صيامنا وقيامنا
|
Post: #66
Title: Re: تدخل القفص الذهي للمرة الـ 12 غادة عبد الرا
Author: أحمد محمد عمر
Date: 05-10-2020, 10:24 PM
Parent: #65
| Quote: صوم يا أنسان نسيت أننا في رمضان الله يهديك |
أيام الجامعة في رمضان دخلت لي زقاق كدة في الجامعة ماشي فيه ألقى ليك برلوم من حلتنا مع بنت في درقة بتاعة شباك .. مياخدييييييين راحتهم
كوركت فيه يا فلان تعال هنا .. جاني يضحك أب قلباً ميت
قلت ليه في رمضان ؟! قال لي يعني في شوال حلال؟ يا عمك رب رمضان هو رب باقي الشهور ذاتو
صراحة أقنعني :)
____________
| Quote: كومركم دا ..دفرنشيهو كيف |
صلاح الزبير .. بنادوك
|
Post: #67
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-10-2020, 11:58 PM
Parent: #66
Quote: يا ابوحسين كتبت المداخلة ومسحتها
الله لاتاجرك داير تجرح صيامنا وقيامنا |
بالله انت صايم و قايم كمان.... ؟؟؟؟
😂😂😂😂😂😂
|
Post: #68
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-11-2020, 00:03 AM
Parent: #67
Quote: أيام الجامعة في رمضان دخلت لي زقاق كدة في الجامعة ماشي فيه ألقى ليك برلوم من حلتنا مع بنت في درقة بتاعة شباك .. مياخدييييييين راحتهم
كوركت فيه يا فلان تعال هنا .. جاني يضحك أب قلباً ميت
قلت ليه في رمضان ؟! قال لي يعني في شوال حلال؟ يا عمك رب رمضان هو رب باقي الشهور ذاتو
صراحة أقنعني :)
|
انت جيت يا رمضان .... ؟؟؟؟؟
دي جامعة و ل سينما الفيها (زقاقات) دي ... ؟؟؟
😂😂😂😂😂😂😂😂😂
|
Post: #69
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-11-2020, 00:08 AM
Parent: #67
Quote: بالله انت صايم و قايم كمان.... ؟؟؟؟
😂😂😂😂😂😂
|
ياااخي الزول شغال كلتشات وابنصات وتعاشيق.
وقايم سداري نفسو اتقطع.
😂😂😂
|
Post: #70
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-11-2020, 00:14 AM
Parent: #69
Quote: ياااخي الزول شغال كلتشات وابنصات وتعاشيق.
وقايم سداري نفسو اتقطع.
😂😂😂 |
باللسان يا عارف ....
و زي ما عارف اي شي باللسان ساهل و لذيذ ..... 😂😂😂😂😂
|
Post: #71
Title: Re: تدخل القفص الذهي للمرة الـ 12 غادة عبد الرا
Author: Arif Nashed
Date: 05-11-2020, 00:16 AM
Parent: #69
Quote: عارف شايفك سايق (إفراج مؤقت) بي هناك و بتجي هنا تكابس في (الهكرة) ....
😂😂😂😂😂😂😂😂😂😂 |
غايتو عليك جنس حسادة
نمشي ندور والله يكافينا شر الحفر والدقداق.
بسعلك الفرق بين الإفراج المؤقت والهكرة شنو.
|
Post: #72
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-11-2020, 00:39 AM
Parent: #71
Sudan Sudan من الفيس ما تفهمنا غلط ياخ ....
الموضوع عن العربات .... 😂😂😂😂😂😂
|
Post: #73
Title: Re: تدخل القفص الذهي للمرة الـ 12 غادة عبد الرا
Author: ABUHUSSEIN
Date: 05-11-2020, 01:07 AM
Parent: #72
Quote: غايتو عليك جنس حسادة
نمشي ندور والله يكافينا شر الحفر والدقداق.
بسعلك الفرق بين الإفراج المؤقت والهكرة شنو. |
حسب خبرتي الفرق السايق (إفراج مؤت) بواجهة مضايقات اكتر
إبتزاز من العساكر ....
و الناس بحسدوك علي الرفاهية الفيها ....
😂😂😂😂😂😂😂
|
Post: #74
Title: Re: تدخل القفص الذهي للمرة الـ 12 غادة عبد الرا
Author: Salah Zubeir
Date: 05-11-2020, 01:39 AM
Parent: #73
Quote: Quote: كومركم دا ..دفرنشيهو كيف
صلاح الزبير .. بنادوك |
فضل ساعة ونص للإمساك ... فلا بأس من
الإجابة كما أفتي مولانا ومولاي حافظ رضي
الله عنه في رمضان قبل الفات ودليله في
ذلك حديث السبيلين ...
