Post: #1
Title: حرابة بين جيش من المتفلتين و الشرطة في امبدة
Author: Osman Musa
Date: 04-29-2020, 08:30 AM
08:30 AM April, 29 2020 سودانيز اون لاين
Osman Musa-
مكتبتى
رابط مختصر
هجمات خطافية كاسحة لمجموعات من المتفلتين علي سوق
الحارات 20 و 21 امبدة .
العصابات اكتسحت السوق واطلقت اعيرة نارية و ملتوفات
علي الشرطة . مع استعمال السواطير و السكاكين.
الشرطة استطاعت اخماد الهجمات . وتجري التمشيط
حارة حارة .
نرجو من الشرطة استعمال القانون لحماية المواطنين
واملاك المواطنين .
ونرجو من الحكومة الالتفات الي ضيق المعايش
والبطالة وندرة الخدمات .
|
Post: #2
Title: Re: حرابة بين جيش من المتفلتين و الشرطة في ام�
Author: Biraima M Adam
Date: 04-29-2020, 08:43 AM
Parent: #1
[dakred]في أمريكا بدأ كسر العربات التي تأتي إلي محلات الأسواق (الشوبنق) .. والبوليس علل السبب بالحوجة الماسة للمواطنين للمواد الغذائية.
الله يستر يا ول أبا عثمان.
بريمة
|
Post: #3
Title: Re: حرابة بين جيش من المتفلتين و الشرطة في ام�
Author: Osman Musa
Date: 04-29-2020, 09:22 AM
Parent: #2
أخونا بريمة سلامات
في دردشة تكيف مع أصحاب أمريكان من منطقة فلات بوش
في بروكلن المنطقة الصعبة و المتمردة . دي يا بريمة حلة مايك تايسون .
تخيل .
بتذكر الدردشة كانت عن أفلام ال barbershop
عن فيلم اظنو إنتاج 2002 بطولة ايس كيوب . القصة كلها بتدور
في المكان الاصعب من منطقة فلات بوش زاتو .
القصة كلها عن الحياة الاجتماعية في جنوب شيكاغو.
هيع.
جنوب شيكاغو الترمومتر حق احول المدن .
علي كل حال يأ أخ بريمة انا .
الفهم المرقتبو من الدردشة مع الاصحاب ديل
انو متابعة أفلام زي دي ضروري لتفادي
الجريمة وضروري للحفاظ علي التماسك و التعاون .
وأفلام دكان الحلاقة أفلام محبوبة لعموم الشعب
الأمريكي . وحتي بتكون عبارة عن كورسات
مجانية يتعلم منها حكام الولايات و تتعلم منها
الشرطة . عشان المخرجين و المنتجين والابطال
بكونوا اكتر فهم من بعض حكام الولايات .
في السودان أيام الإنقاذ حاكم الولاية همو كلو لملمة
تحصيل النفايات .
و معايش المواطن تروح في ستين داهية .
ارجو يا بريمة أن لا يستمر الحال كما كان .
وربنا يبعد الفتنة .
|
Post: #4
Title: Re: حرابة بين جيش من المتفلتين و الشرطة في ام�
Author: Osman Musa
Date: 04-29-2020, 10:35 AM
Parent: #3
بعد ما وقفت عجاجة الكعة والشرطة اخدت نفس .
رجعت الشرطة للتمشيط.
الكويس انو الشرطة من كنرة
العنكبات و الكر و الفر أصبح عندها خبرة ماهلة في
قصص التفلتات .
بعد التمشيط الشرطة قدرت تقبض حوالي 12 من
المتفلتين .
لكن شنو العلاج .
الموضوع محتاج شغل .
|
Post: #5
Title: Re: حرابة بين جيش من المتفلتين و الشرطة في ام�
Author: Osman Musa
Date: 04-29-2020, 01:03 PM
Parent: #4
أخونا بريمة
حاول ختلينا الفيلم ده بلاي ضروري للاهمية .
فيلم ( 2002 barbershòp )
دكان الحلاقة
بطولة الفنان و الممثل القدير ايس كيوب .
ولاحظ كيف بتبتدي و بتكون جرايم
المتفلتين في الاحياء الشعبية .
لاحظ سرقة الصراف الالي كلو . ال atm
لكن يا بريمة هنا في الفيلم دكان الحلاقة
بكون عبارة عن مدرسة للهداية و للنصيحة
و تعليم الناس الاستقامة .
والبعد عن السبهللية .
..
عليك الله حاول خت الفيلم الممتاز ده
مع جزيل الشكر
|
Post: #6
Title: Re: حرابة بين جيش من المتفلتين و الشرطة في ام�
Author: Hani Arabi Mohamed
Date: 04-29-2020, 01:23 PM
Parent: #5
المشكلة الأمور تسير إلى الأسوأ
سيحصل انهيار صحي وأمني فجأة
|
Post: #7
Title: Re: حرابة بين جيش من المتفلتين و الشرطة في ام�
Author: Osman Musa
Date: 04-29-2020, 02:31 PM
Parent: #6
أخونا أستاذ هاني سلام .
رمضان كريم .
الحمد لله السودان مقارنة بالجيران في الشرق و الشمال وضعنا احسن .
نحنا مافي شي حيضيعنا إلا السلام باليد و المطايبات و اللملمة قدام
مداخل المستشفيات و صفوف العيش و الغاز و التمباك .
عندنا كرور من القنوات التلفزيونية كلها ما جادة في التوعية .
مفروض تكون في توعية .
ضباط الجيش و البوليس مفروض تلف الاحياء بالمكبرات للتوعية
ويكون الكلام طالع من وزارة الصحة .
ربك يحفظ أهل السودان
|
Post: #8
Title: Re: حرابة بين جيش من المتفلتين و الشرطة في ام�
Author: د عبد الرحيم عبد الحليم
Date: 04-29-2020, 03:18 PM
Parent: #5
نحتاج لادارة قديرة في ما يسمى وزارة الرعاية الاجتماعية لرعاية ومساعدة هذه الفئات
|
Post: #10
Title: Re: حرابة بين جيش من المتفلتين و الشرطة في ام�
Author: Osman Musa
Date: 04-29-2020, 04:45 PM
Parent: #8
مرحبتين د. عبدالرحيم
رمضان كريم
عان جاي يا دكتور مع الكورونا كمان جابت ليها سواطير و فرارير و حراب
و سكاكين و مطاوي ونار حية .
مسكين السودان يسدوها بي جاي تتقده بي جاي .
|
Post: #9
Title: Re: حرابة بين جيش من المتفلتين و الشرطة في ام�
Author: Osman Musa
Date: 04-29-2020, 03:30 PM
Parent: #2
يا بريمة ياخ كب الفيلم
فيلم دكان الحلاقة .
عشان الناس تتابع كيف العطالة بتساعد في تفلتات الشباب .
وثم كيف يكون العلاج .
فيلم عظيم .
|
|