لماذا يرفع الآذان في اجهزة الاذاعة والتلفزيون القومية؟؟؟؟؟؟؟؟

11:29 AM May, 07 2020

سودانيز اون لاين
MOHAMMED ELSHEIKH- الرياض- السعودية
مكتبتى
رابط مختصر

ماهو الغرض أصلا من رفع أذان في إذاعة تلفزيون قومي لمنطقة محدودة من السودان وترك الاخرين (الأغلبية) لمراعاة فروق الوقت؟
الآذان هو نداء ان هلموا لهذا المكان لأداء الصلاة، فماهو المكان الذي يدعو فيه التلفزيون الجماهير للصلاة؟ اعتقد ان كل حي في ولاية الخرطوم به مسجد يتم فيها المناداة للصلاة
او تناول الإفطار في حالة رمضان وليس هناك حاجة لمزيد من النداءات التي يمكن ان تشوش على المتعبدين في انحاء السودان المختلفة طالما أصلا موجهة لسكان ولاية
الخرطوم فقط وحتى في ولاية الخرطوم فان الفرق في الزمن بين ابودليق ومزارع غرب امدرمان اكثر من عشرة دقائق!
وان كان هناك إصرار عليه نرجو ان ترفعوا الآذان لكل ولاية على حدها

وقبله مقدمة:" آذان المغرب ل شرق ولاية البحر الأحمر وعلى مستمعينا في بقية الولايات وغرب الولاية مراعاة فروق الوقت"
وخلونا نستعد لأكثر من 18 آذان.

الناس ديل يا ود الشيخ، من الحكومة و حتى الإعلاميين، فإن السودان عندهم هو الخرطوم.. قلنا الكلام دا كتير هنا. الأقاليم و لا معترفين بيها. الأقاليم لازم تعرف الخرطوم صلت متين وفطرت متين و صامت متين.

والله مافي اي داعي
وكمان شعار التلفزيون مفروض برضو يتغير
................
حكومة خوافة
جبنة

Quote: الله مافي اي داعي وكمان شعار التلفزيون مفروض برضو يتغير

سلام ود الطيب ورمضانك كريم

نحن تاني حانقول البغلة في الابريق
وانظروا الى ملكنا العريان
زمن الغتغتة والدسديس انتهي
وكمان تووووز ههههه

ابن اختى رمضان كريم
خليك من الاغذاعة والتلفزيون
هو مكبرات الصوت زاتها لزومها
شنو في هذا
العصر والناس ممكن تبرمج مواقيتها
على الجوال اوالساعة طيب الكهرباء لمن
تكون قاطعة الناس بتعرف وقت الصلاة كيف

Quote: بن اختى رمضان كريم

رمضان كريم وكل عام وانت والاسرة بخير يا خال

زمااان قلنا المكرفونات خلوها للاذان فقط

قالوا لازم نتهجد بها في الليل ونقلل نوم المرضى والكبار والاطفال

لكي تصل الدعوات باسرع ما يكون

تحياتي لام الامير واميركم

Quote: الناس ديل يا ود الشيخ، من الحكومة و حتى الإعلاميين، فإن السودان عندهم هو الخرطوم.. قلنا الكلام دا كتير هنا. الأقاليم و لا معترفين بيها. الأقاليم لازم تعرف الخرطوم صلت متين وفطرت متين و صامت متين.

مرحب بالصديق او ريش
وشكرا لمرورك. لابد من مراجعة كثير من الثوابت المعشعشة في رؤوسنا
وعودة الامور لنصابها
تحياتي

ياخي هو القراي قال ما يسمعوا لي شفع الروضة قرآن قامت الدنيا ولم تقعد
يشيلوا الآذان من التلفزيون الما بحضروهو دة بجاهدوا فيهم
بدايات الثورة لما وقفوا اذاعة القرآن الكريم شفت كمية من الناس البعرفهم بجاهدوا عبر الفيسبوك في الحكومة البتحارب القرآن .. لكن المشكلة أي واحد فيهم بسألوا هل سمع الإذاعة دي في يوم من الأيام بقول لي لأ

جاني رمضان كنت ساكن فيها مع صاحبي في غرفة في سطوح وجمبنا جامع أنصار سنة
وأنا أساساً المقعدني في الغرفة دي شغل بقوم ليه من 8 صباحاً
ناس المسجد نايمين النهار كلو وانا شغال وما عندي طريقة نوم غير بالليل .. بنوم الساعة حداشر اتناشر يصحوني ليك مخلوع الساعة 2 بالتهجد
لحدي يوم الليلة ما فاهم المتعة البلقوها في إنه يصحوا الحي كلو بتهجدهم ومكبرات صوتهم القوية دي
العاوز يتهجد بجي المسجد ما بحتاج يتهجد معاهم من سريره
والمشكلة إنه بعد ما يصحوني بكون كرهانهم وكرهان حياتي ولو ما قدرت أنوم ممكن اطلع أمشي محلات القهوة والشيشة لحدي ما يخلصوا ولا أوصلهم لأنه العبادة ما بتبقى بالقوة ولا سياسة الأمر الواقع

والله يا ود الشيخ فعلا تساؤل ما خطر بال كثيرين ،
وفعلا رفع الاذان في إذاعة يا تلفزيون أقرب إلى البدعة
الاذان يرفع في المساجد ومش في كل المساجد ، لازم تكون بمسافات
يسمعوا بي بعض يالله ويامين ، حسع تلقى في كل زاوية خاتين ليك ميكرفون حتى لدرجة إنو
بيشوشو على بعض الواحد ما يعرف يتابع منو فيهم . والله غالب

الإذاعة من زمن الإنجليز بتذيع آذان المغرب فى رمضان مع ديباجة وعلى مستمعينا فى الأقاليم مراعاة فروق الوقت
هل إشتكى أى أحد فى الأقاليم أن ذلك يسبب له تشويش ولخبطة؟ أبداً ولم يثار بتاتاً. وأرى أنه يساعد
بطريقة أو بأخرى تنبيه ساكن اقليم وقته مختلف إما أنه تأخر لم يفطر فوقته المحلى حان وفات أو ينبهه
بأن وقت آذان المغرب عنده قد إقترب.

ثانيا حاليا محاطات التلفزيون المحلية منتشرة فى السودان ويمكن للمواطنيين المحليين بها متابعة
محطاتهم المحلية لتبييهم بأوان الآذان.

سرو وتقليد ممارس ليهو حوالى 80 سنة ، فجأة كدا يصبح مافى داعى بل وله أضرار!