حكومة سودانيز اون لاين ..

08:42 AM May, 02 2020 سودانيز اون لاين
عصام دهب-
مكتبتى
رابط مختصر

(adsbygoogle = window.adsbygoogle || []).push({});ازيكم يا بورداب ..و يا رب دائما تامين ولامين ..لا فاقدين لا مفقودين..ثم ..صراحة افرح كثيرا حينما أسمع بخبر تعيين أحد الزملاء أو إحدى الزميلات من أعضاء سودانيز اون لاين في اي موقع ضمن تشكيلة حكومة الثورة ..لا لشيء إلا لأنني على قناعة بأن معظم من عرفنا هم من أعضاء هذا المنبر مع اختلاف توجهاتهم هم من الكفاءات التي شردت و حرمت من تقدبم عطائها ولكنها صقلت خبراتها وطورت مقدراتها فكانت نجاحاتهم خارج الوطن و حتى في داخله في قطاعات غير حكومية نجاحات مبهرة و مشرفة ..و فضلا عن ذلك فإن هذا المنبر أسهم كثيرا في صقل هذه الكوادر عبر مساهمات حوارية شهدت الكثير من تبادل الآراء النيرة و حتى المناكفات و المشاكسات و الانتقادات التي قومت مسار و أفكار كثيرين ..سودانيز اون لاين كان و سيظل مدرسة كادر نموذجية ..تعالوا ندعم خريجي هذه المدرسة ..ونشد من ازرهم في مواجهة قوى الشر و العواليق. تعالوا لنرفد بلدنا بكوادر هذه المدرسة ..فما اجدرهم و ما أحوج بلدنا لهم ..

لا يفوتني أن ازجي الشكر الجزيل لربان هذه
السفينة و ناظر مدرسة كادرها اخونا الفاصل/ بكري أبوبكر
فلولا فضل الله تعالى ثم ما قدمه لنا عبر هذا المنبر
لما تشرفنا بمزاملة و معرفة هؤلاء الزملاء
الذين تصدوا بجدارة لمهامهم الوطنية والثورية.
و إن شاء الله يوم شكرك بعيد يا بكري ..

معذرة يا جماعة ..
يا دوب عرفت بورداب امريكا بكتبوا و بدبلوا المداخلات ليييه ؟؟
عووودة يا مكة .. عما قريب ان شاء الله ..

حبيبنا عصام .. تحياتي
عودا حميداً يا مولانا
النشاطات في ليالي تجمدت خلاص لم نعد نرى الاحباب
ولا الفطور الجماعي في المطار القديم .. ولا ليالي التراث
حبس الكورونا
لعلك بخير .. تحياتي ..

وكمان ما تنسى تورينا لييه بورداب أمريكا يكتبوا ويدبلوا المداخلات !!؟؟
واقتراحك ان أعضاء المنبر العام الاصبحوا مسؤولين في الحكومة الانتقالية
يجوا بهنا ويحاورونا اقتراح ممتاز ونثني ...كي نعرف منهم هل هناك أمل في
انقاذ ما يمكن إنقاذه مما دمره ناس الإنقاذ..

اهلين مرحبتين يا عمر ..ثم ثانيا ياخ اذا انت زعلان من الثورة دي انا ذنبي شنو ؟؟اي انا في المنبر دة في يوم من الأيام وفي لحظة تهور وزعل انسلخت من حزبي ودعمت الكيزان ..ثم لما تبين لي الخطأ الذي ارتكبته سرعان ما تراجعت عنه جيت في ذات المنبر وأوضحت الكلام دة و اعتذرت عن ذلك الخطأ قبل عشرة سنوات .و الحمد لله في فترة الضلال القصيرة تلك لم اتلوث بعضوية اي مكون كيزاني ولم اقم بأي نشاط مع الكيزان او اقابل اي مسئول منهم حكومي او حزبي بصفته تلك أو ادخل دارا لهم في اي مكان او حتى حضور و لو ندوة عامة أو خاصة لهم ..وقع ليك ؟؟ثم انا صراحة غبت من المنبر فترة طويلة و ربما لم اتشرف بمعرفتكم بصورة تزيل عني الجهالة بشخصكم..لكن (و لا تؤاخذني ) عندي احساس انك كوز ..و احساسي هذا شممته في ثنايا مداخلتك..حسيت بيك مغبون و مغبون شديد ..خليك من مفردة ( الجعرة) اللي قعدت تهتف بيها عشان تسكتني زي ما انت متخيل..بس من الريحة ساي كدة عرفتك .. صدقني ..حسيت بزعلك حتى من الثورة والثوار..ومن كوادر سودانيز اون لاين زمايلنا اللي شرفونا ..وسروا بالنا ..ومع ذلك ..انت زعلان ..طيب اعمل ليك شنو حبيبي انا ؟؟

دهب... حمدالله على السلامة

Quote: انسلخت من حزبي ودعمت الكيزان.و الحمد لله في فترة الضلال القصيرة تلك لم اتلوث بعضوية اي مكون كيزاني ولم اقم بأي نشاط مع الكيزان او اقابل اي مسئول منهم حكومي او حزبي بصفته تلك أو ادخل دارا لهم في اي مكان او حتى حضور و لو ندوة عامة أو خاصة لهم

كلامك واضح يا استاذنا ولا لبس فيه ..لانك ذكرت كلمة( دعمت) ولم تقل ( انضممت)
ومايشفع لك بالاضافة الى سمعتك الطيبة ودارك العامرة ومواقفك المشرفة في كثير من مناحي الحياة. خاصة انك اعتبرت ان دعمك لهم كان فترة ( ضلال)
لك كل الود والتحايا والتقدير استاذنا عصام دهب

بمناسبة الحكومة هلا رجّعت الحكومة باس ويرد يوسف إدريس

مرحب عصام دهب
نورت المنبر والله
زمن طويل ياصديق اشتقنا لي طلتك
ومداخلاتك الثرة
عميق ودي
النذير
ز