اما عن موضوع البوست ... مافي شي ورطني
في بوست الدفرنش غير كلام الميكانيكية
البسوو فيهو الجماعة ديل هني ... أنا زول
ضعيف في الميكانيكا والجماعة ديل شبكوها
دخنه وبتجيب مويه وفيها قلع قميص وجلبقه
وهبايب ودالقوز ... الخ ... عن نفسي ومن
زاوية شوفي أنا أري الإختلاف واضح بين
الدفرنش وبين الزراف ركوب الجن موضوع
هذا البوست ... قدر ما حاولتا امسك عن لغو
الحديث في هذا الشهر الفضيل أري بأنني قد
فشلت وذنبي معلق في رقبتك يا احمد ...
|
Post: #75
Title: Re: تدخل القفص الذهي للمرة الـ 12 غادة عبد الرا
Author: زهير عثمان حمد
Date: 05-11-2020, 01:56 AM
Parent: #74
يا جماعة أتصل بي أحد العارفين بأداب الصوم وتجويد العبادة أعتبر كل من كتب حرفا بهذا البوست وعرض صيام المؤمنيين من قبيلة البورداب للتجريج عليه كفارة
أنا غايتو بفطر صايم واحد وممكن أعيد اليوم مع الستوات
*المهم قلتو الاستخدام للعربية لو كانت موديل في بداية السبعينات من قبل عدة سائقين بخرب المكنة ولا مافهمت أنا؟؟!
|
Post: #76
Title: Re: تدخل القفص الذهي للمرة الـ 12 غادة عبد الرا
Author: أحمد محمد عمر
Date: 05-11-2020, 07:05 AM
Parent: #75
Quote: باللسان يا عارف ....
و زي ما عارف اي شي باللسان ساهل و لذيذ |
صاحبنا موظف في السودان مطحون بالمعايش طحن الجن وبقى من ناس زورني كل خميس مرة :) ومرات خميس واحد في الشهر اليوم داك شعر بالانفعال وإنه لا زال أبو الرجال اتصرف جاب ليه كم كيلو سمك ومنقة قال للمدام ظبطي السمك وعصير المنقة والليلة شيلة شيلتك وحاة الله الليلة تضربي لي أمك تبكي ليها هيييييع بس الليلة إلا تقومي جارية بيت امك
المرة ظبطت ليك السمك والعصير خلتو ياكل ومشت تتظبط .. صاحبنا قال كملت السمك وضربت العصير في الصالة برة قدام التلفزيون ويدي ما غسلتها انتكيت في كرسي الجلوس واخدت لي غمدة ما صحيت إلا بي صوت البنات وهن بتجهزن الصباح للمدرسة
قال المرة شغالة تلبس فيهن وتتضحك وتهوزز راسها وتمثل لي : يا أمي تعالي سوقينيييي يا أمي كتلونييييي
قال وانا أشيل واسب وألعن وهي مواصلة تدوير لحدي ما طلعت الشغل خليت ليها البيت العواليقة
|
Post: #77
Title: Re: تدخل القفص الذهي للمرة الـ 12 غادة عبد الرا
Author: عبدالحفيظ ابوسن
Date: 05-11-2020, 07:44 AM
Parent: #76
يا معلم ماتجيب لينا الكلام ياخ
الموضوع عن القيادة والمفاضلة بين الهكر واخر موديل
اها وابوحسين اضاف ليها جديد سواقة ناس برة وجوة
ناس برة سواقتهم ساهلة الشوارع واسعة ومسارين
هنا ضيق ومسار واحد ماتعرف الشارع حقك ولا حق غيرك
تسوق بالاحساس بس 😆😆😆
ابوحسين سواقة اللسان دى عندكم هنا الابنص للصاجة
|
Post: #78
Title: Re: تدخل القفص الذهي للمرة الـ 12 غادة عبد الرا
Author: muntasir
Date: 05-11-2020, 08:41 AM
Parent: #77
والله كلكم دي حسادة منكم هسي ده كان راجل عرس ١٢ مرة كان شبكتوه هيييع وأبشر ،ياخي الولية كايسة الحلال ولي الليلة بي عافيتها
|
Post: #79
Title: Re: تدخل القفص الذهي للمرة الـ 12 غادة عبد الرا
Author: أحمد محمد عمر
Date: 05-11-2020, 09:00 AM
Parent: #78
لكن يا ابو سن نحن سواقين طارة زي ما بقولوا وفي الطارات اتوماتيك
بس تركب وتدور فتحة كبوت ذاتا ما معانا
يعني كلام الميكانيكية دة ما بنفهم فوقه التكتح
|
Post: #80
Title: Re: تدخل القفص الذهي للمرة الـ 12 غادة عبد الرا
Author: عبدالحفيظ ابوسن
Date: 05-11-2020, 09:07 AM
Parent: #79
يا منص الكلام علي السلندر . بعمل بيضاوي ولا بوسع الا يتخرط
يا معلم عينتك دي بتبوظ العربية لازم تراجع الموية والزيت يومي . امكن قاطعة وش نحاس ولا خلطت 😆😆
|
Post: #81
Title: Re: تدخل القفص الذهي للمرة الـ 12 غادة عبد الرا
Author: أحمد محمد عمر
Date: 05-11-2020, 10:13 AM
Parent: #80
لا لا كان اشتريتها على الزيرو وكل 5 ألف كيلو وديتها الوكالة ما بتجيها عوجة
المشكلة في البعبصة الكتيرة كان بتاعتك كان بتاعة ميكانيكية المنطقة :)
|
Post: #82
Title: Re: تدخل القفص الذهي للمرة الـ 12 غادة عبد الرا
Author: HAIDER ALZAIN
Date: 05-11-2020, 10:51 AM
Parent: #81
عشان حركاتكم دي وطنقعة مسكتكم للعصاية الخواجة اخترع تيسلا والسيارات ذاتيـة القيـادة ..
تانية العصاية دي الا في الفلوكسواجن والشيولات ..:)
|
Post: #83
Title: Re: تدخل القفص الذهي للمرة الـ 12 غادة عبد الرا
Author: عبدالحفيظ ابوسن
Date: 05-11-2020, 11:21 AM
Parent: #82
علي ذمة الرواة
قالت ليهم
لو شلت قشة ونخست بيها اضانك
حلو لي القشة ولا الاضان
|
|