Post: #1
Title: مساعدة عاجلة: محتاج أيميل قوي الحرية والتغير .. أو مكتب رئيس الوزراء.
Author: Biraima M Adam
Date: 05-01-2020, 05:11 PM
Parent: #0
05:11 PM May, 01 2020 سودانيز اون لاين
Biraima M Adam-أمريكا الشمالية
مكتبتى
رابط مختصر
محتاج أيميل قوي الحرية والتغير .. أو إيميل مكتب رئيس الوزراء.
وينوبكم ثواب ..
بريمة
|
Post: #2
Title: Re: مساعدة عاجلة: محتاج أيميل قوي الحرية والت�
Author: خضر الطيب
Date: 05-01-2020, 05:37 PM
Parent: #1
عاوز بيهم شنو ؟
[email protected]
|
Post: #3
Title: Re: مساعدة عاجلة: محتاج أيميل قوي الحرية والت�
Author: Biraima M Adam
Date: 05-01-2020, 05:55 PM
Parent: #2
ألف شكر .. ول أبا خضر،
---------------------------
أجدع ناس قوي الحرية والتغيير ..
بريمة
|
Post: #4
Title: Re: مساعدة عاجلة: محتاج أيميل قوي الحرية والت�
Author: خضر الطيب
Date: 05-01-2020, 06:09 PM
Parent: #3
| Quote: أجدع ناس قوي الحرية والتغيير .. |
نعم هم اجدع ناس
لكن ما بجدعو ليك ديل ناسنا حصرياً ما مطلوقين ساي
ههههههه
|
Post: #5
Title: Re: مساعدة عاجلة: محتاج أيميل قوي الحرية والت�
Author: Biraima M Adam
Date: 05-01-2020, 06:40 PM
Parent: #4
ول أبا خضر،
ههههاي .. مبالغة!!
بريمة
|
Post: #6
Title: Re: مساعدة عاجلة: محتاج أيميل قوي الحرية والت�
Author: Deng
Date: 05-01-2020, 10:29 PM
Parent: #5
يا ساتر!!
أنت برضوا مدور عبابير في رمضان؟
|
Post: #7
Title: Re: مساعدة عاجلة: محتاج أيميل قوي الحرية والت�
Author: Biraima M Adam
Date: 05-02-2020, 02:21 AM
Parent: #6
Quote: يا ساتر!!
أنت برضوا مدور عبابير في رمضان؟ |
العبار دينق، أنتم طبيبن من الكورونا ...
أنت من زمن العبابير!! الكورونا ما خلت لينا حيل .. تضامنكم معنا في محنتنا.
بريمة
|
Post: #8
Title: Re: مساعدة عاجلة: محتاج أيميل قوي الحرية والت�
Author: اخلاص عبدالرحمن المشرف
Date: 05-02-2020, 02:31 AM
Parent: #7
بريمة !!!!
ما كنت كويس وقاعد معانا
داير تبقي من ناس الرئاسات ؟!!
غايتو اي منصب دايرة انا أثني
وكمان كان بقي مطالب مستعدين لبرقيات التأييد
ونشد من آزركم ، المظاهرات ما معانا مع الكورونا
|
Post: #9
Title: Re: مساعدة عاجلة: محتاج أيميل قوي الحرية والت�
Author: Biraima M Adam
Date: 05-02-2020, 02:53 AM
Parent: #8
مرحب بت أبا دكتورة إخلاص،
نحن عايزين نساعد قوي الحرية والتغيير .. في أمر ولاية جنوب كردفان .. وعايزين نكون جسم أستشاري من خبراء كثر وفي مجالات متعددة يساعدهم في قراءة حاضر ومستقبل الولاية من خلال فهم اتجاهات الرأي السائدة في الولاية.
أها رأيك شنو؛ هدف سامي أم لا؟
بريمة
|
Post: #10
Title: Re: مساعدة عاجلة: محتاج أيميل قوي الحرية والت�
Author: اخلاص عبدالرحمن المشرف
Date: 05-02-2020, 03:06 AM
Parent: #9
وده المفروض يكون ، هدف سامي و في مصلحة الوطن
ناس الحرية والتغيير احياناً زي ال بساعدوا في قبر
أبو ويدس المحافير ، ربنا ينير بصيرتهم وينير بصيرة
من لديه حق النقض من باقي القوي ، قول يا رب
|
Post: #11
Title: Re: مساعدة عاجلة: محتاج أيميل قوي الحرية والت�
Author: Biraima M Adam
Date: 05-02-2020, 03:18 AM
Parent: #10
بت أبا دكتورة إخلاص،
أنت عارفه .. الناس الذين تحدثت إليهم .. فاهمين أن النظام السابق فرض عزلة علي الولاية .. وشرد أبناءها .. ونفرهم حتى من الانفتاح علي أخوتهم في القوي السياسية.
