Post: #1
Title: العاطل دا يشوف ليه شغلة بعيد من لجنة إزالة التمكين،
Author: عبدالعظيم عثمان
Date: 05-01-2020, 09:57 AM
09:57 AM May, 01 2020 سودانيز اون لاين
عبدالعظيم عثمان-
مكتبتى
رابط مختصر
*هزم المهدي وعائلته و انتصرت لجنة التفكيك*
تعديلات جوهرية جديده مهمة على قانون تفكيك نظام الثلاثين من يونيو ١٩٨٩ وإزالة التمكين المنشور في الجريده الرسميه اليوم تمنح اللجنه حق حجز واسترداد اي اموال ناتجه عن أعمال التمكين او اي فعل من أفعال الفساد ،،،
بهذا التعديل يكون قد حسم الجدل حول صلاحية اللجنه في استرداد الأموال لخزينة الدوله مباشرة دون اللجوء للقضاء،،،
بالاضافه لذلك شملت التعديلات انشاء نيابة مختصة بقضايا التمكين ولجنة خاصة بادارة الأموال المسترد كما أن التعديلات الجديده منحت الدولة والأشخاص حق المطالبه بالتعويض عن فوات الكسب او تسبيب الخساره عن أي فعل من أفعال الفساد او التمكين الوارده في قانون إزالة التمكين،،،
وهنالك تعديلات نوعيه مهمة سدث الثغرات والثقوب ومنحت القانون قوة اضافيه تمنح الأفراد المبلغين عن الفساد حق التمتع بالحصانه وتعزز سلطات اللجنة وتمنحها صلاحيات كبيرة لنزع اوتاد التمكين الانقاذي وملاحقة قضايا الفساد ونهب الأموال العامه،،،،
للمزيد من المعرفه راجعوا القانون المنشور في الجريده الرسميه بوزارة العدل بتاريخ اليوم الخميس الموافق ٣٠ أبريل ٢٠٢٠،،،
وطبعا قطعا لأي تاويلات سياسيه عن اسباب احتجاب اللجنه اليوم الخميس عن الظهور فإن السبب الراجح والمعقول هو التزام اللجنة باشتراطات نشر القانون في الجريده وذلك حتى نفاذ فترة علم الكافة بالقانون واستيفاء مدة السريان بحسب نص (٩)من قانون تفسير القوانين والنصوص العامه وهى شهر من تاريخ نشر القانون في الجريده الرسميه،،،،
*عبدالمطلب عطية الله*
*المحامي*
|
Post: #2
Title: Re: العاطل دا يشوف ليه شغلة بعيد من لجنة إزالة
Author: عبدالعظيم عثمان
Date: 05-01-2020, 02:41 PM
Parent: #1
عاوز يعمل عقد اجتماعي موازي لإعلان الحرية والتغيير
وعاوز يعمل مفوضية موازية للجنة إزالة التمكين
عاوز يورث الثورة بي لجان المقاومة
غايتو زول بيأذي البلد والثورة زي عمك دا مافي
|
Post: #3
Title: Re: العاطل دا يشوف ليه شغلة بعيد من لجنة إزالة
Author: السنجك عثمان
Date: 05-01-2020, 02:57 PM
Parent: #2
شغل نضيف
|
Post: #4
Title: Re: العاطل دا يشوف ليه شغلة بعيد من لجنة إزالة
Author: عبدالعظيم عثمان
Date: 05-01-2020, 03:51 PM
Parent: #3
عمك دا متجرس من لجنة إزالة التمكين
أكثر من الكيزان
هو عاوز يصل لشنو
|
Post: #5
Title: Re: العاطل دا يشوف ليه شغلة بعيد من لجنة إزالة
Author: adil amin
Date: 05-01-2020, 04:03 PM
Parent: #4
حتركبو التونسية قريب
البلدورز مهاتير ازال الكيزان بي المحكمة الدستورية والمراجع العام والاعلام الحر والانتخاباات
وانتو خليكم كده بس مع اللجنة والعدالة المشوهة والعمل غير الدستوري والتشفي وتصفية الحسابات
واعلامكم الهذيل ده
بكره تسمعو البيان الاول
|
Post: #6
Title: Re: العاطل دا يشوف ليه شغلة بعيد من لجنة إزالة
Author: محمد البشرى الخضر
Date: 05-01-2020, 04:32 PM
Parent: #5
طيب وقت عاطل و عايز العمايل دي كلها ما تخلوه في حاله!
الدنيا كلها قايمة وقاعدة بتحج عنده ليه! بي زولكم دا
|
Post: #7
Title: Re: العاطل دا يشوف ليه شغلة بعيد من لجنة إزالة
Author: عبدالعظيم عثمان
Date: 05-01-2020, 06:19 PM
Parent: #6
بعد التوقيع على إعلان الحرية والتغيير
عمك حاول يعمل حاجة كدا اسمها الخلاص الوطني
قدر ما الناس حاولوا يفهموه انه الكلام البيعمل فيه
دا كلام فارغ وشغل موازي بيضعف الثورة
ركب راسه وأعلن عنها وفي النهاية راحت شمار في مرقة
هسي العقد الاجتماعي دا برضه حيروح شمار في مرقة
|
|