حساب ابوغدير العامرى فى تويتر (ايقونة) الصادرات السودانية

08:21 AM May, 02 2020

سودانيز اون لاين
النصرى أمين-كالغرى, كندا
مكتبتى
رابط مختصر

الزول ده شغال شغل شديد جدا لترويج المتجات السودانية الزراعية و الحيوانية،
موش فقط لغير السودانيين ؛ اعتقد اثره فى السودانيين نفسهم لإعادة الثقة و تشجيع الشباب
للعمل فى مجال تصدير الفواكه و الخضروات السودانية.

الزول فى نظرى يقوم بعمل وزارة كاملة.

برافو عليك ابوغدير



Take a look at ابوغدير العامري (@aboghadeer22): https://twitter.com/aboghadeer22؟s=09https://twitter.com/aboghadeer22؟s=09

طبعا ما عندنا اى data لحجم الصادرات السودانية فى الثلاثة شهور الأخيرة، لكن اعتقد
حصلت طفرة كبيرة فى حجم صادرات الخضروات والفواكه منذ بداية الوباء الكورونى.

http://www.m9c.net/

شفت صفحتو ـ والحقيقة عجبتني جداً ربنا يوفقو ويزيده من نعيمه

ظاهر عليهو زول مثابر ومجتهد في عمله

مشيت اشتري لي كركدي من دكان المكسيكان أتذكرتو ليك طوالي قلت احتمال يكون صدرو ليهم هو زاتو لأنو شايف عندو شحنة كركدي للمكسيك

فى تويته مجاورة وجدت المعلومة ادناه
‏حركة الطيران بمطار ‎#الخرطوم ليوم السبت 2 مايو :
جميع هذه الرحلات قد خضعت للتصديق المُسبق من سلطة الطيران المدني ومطار الخرطوم ، والذي لا يشمل إنزال ركاب بالسودان؛ وذلك وفقاً للتوجيه الصادر من الطيران المدني.

http://www.m9c.net/

طيب بالمنطق البسيط طائرات الشحن دى ! رحعت فاضية ؟
اكيد لا .
غالبا رجعت محملة بما لذ و طاب من الفواكه السودانية الاورقانك و الخضروات الخالية من السموم و مياه الصرف الصحي

اهلا الهادى
الزول ده والله مجتهد اجتهاد شديد ، اعتقد اثر فى شباب كتيرين إيجابا.
يقال ان السوق المحلى يخلو من الأنواع الممتازة من الفواكه والخضروات بسبب التصدير