Post: #2
Title: Re: دكتور القراى
Author: صديق مهدى على
Date: 05-06-2020, 07:13 PM
Parent: #1
تحية اجلال وتقدير واحترام لكل ود بلد خدم من اجل البلد
|
Post: #3
Title: Re: دكتور القراى
Author: صديق مهدى على
Date: 05-06-2020, 07:15 PM
Parent: #2
الرجل دا عمل لجان ما براهو عجن ودفن
|
Post: #4
Title: Re: دكتور القراى
Author: Hamid Elsawi
Date: 05-06-2020, 09:30 PM
Parent: #3
أي وظيفة يا صديق عندها مواصفات علمية
أن يكون المتقدم لها يحمل هذه المواصفات تؤهله للوظيفة من ناحية
أكاديمية شهادات. تجربة عملية خبرة .
ليس من هذه المواصفات في العالم كلو ( لون البشرة او النوع ذكر أو انثي أو المعتقد الشخصي شيوعي انصاري كوز اتحادي الخ)
من يحاول أن يحشر المعتقد في الوظيفة واحد من ثلاثة
أولاً: لا يكون يحترم الديمقراطية و يمارس دكتاتورية عديل كدة بحرمان مواطن من وظيفة, بسبب المعتقد
و هي لا تختلف عندي ب الحرمان بسبب اللون أو المنطقة. عليه أن يفهم الديمقراطية. و لا يتاجر بها
ثانياً: أن يكون لا يفرق بين المهنة و المعتقد مثلاً الطبيب ممكن يكون اتحادي أو حزب امة أو شيوعي. لكن كلهم لو
مشي ليهم مريض ح يكتبوا نفس العلاج لأن المعتقد شيء و الوظيفة شي آخر. و هذا النوع يمكن إقناعه بالمنطق
ثالثاً: أن يكون مكابر و تاجر سياسة و دجال و مكابر و هذا ما يسوقه لنا أمثال, محمد عبدالكريم و ذو النون و عبد الحي
و بقية أبوق النظام البائد.
شخصياً أختلف مع القراي تماماً و لكنه مواطن و مؤهل أكاديمياً لهذه الوظيفة
و الرجل شغال تمام التمام و بمهنية عالية بالرغم من ما يتعرض له من هجوم
غير علمي و غير أخلاقي أيضاً.
شكراً للبوست
----------------------------
حاشية:
يا صديق بس تفلق و تداوي
أختلف معك في بوستات سابقة و لكن اتفق معك الان
لك التحية و رمضان كريم
|
Post: #5
Title: Re: دكتور القراى
Author: Hamid Elsawi
Date: 05-06-2020, 10:22 PM
Parent: #4
رسالة منقولة متداولة في الواتس
Quote: 1/رجل يدعو لمجانية التعليم
٢/رجل يدعو لالغاء التعليم الخاص
٣/ رجل يدعو لالغاء المناهج التي تدعو للتطرف والغلو ،
٤/ رجل يدعو لطباعة المناهج في المطابع الحكومية
٥/ رجل يدعو لتأهيل المعلم وتطوير قدراته وتحسين البيئة التعليمية
٦/ رجل يدعو لارجاع كل مواد تطوير قدرات التلميذ وتنمية مواهبه وتوسيع مداركه الابداعيه
٧/ رجل يدعو لاعادة معاهد التربية
٨/ رجل يدعو لاعادة هيبة المعلم،
٩/رجل يدعو لزيادة نسبة الصرف علي التعليم من ميزانية الدولة،، ١٠/ رجل يدعو لارجاع نظام الداخليات في المدارس الابتدائية والوسطي،
ترفضونه؟؟؟؟؟؟؟؟؟؟؟؟؟؟؟؟؟؟؟؟
عجبي وواا. اسفاي
القراي باق علي رؤوسكم
وحتي لو ذهب بالاستقالة او العجز او الموت لا سمح الله فسوف ننفذ له كل هذه البنود وبالحرف الواحد وسيسجلها له التاريخ عبر الازمنة،،
|
|
Post: #6
Title: Re: دكتور القراى
Author: Hamid Elsawi
Date: 05-07-2020, 00:01 AM
Parent: #5
رسالة أخري منقولة متداولة في الواتس
Quote: بالمناسبة انا عضو فی لجنة تغییر المناهج التی یرأسها الدکتور عمر القرای ولم نلتقی به الا مرة واحدة ..واللجنة تعمل بمؤسسیة بعیدا عن القرای وهذا ما لزم توضیحه
يعني انتو متصورين أو متخيلين انو القراي بقعد بعد المغرب يخت كباية قهوة ويجيب باكتة ورق ويقول الليلة حا اكتب كتاب المطالعة حق رابعة أساس ...وتاني يوم يقول حا اكتب رياضيات خامسة .....
.. القراي شكل اكتر من عشرة لجان من افضل التربويين وواضعي المناهج في السودان من زمن بخت الرضا ..
بعدين انتو العاجبكم شنو في منهج الكيزان حق التلاتين سنة دي ..عشان كتاب الرياضيات بدل ما يكون جواهو معادلات الدائرة خاتين جواهو جزء عم .
. وكتاب الفيزياء بدل قوانين نيوتن مليان كلو بي صحيح البخاري ..وكتاب الجغرافيا بدل الكنتور والخرائط مليان رياض الصالحين يعني ده المنهج العايزين تقروهو اولادكم ؟
د. عبد الرحيم محمد احمد عيسي
منقول
|
|
Post: #7
Title: Re: دكتور القراى
Author: علاء سيداحمد
Date: 05-07-2020, 00:39 AM
Parent: #6
| Quote: اهل السودان شكروا القراى إلا خفافيش الظلام |
شكراً يا صديق ,, يكفى القراي انه من اهل الاختصاص فى موقعه
فهو كفاءة ..
#القراي يمثلنى
|
Post: #8
Title: Re: دكتور القراى
Author: MOHAMMED ELSHEIKH
Date: 05-07-2020, 09:18 AM
Parent: #7
تمام يا صديق انت انسان واضح
وقلت الحقيقة رغم انها ضد توجه حزبك
|
|