في ذات الوقت كانت القوي السياسية مشغولة بأمر إسقاط النظام .. ولم يكن بمقدورها قراءة اتجاهات الرأي في الولاية ..
المهم حصلت فجوة .. أو في بعض الأحيان قطيعة .. معرفية ..
تلك الفجوة نحن عايزين نسدها .. لهم .. وما عايزين لا جزاءً لا شكوراً .. بل خدمة نحسبها لوطننا الكبير ولأنفسنا .. لا لأحد.
بريمة
|
Post: #12
Title: Re: مساعدة عاجلة: محتاج أيميل قوي الحرية والت�
Author: Deng
Date: 05-02-2020, 04:42 AM
Parent: #11
العبار بريمة.
قالوا أنت عامل مدسي في بيتك من الكرونا ومشاوريك بقت قليلة جدا.
بس عبابير رمضان دي حيرتني! بعدين الفتوى بتاعت عدم الصيام دي لقيتها وين بالله؟
نرجع لموضوع البوست.
يا دكتورة إخلاص. العبار بريمة أهدافه دائما غير سامية، وهو كان من مؤيدي النظام البائد. وأكيد الان عاوز يريشح للناس كوز لمنصب والي جبال النوبة.
|
Post: #13
Title: Re: مساعدة عاجلة: محتاج أيميل قوي الحرية والت�
Author: adil amin
Date: 05-02-2020, 06:01 AM
Parent: #12
داير بي ق ح ت شنو ؟؟؟
والله فعلا الغرقان يتعلق بي زبد البحر
بعاعيت مايو ديل لو بسمعو الكلام وبشوفو ما كانو صفرو العداد وكان التزمو بي المشاريع الوطنية السودانية ((الفدرالية الحقيقية ))) وهي ثلاثة
ديا فاضين من الشللية وللجدة السدس والمحاصصة والورجغة في فضائيات الجزيرة والعربية
اهو كل واحد من حمدوك لي البوشي عامل ليه حساب في تويتر وقاشر بيه لا بودى ولا بجيب وترندات والعالم كورونا
بدل الشعب يباري رموز وطنية حقيقية ومشاريع وطنية الحقيقية
ذى رؤية الحزب الجمهوري اسس دستور السودان 1955
اتفاقية اديس ابابا ودستور 1974
اتفافية نيفاشا ودستور 2005
مباري خيال ماتة قح ت وتجمع المهنيين ومن وراهم اخس مخابرات العالم ودول الجوار
اصحي يا بريش
تعرف الشعار ده يا بريمة معناه شنو ؟؟
https://top4top.io/
زول مباري الترابي ولي بابكر عوض الله ولي عبدالناصر ولي صدام حسين ولي القرضاوي ما بفيدك في السودان
يا ارجع انصاري وامسك الراتب او ختمي امسك المولد او ابقى جمهوري زول فكر وذكر واو حركة شعبية نسخة جون قرنق وكون سوداني ذكي
غير كده
خضر البطة ده بدخلك جحر ضب خرب ويكون ده اميل الامن اللاوطني
محاسن جيبي كمامة
|
Post: #14
Title: Re: مساعدة عاجلة: محتاج أيميل قوي الحرية والت�
Author: adil amin
Date: 05-02-2020, 06:15 AM
Parent: #13
| Quote: زول مباري الترابي ولي بابكر عوض الله |
تصحيح زول كان مباري الترابي انقلاب 1989 وبابكر عوض الله انقلاب 1969 حتي تكتمل الصورة \
غير الراتب ما في شيء بفكك من الكرونة ضعف المناعة سببه الحالة النفسية والحالة النفسية مرتبطة بي الحالة الروحية للشخصوالاتزان الروحي للزول السوداني هو ربط نفسه بي عقل المعاد وتزكية النفس
وافضل دعاء في العالم علي الاطلاق هو راتب المهدي ولذلك حارب الكرونة بي الراتب واطلق الدعاء في البيت بكرة واصيلا
الكرونة دي رجز يصيب اهل الرجز من الفراعنة والمستكبرين
https://top4top.io/https://top4top.io/
روح عالية مرتبطة بالغيب معناها نفسيات عالية ودي بترفع الجهاز المناعي للانسان وذى ما شايف العلاج الوحيد للكرونا الان جهازك المناعي يكون قوي
والعجايز الماتو ديل لاسباب نفسية لوجودهم مهملين في ماوي العجزة وثقافة التخلص منهم لعدم جدواهم وهذا امر مشين جدا جدا
نظرية المناعة في الفكرة الجمهورية ان تعيش اللحظة الحاضرة وتكون مع الله والله موجود في (الان )وهذا الاتصال بالقوة العظمي يقويك واما جولان العقل بين ما زاغ البصر وما طغي الماضي والمستقبل يربطك بالنجوى والنجوي من الشيطان يجعلك تتندم علي الماضي او تخاف من المستقبل ويجلب الاكتئاب ثم ضعف المناعة ثم المرض ..
