طبيب البشير الخاص يطالب د.أكرم بالاستقالة

11:36 AM May, 06 2020

سودانيز اون لاين
Hassan Farah-جمهورية استونيا
مكتبتى
رابط مختصر

https://cdn.shortpixel.ai/client/q_glossy,ret_img,w_571,h_596/https://www.alrakoba.net/wp-content/uploads/2020/05/IMG_%D9%A2%D9%A0%D9%A2%D9%...9%A8%D9%A3%D9%A1.jpg

دكتور طارق الهادي
هو دكتور البشير الخاص بسافر معاهو وين ما سافر
اليومين دي بطلع لايفات كأنه قلبه علي الثورة
وبتكلم وبدي نصائح لدكتور أكرم وكأنه رجل الانسانية الاول .
وايام الثورة كان بقول اي دكتور يضرب عن العمل سيفصله وقال حتى اطباء السلاح الطبي من يضرب ويقيف مع الثورة تاني ما يجي راجع.
نتكلم بمنطق وعقل وشوية تفكير .. انسان زي ده لو تكلمت معاه سنة ما بقتنع بالتغيير والثورة وبتكون بضيع في وقتك .ولو هو تكلم سنيين وطلع السماء ولحسه بلسانه ما ممكن يقيف ويقبل التغيير؟

ولو سألت نفسك ليه يقيف مع التغيير اصلا ؟عشان ماعاوز الامتيازات الكان مستمتع بيها هو واسرته.. والسفريات مع الرئيس الفاسد في جناحه الخاص.. وقروض من البنوك مفتوحة .. يدخل اي وزارة او أي مؤسسة الكل يقف له ويخدمه وهو حافي القدمين لانه باشارة منه للرئيس ممكن يرفعك الى السماء او يخسف بك الارض في دولة اللاقانون يعني يقيف مع الثورة عشان يتساوى مع الناس ويسأل عن الغاز وعن الترقيات ويقيف في الصفوف للحصول علي تأشيرة للدخول لاي دولة وزمان مع المستبد المجرم البشير جوازه يجده في صالة المغادرة جاهز من مجاميعه في دولة لا تؤمن بحكم الجدارة ؟
زي دكتور طارق ما تصدقوهم . ما اي انسان يتحدث عن الثورة ويقدم نصائح وانتقادات للحكومة هو صادق خاصة المنتفع والمرتاح من نظام الانقاذ ده عدوك وعدو الثورة والتغيير زيه وزي ناس ضياء الدين بلال ولينا يعقوب وخال الرئيس والهندي عز الدين وحسين خوجلي ومدعي الصحافة (البقال) وغيرهم من كتبة النظام . يكرهون الثورة لانها اوقفت امتيازاتهم ونوعية اخرى يكرهون الثورة لانها ستحاكمهم عن اموالهم وممتلكاتهم التي سرقوها من الشعب . والواحد من هؤلاء ما بقول انا بكره الثورة او الديمقراطية لكن يبدأ يطعن في انجازات الحكومة ويبخثها كما الذي يتحدث عن انجازات ومجهودات دكتور أكرم في هذه الايام وبدون عقل ويطالبه بالاستقالة
دكتور طارق طيلة هذه السنيين مع البشير ما فكر غير في نفسه كحال المنتفعين الطفيليين . طيب يا ابو الانسانية ليه ما قدمت النصائح دي البتقدمها لحكومة الثورة ولدكتور أكرم للبشير في لحظة استشفاء علي يديك او بعد مساج وتمرين (الركبة) عشان يطور النظام الصحي الانت الان بتشتكي منه؟



ياسر عبد الكريم
[email protected]