قصة آلاء البوشي والشرطي .. مقال مؤثر لهاجر سليمان

06:20 PM April, 26 2020

سودانيز اون لاين
علي عبدالوهاب عثمان-جدة
مكتبتى
رابط مختصر

امس قرأت خبر تصرف شرطي شاب مع وزيرة الشباب ابنتنا آلاء البوشي
عن ايقاف سيارتها اثناء حظر التجوال
وتدخل وزير الداخلية وأوقف الشرطي في الحبس
لم أتعاطف مع الشرطي الشاب واعتبرت الموضوع عدم احترام لمنصب دستوري
ولا يمكن لوزير الداخلية أن يتخذ القرار هكذا

ولكن اليوم قرأت مقال مؤثر لهاجر سليمان .. احيانا الكلمة تكون مؤثرة
رجعت اتعاطف مع الشرطي الشاب ..

أجزم أنني في يوم من الايام لم أكن جديراً بأن أكون صاحب قرار
جزى الله التدريس خيراً كانت أنسب مهنة لنا ربما جاءت متوافقة مع تكويني
ما ممكن أتعاطف مع الابنة آلاء وبعد قراءة المقال
بدأت أميل نحو الشرطي الشاب

لأن نموذج تخطي التفيش والصفوف وأخذ الأولوية في المعاملات وغيرها
ثقافة مجزرة في الخليج وهي ممارسة ترفع الضغط ..

أذكر تلك الوزيرة السويدية التي استقالت من منصبها لأن الشرطي وجد أنها ( شاربة كاس عرقي )
ويمكن السويد ممنوع القيادة مع العرقي

ملخص كلام هاجر أن البوشي المفروض تشد على يد الشاب وتشكره على تطبيق قرار مجلس الوزراء

في ارقى دول العالم الاول فى اوربا وامريكا نجد ان القانون يطبق على الجميع فالكل سواء امام القانون لافرق بين عاطل وموظف او وزير وخفير جميعهم يخضعون للقانون ونجد ان الوزراء والمسئولين والدستوريين هم الاكثر حرصا على تطبيق القانون وهم بحرصهم كأنما يحثون طبقات المجتمع على احترام القانون وسيادة الدولة ، الا انه فى مجتمعنا السودان نجد ان مايحدث هنا يختلف تماما عما يحدث فى دول العالم الاول هنا فى بلادنا هنالك طبقات متفاوتة فى اسلوب خضوعها للقانون والجميع ليسوا سواء امامه فهناك الغنى الذي يمر دون حساب وهنالك من يتحايل على القانون وهنالك من يطبق عليه القانون بتشفى لانه لا يمتلك الثروة وماعندو ضهر وهؤلاء يطبق عليهم القانون بتشفى اما الوزراء والساسة فى بلادى فحدث ولا حرج بعضهم لايخرق القانون فحسب بل حتى بامكانه ان يسئ للسلطة التنفيذية ممثلة فى عناصر الاجهزة النظامية المختلفة وعلى رأسها الشرطة ومؤخرا لاحظنا ملاحظة مؤسفة حيث لاحظنا ان الشرطة باتت شماعة من لا شماعة له واصبح الشرطى هو الحيطة القصيرة التى تعلق عليها سؤ الفعال وهو ملطشة الاطباء والوزراء والمواطنون وفقد الشرطى هيبته وذلك بفضل بعض قياداته وقيادات الدولة التى تسعى لتصفية حسابات الشرطة ليست طرفا فيها.
اولا قرار الحظر الذي اتخذته حكومتك ياولاء البوشي كان الاولى ان تبدأ الحكومة نفسها بتطبيقه بحذافيره قبل ان تلزم الشعب به، القرار يطبق بواسطة الشرطة وغيرها من القوات النظامية وانتى لستى فوق القانون انتى مثلك مثل اى مواطن كما حمل شعار حكومتك حرية ..سلام .. وعدالة اليس من العدالة ان تخضع الوزيرة لانفاذ القانون كما يخضع له الشعب ام انكم تريدون تطبيق سياسة الكيل بمكيالين مكيال للمسئولين يتم تدليلهم فيه واخر للشعب يذلوا من خلاله ايما اذلال، لا ياسيدة لا اعتقد ان الشرطى اساء الادب معك فربما انت من اسأتى اليه وحقرتيه حتى ولو بنظرة تحمل فى طياتها الذل والهوان ، نعم الشرطى لدينا لا يسعى لاساءة التصرف الا حينما يجد سؤ معاملة من الطرف الاخر والدليل على ذلك ياسيدة اننى لعدة مرات اقود سيارتى فى طريق عودتى للمنزل او فى طريقي لقضاء بعض المهام واكون عابرة للكبارى والشوارع والطرقات ويكون ذلك ليس فى فترة السماح بل اثناء الحظر وفى المساء ويتم توقيفي فى عدة نقاط ارتكاز والشرطى من على البعد يشير لى بابراز اذن او تصريح العبور وبالفعل اخرج الاذن وابرزه وبعد قراءته يسمح لى بالعبور دون سؤال يا سيدة ولاء قسما طيلة فترات تجوالى لم يسئ اى شرطى التعامل معى ودوما ماتكون بيننا مسافات حتى الاشارة بابراز اذن السير تكون بحركة يد ومن بعيد لذلك راجعى نفسك حتما انتى من اسأتى للشرطى ورجال شرطتنا حينما يجدون اساءة خاصة اذا كانت من انثى حتما ستجد ردا رادعا كان الاولى لكى ان تكسبي تعاطف الناس لو كنتى اتعاملتى بحسن تصرف والاخلاق اقسام وحسن التصرف طبع وسمة جيدة لاتتوفر لدى مسئولينا فمن اللباقة ياهذه بمجرد ان اوقفك الشرطى وابرزتى اذن عبورك رغم انه عرفك ولم ينكر ذلك وهذا امر اكبرته في ذلك الشرطى الهمام كان بامكانك وقتها ان تنزلى من مركبتك لانك وزيرة وتسجلى اشادة بالقوة لان تمسكهم بتطبيق القانون معك يعنى تمسكهم مع الجميع وبالتالى يعنى انهم يطبقون تعليمات مجلس وزراءك بالحرف وبتشدد لذلك كان الاولى لكى ان تشدى من أزرهم باشادة ومدح لا ان تجرى اتصال بوزير الداخلية والذي سارع بايقاف الشرطى والتحقيق معه ..
الشرطى لم يطلب رشوة ولم يأتى منمرا وكان يؤدى واجبه فعلام الايقاف ياوزير الداخلية مواقفكم هذه هى التى تضعف من دور الشرطة وتفقدها هيبتها وتحبط الروح المعنوية للقوات اشهد بانى مررت بعدد كبير من نقاط ارتكازكم لم اجد الا معاملة رسمية وفى حدود المهمة لذلك كل من يطلق بوست مدعيا بان الشرطة اساءت له فاليراجع نفسه جيدا واتعجب كثيرا لمن يكذبون ويبدعون فى الكذب والادعاءات ونقولها للمرة الالف ياولاء ليس مكتوبا على جبينك وزيرة ومن حق الشرطى ان يوقفك ويقرأ الاذن الممنوح لك فهذا عمله كما تؤدين انتى عملك ولو ماعجبك الغوا الحظر لاننا حنخالف الحظر كلنا فما لايطبق على المسئولين لا ينطبق علينا نحن الشعب وان تضايقتى انتى من بضع ثوانى اوقفك اياها شرطي للمراجعة فنحن نتضايق اكثر منك لساعات نقفها فى صفوف الوقود والغاز والرغيف فى الاحياء
كسرة ..
ياوزير الداخلية القانون يطبق على الجميع دعوا سياسة الكبكبة والاندلاق التى تمارسونها على منسوبيكم استجابة لشكاوى فارغة تأتيكم من الساسة ومراهقى الحكومة وبتهيأ لى الماقادر يملا قاشو فى المنصب الاولى له ان يخرج من التشكيلة بكرامته.

سلام حبيبنا علي
طالما هناك تصريح مرور ، بغض النظر عن حامله، مفروض الشرطي يسمح بالمرور
اصلا التصريح ده صادر من وين ؟
ثم بعدين ياخ دي وزيرة ..
قبل يومين الشرطة أهانت طبيب ووضعته في الحبس ..
الشرطة أفرادها يحتاجون لتوعية .. لازال اسلوبهم يشبه اسلوب شرطة النظام المغبور

حبيبنا حيدر .. شكرا على المداخلة
يبدو الشرطة لديها موقف سلبي مع الثوار
قرات أنه كان هناك هناك ضد الشرطة ( حاجة كده الكجر .. ما فهت الموضوع )
وما عارف المقصود من الكجر ..

وإذا صح الكلام تلك مرحلة وانتهت

لا بد من نوع من التواصل بين الثوار والشرطة
حتى البعض يقول ان هناك نوع من التراخي من الشرطة

افتكر الموضوع عميق وهذه ظواهر فقط


تحياتي الحبيب حيدر ..

الأخ على عبد الوهاب..
عشان نعلق بموضوعية أرجو (لو تعلم) سرد الوقائع كما هى..
و كما تعلم يا حبيبنا لا أعلق على خبر حتى أحيط بجوانبهم.. ماذا فعلت الااء، و ماذا فعل الشرطى، ثم ماذا كان تصرف الاء و ماذا قالت؟
تحياتى

الحبيب ابريش ... تحياتي
صدقني سبب البوست لأعرف حقيقة الموضوع
الآن جاءت المداخلات من الاحباب
وظهرت الحقيقة من بيان الشرطة

واحدة من اهم فوائد سودانيز .. قبل حبس الكورونا كنا نقرأ الخبر وخلاص
ولكن الآن لدينا وقت فائض الكبير
حقيقة في سودانيز الاحباب عندهم أحدث الاخبار

التحية حبيبنا ابريش .. جميل ان تتحرى الحقيقة ..

رمضان كريم على الجميع .. تصوموا وتفطروا على خير.

Quote: الشرطة تكشف تفاصيل جديدة بشأن حادثة وزيرة الرياضة مع أحد منسوبيها منذ 18 ساعة 0 نفت قوات الشرطة، مايتم تداوله حول تقديم وزيرة الشباب والرياضة، ولاء البوشي إتهامات جنائية ضد الشرطي عقب تعرضها للتجاوز بأحد الإرتكازات التى تنفذ إجراءات حظر التجول (الصحى) بولاية الخرطوم. وقالت الشرطة في بيان لها انه تم تكليف ضابط شرطة للتقييم المبدئي والإحاطة بتفاصيل الشكوى ومن ثم أحيلت بطبيعة الحال للتحقيق حولها وفق الضوابط الادارية والقانونية المعلومة. واضاف البيان أن الوزيرة لم توجه أى إتهامات جنائية للشرطي ، كما راجت بعض الشائعات بوسائط التواصل الإجتماعى وإنحصرت الشكوى فى تأخيرها وحجزها بالموقع المحدد رغم أنها تحمل “تصريح مرور” مكتوب صادر من الجهات المختصة . وأكدت رئاسة قوات الشرطة أن الواقعة ستجد التحقيق العادل بحياد وشفافية بما يستجلى الحقائق كاملة والإلتزام الصارم بتحقيق العدالة وسيادة حكم القانون وتنفيذ المعالجات الإدارية اللازمة، وتجدد التزامها بتقييم وترقية الأداء المهنى بصورة مستمرة بما يحقق الأهداف. وأشارت الى ان الوزيرة تقدمت بشكوى لوزارة الداخلية عبر مجلس الوزراء الإنتقالي وذلك عقب تعرضها لتجاوز من احد منسوبي الشرطة بأحد الإرتكازات التى تنفذ إجراءات حظر التجول (الصحى) بولاية الخرطوم خلال يوم 24 أبريل ٢٠٢٠م .

قبل الحقيقة تظهر الكاتبة تتحدث وكأنها كانت فى موقع الحدث!!!.

تيتاوي حبيبنا .. يا سلام اسم تيتي في القلب
شكرا كثير كثير على نقل البيان
هذه فائدة سودانيز تأتيك الحقيقة من حيث لا تدري
لذلك عندما اتشكك في اي موضوع على طول بوست في سودانيز
لأنك تجد الحقيقة ناصعة ومناقشات ووجهات نظر وبعد الاطلاع
يكون الشخص على دراية وحقيقة كاملة
يكفي هذه العبارة في البيان

((( واضاف البيان أن الوزيرة لم توجه أى إتهامات جنائية للشرطي ، كما راجت بعض الشائعات
بوسائط التواصل الإجتماعى وإنحصرت الشكوى فى تأخيرها وحجزها بالموقع المحدد
رغم أنها تحمل “تصريح مرور” مكتوب صادر من الجهات المختصة ))))

اذن الصحفية تقصد الوزيرة .. رغم أنها قرأت البيان ..

شكرا كثير كثير الحبيب تيتاوي .. على توضح الحقيقة .. حسب العمر ربما
مقدرة البحث عندنا شوية تعبانه ..
لكن مع سودانيز ما في مشكلة ..

الأهم الرؤيا اصبحت واضحة بالنسبة لي مع شكري

هاجر سليمان دي الكوزة شاعرة الدبابين بتاعة رمبيك يا رمبيك الشمس في واديك لبست ثياب الدم؟

Quote: لا اعتقد ان الشرطى اساء الادب معك فربما انت من اسأتى اليه وحقرتيه حتى ولو بنظرة تحمل فى طياتها الذل والهوان لذلك راجعى نفسك حتما انتى من اسأتى للشرطى

قرف يقرفها الكوزة
نجرت ليها سيناريو من راسها وبقت تحاكم بناء عليه
لا وكمان بقت تتخيل في بت البوشي وهي بتعاين للعسكري بي حقارة
الغرض مرض .. الله يمرضك يا كوزة زي ما مرضتينا 30 سنة

لا وكمان قالت الشرطة بقت ملطشة للأطباء !!!!
ياخي كل يوم الدكاترة والدكتورات في الجزيرة داقينهم ناس الشرطة

وكمان بقت تتخيل في بت البوشي وهي بتعاين للعسكري بي حقارة

===================
حبيبنا احمد .. كثير خيرك يا جميل بالله هاجر كوزة وشاعرة كمان
كده عرفنا ..
والعبارة اعلاه وكأنها كانت موجودة في الموقع ( تعاين بحقارة )

شكرا الحبيب احمد

كلامك صحيح ..كان مفروض من الوزيرة الموقرة أن تشد على يد الشرطي الذي اوقفها وتديه مكافأة أو ترقية استثنائية...لأنه ليس هناك أي فرد فوق القانون حتى ولو كان رئيس الجمهورية ..ونحن من هنا نطالب وزير الداخلية بان يامر بجائزة، بل بترقية استثنائية لهذا الشرطي بدلا من حبسه...او يخلي منصبه لمن هو اجدر منه ولمن يعرف القانون وانه ليس هناك أحد فوق القانون

الابنة امتثال .. تحياتي
يا سلام .. نفس العاطفة والاحساس عندما قرأت المقال
ولكن الامور اختلفت بعد ذلك

تحياتي الابنة امتثال .. قالوا الكورونا بدأ ينحسر عندكم
عندكم حاكم ولاية حديد وقف في وجه ترامب

التحية لبناتي الاميرات عساهن بخير

ما وصلنى الان ان الشرطى له علاقة قوية (جدا) بالمؤتمر الوطتى المحلول.