.رائيك شنو في النفحة الرمضانية دي من خالك جقود
مش احسن من رجس الترابي وسفاهة ق ح ت وعلمانييو
https://top4top.io/
|
Post: #15
Title: Re: مساعدة عاجلة: محتاج أيميل قوي الحرية والت�
Author: Biraima M Adam
Date: 05-02-2020, 08:45 AM
Parent: #14
| Quote: بعدين الفتوى بتاعت عدم الصيام دي لقيتها وين بالله؟ |
قال صيام !!
نحن لا تهمنا السياسة .. بقدر ما يهمنا واقع الناس والحياة في جنوب كردفان ..
قوي الحرية والتحرير كجهاز تنفيذي .. تحتاج ل "ثنك تانك" أي منظومة معرفية متخصصه في شئون الولاية ..
و"الثنك تانك" دائماً تأخذ بمواقفهم عشان تقارن بها أجندتك أو المتاح لديك من المعرفة ..
وفي النهاية تأخذ برأيك أو برأي ال "ثنك تانك" هي مسألة تفضيل خيارات .. بمعنى أخر أنت أمتلكت المعلومة.
نديك أخبار البلد، ولاية فرجينيا وميرلاند وصل عدد الموتي اليوم أكثر من 2000 نسمة .. ومقاطعة فيرفاكس التي تريد محاومتها بها وحدها أكثر من 3200 حالة مرضية.
حلتنا نحن موبوءة حتى أضنيها .. أسأل الكرمبا ..
بالأمس، مشيت واشنطن دي سي، سرت من الكنغرس إلي ال "يونيون أستيشن" لم يقابلي ولا سائح واحد .. ولم يقابلني إلا شباب فرادي يركضون ..
حتى ناس ال "هوم لييس" تركوا المكان .. ولا أثر لهم ..
بالأمس برضو ناس كلفورنيا كفروا بقرارات حكومة الولاية .. 48 ألف ذهبوا البيتش .. ومتوقعين نهاية هذا الأسبوع زخم أكبر ..
الكورونا دخل للأمريكان في اللحم الحي ..
بريمة
|
Post: #16
Title: Re: مساعدة عاجلة: محتاج أيميل قوي الحرية والت�
Author: عمر سعيد علي
Date: 05-02-2020, 09:53 AM
Parent: #15
Quote: نحن عايزين نساعد قوي الحرية والتغيير .. في أمر ولاية جنوب كردفان .. وعايزين نكون جسم أستشاري من خبراء كثر وفي مجالات متعددة يساعدهم في قراءة حاضر ومستقبل الولاية من خلال فهم اتجاهات الرأي السائدة في الولاية.
أها رأيك شنو؛ هدف سامي أم لا؟ |
هدف سامي جداً يا بريمة . .
لكن لو ظهر جسم تاني وقالو انهم مختلفين معاكم في رؤيتكم وناس بريمة ديل ما فاهمين اي حاجة . . اها رئيس الوزراء يعمل شنو في الحالة دي ؟
طبعاً الاحتمال ده وارد جداً جداً . . لانو نحن السودانيين ديل كل واحد فينا مفتكر انو هو العندو المفتاح ومافي زول بفهم اكتر منو . .
|
|