Post: #1
Title: احمد موسى عمر المحامي استشارة بخصوص المغتربين
Author: HAIDER ALZAIN
Date: 05-02-2020, 10:01 AM
10:01 AM May, 02 2020 سودانيز اون لاين
HAIDER ALZAIN-
مكتبتى
رابط مختصر
(adsbygoogle = window.adsbygoogle || []).push({});
السلام عليكم ورحمة الله تعالي وبركاته
الاستاذ والاخ والصديق احمد موسى عمر..
اما بعد ..
عطفاً على ما سبق بالعنوان .. موضوعي متعلق بتحصيل رسوم وزكاة وضرائب ومساهمات ودمغات ومسميات عديدة بواسطة
مايسمى جهاز المغتربين لصالح حكومة السودان من العام 2000 عام مغادرتي للسودان وحتى الآن 2020م..
وفي الحقيقة الموضوع دا ما قمت بإثارته الان فقط بل من 2003 تاريخ اول عودة لي بالسودان
ثم تكرر بالسنوات اللاحقة لمن دخلت بسببه حراسة مرتين ..
واستشرت فيهو اتنين من الاخوة المحامين قبلاً فترة سيئة الذكر الانقاذ فكانت نصيحتهم ادفع من سكات..
ثم جت حكومة التغيير ومشيت السودان وتاني عملت جوطة وبعدها استشرت اتنين واحد فيهم دخلني بحمد ومرقت بخوجلي..
التاني طنشني عديل وابى الرد ..
قلت استشيرك فقط بصورة عامة عن رأيك..
المهم انا ماقانوني لكن مغترب لي عشرين سنة وقضية الجهاز شايفها مغيبة في حق الثورة وحق الحرية والتغيير وتجمع المهنيين..
وعدم تعديل قوانين الجباية المعدلة عليهم للان.. وخاصة قانون الزكاة والضرائب..
وقتى المشيت الخرطوم شهر حداشر الفات كتبت عريضة بالاعتراض على الزكاة مافي زول استلمها مني جوة مجمع المغتربين بتاع السجانة ..
لكن قالوا يتم تاجيل " الزكاة المستحقة "
فمن ناحية انا كمغترب متضرر من الجهاز دا لانه شايل وبيشيل مني ومن جميع المغتربين قروش بدون وجه حق باسم الزكاة بصورة مخالفة للشرع.. دا غير المبالغ الأخرى..
الجهاز واضح في قانون انشاءه المنشور عام 1998 انه جهاز اتكون لغرض الجباية فقط ..
وعلى مايبدو انه حكومة الثورة الآن لسه عندها غرض في استمرار الجباية والتحصيل من بقرة المغتربين الحلوبة ..
طيب استشارة اذا أصر ت الحكومة على استمرار جهاز المغتربين.. وعاوز اعترض ارفع قضية وين مفروض ؟!
وهل من الممكن السؤال والمطالبة بقروش الزكاة المحصلة بطريقة غير شرعية دي على مدى السنوات السابقة ؟
النقطة أخرى ..
هل يحق قانونياً ربط تأشيرة الخروج بدفع الزكاة ؟؟؟
وبجيك راجع لحتة عدم شرعية الزكاة المتحصلة بالدولة من المغتربين ..