Quote: وأشارت الى ان الوزيرة تقدمت بشكوى لوزارة الداخلية عبر مجلس الوزراء الإنتقالي

Quote: نفت قوات الشرطة، مايتم تداوله حول تقديم وزيرة الشباب والرياضة، ولاء البوشي إتهامات جنائية ضد الشرطي

في نفس المقال
مافهمت بينفوا في شنو ولا بيبثبتوا في شنو نانس الشرطة

الحبيب جعفر .. تحياتي
الوزيرة كانت تتحمل شوية .. لأنها قدوة وفي موقع القيادي
ولانسان القيادي لا يجاري الشخص العادي .. بكلام طيب كانت الأمور
انتهت .. طبعاً الكيزان انتهازيين وجدوا الفرصة .. وبدأوا في ترويج
أن هذه الوزيرة تحب المشاكل والصراعات وفتح البلاغات وتحب الانتقام

القيادي دائماً يكون في موقع مثالي .. ( اذا خاطبهم الجاهلون قالوا سلاما )

تحياتي الحبيب جعفر

تحياتي اخ علي عبد الوهاب
للشاكية الف حق في الشكوي لجهات الاختصاص بوزارة الداخلية ان لمست شططا في استخدام الشرطي. لصلاحياته - او رأت تجاهلا منه للتصريح الذي تحمله أوحست باستهداف وترصد ،،
هذه بديهيات وحق مشروع للشاكية ،،
* وعلي الشرطي ان يثبت انه كان ينفذ التعليمات ولم يستهدف الشاكية او يتجاهل التصريح الذي. تحمله !
وبرضو دا من حقو
ولكن يبقي السؤال موجه للفلول الذين نطو في الموضوع ضفاري
وافترضو انو موقف الوزيرة غلط والشرطي صاح وان الوزيرة سعت لتمييز نفسها وانها كان بجب ان تحمد موقف الشرطي وتثني عليه وإلا تشكوه !
نسالهم ان كان هذا موقف الشرطي دا حصل مع حميدة او عبد الرحيم محمد حسين او اخوةً البشير
هل كان الشرطي ليبيت بمنزله او يبقي بعمله او ينجو من بيوت الأشباح والتعذيب ؟
هل كان المسؤول الانقاذي سيتقدم بصورة حضارية مطالبا بالتحقيق الإداري في الواقعة ؟

يا سلام .. تشرفنا الحبيب كمال صاحب المداخلات الدسمة
طبعا الكيزان يصطادوا في الماء الصافي والعكر والضوء والظلام
هم هكذا من قبل عشرات السنين من الثانويات خليك الجامعات
الحبيب كمال أرجوك يا جميل لاتقارن اي موضوع مع الناس العهد السابق
لأنهم دون خط الصفر .. ( لأن المقارنة معناها أن لهم تأثير ) أبدأ من الثورة بدون ذكر هؤلاء
القوم .. لأن المقارنة احيانا تعطي مكانة للاخر .. لأن أي تصرف حتى لو خطأ أفضل من سلوك هؤلاء
هم ليسوا خط للمقارنة ..

دعنا نقول مثلا (( أنها تصرفت بحكمة وهذه هي البداية وهناك الكثير القادم ))

مودتي الحبيب كمال .. دائما أحب قراءة مداخلاتك ..

Quote: هاجر سليمان دي الكوزة شاعرة الدبابين بتاعة رمبيك يا رمبيك الشمس في واديك لبست ثياب الدم؟

لا ماهى هاحر دى صحفيه حوادث فى الانتباهه والايام دى بيلمعو فيها بتابه مقالات عن الفساد

بركة البقت ما هي يا عاصم
ولو إنه مقالها دة كيزاني بامتياز

Quote: وان الوزيرة سعت لتمييز نفسها

تمييز بي وين وهي حايمة بي نفسها على الشباب البلعبوا في الأحياء تحذرهم من الكورونا!

Quote: الوزيرة كانت تتحمل شوية .. لأنها قدوة وفي موقع القيادي

أخونا على
من كلامك الفوق يظهر انك اطلعت على كل جوانب المشكلة.. فهلا اشركتنا فيها؟

حبيبنا احمد .. تحياتي
قبل قليل اتصال من احد أولادنا يقول لي (يا عم علي
الكيزان حشروا والدة الشرطي في الموضوع )

يا ريت الثوار خاصة الشباب يتجاوزوا بعض الاحداث
ليفوتوا الفرصة على هؤلاء المتربصين

التحية للوزيرة الآء

شكرا كثير الحبيب احمد على المتابعة

الحبيب عاصم .. تحياتي
يا سلام كنت متوقع وجودك في البوست
صدقني يا عاصم الحبيب بس أحب أعرف رأي الناس
العاديين في مثل هذه الاشياء ..
لأن هم المعيار الحقيقي لكل شيء

احيانا أنا أحب أقرأ الرأي مخالف لي مثل ( الانتباهة )

تحياتي الحبيب عاصم .. لم نعد نصدق الصحف أو مواقع الاخبار حتى التلفزيون
المهم راي الناس اصحاب الوجع في الداخل

مودتي دائما اتابع بوستاتك

فى كلام حايم فى الواتس.. اعتقد مدسوس من الجداد الإلكتروني.. عن والدة الشرطي و انها عضو متنفذ فى المؤتمر الوطنى. اظن دا شرك ناصبينه الكيزان.

فى كلام حايم فى الواتس.. اعتقد مدسوس من الجداد الإلكتروني..
عن والدة الشرطي و انها عضو متنفذ فى المؤتمر الوطنى. اظن دا شرك ناصبينه الكيزان.

==================
الحبيب ابريش
طبعاً لخلق بعد عاطفي للموضوع .. عارفين نفسيات شعبنا الطيب

تحياتي الحبيب أبريش

ذو النون كعادته لازم يلحق المولد ويصطاد في الماء العكر يردد في رواية انو الوزيرة "رفعت" العسكري و حبسته!!
ودا كلام غريب جدا و اغبى ما اثير في الروايات المختلفة
كيف "ترفع" عسكري وسط نقطة ارتكاز مع زملائه, و الغريبة لحدي نهاية اللايف يصر و يعيد العبارة دي لأنه عارفها بتثير المشاعر

ذو النون كعادته لازم يلحق المولد ويصطاد في الماء العكر يردد في رواية انو الوزيرة "رفعت" العسكري و حبسته!!
ودا كلام غريب جدا و اغبى ما اثير في الروايات المختلفة
======================
حبيبنا البشرى ... تحياتي .. شكرا حضورك مميز دائماً
ذو النون وغيره سوف ينتهزون الفرصة .. بل يقولون انها اتصلت بالسيادي ومجلس الوزراء
وألاحظ أن البعض يبحث عن الشهرة والظهور حتى لو تم حبسه لشهور .. ثمناً للشهرة
على ميزان خالف تذكر .. الآن الشرطي مهما اختلف الناس اصبح مشهور ويشار اليه أتفاقاً أو خلافاً
نفس طريقة دسيس مان مع الشرطة ..

الحل ان يتسامى المسئولين الكبار خاصة عن الاشتباك مع العامة حتى لو شرطة أو غيرهم
لأن العوام تجد فيهم ( مختلف أنواع البشر من حيث السلوك والمزاج والتوجه ) احسن الواحد يحولها
مزحة ، هظار أو احتواء وشكر ..

تحياتي الحبيب ودالبشرى .. المشكلة كلهم يروجوا بأن آلاء البوشي تحب المشاكل
اكيد الشرطي كمان اشتهر على طريقة ذوالنون وغيرهم

خالف تذكر .. هل هو مركب نقص


بتص

الأخ علي السلام عليكم ورمضان كريم

واضح أو كما ألمحت أنت في ردودك أنك اتعاملت بالعاطفة مع القضية
أو استعجلت في الحكم متأثرا بالمقال الرادح موضوع البوست .
حسب ما عرفت أن الموضوع ما بالطريقة دي
وأن الشرطي تجاوز حدوده وحاول التسلط كما هي
عادة عساكر النظام البائد الذين يستقوون على المواطن
بالزي
أميل بشدة لتجريم الشرطي حتى يثبت العكس بالدليل القاطع
ومستعد للاعتذار له إن حدث ذلك .

Quote: نموذج تخطي التفيش والصفوف وأخذ الأولوية في المعاملات وغيرها ثقافة مجزرة في الخليج وهي ممارسة ترفع الضغط

الكلام دا في أي خليج يا أخ علي ؟؟
متواجد في الخليج ( كل الخليج ) منذ 14 عاما ويوم واحد
ما شفت صفوف بقدر ما شفت نظام في كل حاجة .

الحبيب طلحة .. تحياتي
أنا قرأت في مقال الصحفية هاجر
وقمت بإنزال الموضوع في سودانيز للتأكد من الحدث
وكذلك استقراء أراء الاحباب ومداخلاتهم حتى أعرف الحقيقة

طبعاً وقفت على الحقيقة بالكامل

قبل قليل مسئول الكهرباء يعلن عن تعرض مجموعة من الفنيين
للاعتداء
=====================

أدان وكيل وزارة الطاقة والتعدين قطاع الكهرباء، تعرض فريق طوارئ الكهرباء للإعتداء بالضرب المبرح في إحدى نقاط التفتيش اثناء عودته من صيانة طارئة، وكان يحمل كافة التصاريح اللازمة للفريق والسيارة الحكومية التي يستقلونها مساء أمس، مما تسبب في اصابات بالغة للمهندس المسئول وفني مساعد، استدعت الإستشفاء وتوقف الفريق عن العمل .
وقال المهندس خيري عبدالرحمن احمد وكيل قطاع الكهرباء في تصريح اليوم الأحد، (انني اقدر الظرف الصحي الطارئ الذي يستدعي التأكد من بقاء الناس في بيوتهم والسماح فقط لمن تستدعي طبيعة عمله التحرك طالما كان يحمل التصاريح اللازمة.
وإذ أقدر الدور الكبير الذي تقوم به أجهزة الأمن من أجل ضبط هذا الأمر وهي تسعي لتطبيق موجهات اللجنة العليا للطوارئ)
وطالب أفراد الأجهزة الأمنية في نقاط التفتيش التحلي بأسمي آيات الصبر والتفهم للمهام الطارئة التي تستوجب علي أتيام الصيانة للكهرباء الخروج لأداء عملها خدمة للمواطنين في كافة القطاعات والتي من بينها المراكز الصحية والتي في أمس الحوجة للتيار الكهربائي.
==========================

يبدو أن الشرطة في حاجة الى تدريب خاص لكيفية التعامل مع الاخرين

تحياتي الحبيب طلحة .. سودانيز مهم جداً لاظهارالحقيقة
مودتي الحبيب طلحة ..

الكيزان ملة لا تمت للانسانية بصلة.. هم اختاروا ان يكونوا
اردأ من ربنا خلق..
انتو بصحكم ؟ لسة بتسمعوا وبتقرأوا وبتناقشوا مواضيع
كاتبنها كيزان؟؟ حسمنا زمان : اي كوز دوسو دوووووس.
غاااايتو..

عاطف عمر عامل زي الجكسوية
تعمل ليه قيمة وتناديهو يتعزز عليك تسفهو يفضل ساكيك :)

عاطف عمر عامل زي الجكسوية
تعمل ليه قيمة وتناديهو يتعزز عليك تسفهو يفضل ساكيك :)

===========================

حبيبنا احمد .. مودتي
نحن بقينا ناس خرد .. كما من ضواحي الدنيا
دي لغة شباب .. زمنكم جميل

مودتي الحبيب

Quote: الكيزان ملة لا تمت للانسانية بصلة.. هم اختاروا ان يكونوا اردأ من ربنا خلق.. انتو بصحكم ؟ لسة بتسمعوا وبتقرأوا وبتناقشوا مواضيع كاتبنها كيزان؟؟ حسمنا زمان : اي كوز دوسو دوووووس. غاااايتو..

