Post: #1
Title: يا د. حمدوك قرارك عن تحفيز العاملين في حراسة التهريب ده wrong decision
Author: Osman Musa
Date: 05-05-2020, 06:48 PM
06:48 PM May, 05 2020 سودانيز اون لاين
Osman Musa-
مكتبتى
رابط مختصر
يا د. حمدوك ياخ انت انسان ما فيك كلام وسيرتك دهب .
بس نحنا حنقيف ضد قرارك العجيب ده . قرارك عن تحفيز العاملين في
حراسة المعابر والموانئ والمداخل والحدود . تحفيز يصل لي 10 في
المية . من ضبطيات السلع المهربة .
ده كلام ما ينفع في عهد المدنية . و قرار ما ممكن يطلع من موظف
اشتغل عمرو كلو في المنظمات الدولية .
ده زي شغل غنيمة الحرب .
ده قرار ما ممكن يطلع حتي من شيخ دولة صغيرة .
نحنا ما دايرين نرجع لي حاجات الإنقاذ.
الاقتصاد بعد الثورة يا د. حمدوك يفتش لي درب يمرق من وكر
الإنقاذ . وكر التحفيز وكر الترضيات .
تحفيز الموظفين في عهد الإنقاذ اكتر شي أفسد الموظفين . موظفين
تحصيل النفايات و تحصيل مخالفات الشرطة . والزكاة .
المتحصل عشان ياخد النسبة ممكن يقلع قلع .
والله جد قرار غير موفق . وانا اول واحد اقيف ضد قرار التحفيز .
زيدوا ليهم المرتبات . لكن قصة الغنيمة لا .
|
Post: #2
Title: Re: يا د. حمدوك قرارك عن تحفيز العاملين في حرا�
Author: منتصر عبد الباسط
Date: 05-05-2020, 07:01 PM
Parent: #1
تحياتي عثمان
معقول لا لا لو طلع الكلام دا صاح تكون دي كارثة وإفساد
هذا لا يختلف عن الرشوة في شيء إذا لم يكن أشد منها جرماً
لأنو البدوهو عشرة في المية دا لو أداهو صاحب البضاعة السموها مهربة دي
20% بسمح له بتهريبها
هو حمدوك دا الما عندو ربع فكرة لتشجيع الإنتاج هسع يمرر قرار زي دا؟!
ثم التجارة الحدودية للسلع المنتجة محليا من خضروات وفواكه وبقوليات
وكل ما يعتبر سلعة ليست فيها أزمة وندرة محلية يجب تسهيل كل سبل تصديرها عبر
المعابر بدون قيود وتعقيدات غير ضمانات السلامة والأمن الوطني.
|
Post: #3
Title: Re: يا د. حمدوك قرارك عن تحفيز العاملين في حرا�
Author: منتصر عبد الباسط
Date: 05-05-2020, 07:03 PM
Parent: #1
طبعاً أنا أعلم بأن المقصود به القرار قد يكون فقط
البترول والسلع التي بها ندرة أو أزمة كالدقيق أو السكر
لكن في ذات الوقت يجب تشجيع وتسهيل التجارة الحدودية للمنتجات السودانية
عبر المعابر خاصة الزراعية دون قيود لتشجيع زيادة الإنتاج الزراعي بجعل المنتج
الزراعي مجدي إقتصاديا وهذا لا يكون بغير
دعم وتشجيع التصدير للمنتجات المحلية لزيادة الوارد من العملات الأجنبية
وتشجيع المنتج على زيادة الإنتاج لأن السوق المحلي لا يكفي وحده
وقصة احتجاج منتجي الطماطم بطوكر لم يمضي عليه شهرين ..
|
Post: #4
Title: Re: يا د. حمدوك قرارك عن تحفيز العاملين في حرا�
Author: Osman Musa
Date: 05-06-2020, 05:53 AM
Parent: #3
الأخ منتصر سلام
كان بترول كان أي سلعة اتمسكت مهربة .
برضو ما فروض يتم أي تحفيز للمشارك في
القبض علي السلعة . ممكن الاشادة وترفيع الوظيفة
بعد النجاحات المستمرة في العمل .
غايتو ابدا التفكير ده ما تفكير د. حمدوك.
و حمدوك عارف كمية فساد المتحصلين الحصل في
المحليات وسمع عن فساد حراس المداخل .
|
Post: #5
Title: Re: يا د. حمدوك قرارك عن تحفيز العاملين في حرا�
Author: اخلاص عبدالرحمن المشرف
Date: 05-06-2020, 12:51 PM
Parent: #4
قرار خاطئ
ليت هناك هيكل راتبي خاص للجمارك
مع جهاز مراقبة صارم
يكون الراتب لهم حافز وجهاز الرقابة
بعبع فقدان الراتب الحلال .
|
Post: #6
Title: Re: يا د. حمدوك قرارك عن تحفيز العاملين في حرا�
Author: Gafar Bashir
Date: 05-06-2020, 01:26 PM
Parent: #5
Quote: غايتو ابدا التفكير ده ما تفكير د. حمدوك.
|
كان ياهو مشكلة
وكان ما ياهو مشكلتين
|
Post: #11
Title: Re: يا د. حمدوك قرارك عن تحفيز العاملين في حرا�
Author: Osman Musa
Date: 05-07-2020, 07:45 AM
Parent: #6
الأخ جعفر سلام
قرار خطير جدا جدا .