مع التحايا
|
Post: #3
Title: Re: احمد موسى عمر المحامي استشارة بخصوص المغت
Author: احمد عمر محمد
Date: 05-02-2020, 01:30 PM
Parent: #2
واحد عنده اعفاء من الزكاة لعدم النصاب وبيدفع سنويا عند العودة الضرائب
والرسوم والذي منو، للتعتر ليه نزل اجازة سريعة وغير مرتبة في اواخر
فبراير العام الجاري واول مارس ولسوء حظه لم يكن مجئيه الى الخرطوم كما
العادة وانما الى بورتسودان والرجل مقيم قرابة الـ (8)، اعوام ولان النظام ليس
مركزي لم تظهر في الشاشة الا تاريخ خروجه الاول وبالتالي قسم الزكاة
داخل الضرائب طلعوا ليهو كم وستين مليون حق (8)، سنوات حسوما تقديرية
طبعا ولان الوقت حرج بالنسبة له بسبب اغلاق الطريق القومي بورتسودان
الخرطوم ونسبة للقرار المفاجئ لاغلاق المنافذ المطارات والمواني ورغم انه
ذهب لديون الذكاة واعلمهم بالواقعة والديون اتصل على ادارة الزكاة بالمغتربين
وابلغهم بتطبيق النهج الذي عليه الادارة في الخرطوم وحسب الاشهار الذي
يوصي بعدم نصاب المعترب المذكور ووافقت ادارة الزكاة تلفونيا
على تثبيت الاستثناء لعدم النصاب الا ان الرجل فوجي عند عودته للمغتربين
باصرار المدير بان يدفع الزكاة او يمشي الخرطوم ولما لم يكن له بد من
ان يدفع حتى يستطيع اللحاق للمغاردة اضطر اضطرارا لمجاراة
مدير الزكاة بالمغتربين ودفع جزء من مبلغ الزكاة المعفي عنه اساسا
بسبب النصاب ليلحق قبل اغلاق المطارات ويتفادى تعنت المدير الاهوج
وبالتالي اصبح له سجل جديد مدفوع فيه زكاة وبالتالي قد يكون له عائق
عند اول عودة وبين يديه اشعار النصاب الصادر من الخرطوم منذ مغادرته.
اها ده كمان يا حيدر حله كيف ويقول يا المنو ؟
قلنا نلحق السؤال بسؤال مادام الشغلة في نفس الاتجاه ونسمع توضيحاتكم
|
Post: #4
Title: Re: احمد موسى عمر المحامي استشارة بخصوص المغت
Author: HAIDER ALZAIN
Date: 05-03-2020, 00:09 AM
Parent: #3
سلامات حبيبنا احمد عمر ...
رمضان قبل المضى جيت اعمل تأشيرة قالوا لي عليك 83 مليون
قلت لهم لو عندي 83 مليون مابرجع السعودية .. فدحين بالله ادوني تأشيرة النمشي المها واجيبها ليكم وأجي
بعد جوطة وتحانيس قالوا لي خلاص ادفع 34 مليون وامشي اشتغل جيب لينا الباقي وتعال .. والله صحي هههههه:)
المهم ... في انتظار المُستشار ..
|
Post: #5
Title: Re: احمد موسى عمر المحامي استشارة بخصوص المغت
Author: Ahmed musa
Date: 05-03-2020, 01:06 AM
Parent: #3
والله ياحيدر واحمد في قوانين كتيرة مفروض تتراجع
وتجديدا هي اغلب قوانين الجبايات
يعني انت كمغترب تدفع ضرايب وزكاة عن نفس المال
و مافي مراعاة لنصاب ولا حول ولا غيره
وربطها بالخروج زاتو مشكلة
فلازم الدولة تراعيه
وممكن ومن حقك ترفع دعوى دستورية
دعوى ابطال وعدم دستورية قانون
بس بتبقي فرصها ضيقة
الاسهل هو المغتربين يضغطو لتعديل القانون
وانا معاك في سؤال اهمية جهاز شئون المغتربين وشايفه جهاز سياسي اكتر منه خدمي
ممكن ادارة داخل وزارة الداخلية تقوم بالشغل ده وتخخص ليهم مراكز خدمات خاصة بيهم للخروج
اما الرسوم فياريت بدل العصا تتعمل جزرة زي الاثيوبيين
تلقاهم نهاية الشهر صفوف صفوف للتحويلات وسداد رسومهم
لانه الدولة مدياهم جزرة ماعصا
|
Post: #6
Title: Re: احمد موسى عمر المحامي استشارة بخصوص المغت
Author: HAIDER ALZAIN
Date: 05-05-2020, 04:30 AM
Parent: #5
شكراً يا حبيبنا ..
كان عشمنا وإنتظارنا لحكومة مدنية ودولة قانون وحقوق ..
لكن على مايبدو هذه الحكومة المتسلبطة على السلطة بإسم الثوار والشهداء ليست دولة قانون ولا مؤسسات
بل مجرد مسخ مشـــوه وخديـج ناقص لآمالنا وطموحاتنا ...
|
|