دة الكلام النجيض المهندسة ولاء البوشى بت مهذبة للطيش كانت عندها مراجعة للدكتور فى العيادة افتكر
كانت ايدها ملفوفة
من زمن الاعتصام
وقعدت فى الصف حتى اتى دورها وافتكر بعض من المراجعين عرفها واخبرو الدكتور واحتمال الدكتور
استاذن من المراجعين رفضت الدخول الا فى دورها

دة الكلام النجيض المهندسة ولاء البوشى بت مهذبة للطيش كانت عندها مراجعة للدكتور فى العيادة افتكر
كانت ايدها ملفوفة
من زمن الاعتصام
وقعدت فى الصف حتى اتى دورها وافتكر بعض من المراجعين عرفها واخبرو الدكتور واحتمال الدكتور
استاذن من المراجعين رفضت الدخول الا فى دورها
=================================
الحبيب حمودي .. مودتي
شكرا على هذا المداخلة ,, يا سلام منتهى التواضع
الحبيب حمودي يبدو أن الشرطة مخترقة
قبل قليل ورد في مواقع اخبارية بأنهم اعتدوا على فنيين
كهرباء طواريء في مركز تفتيش

التحية لابنتنا ألاء

الحبيب معتصم ... تحياتي
من المؤكد 100% بأن المؤتمر الوطني والكيزان
لن تقم لهم قائمة الى الابد
والاخوان المسلمين في كل دول العالم .. والشعوب وصلت الى قناعة
بأنهم أكثر المحموعات المفسدة وسط الاحزاب السياسية

ليس لهم فرصة أخرى .. لأن الجميع وصلوا الى قناعة تامة وتجربة عملية
والمهم والفاضح جداً هو الفساد المالي لاحظ ما تم مصادرته من شخصين أو ثلاثة
من عقارات وأموال هذا هو الدليل العملي المقنع لكل له شك ,.. فكان ذكاء من الثوار
لأن السرقة والنهب معيب جداً في مجتمعاتنا فما بالك من يسرق بإسم الدين ( أكبر عيب )
لاحظ أن نميري رغم ما احدث من قتل .. إلا انه وجد قبول من الناس لأنه لم يمارس فساد السرقة والنهب

أما الكيزان فلن يجدوا قبول حتى قيام الساعة


الحبيب معتصم هم في آخر رمق .. وفي لحظات احتضار

تحياتي وشكرا للحضور

علي شهر مبارك
نسأل الله أن يعيننا على صيامه وقيامه ، ويكتبنا فيه من المقبولين ، وان يجعلنا و أياكم من عتقائه وأن يتقبل منا ومنكم صالح الأعمال
تصحيح الوزيرة ولاء وليس آلاء
تحباتي

علي شهر مبارك
نسأل الله أن يعيننا على صيامه وقيامه ، ويكتبنا فيه من المقبولين ، وان يجعلنا و أياكم من عتقائه وأن يتقبل منا ومنكم صالح الأعمال
تصحيح الوزيرة ولاء وليس آلاء

==========================
الحبيب محمد نجيب تحياتي
شكرا على التصحيح
حبيبنا محمد .. الكبر حصل .. مرات الواحد يخلبط في اسم اولاده وبناته
شهر مبارك عليك الحبيب محمد نجيب .. يا سلام الحبيب محمد اسمك له صدى جميل
أبن عمي ابراهيم اسمه محمد نجيب .. لأن عمي كان في مصر .. وزمان أ هلنا في الشمال كان سفرهم لمصر
وأطلق لقب محمد نجيب على ولده اسوة بقائد الثورة المصرية .. حفظكم الله وانتم في القلب

مودتي الحبيب محمد نجيب

هي وزيرة شباب ورياضة يعني منصبها لا يتطلب تقطع كبري في أيام الحظر
المواطن العادي محبوس ومضيق عليه وحضرتها تجوب بعربيتها العاصمة
وتقطع الكباري؟!
دايرين نعرف الشي الضروري لقطع الكبري شنو؟!

كلامي الفوق دا ما ليهو علاقة بهل الشرطي غلطان ول لا
لأنو دا يحتاج لتحقيق مع الطرفين لمعرفة من المخطىء

حبيبنا منتصر .. تحياتي ..
أظن الشرطي يحتاج إلى دورة تدريبية
لأننا في أول الانفتاح وفهم الحرية وتطبيق القوانين

أما رأيك عن الوزيرة .. فمن حقك كمواطن سوداني إبداء الرأي

تحياتي منتصر الحبيب شكرا واصل

منتصر عبد الباسط كالعادة يخوض في مستنقع الفلول ويلتحف بمنطقهم ويتخندق في خاناتهم !
الوزيرة تملك تصريحا من الجهات المختصة - وهي تتحرك بموجبه - تبصروترشد قطاعاتها الشبابية والرياضية بالكارثة وتوعيهم
المهم انها تملك تصريح يسمح لها بالمرور ولا تتحرك بلا تصريح بدعوي انها وزيرة لا تحتاج لتصريح او إذن. مسبق !

* فيا منتصر دعك من التصوف الذي تدعيه فهو منك براءة - فأنت اقرب للوهابية والتنظيمات المتطرفة فكرا وللكيزان في مضمار السياسة !
قال صوف قال ،،!
تصالح مع نفسك ولاتدعي الانتماء لما ينافي افكارك ومواقفك

عساكر النقاط دييل هل عارفين وفاهمين معنى كلمة تصريح؟ أياً كان يحمله؟؟
ام أن هناك كوز كبير داخل وزارة الداخلية مستغل الظروف وموزع الشرامة دييل لخلق هكذا بلبلة؟
الناس مفروض تتقصى من وراء كل ذلك ، مرة أطباء ومرة ناس الكهرباء ومرة وزيرة ، وراء الأكمة ما ورائها

تترهاقا، مشتاغون ياخي، ليك وحشة.

بالنسبة لموضوع البوست، بختلف مع الاغلبية:

نعم للاسف الشديد، عندنا فهم متخلف مخجل، للعمل العام!

الزولة دي، كما غيرها تصرفا غبي، ثم فضيحة من بعد الاغترار المعهود، الشو والبوبار للاسف الشديد.

كان مفروض تمرر الموضوع ده، بي هدوء، بي تواضع جم، وتترك الجهات المختصة المسؤولة تتولي امر التحقيق والاجراءت الرسمية.

لو كنتا مكانا ما كنتا فتحتا خشمي بي حرف واحد احد، احتراما للكاكي اللابسو العسكري ده، ثم احتراما ليهو كمواطن، انا قبلت طوعا، اكون خادمو او مش ملك، او امير عشان استخدم نفوذي وافش غبينتي بي غباء كهذا!

مفروض تستقيل فورا لانو ده استخدام بشع للسلطة لايمت لقيم ثورتنا العظيمة اللي قامت كنتيجة لهكذا استخدام بشع للنفوذ!

لايهم توجه العسكري ده شنو، ولاقاصد شنو بالمرة.

عمل غلط يحاسب بي هدوء، بي عدالة، من دون ما الطيرة دي تسوي كده، شغل شو، او بوبار بتاع اذلام نظام الفسقة!
عووووع!!

الحبيب بشابشا .. أمبس ..
تحياتي .. شكرا على الرأي الآخر وهكذا جمال الحرية
كما ذكرت هي نتيجة موروث الحكم السابق ..
وأي حكم متطرف وديكتاتوري يأتي بعده تصرفات غريبة نتيجة الكبت
وكل حسب فهمه للحرية والمدنية

الحبيب بشاشا .. سوف نعاني كثيراً حتى يعلو النظام والقانون على الافراد
كما في الدول الديمقراطية المهم system وليس البشر والدولة فوق الجميع

بالممارسة سوف يعرف الشرطي والوزير والرئيس دوره بالضبط
إلى ذلك الحين سوف نعاني كثيراً

ألاحظ أن المسئولين في الحكومة والذين عاشوا في الديمقراطيات الغربية لهم سعة صدر
وتحمل للاخرين وخاصة الصحفيين والكتاب وفي المؤتمرات الصحفية

يبدو أن الديمقراطية ليست تنظير ولكنها ممارسة

تحياتي بشاشا ..

فنانا الجميل ترهاقا
هي البدايات إلى أن تكون هناك ممارسة احترافية للحرية والديمقراطية
سوف تحدث هفوات من الجميع هنا وهناك
الحكاية عايزة تدريب مكثف وممارسة وفهم للقوانين وحدود كل شخص
وزارة الداخلية من المفروض ان تقدم تنوير يومي لمنسوبيها
بعد 30 سنة من سيطرة العسكريين من الصعب التغيير في يوم وليلة
الحل التنوير والعقاب والثواب حسب القوانين

مودتي ترهاقا .. اننقا .. ان شاء الله ولايتكم بعيدة عن الكورونا
حفظنا الله جميعاً

الحبيب كمال عباس .. تحياتي
هي الديمقراطية وابداء الرأي والرأي الآخر
نحن في الايام الأولى من السنة الأولى من ممارسة حرية الرأي
جميل أن يكون المجتمع متنوع باقة من مختلف الألوان ( اللوان ا لواحد) غير جاذب
لنقف ونتأمل هذه الحادثة البسيطة .. هي البدايات ودائما البداية تكون فيها نتؤات
شكرا الحبيب كمال على المشاريكة

سلام استاذ علي
الصحفية لم توضح من أين استقت معلوماتها.

هل استقتها من الشرطي؟

اذا قابلت الشرطي فلماذا لم تأخذ الجانب الآخر، من القصة أي من الوزيرة.

كل ما هو متوفر مقال هاجر المكتوب بطريقة غير مهنية ثم اخبار وسائط

فأين هي الحقيقة؟ و على أي أساس أصدق هاجر؟

بشاشا
النوبي القح
تعليق اوسكار
ولا نزيد حرفا مما قلت،

هل استقتها من الشرطي؟

اذا قابلت الشرطي فلماذا لم تأخذ الجانب الآخر، من القصة أي من الوزيرة.

كل ما هو متوفر مقال هاجر المكتوب بطريقة غير مهنية ثم اخبار وسائط

فأين هي الحقيقة؟ و على أي أساس أصدق هاجر؟
=====================================
د . نعمات تحياتي
شكرا للحضور ..
ولهذا السبب أنا فتحت بوست لتأكد من طرح الصحفية
لنجد الحقيقة .. هكذا سودانيز .. تجد فيه الحقيقة في النهاية
لقد أتى بعض الاحباب ببيان الشرطة لتكون الرؤيا واضحة

الموقع دائما ما نجد فيه الحلول من خلال الرأي والرأي الاخر

بعد 30 عام من الكبت لابد من مرحلة تدريب على الحرية
وعلى تطبيق القوانين .. واعلاء الدولة على كل شيء
سوف نتعرض للكثير من نتؤات .. المواطنين ومن المسئولين عموماً

ربما هذا الشرطي الشاب نفسه فهمه للحرية مختلف .. الحل ( التدريب)

لا بد من ممارسة طويلة وتصحيح الاخطاء
فالوضع المثالي لا يأتي هكذا ما بين يوم وليلة
بعض يظن أن الديمقراطية هي سوء معاملة المسئولين
وتخطي القوانين ..
حتى الشرطة نفسها تتعرض لمشاكل من المواطنين

الممارسة الديمقراطية فيها صعوبة بالغة جداً إلى ان نصل لسيادة القانون


نحتاج تمارين ..

شكرا د . نعمات .. شكرا لحضورك ..

بشاشا
النوبي القح
تعليق اوسكار
ولا نزيد حرفا مما قلت،
========================
الابنة امتثال .. تحياتي
الحبيب بشاشا واضح في طرحه .. هكذا دائماً
نعم نظرتكم تختلف عن الآخرين لأنكم في مجتمع حر وديمقراطي
أكيد عندكم في أمريكا حتى الشرطي لو أخطأ في تصرف ما مع مسئول ..تتم ادانة المسئول او الوزير مثلا
لأنهم يعتقدون أن السيرة الذاتية للمسئول لابد ان يكو شاملاً على ( حسن التصرف عند اللزوم )
لأنه القدوة .. ألاحظ المسئولين في الغرب عموماً يتعرضون الى اعتداءات لفظية وأحياناً جسدية
ويميلون الى التسامح .. شاهدت الكثير من هذه الممارسات .. لكن المعيار عندنا يختلف .. نحن
يادوب في السنة أولى أو مرحلة الروضة في الديمقراطية ..
حتى المسئولين اليوم في الحكومة من احبابنا القادمين من تلك الدول سلوكياتهم تختلف
عننا نحن ناس الداخل .. لأنهم مارسوا الديمقراطية والحرية .. ويعرفون المعايير المطلوبة
اعجابي الشديد كان لوزير المالية في مؤتمر صحفي تحمل تصرفات هوجاء من الصحئفيين
بكل أريحية .. حمدوك في لقائه مع الصحفي عثمان ميرغني

أخيرا الموضوع يحتاج وقت وتمارين وتدريب حتى يصبح سلوك عادي


تحياتي الاميرة امتثال .. والتحايا للاميرات .. الله يحفظنا جميعاً من هذا الوباء

Quote: كان مفروض تمرر الموضوع ده، بي هدوء، بي تواضع جم، وتترك الجهات المختصة المسؤولة تتولي امر التحقيق والاجراءت الرسمية.

طيب ما دا الحصل فعلا! الوزيرة اشتكت للجهة الرسمية البتبع ليها النظامي, كل ما اثير في الاسافير عن رفعته و اعتقلته و شنو دا مجرد هبل لا تسأل عنه الوزيرة

طيب ما دا الحصل فعلا! الوزيرة اشتكت للجهة الرسمية البتبع ليها النظامي,
كل ما اثير في الاسافير عن رفعته و اعتقلته و شنو دا مجرد هبل لا تسأل عنه الوزيرة

================================

حبيبنا البشرى .. تحياتي وعساك بخير
المرحلة على ما يبدو تسجيل نقاط واستقطاب من الكيزان
ويبدو لي ان الممارسة الديمقراطية عندنا الفهم تجاهها خاطيء
ما في فرز بين الحرية والقانون .. من الشرطة ومن بعض المواطنين تجاه وبعض المسئولين
الحكاية تحتاج وقت لحين سيادة القانون على الجميع مواطنين ومسئولين وعسكر

تحياتي الحبيب البشرى ..

Quote: طيب ما دا الحصل فعلا!

ود البشري شلوم،

ده ما الحصل!

مافي شئ بخليها تفتح خشمها او تقول بغم لولا البوبار واستخدام السلطة البشع بي صورة شخصية للكسب الذاتي.

اللي معاها في العربية من موظفين ده شغلم.

مامعاها زول تقعد في العربية او تضرب للموظف بتاعا او فقط مش وزير اخر، او تحترم الكاكي ده رمزيا، بغض النظر عن اللابسو.

لوكانت مواطنة عادية تسوي التسوي ولكن ما من موقع وزير في السلطة!

كان تتواضع قليلا بدل ماتستخدم سلطتا لسجن العسكري ده!

هذا بشع!

هل انا ولا انتا من الغبش، لما عباس يوقفنا، عندنا خط مباشر لرئيس الوزراء مثلا ولا اي وزير اخر ليتدخل او يستعمل سلطاتو هو الاخر شغل مجاملة، ولا بتاخد علقتك، تشوف محامي، بلاغ، او مواعيد محكمة وما اليه، من اجراءات؟

اعفن مافي نظام العمل العام عندنا، هو افة، وكارثة الواسطة هذه، والزولة دي بتفكر بذات العقلية.

باختصار مامفروض تفتح خشمها بي كلمة قط لوكانت فعلا تنتمي للثورة من حيث طريقة التفكير فيما اتصل بالعمل العام، الموقع الرسمي لي وزير!

راكبة غلط!

Quote: منتصر عبد الباسط كالعادة يخوض في مستنقع الفلول

يعني أنا يا أصبح تابع لحزب وأبقى إضينة ساكت
وأكفر بكل المبادي التي كنت أعارض لأجلها الكيزان يا أبقى من الفلول؟!
هذه الابتزازات الرخيصة لاسترقاقنا
ولتحولينا لقطيع من الأنعام لا تجدي معي

Quote: مفروض تستقيل فورا لانو ده استخدام بشع للسلطة لايمت لقيم ثورتنا العظيمة اللي قامت كنتيجة لهكذا استخدام بشع للنفوذ!