في معتمد يا أخ جعفر بعد الثورة قبضوا عندو كاش حاوية مليانة كاش .
سيادتو متفق مع المتحصلين ما يورد للحكومة . وفي ظرف 3 سنوات
المعتمد و المتحصلين المعاو في المحلية اصبحوا من الاغنياء الاغنياء شديد.
فساد جد .
|
Post: #7
Title: Re: يا د. حمدوك قرارك عن تحفيز العاملين في حرا�
Author: Osman Musa
Date: 05-06-2020, 01:58 PM
Parent: #5
بنتنا اخلاص سلام
ده قرار كارثة والله .
يا اخلاص في احاديث كتيرة تدور عن متحصلين في المحليات
عملوا بيوت و مزارع وعربات من ال 7 في المية بتاعت التحصيل
و ال 7 في المية كمان كانوا بيقاسموا فيها معتمد المدينة.
د. حمدوك المسكين ما جايب خبر .
|
Post: #8
Title: Re: يا د. حمدوك قرارك عن تحفيز العاملين في حرا�
Author: اخلاص عبدالرحمن المشرف
Date: 05-06-2020, 02:02 PM
Parent: #7
وكمان ممكن تحصل أشياء مفبركة
مرة واحد جاب جزم فردة يمين كميات مهولة
صودرت وبيعت بسعر التراب ، بعد يومين دخل
الفرد اليمين 😂😂😂
|
Post: #9
Title: Re: يا د. حمدوك قرارك عن تحفيز العاملين في حرا�
Author: Mohd Ibrahim
Date: 05-06-2020, 09:56 PM
Parent: #8
دا يوريك مدي فداحة تاثير التهريب علي الاقتصاد ..اعتقد انو القرار طلع بعد دراسة متانية لانو ضباط الجمارك متساهلين والكثير مرتشين ..فالافضل تقنين الرشوة بان تكون لصالح الحكومة لاضدها ..
القرار يمكن ان يخضع للتجربة والناس تشوف اذا عمل اثر او لا ...
|
Post: #10
Title: Re: يا د. حمدوك قرارك عن تحفيز العاملين في حرا�
Author: منتصر عبد الباسط
Date: 05-06-2020, 10:06 PM
Parent: #9
| Quote: فالافضل تقنين الرشوة بان تكون لصالح الحكومة لاضدها |
دا كلام شنو؟!
بتمزح؟
|
Post: #12
Title: Re: يا د. حمدوك قرارك عن تحفيز العاملين في حرا�
Author: نادر الفضلى
Date: 05-07-2020, 07:57 AM
Parent: #10
المرتشى ما بتوقفو بحافز، لأنه حترتفع قيمة رشوتو أكبر من الحافز
كدى اليراجع الجمارك على غير التجار والمهربين، معاملة سخيفة وجمركة على الفاضى.
|
Post: #14
Title: Re: يا د. حمدوك قرارك عن تحفيز العاملين في حرا�
Author: Osman Musa
Date: 05-07-2020, 03:42 PM
Parent: #12
أخونا أستاذ نادر
سلامات
الطف نظام للجمارك في العالم هو النظام الموجود في امريكا .
نظام عجيب . ميات الحاويات تفحص و تدخل وتخرج في اليوم
في مختلف المعابر والمواني والمطارات. في دقة وسرعة رهيبة
ودفعيات جمارك قليلة.
في السودان يا أخ نادر انت كانك مشتري البضاعة من موظف
الجمارك . وممكن يكرهك الشغل ولايهمو مصلحة البلاد .
وممكن يتعامل مع تجار من النوع التاني تعامل يختلف . غايتو
لابد من مراجعة يا نادر .
لابد من تغيير حقيقي . تغيير نضيف وأمين يخاف الله والوطن
|
Post: #13
Title: Re: يا د. حمدوك قرارك عن تحفيز العاملين في حرا�
Author: Osman Musa
Date: 05-07-2020, 09:38 AM
Parent: #9
الأخ مو سلام
تجربة شنو يا،أخ مو وانت قدامك تجربة الإنقاذ في تحفيز
الموظفين .
ياخ مدير عام ديوان الزكاة كان شغال تحفيز في الموظفين
لجمع الفلوس وتشغيل الفلوس في شراء العربات من بوكو حرام .
يازول حكاية التحفيز دي حاجة خطرة جدا .
نحنا في السوق السوداني و شايفين الحاصل .
والله يا مو شي يعمل ضغط .
يا مو ياخ في سبيل التغيير استشهدوا شباب في عمر الزهور
بعد ده تجي الحكومة تطبظ .
|
|