أها يا كمال عباس بشاشا قال ضعف ما قلت وزيادة من التقريع
تعال جيب مكيالك وكيل ليهو شيئا مما كلت لي .
أنت يا كمال فهمك متأخر جداً وما زلت تحمل التعصب الحزبي الرجعي
والطائفي الذي أقعد السودان أكثر من ستة عقود عن التقدم والإزدهار
هدانا الله وإياك .

تحياتي بشاشا .

Quote: باختصار مامفروض تفتح خشمها بي كلمة قط لوكانت فعلا تنتمي للثورة من حيث طريقة التفكير فيما اتصل بالعمل العام، الموقع الرسمي لي وزير!

التصريح يخص الوزيرة - وقد حدث أن أوفقت لذا من حقها - وقد تم تعطيلها أن توضح أن بحوزتها تصريح يسمح لها بالحركة ..... لم تقول إنها وزيرة ومن حقها أن تتجول من دون تصريح بل نبهت إنها تتجول بموجب تصريح ...والسؤال لماذا لم يسمح لها الشرطي بالعبور طالما إنها تحمل تصريحا؟إن كان هناك شطط وتجاوز للسلطات فإن مصدره هو الشرطي كيف؟ من حقه إيقاف العربة وطلب رؤية التصريح حتي وإن كان الراكب وزيرا - مافي خلاف هنانقطة.. الخلاف والتعسف هي رفضه السماح لها بالمرور بعد إبراز التصريح ! ي
عني يابشاشا - يقوم الكوز الإرهابي عبد الحي بسب وتكفير الوزيرة ولاء البوشي يطلب منها ألا ترد وألا تفتح بلاغا -ويقوم شرطي بتجاوز صلاحياته ورفض التعامل بموجب التصريح ويُطلب من الوزيرة بألا تكشف أنها تحمل تصريحا !
نعم للديموقراطية ودولة الديموقراطية والقانون والمساوة,,,,,,,ولكن هذا two way trackفالوزير بصفته مواطن له حقوق - حق أن يتجول وفق تصريح يجب أن يحترم ويتم التعامل بموجبهوألا يتم تكفيرها بواسطة غلاة الإرهابيين ! هل الحرية تعني مصادرة حقوق لمواطن لمجرد إنه وزير-وزير فألعب به ومرمطو وختو تحتالجزمة!تاني شي الوزيرة لم تقدم بلاغ جنائي وإنما شكوي إدارية للوزارة المختصة ولم تخرق قانوناولم تأخذه بيدها...

الحبيب بشاشا ... تحياتي
مداخلاتك اثراء للبوست ووجهة نظر
يجب التوقف عندها

شكرا كثير بشاشا وجودك في البوست مهم
لأنك تطرح رأيك دائماً بكل وضوح

تحياتي الحبيب بشاشا

منتصر عبد الباسط كتب

Quote: ها يا كمال عباس بشاشا قال ضعف ما قلت وزيادة من التقريعتعال جيب مكيالك وكيل ليهو شيئا مما كلت لي .أنت يا كمال فهمك متأخر جداً وما زلت تحمل التعصب الحزبيرالرجعي والطائفي الذي أقعد السودان أكثر من ستة عقود عن التقدم والإزدهارهدانا الله وإياك .

أها رديت علي بشاشا قبل أن كلامك دا !بس كلامك يختلف عن بشاشا إنت تقول

Quote: هي وزيرة شباب ورياضة يعني منصبها لا يتطلب تقطع كبري في أيام الحظرالمواطن العادي محبوس ومضيق عليه وحضرتها تجوب بعربيتها العاصمة وتقطع الكباري؟!دايرين نعرف الشي الضروري لقطع الكبري شن

الوزيرة تحمل تصريحا يخول لها المرور -الشرطي مفترض يحترم التصريح ويتعامل بموجبه
إنتهي
الجهة التي أصدرت التصريح - أصدرته وفق تقديراتها ودراسة الحالة ومدي الضرورة - ولو كان هناك شك في أحقيتها في الحصول علي تصريح فيمكن أن تستفسر من الجهة المصدرةوتقاضيها كمان ولكن الوزيرة لم تذنب بل مارست حقها في الحصول علي تصريح والعمل بموجبه !
منذ متي كان الوزير يحتاج لتصريح مرور ويتم توقيفه بواسطة شرطي؟هذه من منجزات الثورة -الوزير يحتاج لتصريح ومن حق الشرطي أن يوقفه ومن حق الوزيرأن يحتج علي تجاهل الشرطي للتصريح ...
* بعدين الطائفية والرجعية كعبة للدرجة دي !
خليك صوفي - كسلوك وتفكير يامنتصر

الحبيب منتصر
وا لحبيب كمال

مع كامل المودة والتقدير
شكرا لهذا النقاش الهاديء ( الرأي والرأي الآخر )
نموذج جميل لادارة النقاش وطرح الرأي

واصلوا الاحباب الكرام

ابو الكيم تحياتي،
نعم اتفق معاك انو العسكري ده، السواهو شغل سياسة ككوز او ايا كان.

هذا لايبرر ولايعطي الحق لوزيرة ان تستخدم سلطتا الوزارية في مواجهة مواطن دعك من مواطن لابس كاكي او بمثل الغانون علي قول حمرتي!!

ده غلط، عيب، عار، ولهذا ثرنا ضد هكذا استخدام للسلطة!

كان تحترم موقعا، تحترم الناخب ده، تحترم الكاكي، تتواضع حبة بدل مثل هكذا غرور!

ياعزيزي عيب انك تايد مثل هكذا استخدام للننفوذ فاسد او مدمر.

هي وزيرة او داك حتة عسكري!

وبالتالي مهما فعل مافي يدو شئ مقارنة بالزولة دي!

مادام راكبين معاها موظفين ده شغلم اللي علي اساسو بياكلو عيش، مفروض تخليهم يشوفو شغلم بالطريقة العادية الروتينية، من باب الرذانة، الاحترام للموقع، للناخب ده، كمواطن، الاحترام للكاكي اللابسو.

اما شغل الخفة بتاع شوفوني ده، لما تقوم هي تدخل بي نفسها او تستغل سلطتا لطبل هذا المسكين، فده شغل اذلام النظام الهالك، اللي هي الثورة جابتا كبديل لمثل هكذا عقلية وممارسة، افتراضا!

هذا عار او مفروض يشيلوها برة، او فورا!!

هذا يفضح طريقة تفكير هذه المتسلقة!

نعم زي ديل بسو البسوو فقط من اجل الفوذ بي كرسي السلطة شغل زولة egotistical او self centred!

العياذو بامون من امثال هؤلاء!

بشاشا -رمضان كريمِ !

Quote: نعم زي ديل بسو البسوو فقط من اجل الفوذ بي كرسي السلطة شغل زولة egotistical او self centred!العياذو بامون من امثال هؤلاء!

شنو الجريمة اللي إرتكبتها الوزيرة؟ لو قامت بإعتبارها هي المستهدفة وصاحبة التصريح بإبراز التصريح للشرطي الغلط شنو؟- هي إلتزمت وتوقفت- وأبرزت التصريح- وحينما تعسف الشرطي في إستخدام سلطاته علي الرغم من إذن المرور لم تتجاوزه وتمشيفي طريقها بل إنتظرت لحين حضور ضابط إحترم التصريح وسمح لها بالذهاب .. مارستالوزيرة حقها في التظلم والشكوي الإدارية ولم تشكوه جنائيا .قلت !!

Quote: ( منذ متي كان الوزير يحتاج لتصريح مرور ويتم توقيفه بواسطة شرطي؟هذه من منجزات الثورة -الوزير يحتاج لتصريح ومن حق الشرطي أن يوقفه ومن حق الوزيرأن يحتج علي تجاهل الشرطي للتصريح )!

بشاشا إتطور شديد زمان ما كان بقوم بنقد إي إمراة سودانية -وماب يرضي نقدها حتي و كانت غلطانة

Quote: شنو الجريمة اللي إرتكبتها الوزيرة؟

ابو الكيم،

الجريمة الارتكبتا الاخت دي، انها استخدمت سلطتا او طبلت المسكين ده، وهذا عار، شغل بوبار، يثبت انها غير مؤهلة للموقع ده، لانو هذا فساد وكابشع مايكون الفساد!

عليها ان تستغيل فورا او تقال!

نعم ما كان مفروض تفتح خشما بي كلمة واحدة من موقع سلطة مع الشرطي ده ولكن الغريرة، مغرورة!

بالنسبة للنساء، صاح بشاشا يحترم السودانية او يبجلا كفرد عادي، ولاتبجيل لاي مخلوق في موقع سلطة، او كل من تتاح ليهو الفرصة يعرف تاريخ اعرق نساء الارض، لايملك غير تبجيل السودانية!

لهذا من باب التبجيل للسودانية، الانجزت الثورة دي، نرفض تشويه صورة السودانية بواسطة امثال الاخت دي!

يبقي مافي تغيير ياصديقي!!!

تحترم الناخب ده،
=================
يا سلام يا بشاشا حبيبنا ..
العبارة فوق (( تحترم الناخب ده )) خلتني أتوقف طويلا
من مميزات الحياة الديمقراطية احترام الشخص لأنه هو الذي
يأتي بك الى المنصب أو الوظيفة (( الناخب )) لأن احترام الناخب وحسن المعاملة
دافع للتوصيت لك أو لحزبك ..
يعني هذا (( الناخب )) عبارة عن رصيد
عكس الديكتاتورية لا تحتاج للفرد (( الناخب )) وتكون المعاملة مختلفة

كلام منسوب لأوباما عندما خاطبه صحفي في سياق الحديث بعبارة :

( طبعا بما أنك الرئيس فأنت أهم واحد في واشنطون دي سي ) اعترض أوباما ورد عليه
( لست أنا .. الأهم هو عامل النظافة في واشنطون لأنه اذا توقف عمل وتكدست الاوساخ لا استطيع الوصول الى مكتبي)

شكرا بشاشا .. هكذا تأملت عبارة (( الناخب ))

شكرا الاحباب كمال وبشاشا
واصلوا هذا الاثراء

تحياتي

سلام استاذ علي
بوستك عنوانو: قصة ولاء البوشي ولكن
حقيقة لم نجد القصة و لا تفاصيل الحادثة، و دا نفس الدائر
في كل الميديا، كل زول شايل عُكازو و بنقوز
بيه و لو مديت راسك تنفلق، يا طلعت كوز يا طلعت
شيوعي ودي أخطر حاجة ماشة عليها البلد.
العندو التفاصيل بمستندات يسعفنا بيها، بس عليكم
الله أعفونا من شغل النشطاء دا. رغم أن القصة من
أولها لاخرها ما مستاهلة.

الاستاذة فاطمة ..
شكرا كثير للحضور.. قصة بروايات مختلفة .. منذ يوم أمس
اليوم في موقع اخبار السودان :

(( التوضيح الذي صدر منها بتوقيفها من أحد رجال الشرطة أثناء أداء مهامها، والتعامل معها بشكل غير لائق،
رغم تعريفها بهويتها وصفتها الرسمية وتقديم تصريح المرور والمستندات الرسمية التي تثبت قانونية تظليل العربة،
إلا أن الشرطي أصر على نزع التظليل وزاد بالقول (الليلة لو البرهان جه ما حاخليه يمشي وأفك التظليل )،
ولم ينقذها منه إلا اتصالها بمجلس الوزراء الذي اتصل بوزير الداخلية وتم التوجيه بالسماح لها بالمرور.. ))

بعد ذلك زملاء الشرطي طوروا الموضوع في الفسيبوك بإساءات للوزيرة

الاستاذة فاطمة .. تحياتي .. أول مرة اتابع الاخبار وأكثر من المدخلات والبوستات .. حبس الكورونا
الحاجة ماسكة المصحف ما شاء الله .. وانا مع سودانيز ومواقع الاخبار .. فراغ .. اللهم أحفظنا جميعاً من شر
هذا البلاء

صديقنا بشاشا:

Quote: الجريمة الارتكبتا الاخت دي، انها استخدمت سلطتا او ! طبلت المسكين ده، !وهذا عار، شغل بوبار، يثبت انها غير مؤهلة للموقع ده، لانو هذا فساد وكابشع مايكون الفساد! عليها ان تستغيل فورا او تقال!

\هي ماقالت أنا وزيرة ومن حقي أمر بلا توقيف ووإثبات - تصريح لأني وزيرة وحسب وإنما ماقالت أنا بحوزتي تصريح -يعني سلطتها وأحقيتها كان التصريح لاصفتها كوزيرة أنا
ماعارف إنت بتجيب الكلام دي من وين؟
الوزيرة ما طبلت الشرطي ولم تدعو لإعتقاله وهو أصلا لم يعتقل أو يسجن - بل أن الجهات المختصة إن الوزيرة لم تتقدم ببلاغ جنائي وإنما تقدمت بشكوي إدارية تري فيها الشرطي تجاوز صلاحياته وتعسف في إستخدام سلطاته بتجاهل تصريح المرور الصادر من جهة رسمية ومن حق الشرطي إثبات إنه تصرف وفق سلطاته ! ويبقي المسكين منو؟ من تجاوز صلاحياته أو من منع من حقه في المرور بالرغم من حصولهعلي تصريح؟
* وبعدين ليس هناك مايمنع صاحب تصريح وزيرا كان أوخفيرا للتحدث مع الشرطي وتوضيح موقفه !أها يابشاشا رغما من تحدث الوزيرة مع الشرطي ورغما عن التصريح إصر الشرطي علي إحتجازها .. يبقي ا لشرطي إظلم كيف أو مورس عليه تخويف وإرهاب كيف؟ تري لو كان الوزير رجلا - أوزير للدفاع أو حميدتي كان سيكون تصرف الشرطي - نفس الحصل مع ولاء ؟؟

العزيزة امتثال مشكورة علي حسن الظن.

إلي امبس سرن اقمن؟

تحياتي الحبيب كمال .. على اثراء البوست
الخوف يا كمال الكيزان بطريقة أو بأخرى أن يجعلوا من هذا الشرطي أيقونة
وقد قرأت أيضاً أن والدة الشرطي ظهرت في المواقع الاخبارية
وبدأت تتظلم وأن ابنها بريء وانهم اتهموه بالرشوة
والنار من مستصغر الشرر ..
نحن شعب عاطفي جداً

تحياتي كمال الحبيب

استاذنا وعمنا علي عبد الوهاب
تعال لينا ترجم لينا الجملة النوبية التي كاتبها لشاشات
وهي" الى امبس سرن اقمن" !!؟لأن الأميرة النوبية سافرت لشقيقتها في ولاية أخرى ولن تعود إلا بعد ٣ أيام..
وما بنقدر ننتظر ٣ أيام....

" الى امبس سرن اقمن" !.

=======================
الترجمة مباشرة ( اخي علي لعلك بخير )
الابنة امتثال تحياتي
لأن بشاشا من تلك الحاضنة التي تجمعنا يعرف مغزى السلام
بالنوبية لأن فيه عاطفة ومحنة وتسر النفس .. ( ألي المقصود علي في النوبية ما في حرف ع )
أمبس ( اخي ) سرن اقمن ( لعلك بخير )

كما ذكرت بشاشا يعرف ان القاء التحية بالنوبية فيها عمق ووقع طيب على المخاطب
لأنها لغة تاتي من العمق والدواخل

زمان أذكر ان إلقاء السلام عليكم على شخص عندنا في البلد معناه أنك زعلان أو غير راضي عنهو
ودلالة على ان في الأمر شيء ..
رغم انها تحية الاسلام ولكن كان هذا هو المفهوم ..

وحذاري أن تقول لمرأة السلام عليكم .. معناها هي مسترجلة وليست أنثى .. الآن طبعاً تغير الوضع


تحياتي الابنة امتثال ..

ابو الكيم
هل الزولة دي نضمت مع العسكري ام لا؟

اي عسكري في حالة زي دي بتكلم مع السواق مش الركاب.

مافي اي شي يخليها تدخل شخصيا في موضوع كهذا اطلاقا لو بتحترم موقعا أطلاقا!

ولكن واضح اخدت الموضوع بي صورة شخصية شغل شو وهذا يفضح طريقة تفكيرا!

نعم موضوع في غاية البساطة:
خلي الموظفين المعاها يتولو الموضوع مع البوليس أو بي كده ينتهي الموضوع من دون أي ضجة كهذه ماليها اي لزوم لو كانت متواضعة واعية بي مسؤوليتا موقعا والاهما ضرورة تقديما لي نموذج آخر مختلف يجسد شعارات الثورة الاتت بامثالا كبديل مش كالعادة انتاج لذات العقلية الادت للثورة!

Quote: الشرطي مفترض يحترم التصريح ويتعامل بموجبه إنتهي

إنتهى

الشرطي لو طبق القانون ،، كنا نشد على يده وندافع عنه ،،، يعني لقاها بدون تصريح مثلاً ،،
لكنه تعامل بمفهوم سياسي وغرضه إهانة الوزير والحكومة الإنتقالية وكل الثورة في شخص الوزيرة ،،،
لماذا في بلدنا يهان الأطباء من الشرطة ويجب أن يسكتوا
لماذا يهان الوزير من الشرطة ويجب أن يسكت ويطأطئ رأسه ،،،
ولماذا ندافع عن المتجاوز لصلاحياته ونتجنى على الشخص المهان وهو يحمل صفة وزير ويحمل تصريح ويمثل الدولة ،،،
لذلك فإنهم يركبون على رؤوسنا ويدلدلون أرجلهم ،،،
الحكومة العميقة في أي مكان وفي أي مرفق لا تفعل سوى التعطيل والتجاوز وخلق الأزمات والمشاكل ،، وكل يوم بقلم جديد ، وفي رأيي لن يستقيم الوضع بدون إبعادهم ،،

Quote: لكنه تعامل بمفهوم سياسي وغرضه إهانة الوزير والحكومة الإنتقالية وكل الثورة في شخص الوزيرة ،،،

يعني الشرطي تعامل معها وهو يعرف أنها وزيرة؟؟؟
لو كان الأمر كذلك وتعامل معها هكذا بعد أن عرف أنها وزيرة ومعها تصريح ممكن
يكون هناك إحتمال لصحة ظنك
أما ولو تعامل معها بهذا المسلك دون أن تخبره أو تتأكد أنه تعرف عليها
يبقى هذا السلوك هو المعتاد والذي يتعامل به هذا الشرطي وربما بقية زملائه
مع الجميع وهنا تصبح القضية إدارية مرتبطة بنظام الشرطة في تعامله مع
عابري الظرق العامة والجسور في وقت الحظر وليست قضية خاصة بالوزيرة

Quote: لو كان الأمر كذلك وتعامل معها هكذا بعد أن عرف أنها وزيرة ومعها تصريح ممكن يكون هناك إحتمال لصحة ظنك

الأخ منتصر
ما ورد من سرد لما حدث ، بأنها عندما تعنت الشرطي مع السائق ، نزلت بنفسها وأخبرته إنها وزيرة الشباب والرياضة ، وإنها تتحرك بموجب التصريح ، وإن العربة هي عربة دستورة وليست خاصة ،، وعندما رفض السماح بمرورهم ، طلبت محادثة الضابط فرفض الشرطي بصلف ،، ورفض تسليمهم التصريح ،، فإتصلت بوزير الداخلية لتخبره كيف يتصرف منسوبيهم مع المواطنين ناهيك عن الوزراء ،،، هذه القصة كما وصلتني ،، وهي منشورة في كل نواحي التواصل الإجتماعي ،،،
بغض النظر عن من الوزير في العربة ،،، يجب إحترام مكانة الوزير ، والسيدة لاء البوشي لا تمثل نفسها ،، ولكنها تحمل صفة وزارية تمثل السودان وتمثل مجلس الوزراء وتمثل الدولة كلها وفوق ذلك تمثل الثورة وكل من خرج مناضلا حاملاً روحه بين كفيه ، منهم من إستشهد ومنهم من لازال مرابطاً ،، تمثل كل هؤلاء ،،

Quote: هذه القصة كما وصلتني ،، وهي منشورة في كل نواحي التواصل الإجتماعي ،،،

بقي هل هذه الرواية صحيحة فمجرد انتشارها في مواقع التواصل ليس دليل صحة
وهل هذه فقط الرواية المتداولة أم هناك روايات أخرى
والأمر الثاني هل يواجه المواطنون الآخرون حاملي التصاديق ذات المعاملة
حتى يعلم هل هو مسلك عام للشرطة أم هو مسلك كيدي.

الاحباب منتصر وحسام ..
تحياتي شكرا على الحوار الهاديء
بعد ان فتحت البوست بدأت اتابع المواضيع المماثلة
لاحظت ان الشرطة لها موقف من الثوار
حسب ما قرأت كانت هناك هتاف (( الكنداكة جات الشرطي هرب ))
لست متأكد اذا هذه هي الصيغة

وطبعاً الكيزان يستغلوا أي ثغرة وبدأ حشد الرأي العام لدى افراد الشرطة
بطريقة مكثفة جداً .. وصاحب هذا الموضوع شاب قليل الخبرة
ولاسكات الكيزان كان لا بد من احتواء الموضوع

والنموذج الرائع : وزير الصحة الدكتور مكرم مع ذا النون في موضوع زوجته
قال انه لن يفتح له بلاغ ولا يعيره أي اهتمام فهو منشغل بأمور أكبر من ذا النون
هكذا ضرب الدكتور الكيزان وذا النون في العمق .. لأن ذا النون كان يريد السجن
ويسجل بطولة أنه معتقل ومناضل ... الخ مع أن اساءة الدكتور كانت أكبر بكثير
من موضوع الوزيرة ..

هكذا قضى عليهم د.مكرم بالضربة القاضية .. وهكذا اعطاه درس بأنه غير مهم ولا يمثل اي رقم
على عكس الشرطي الذي سيرى نفسه بطل وأنه واجه الحكومة .. على طريقتنا في السودان

رجاء خاص من كل المسئولين الاستفادة من تجربة د . مكرم

ول أبا علي،
سلام .. خلينا ندي الوزيرة درس وعبرة في البوست دا .. لما جئت أمريكا جديد كنت بشتغل بالليل في وردية رجل أمن منئشات .. حارس بوابة شركة بتاعت برمجيات ضخمة .. وحسب البروتوكول الأمني .. بعد السابعة مساءً لا تفتح الباب لأحد .. وتراقب كل داخل لازم يدخل بالبادج بتاعته.

تصدق جاء مدير الشركة وهو أيضاً صاحب الشركة .. وأنا أعرفه في الشركة .. ونسي بادج الدخول .. فنقر علي الجرس بقوة .. حضرت من الداخل ولدينا جهاز إتصال "إنتركوم" .. أشرت له أن يرفع السماعة .. فرفعها .. قلت له: أين البادج؟ قال نسيتها في المنزل؟ .. قلت له: هل هى مشكلتي أم مشكلتك؟ .. قال هل تعرفني؟ قلت له أعرف البادج فقط .. حينما تضفها في "بنيل" تفتح لك الباب وأنا أستطيع رؤية أسمك في الكمبيوتر .. قال لي أنا مستر إسيمتث .. قلت له: لا تهمنى الأسماء! .. مباشرةً ذهب الرجل وأحضر البادج ودخل .. وحينما مر، سألني عن أسمي، فرفعت البادج خاصتي في وجهه .. فذهب .. غداً الصباح أتصل علي مديري المباشر ويسمي حميد (حميد تقرأ عكس خبيث) رجل أفغاني فقال له أدم موجود .. فجاء الرجل يزجرني .. قلت له هل أنا وضعت القوانين؟ .. قال لي أعتبر نفسك مطرود .. قلت له: لا يعنى شيئ عندي لاني لم أعمل خطأ .. حضر مستر إسيمتث بنفسه .. وأحضر لي طاقية فيها أسم الشركة ومظروف أصفر صغير ومكتوب عليه شكراً .. ومشي .. حميد، قال لي دا خطاب رفديتك لأنهم يقولون للإنسان المطرود شكراً .. قلت له دعنى نفتح الخطاب أولاً ..وجدنا به مبلغ 50 دولار في كرت .. القصة دي يعرفها أقل شيئ نفرين من السودان .. لأن حميد طردني من بعد ذلك شر طردة، خوفاً أن يكون لي مكانة وأترقي لمدير بدلاً عنه ..

ولاء البوشي، مفروض تكون هي من باب أولي تطبق القوانين في نفسها قبل المواطن ..

بريمة

حبيبنا بريمة تحياتي ..
الامريكان أنا كنت معاهم في مدينة الملك خالد العسكرية شمال المملكة
قبل سنوات طويلة جداً
الناس منضبطين جداً جداً لأن الموضوع بالنسبة لهم سلوك
البطاقة ، استوب ، البوابة ، الموقف ... إلخ
في المطعم ( مس هول ) كلنا في الصف ( كولونيل لينزي القائد ونحن الموظفين )
الايامات دي الاسواق بالصف .. كل دقيقة مشكلة
تحياتي حضورك الجميل

Quote: والأمر الثاني هل يواجه المواطنون الآخرون حاملي التصاديق ذات المعاملة

تحياتي
بدون تعقيد للموضوع
الشرطي تجاوز صلاحياته ،،، حتى لو كان مواطن عادي ما من حق الشرطي ويناقش أو يفكر زاتو ،،، هو واقف هنا عشان أي زول عنده تصريح يسمح ليه بالمرور ما عنده يطبق القانون ، والقانون ما بيعطيه الحق يصادر التصريح ،،
إضافة لأنو التصريح ده تصريح لوزير ما فضل إلا الشرطي يسأل ليه الوزير يتحرك ،،،
أنا شفت في العراق عسكري رفض السماح الى لواء في الجيش او فريق أول لا أذكر بالدخول الى منطقة موبوءة ومغلقة بالكامل لأن الأوامر تقضي بعدم السماح لا بالدخول ولا بالخروج ،،، لكن تحدث معه بإحترام منقطع النظير وتأسف له بأنه لا يستطيع أن يسمح له لأنها الأزامر وحتى الخوف على عائلته هو من الوباء ،،،، هنا نشد على يد الشرطي ،، لكن جماعتنا يحتاجوا الى إعادة صياغة ،،،

بشاشا
انت بتقول في شنو يا خوي ؟؟؟؟؟؟
يقولوا ليك قالت ليهو معاي تصريح وابرزت
التصريح وقال ليها لو جاء البرهان ذاتو ما
ما بمرروا تشبك الناس استعرضت وما استعرضت
والمفروض السائق هو اللي يتكلم وما عارف شنو
طيب إيه رأيك أنو السائق اتكلم وقال ليهو دي
وزيرة والعسكري جاء خاطبها أها تتبلم وتسكت
عشان هي وزيرة زي ما انت فاهم الشغلة واللا ترد
عليهو وتفهمو وتبرر ليهو وتبرز ليهو التصريح
عشان تتخارج ؟؟
واللا تقفل راجعا من حيث أتت احتراما للكاكي زي ما
أنت بتنظر ؟؟
وبعدين الشرطي دا تابع لوزارة الداخلية المفروض
يعنى تكلم منو عشان تتحل منو .. ؟
يا زول العسكري دا غلطان ويجب أن يتحاكم
والوزيرة مية في المية وعداها العيب .

Quote: مباشرةً ذهب الرجل وأحضر البادج ودخل

ول أبا بريمة (صاح كدة ؟ )
الوضع معكوس بين حالتك وحالة الشرطي ده ،،،
إنت طبقت القانون بمنع من لا يحمل بادج من الدخول ،، وبالتالي كافأك المدير رغم إنه بيكون مغيوظ من جوة ،،،
لكن الشرطي صاحب الجماعة ،، خالف القانون ،،، بمنع من يحمل تصريح من المرور وعطل وزير عن أداء عمله وبالتالي عاقبه وزير الداخلية ،،، وما عارف كيف يكون هناك من يدافع عنه ،،،،
والله نحتاج أن يكون المثقف السوداني والسياسي السوداني صادق مع نفسه وعادل في حكمه يقول للخطأ خطأ حتى ولو على حزبه الذي ينتمي له ويحلل الأمور بمصداقية ولا يرضى لحزبه سوى مكارم الأخلاق وإلا فيبادر بمغادرة المستنقع الى تجمعات أنظف،،،،،

Quote: زمان أذكر ان إلقاء السلام عليكم على شخص عندنا في البلد معناه أنك زعلان أو غير راضي عنهو

عييييييييك!!

وو الي، امبس،

ده موضوع ما انتبهتا ليهو قبل كده خالص!!

شئ عجيب!

خليني استرجع شريط الذكريات واشوف..

ولكن الان في داخل مجتمعات حراك الوعي الكوشي، التحية بتكون بي صيغة:

حُــــــــتب او "هٌـــــــوتب"!

قالو ده معني مفردة "سلام" بي لسانا الكوشي، اي المدونتر "الهيروفلوفية" اي Peace بالانجليزي.

أستاذ حسام،
سلام

Quote: الوضع معكوس بين حالتك وحالة الشرطي ده ،،،

أحسنت .. كده وقعّت لي القصة ..

بريمة

نقطة نظام للبسوو العسكري غلطان، والوزيرة عندها تصريح:

غلط العسكري ولا لا، ده ماموضوعنا اطلاقا.

عندها تصريح ولا لا، ده ماموضوعنا خالص.

موضوعي، انها تدخلت بي نفسها واستخدمت سلطتا او ده هو الغلط!

مادام معاها موظفين ده شغلم، كان تخليهم هم يتعاملو مع العسكري ده بي هدوء، بي رزانة تعبر رمزيا عن احتراما هي للمواطن ده، بالذات انها وزيرة تحديدا!

نعم للكاكي بتاعو، باعتبارو ولو شكلا بمثل القانون!

مافي ولا مثقال ذرة بتاع سبب يخليها تصرف بالشلاقة دي اطلاقا!

يكفي زي العجاجة دي، الخلقتا الزولة دي، بي طيشا والاهم غرورا، او فهما المتخلف للموقع الرسمي علي مستوي مجلس وزراء اتت به ثورة شعبية!

اتعجب من الببحثو عن مبررات لتمرير هكذا تصرف متهور غبي من الزولة دي!

اذا ممكن المشكلة تتحلا بالطريقة القناها دي، البوبار لزومو شنو؟

شغل الشو لزو شنو؟

سلام يا حسام

Quote: وما عارف كيف يكون هناك من يدافع عنه

في واحدين بدافعوا لأنهم عايزين يطلعوا
الوزيرة غلطانة غصبا عن أنف أي منطق
وديل غالبا منطلقاتهم كيدية زي الكيزان مثلا.
وفي واحدين ساي كدا غيرة وحقد مستكثرين انو
الزولة تكون وزيرة .
وفي صنف ثالث متلقى حجج بس يدافع استعراض
ساي زي البتلقاهو في الاعراس يتكلم في دق الصيوان
وينظر في ضبح التور وبغالط في السفرجي ويقدم الحفلة
ويختار الغنية الخاصة بالعرسان وإحتمال في النهاية
يفرتق الحفلة خخخخخخخخخ

شكرا الحبيب طلحة .. على المداخلة
هكذا الناس .. كل حسب تفكيره
وبعضهم حسب هواه

لولا الكيزان اصلا هذه لم تكن مشكلة

تحياتي الحبيب طلحة

من حادثة الوزيرة وحادثة طاقم الصيانة لوزارة الكهرباء يتضح أن عساكر الورديات يحتاجون لتدريب أفضل، كما أنه لم تصدر لهم تعليمات وإرشادات تفصيلية غير يكونوا صارمين فى تنفيذ قرار حظر التجول. مفروض يضاف لأى مجموعة ضابظ شرطة يحسن التصرف.

مقارنة بالتفتيش الليلى بمدينة القاهرة وهو إجراء عادى وبيسموه (لجنة) بتجد من ضمنهم عساكر باللبس الرسمى وأقل شى ضابظ باللبس الرسمة، دا غير أبان جلاليب وبالطوهات. ودايمأً الرجوع للضابط.

عساكرنا أكيد بيفتكروا الببرز ليهم تصريح دا بيغشهم وبيلعب ويضحك بيهم، فيكونوا أشد صرامة وقسوة فى التعامل معاه. ذايما التعليمات المصحوبة بإرشادات واضحة فى أى نوع عمل تتفادى الوقوع فى أخطاء ومشاكل.

* أذكر فى زمن الديمقراطية الثالثة موقف طريف كان فى تفتيش بعد نص الليلل فى الكبارى .. ضابط ود حلتنا كان مع عساكر مرابط فى مدخل كوبرى شمبات جهة أمدرمان وقف مرسيدس سايقها رجل ومعه إمرأة، طلب منه فتح الخلفية فتحوها وجدوا شنطة سامسونايت، فتحوها لقوا فيها صور من الصور عرفوا إنها صور السيد الصادق المهدر رئيس الوزراء آنذاك حسب ما شايفنوا فى التلفزيون والصحف، قالوا الصور دى بتشبه سيد العربية ويكون دا الصادق المهدى، سمحوا له بمواصلة مشواره ما لأنه بدى لهم أنه رئيس الوزراء، ولكن إنتهو من مهمتهم معه، ولحدى هسة أظنهم ما متيقنين من شخصيته.. لو هو فعلاً رئيس الوزراء فهو لم يقم بتعريف نفسه، ولم يقم بعدها بالشكوى ومسآلتهم، إحترم أدائهم لواجبهم.

الحبيب بشاشا .. تحياتي ,, خارج موضوع البوست
لاحظت أن السلام عليكم عبارة جافة جدا
اذا ألقيت السلام عليكم وانت تبتسم معناها انك تستهزأ بالشخص
كان عندنا في الجزر المعزولة ( السلام عليكم ) معناها عندك
موضوع مع الشخص .. يرد ( عليكم السلام ) ثم ينتظر ماذا بعد
لأن العربية رغم قلتها وركاكتها كانت تخرج عند الغضب

تحياتي الحبيب بشاشا

الحبيب حسام الدين .. تحياتي
يا سلام الحبيب طريقة طرحك فيها هدوء
وسلاسة ..
شكرا الحبيب حسام الدين

من حادثة الوزيرة وحادثة طاقم الصيانة لوزارة الكهرباء يتضح أن عساكر الورديات يحتاجون لتدريب أفضل،
كما أنه لم تصدر لهم تعليمات وإرشادات تفصيلية غير يكونوا صارمين فى تنفيذ قرار حظر التجول.
مفروض يضاف لأى مجموعة ضابظ شرطة يحسن التصرف.
=========================
الحبيب نادر شكرا على المداخلة ..
نعم التدريب ثم التدريب لا بد التدريب
عندنا في طريق دنقلا امدرمان نموذج سيء عن طريقة المعاملة
الغلظة والشدة .. حتى اسلوب التخاطب مع العامة
جميلة قصة الصادق المهدي .. دا تفيش او حسب استطلاع
هي دي مشكلتنا لأن العسكر هم الحاكمين السودان منذ الاستقلال ما عدا يمكن 6 سنوات
ولا يرون إلا انفسهم

تحياتي الحبيب نادر شكراً كثير على الاثراء .. المهم التدريب كما ذكرت

حسام الدين
شكرا على الفيديو الاوسكار ،فيديو العسكري العراقي الذي رفض السماح للواء في الجيش المرور وطبق الأوامر...
وهكذا يكون تنفيذ القانون..مش زي عندنا في السودان كل واحد عامل نفسه فوق القانون ...عشان كده بلدنا راجعة للخلف
بسرعة الصاروخ ...
ومن هنا نشيد بالشرطي السوداني الذي اوقف الوزيرة ..ونشيد بالعسكري العراقي الذي رفض السماح لي لواء في الجيش بالمرور ..

تحياتي لجميع المتداخلين ،،،،
كدي بالله عشان بس نتفق على مفهوم نحدد به المشكلة ،،،،
لماذا أوقف الشرطي الوزيرة ورفض السماح لها بالمرور ؟؟؟؟؟؟؟؟؟
علماً بالآتي ،،،،
الوزيرة تحمل تصريح
العربة حكومية وتتبع للوزارة،،،
راكب العربة وزير

طلحة تحياتي
بشاشا بقول الوزيرة دي مامفروض تفتح خشما في مواجهة مواطن نعم شرطي بي حرف واحد.

ده فهمي للعمل العام.

المواطن هو مخدم الوزير وليس العكس!

عشان كده من باب الاحترام العرفان للناخب ده ثم الشرطي ثم الاحترام لي موقعا تتقل شوية أو تبطل خفة!

عندها موظفين المواطن ده دافع مرتباتهم مفروض هم وليس هي اليتولو الموضوع ده!

شوف انا بدافع عن مواطن زيي وانتا بتدافع عن وزيرة أو ده فهم مشقلب فوق تحت!
نعم المواطن صاح وان كان مخطئ إلي أن يثبت العكس بينما الوزير خاطئ تلقائيا وان كان صاح إلي أن يثبت العكس!
ليه؟
لانو في يدو السلطة أما المواطن فمافي يدو شئ!
العسكري في مواجهة وزير لايملك شي من اساسو من ناحية سلطة!

Quote: نعم المواطن صاح وان كان مخطئ إلي أن يثبت العكس بينما الوزير خاطئ تلقائيا وان كان صاح إلي أن يثبت العكس! ليه؟ لانو في يدو السلطة أما المواطن فمافي يدو شئ!

كلام صحيح مية المية
هذه أقل أرضية منطفية لتكوين سودان حر ديمقراطي

عزيزي القارئي

لوملاحظ البدافعو عن الوزيرة في الخيط ده، عرو وكشفو جانب مظلم في طريقة تفكيرنا كسودانيين فيما اتصل بالعمل العام!!

لاحظ كل البدافعو عن الوزيرة دي قطع شك مع الثورة او ضد الكيزان، ولكن للاسف الكيزان كذهنية، ما مقطوعين من شدرة، او هم مننا من حيث طريقة التفكير!!

طيب باختصار عايز اقول شنو؟

عايز اقول جوانا ارث بتاع توقير للفي يدو السلطة، ولاوجود في وعينا للاسف لي مفهوم مواطن او ناخب بالصورة الشفتها في امريكا، متي ما اتصل الامر باي مسؤول سياسي.

نعم نحن ننطلق كخلفية للتعامل مع الوزير او المسؤول لسياسي، من خلفية مفهوم وعقلية "خادم الفكي" اياهو، او "درق سيدو" اياهو، البكون حايم بي شبشب شيخو بي ابتسامة بتاعة نشوة غير عادية كما في الصورة دي:

قرقرقرقرقر!!

نعم المواطن، الناخب، هو خـــــــــــــــادم، اللي في ايدو السلطة، وليس العكس!!!

انا مقدر انو ده جانب عميق في تركيبتنا النفسية، او عارف كويس مصدر العقلية دي، تاريخيا تبلورت كيف، في نظام سياسي مختلف اختلاف جذري عن النظام السياسي الحالي في عالم اليوم بعامة!

في امريكا، انتبهت من اولي ايامي، انو المواطن هنا، بصفة عامة يتعامل مع السياسي بي توجس، شك، او عدم اعتبار رهيب جدا، مقارنة بالهالة المعهودة في نظرتنا احنا بتاعة خادم الفكي اعلاه، للسياسي دعك من الوزير!!

نعم هنا، السياسي بكون في موضع شك او ريبة الي ان يثبت العكس!

نعم الناخب بيتعاطي مع السياسي من منطلق مصلحتو هو، كفرد مع انو الغالبية ماعندهم شغلة بي ترهات ساسا يسوس كقاعدة لانو الموضوع غريزيا موضوع:
هو شخصيا عندو شنو من حيث مصلحتو الشخصية في هطرقة هذا السياسي؟

نعم المصلحة الشخصية المادية للفرد، هو الاساس في تعامل هذا الفرد مع السياسي، ولهذا الفرد لايكترث اطلاقا مقارنة بنا، بالروتين بتاع العمل السياسي،
او بينظر للسياسي بي توجس او شك كبير، والبعض بينظر للسياسي بي احتقار شديد، كانو مجرم!!

لهذا ماعنندهم مفهوم عضوية من اساسو الا بمعني زول "مهني" محترف بياكل عيش بالعمل في ادارة منظومة بعينها كاكل عيش اكرر!

لهذا مقابل العضو او الكادر عندنا، عندهم هو الزول البسجل اسمو كناخب للانتخابات، او بث مش للتنظيم!!

مادام بنتكلم عن نظام ديمقراطي بالمفهوم الاري اي الاوربي، مفروض نتعامل بذات طريقة ناخبي مبتدعي هذا النظام، مش طريقة خادم الفكي اعلاه!!

نعم مفروض نشك في اي مخلوق يورجغ سياسة الي ان يثبت العكس!

كده، هو البديك اعتبار، مش انتا لانو فعلا انتا كناخب مخدمو، وليس العكس!!

غايتو بلاوينا لاتحصي ولاتعد!!

علنا الناس دي بتايد في وزيرة ضد مواطن، وهذا يموخل بحق!!

شخصيا كناخب، كمواطن، تلقائيا واليا، انا مع رفيقي الناخب/المواطن او ضد الوزير او السياسي اليا وميكانيكيا الي ان يثبت العكس!!

علي كده، تخيلو الانقلاب والتغيير الجذري الممكن يحصل، لو الميرغني كان هو الحايم بي جزم مخدمو اعلاه، مش خادمو!!!!

سلامات بشاشا
ارى أن مقاربتك للموضوع بشكل وزير Vs مواطن غير دقيقة
العسكري هنا ليس مجرد مواطن بل صاحب سلطة و في موضوعه دا وموقفه سلطته تفوق سلطة الوزيرة بدليل انه وقفها و رفض تمريرها رغم وجود التصريح فا اضطرت للاتصال برئيسه
الشرطي في السودان ما زي عندكم مجرد موظف بأدي في واجب يتقيد بلوائح ولازم يقرا عليك حقوقك ولو نسى جملة واحد القاضي ممكن يشطب القضية
لا يا عزيزي الشرطي عندنا - وللدقة اي من يرتدي يونيفورم - تلقائيا تتلكه روح السلطة و يريد ممارستها على الاقل منه وهو المواطن الملكي دا
ممكن يوقفك ويعتقلك ويسوقك يفتح ليك بلاغ يوم خميس في ابعد قسم عشان تقعد لغاية الاحد في الحراسة مثلا
النظامي ما بقيف في صف ورا الملكي, مجرد لبسه بديه الحق يمارس سلطة قلعها قلع و يتجاوز اي مواطن مدني
فا المقاربة الصحيحة هي وزيرة بلا سلطة هنا Vs صاحب سلطة متعسّف
فا اضطرت للتواصل مع السلطة الاعلى منه وذلك لانه عندها القدرة على التواصل دا
يعني لو مواطنة عادية في نفس الموقف لكن في تلفونها رقم نقيب أو مقدم مثلا و اتصلت بيه ح يحصل نفس الحصل
الوزيرة لم تستخدم سلطتها - لأنو ما عندها سلطة هنا اساسا, معليش لو ما عندها تصريح قول و اصرت على ان تعبر او ان ترفض ابرازه للعسكري هنا كان ممكن نقول تجاوزت, لكن الواقع التجاوز وقع عليها لا منها

الحبيب البشرى .. تحياتي
شكرا على المداخلة والطرح الهاديء لوجهة النظر
جميل النقاش في هذا البوست من الاحباب
وجهات نظر متعددة وطرح هاديء

تحياتي الاحباب الكرام

بشاشا يقولوا ليك عسكري لابس كاكي وشايل
بندقيتو تقعد تسو في مواطن ومظلوم ومسكين
وحردان .. عسكري يا عبدالله اقسم بالله عسكري
ياتو ديمقراطية دي البتحرم من حق قانوني لمجرد
انو صاحبو دستوري حتى لو كان في مواجهة مواطن
كما تصر أن تسميهو ؟؟
ثم
الوزيرة دي جاءت شايلة تصريح قانوني والعسكري
اتسلط عليها ومنعا من المرور وهو بذلك يحتقر القانون
فياتو ديمقراطية دي اللي بتيح لأيا كان يتجاوز القانون
ويستبدله برأيو ومزاجو ومواجدو الشخصية ؟؟
بالنسبة لي دي ديمقراطية العفن ولا تلزمني .
ثم
شنو البخلي الوزيرة ما مواطن والعسكري مواطن
يا أب رأي ؟؟؟ كلهم مواطن له وعليه يا حبيب، فرضنا
انو الوزيرة دي خلصت من عملا وماشة بيتم زيها وزي
الدكتور وشايلة تصريحا في يدها فهل تمنع من المرور
بذنب أنها وزيرة والعسكري مواطن ؟؟
هو دا فهم الديمقراطية والدول المتقدمة يعنى ؟؟
دا تخلف وجهل ولو وصفناهو بطريقة دبلوماسية
بنقول عليهو فشخرة ونفاق اجتماعي لا يمت للأخلاق
ولا الانسانية بصلة بتاتا.
يا بشاشا انت بتقول في شنو يا خوي ؟؟؟؟؟؟؟؟؟؟؟

السلام عليكم.

الا يوجد تنسيق بين وزارة الداخليه، وحواجزها المنتشرة؟
الا توجد اجهزة اتصال مع العساكر، المرتكزين في نقاط التفتيش، ام موجودة مع الضابط في العربة ؟
الشرطي الفني، يعلم ذلك تماما، ويعلم الوضع الاستثنائي الذي تمر به البلاد، والعالم كله.
عساكر الشرطة، لم يستوعبوا بعد التغيير الذي حدث في السودان، فاشرطته التي علي كتفه، توضح مده وفترة عمله حتي الان.
يعاملون المدنيين من ابراج عاليه، علي اساس ان القانون بايديهم وحدهم.
لن ننسي وقوفهم علي الحواجز الطيارة المرورية، وتحصيلهم المال من المواطن بالقوة، دون مراعاة لاي ظرف.
مفترض مراجعه ملفه، ومحاسبته علي سلوكه، مع الوزيرة.

يعاملون المدنيين من ابراج عاليه، علي اساس ان القانون بايديهم وحدهم.

============================

حبيبنا هاشم كاروري .. تحياتي يا جميل
بهذه الجملة لخصت كل البوست ..
منذ نشأتنا طبعا في ضواحي الدنيا زمان لم يكن هناك بوليس
لأن حتى المشاكل لم تكن موجودة .. كنا عندما نرى البوليس في اي مناسبة
نعتبره ابراهيم عبود نفسه .. الى اليوم بعض اهلنا في الوطن يعتبرون البوليس هو كل شيء
الحبيب هاشم هذا الشيء في اللاشعور لدى الشرطة وبعض المواطنين

اثناء اجازتي السنوية من الاغتراب الى البلد ( شريان الشمال ) اكثر شيء كان يعكر صفو فرحتي
بالوطن تعامل الشرطة في نقاط التفتيش والجباية مع السائقين والركاب

تحياتي الحبيب هاشم .. شكرا للحضور واصل الحبيب

الحبيب طلحة . . تحياتي
شكرا الحبيب على المداخلة والاثراء
وجهات نظر مختلفة .. هي قناعات
رغم العثرات في الموضوع ولكن بدأنا العهد الديمقراطي
بقليل من الصبر والتدريب والممارسة سوف نرتقي
الهدف المنشود
في عهد المخلوع والي الخرطوم الخضر كانت مواكبه توقف الحركة تماماً في أهم الشوارع

سوف نتجاوز المرحلة بإذن الله

تحياتي الحبيب طلحة

طلحة عبد الله
هاشم كاروري
لا ادري لماذا تدافعون عن وزيرة تريد ان تحاسب شرطي يؤدي واجبه ،،،،!!؟؟؟دي وزيرة جات لمنصبها
اثر ثورة شعبية جبارة ارغمت الجبابرة من لصوص وحرامية النظام السابق على الركوع والانصياع لرغبات
الشعب فكانت من الاولى لها ان تتواضع شوية بدل تجري لوزير الداخلية كي تشتكي شرطي يؤدي واجبه،،،
..في الدول المتقدمة الديمقراطية الشرطي ممكن يوقف رئيس البلد ويبهدله بهدلة السواد ، خليك من وزير،،،
وبعد ده كله تجد رئيس البلد يعمل مؤتمر صحفي ويستقبل الشرطي في مكتبه ويشيد به ويؤكد انه ليس فوق
القانون....
لكن للاسف عندنا في السودان اي واحد يرتقي لاي منصب ، حتى ولو منصب مدير مكتب او وكيل وزارة ،بيعتبر
نفسه فوق القانون ويقول في نفسه ما على الارض الا انا ،،،،
لسع السودان في الف باء تاء ثاء الديمقراطية ،،ولسع بدري علينا نتعلم اساسيات الديمقراطية وعدم تاليه الرؤساء
والمسؤولين الكبار ،،،،
وكل سنة وانتو طيبين وسالمين ولامين

الابنة امتثال .. تحياتي والتحية للاميرات

ما يعجبني في هذا البوست وجهات النظر المختلفة
وهدوء النقاش .. وكل رأي له ما يبرره
طبعا الوطن في الدقائق الاولى من الديمقراطية
ونحتاج الى وقت ..
مثل هذه الهفوات .. وهذا الرقي في النقاش هي بدايات
القادم الجميل

تحياتي الابنة الامتثال ..

أخت إمتثال
تحية طيبة ورمضان كريم

Quote: طلحة عبد الله هاشم كاروري لا ادري لماذا تدافعون عن وزيرة تريد ان تحاسب شرطي يؤدي واجبه ،،،،!!؟؟؟دي وزيرة جات لمنصبها اثر ثورة شعبية جبارة ارغمت الجبابرة من لصوص وحرامية النظام السابق على الركوع والانصياع لرغبات الشعب فكانت من الاولى لها ان تتواضع شوية بدل تجري لوزير الداخلية كي تشتكي شرطي يؤدي واجبه،،،

ا لناس دي كلها ما عندها إعتراض علي إنويودي واجبو , إعتراضنا إنو خرج عن نطاق واجبو
وتعداه وبدل مايلتزم بتطبيق القانون خرق القانون
يا أخت إمتثال الوزيرة لم تعترض علي توقيف سيارتها ولا علي مطالبة الشرطي إبراز تصريح
المرور وفحصه ...
دا واجب الشرطي وصاحب السيارة أو سائقها إيا كان ملزم بالإنصياع.........
دا كلو مفهوم ولاخلاف عليه
الخلاف وين؟
الخلاف في حقيقة إنو الشرطة تعدي صلاحياته وخرج عن نطاق واجبه المهني - وذلك بتجاهل
وثيقة قانونية متكاملة الأركان -وهي تصريح المرور -
- الوزيرة هنا مواطن متضرر من تعسف الشرطي وتخطيه لواجبه ومن حقها الشكوي .
ومن حق الشرطي إثبات أنه كان يتصرف في حدود صلاحياته!
وهذا مناسبة لأي مواطن للشكوي والتصعيد تجاه إي شرطي أو موظف عام يتعدي حدود
صلاحياته

أخت إمتثال
تحية طيبة ورمضان كريم

Quote: طلحة عبد الله هاشم كاروري لا ادري لماذا تدافعون عن وزيرة تريد ان تحاسب شرطي يؤدي واجبه ،،،،!!؟؟؟دي وزيرة جات لمنصبها اثر ثورة شعبية جبارة ارغمت الجبابرة من لصوص وحرامية النظام السابق على الركوع والانصياع لرغبات الشعب فكانت من الاولى لها ان تتواضع شوية بدل تجري لوزير الداخلية كي تشتكي شرطي يؤدي واجبه،،،

ا لناس دي كلها ما عندها إعتراض علي إنويودي واجبو , إعتراضنا إنو خرج عن نطاق واجبو
وتعداه وبدل مايلتزم بتطبيق القانون خرق القانون
يا أخت إمتثال الوزيرة لم تعترض علي توقيف سيارتها ولا علي مطالبة الشرطي إبراز تصريح
المرور وفحصه ...
دا واجب الشرطي وصاحب السيارة أو سائقها إيا كان ملزم بالإنصياع.........
دا كلو مفهوم ولاخلاف عليه
الخلاف وين؟
الخلاف في حقيقة إنو الشرطة تعدي صلاحياته وخرج عن نطاق واجبه المهني - وذلك بتجاهل
وثيقة قانونية متكاملة الأركان -وهي تصريح المرور -
- الوزيرة هنا مواطن متضرر من تعسف الشرطي وتخطيه لواجبه ومن حقها الشكوي .
ومن حق الشرطي إثبات أنه كان يتصرف في حدود صلاحياته!
وهذا مناسبة لأي مواطن للشكوي والتصعيد تجاه إي شرطي أو موظف عام يتعدي حدود
صلاحياته

كتب عزيزنا الكاتب بشاشا
...

Quote: عزيزي القارئي لوملاحظ البدافعو عن الوزيرة في الخيط ده، عرو وكشفو جانب مظلم في طريقة تفكيرنا كسودانيين فيما اتصل بالعمل العام!! لاحظ كل البدافعو عن الوزيرة دي قطع شك مع الثورة او ضد الكيزان، ولكن للاسف الكيزان كذهنية، ما مقطوعين من شدرة، او هم مننا من حيث طريقة التفكير!! ............ نعم المواطن صاح وان كان مخطئ إلي أن يثبت العكس بينما الوزير خاطئ تلقائيا وان كان صاح إلي أن يثبت العكس! ليه؟ لانو في يدو السلطة أما المواطن فمافي يدو شئ!

لا يابشاشا الشرطي برضو موظف في عمل عام وليس مجرد مواطن عادي, الشرطي يملك
سلطة واسعة -منها إيقاف عربة الوزير وطلب رؤية تصريح المرور وفحصه!
ولكن ليس من حقه تجاهل التصريح والتعسف في إعمال سلطته أو تجاوز صلاحيته !
أنا كمواطن أقوم بدفع مرتب ومخصصات الشرطي أطالبه وأتوقع منه إداء واجبه علي أكمل
وجه وأن يتحرك في حدود إختصاصه وأرفض تخطي الشرطي لصلاحياته أو عدم إحترامه
وإلتزامه بوثيقة قانونية مكتملة الأركان - وأعني تصريح المرور
* وأطالب الوزيرة التي تتقاضي أجرها من عرق دافع الضرائب أن تشكو وتتابع الشكوي
ضد الشرطي الذي تجاوز حدوده وصلاحياته - حتي لاتشجع اللامبالاة والصلف لدي الموظف
العام وترتضي التعسف في إستخدام الشرطي لصلاحياته - السكوت هنا ليس حلم أو نبل
وإنما تشجيع لممارسة ضارة وأفة ظل يعاني منها المواطن
* وبعدين أنا كمواطن ودافع ضرائب أطالب الوزيرة بالإلتزام واجبها والتحرك في حدود صلاحياتها
والتمسك بحقوقها- وألا أقبل أن تكون هدفا للتكفير أو التحقير وعدم إحترام تصريح
المرور خاصتها .......

سلام يا كمال ورمضان كريم
أنا ما عارف بشاشا دا هنا ما فاهم
الموضوع واللا فاهمو وعايز يتغاتت علينا ويكاجر
واللا شنو فكرتو بالضبط مع انو الموضوع واضح جدا
من كل نواحيهو .

لا،،لا،،يا كمال جملتك الاخيرة دي معكوسة وهي قولك "وهذه مناسبة لاي مواطن للسكوى والتصعيد ضد اي شرطي او موظف عام ،،،"
لان الجملة دي ممكن تكون صحيحة اذا العكس هو الحصل،،اي اذا كان الشرطي هو الذي اشتكى الوزيرة لانها مثلا قلت ادبها عليها
وعاملته بازدراء وترفع ، وربما رفضت ابراز التصريح وقالت ليه انا وزيرة وما مفروض تسالني عن تصريح يا ....."
فنحن لا نعرف حقائق الاحداث وطبعا وبما انه ليس هناك فيديو مسجل لما حدث فان الناس ، او قل المسؤولين ، طبعا حيصدقوا
الوزيرة ،،،ويكضبوا الشرطي الذي كان يؤدي واجبه ،،،،واذا تم اي اجراء ضد هذا الشرطي فان هيبة القانون ستقع في الواطة ،،وكل
زول حيعمل على كيفو ....والشرطي حتزول هيبته ،،،وفي الحالة دي،،اي في حالة اتخاذ اي اجراء ضد الشرطي من قبل ادارته فعلى
كل ضباط الشرطة والعساكر اعلان الاضراب العام عن العمل ،،،،
وكمان في المستقبل يكون افضل تركيب كاميرا ضغيرة في يونيفورم اي شرطي لتسجيل اي امر يحدث مثل هذا القبيل،،،كما هو
موجود الان عند شرطة نيويورك،،،،
والله الشرطة في نيويورك عندها هيبة وعظمة وكل الناس ترجف قدامهم،،لانهم يطبقون القانون بحزم وصرامة وليس هناك مجال
للتساهل والتراخي عندهم،،،
واظن حتى طرمبة، العامل نفسه بطل العالم وكل مرة مقدد اضنينا بانه رئيس اقوى بلد في العالم ،حيقيف قدام الشرطي النيويوركي
زي الطيرة الداقاها المطرة ،،،،هههههههههههه،،،
وكل سنة وانت طيب،،،،

Quote: العسكري هنا ليس مجرد مواطن بل صاحب سلطة و في موضوعه دا وموقفه سلطته تفوق سلطة الوزيرة

ود البشري سلامي،

طبعا ماعندك رد علي النقطة الاساسية في المداخلة اعلاه فرحتا قابض في موضوع جانبي.

اها، انتا بي جدك عايز تقارن مابين سلطة عسكري مرور في شارع بعينه، او سلطة عضو مجلس وزراء، وزيرة في سلطة مركزية مش ولاية مثلا؟

معقولة؟

او كمان عايزني فعلا اضيع وكت في موضوع زي ده؟

اها لو بتقول العسكري في السودان مازي بتاع امريكا، طيب، بهكذا اسلوب من وزيرة اتت بها ثورة عشان تغير ده كلو، فكيف الوضع حيتغير في السودان للافضل؟

ماعشان نمشي لي قدام، الوزيرة دي مفروض تغير طريقتا او تبقي قدوة للعسكري، بدل ماتكون زيو بل اكعب منو، بالذات انها ممثلة لشعارات الثورة، افتراضا ضد طريقة تفكير العسكري ده، القتو كوز!

اذن موضوعي الاساسي، هو ميلنا الفطري لتبجيل اللي في السلطة، حيث لايوجد الي اليوم مفهوم "مواطن" و"مواطنة"، "ناخب" او "ناخبة" في وعينا كقاعدة!

نعم العسكري ده، كفرد، هو مواطن في المقام الاول ثم عسكري نفر بعد داك.

الوزيرة مفروض تكون دي نظرتا وهذا لايكلفها شئ، اذا فعلا كانت واعية بي دورا كممثلة لي ثورة طارحة بديل!

مافاهم الاشكال وين، لو هي خلت موظفيها يتولو الموضوع ده، بي هدوء، او بي رزانة، بدل عجاجة زي دي، فضيحة، هو خصم من رصيد شعارات الثورة؟؟

كتبت أخت إمتثال

Quote: لا،،لا،،يا كمال جملتك الاخيرة دي معكوسة وهي قولك "وهذه مناسبة لاي مواطن للسكوى والتصعيد ضد اي شرطي او موظف عام ،،،"لان الجملة دي ممكن تكون صحيحة اذا العكس هو الحصل،،اي اذا كان الشرطي هو الذي اشتكى الوزيرة لانها مثلا قلت ادبها عليها وعاملته بازدراء وترفع ، وربما رفضت ابراز التصريح وقالت ليه انا وزيرة وما مفروض تسالني عن تصريح يا ...

لا جملتي صحيحة ودقيقة تماما ومقصودة ... نعم هي مناسبة لأي مواطن لأن يشكوي ويصعد
ضد إي شرطي أو موظف عام يتجاوز صلاحياته ويتعدي حدود إختصاصه - كلامك دا تعسف وشطط في إفتراضات خيالية ... فالشرطي لم يزعم إنها رفضت إبراز التصريح -- وبالنسبة للتظليل - فهو مُلصق بالعربة الوزارية لم تأمر الوزير بوضعه أو سحبه فهذه ليست سيارتها الخاصة !
* بعدين الوزير لو كانت تسعي للتجول من دون حاجة لتصريح بدعوي إنها وزيرة وشغلهايتطلب الحركة من دون حوجة له لما إستخرجته مثلها مثل إي مواطن ملتزم بالحظر وحمل تصريح ,,,,,, المنطق يقول إنها إستخرجت التصريح لإستخدامه - لا وضع كديكور ....- الشرطي أوقف العربة وإمتثلت الوزيرة-الشرطي طلب رؤية التصريح وأمتثلت الوزيرة-الشرطة رفض التعامل بمقتضي الوثيقة القانونية -التصريح وهذا تجاوز- أصر علي حجز العربة والوزيرة رغما عن التصريح وهذا تعسف وإستغلال للسلطة من الشرطي- الوزيرة إمتثلت للإحتجاز وأتصلت بوازرة الشرطي -لالجان المقاومة -التي هدت طغيان الشرطةوجهاز الأمن وهزمت قمعها وتسلطها
- أتصلت بوازرة الشرطي التي تكرمت بعلاج الحادثةوهنا قامت الوزيرة بممارسة حقها القانوني ورفعت وبكل تحضر - شكوي إدارية ضد الشرطي
* إنتهي وعايز أقول ليك الكلام دا ويمكن إنتي ما عارفا- جهاز الشرطة السودانية يحتاج لإصلاح وتطوير-
ومن دون تعميم :هناك بعضا من الفساد والمحسوبية والرشوة-
جهل وحظ قليل من التعليم-شطط وتسلط وإستغلال نفوذ وتعسف في إستخدام السلطة
- هل شاهدت الضرب والشلاليت والكفوف وإذلال وسب المواطنين؟-هناك الصالح والطالح ولكن هناك عقلية عنجهية وتسلطية يجب أن تحسم
* الناس دي كلها عارفة الكلام بس ماعايزة تقولو هنا حتي لايفهم منو تبرير أو محاسبةللشرطي بناء علي هذه الخلفيات -وإنما تسعي وبكل تجرد لتقييمه وفق مجريات ومعطيات الحادثة المعنية

السلام عليكم

Quote: طلحة عبد الله هاشم كاروري لا ادري لماذا تدافعون عن وزيرة تريد ان تحاسب شرطي يؤدي واجبه ،،،،!!؟؟؟دي وزيرة جات لمنصبها اثر ثورة شعبية جبارة ارغمت الجبابرة من لصوص وحرامية النظام السابق على الركوع والانصياع لرغبات

Quote: لا يوجد تنسيق بين وزارة الداخليه، وحواجزها المنتشرة؟ الا توجد اجهزة اتصال مع العساكر، المرتكزين في نقاط التفتيش، ام موجودة مع الضابط في العربة ؟

هذا تساؤلي ومايزال ، الايوجد تنسيق بين وزارة الداخلية ، وحواجزها المنتشرة في العاصمة ؟
اليس لحاجز التفتيش هذا ، علم مسبق بمرور " وزيرة " ؟
اذا كان موجود هذا التنسيق ( حضور وزير او وزيرة في الوقت المحدد ) . لا اظن ان هذا الشرطي كانت سيعترض طريقها ، لعلمه بوصولها ، حسب الاشارة الوارة اليه من ادارته او رئاسته . وهذا مايحدث في كل الدنيا ، عند مرور موكب او شخصية مهمة .( حتي لايحدث لبس ، كما حدث في هذا الموقف، في العادة يتم اخطار من يعمل في الميدان لاسلكيا ) .لكن اعتقد ان الفوضي ، واللامسؤلية تضرب اطنابها ، في هذا القطاع .

لا أبرئ هذا الشرطي المذكور ، في هذا الموضوع ، وليس مسالة انطباع . لكن الحقيقة ان اغلب ومعظم افراد الشرطة السودانية " دون المستوي " ، ولا يصح تمليكهم سلطات ، بل يجب ان تنزع منهم . ( توجد الكثير من البلاغات المقيده ضد افراد شرطة استغلوا سلطاتهم ، واروقه القضاء والمحاكم تعج بمثل هذه البلاغات ) ، ولا اعتقد ان الوزيرة " تتبلي عليه " ، فهي لم تاتي قصدا الي هذا الحاجز كي تسفزه مثلا ، بل هو الذي تجاوز حدوده ، وكلنا يعلم " جرجرة العساكر " . وتفننهم في تعطيل البشر عن اعمالهم . وعن قصد بأسم القانون .
صف الظباط ، والرتب الاخري في الشرطة ، كانو هم الاداة التنفيذية والباطشة للنظام المقبور ، نشأوا وترعرعوا في حضن الانقاذ ، وهم اشد سوأ من الانقاذ نفسها .
هذا الجهاز يحتاج اعادة تأهيل وبرمجة من الاول . فهولاء لن ينسوا ، ماتعلموه وتعودو عليه منذ فترة طويلة ، فهذه تربية الانقاذ.

ونحن ايضا ، لن ننسي .

-
سلام طلحة ورمضان كريم

Quote: سلام يا كمال ورمضان كريم أنا ما عارف بشاشا دا هنا ما فاهم الموضوع واللا فاهمو وعايز يتغاتت علينا ويكاجر واللا شنو فكرتو بالضبط مع انو الموضوع واضح جدا من كل نواحيهو .

بشاشا عارف الكلام دا كلو وفايت قعر أضنينو !
بشاشا عاوز يعامل الوزير بمعيار أعلي
to
"hold her to a higher standard" ...
يعني التصرف دا لو حدث وبكل تفاصيلو لمواطن عادي مع الشرطي لوقف بشاشا مع المواطن -بشاشا زي الزول اللي بجي يحضر كورة في التلفزيون ويقوم طوالي يشجع الفريق
غير المرشح بالفوز أو التعبان الunderdog
بس نسي إنو هنا الunderdog هو الوزيرة لا الشرطي !
* بشاشا عاوز يكسر مناخير ناس الحظوة والتميز وأولاد العز والسادة وأصحاب السلطة والسطوة اللي بواجهو الشرطي أو الموظف العام يازول إنت عارف نفسك بتتكلم مع مين؟
عاوز تقطع عايشك واللا شنو ويجي صاحب رتبة أو منصب أعلي يكفتو ويرفدو وأمسح لينا في وجهنا وزويلك دا تاني ماب يعتب علي الشُغل دا
بشاشا وقع تحت إعتقاد إنو الوزيرة - بظهورها بصفتها كوزير عملت intimidation للشرطي ورمت بثقلها وسطوتها كوزيرة وهذه صفة قد تؤثر علي الشرطي وتربكه !
ولكن هذا لم يحدث فالشرطي أصر علي تعسفه وإحتجازه للوزيرة حتي بعد أن علم أنها وزيرة
* بشاشا يتحدث وفي ذهنو الوزير في العهد الدكتاتوري -صاحب السلطة والسطوة الذي لايحمل تصريح ويرمي مثل هذا الشرطي في بيوت الأشباح !
- نحن في عهد ديموقراطي الوزير يقيف ويبرز تصريحه والشرطي يحاسب إن تجاوز سلطته والإعلام يكتب وينتقد
** الوزيرة دي ماعندها ضهر أو حزب أو ثروة تحميها من سياط التكفير والتمييز السلبي بإعتبارها إمراة..تري لو كان الوزير رجلا - أوزير للدفاع أو حميدتي كان سيكون تصرف الشرطي - نفس الحصل مع ولاء ؟؟ هل الحرية تعني مصادرة حقوق لمواطن لمجرد إنه وزير-وزير فألعب به ومرمطو وختو تحت الجزمة؟

طلحة تحياتي،

كلام بشاشا واضح كالشمش!!

الوزيرة دي ما كان تفتح خشما او تنطق حرف واحد، احد في الموضوع ده.

نعم عندها موظفين ده شغلم، كان تخليهم يتولو الموضوع ده، مع شكر العسكري ده للقيام بي واجبو، حتي ولوغلطان من حيث الاجراءت.

لانو ما من العادة عسكري يوقف وزير لاي سبب، لانو ممكن يروح فيها حتي ولو كان علي حق او صاح، لانو نظامنا بعامة كده، والوزيرة دي اعادت انتاج هذا، بدل تقديم البديل، ولو شكلا، االلي يا للنكتة قدمو اي نموذج البديل العسكري ده بغض النظر عن منطلقاتو!

الغريب او عجيب، هو موقفكم انتم خلف من بيده السلطة في مواجهة حتة عسكري نفر، وهذا يفضح طريقة تفكيرنا المجسدة في الصورة اعلاه، للحايم بي شباشب صاحب السلطة، وهو يبتسم في نشوة!

العقلية دي، في التعامل مع اصحاب السلطان، هي الانجبت نظام الفسقة اللي ماجونا من عطارد!

هل بالغلط سمعتا بي وزير انقاذي وقفو عسكري مرور؟

هل ممكن اي مخلوق يفكر يعمل كده؟

ياخي عادي قالو اخو البشير من دون اي موقع رسمي بجي خاشي النادي بالليل، او يلقي فنان بغني، لما الغنية تطلع ليهو في الراس، بروح تاح قالع المايك من المسكين ليواصل هو الغنا، والفرقة تواصل العزف مجبرة، لانو ده اخو القشير!!

للاسف ده، هو نموذج عقلية الوزيرة دي، اللي اتت بها ثورة افتراضا علي نموذج عقلية اخو القشير!!

يا سلام .. الاحباب
امتثال
طلحة
كمال
البشرى
بشاشا
هاشم وباقي الاخوان
في هذاالبوست جسدتم نموذج رائع للطرح الهاديء
والراي والرأي الآخر بكل جمال وطيبة وعمق

ياسلام واصلوا.. متابعين ..
ليت الوزيرة والشرطي وحتى وزير داخلية قرأ هذا البوست
بهذا طرح جميل بدون تعقيد وبكل بساطة

"""الغريب او العجيب ،هو موقفكم انتم خلف من بيده السلطة في مواجهة حتة عسكري نفر، وهذا
يفضح طريقة تفكيرنا المجسدة في الصورة اعلاه ،للحايم بي شباشب صاحب السلطة وهو يبتسم
في نشوة""".
تعليق اوسكار خمس نجوم ...
بشاشا انت تمثلني....

تحياتي للجميع ،،،
أنا فوق سألت لماذا لم يسمح الشرطي للسيارة بالمرور ما هو تبريره ،،، ولم يجاوب أحد ،،،
صراحة ما قادر أستوعب رأي الأخ بشاشا ولا رأي بنتنا إمتثال ،،،
شرطي واقف في حاجز تأتي سيارة حكومية تتبع لوزارة وفيها وزيرة ولديهم تصريح مرور ،، يتحدث السائق مع الشرطي فيرفض السماح بمرورهم ،، تنزل الوزيرة وتعلمه بأن لديهم تصريح فيرفض ،، تطلب التحدث مع الضابط فيقول بأنه هو المسئول ، ويرفض إعادة التصريح ، ويعطل الوزيرة وكل من معها ،،،،
من الذي لديه السلطة هنا
من الذي يخرق القانون هنا
ماذا تفعل الوزيرة غير الإتصال برئيسهم الأعلى ،،،،،
كيف يستقيم عقلاً أن نقف في صف شرطي يعطل وزيرة عن عملها رغم وجود كل ما يسمح لهم بالمرور ،،، فقط لأنه شرطي ،،،
ماذا يريد الشرطي من الوزيرة أكثر من تصريح مرور للسماح لها بالمرور ،،،
في رأيي هذا الشرطي تقصد تعطيل الوزيرة لخلق بطولة وهمية ويجب أن يعاقب .

مافضل ليك يا بشاشا إلّا تشغل اسطوانتك الفرمالة و تقول الوزيرة الجلابية المستلبة استعلت على العسكري ابن الهامش

نزل لأسفل

Quote: شرطي يعطل وزيرة

سلام يا حسام حمودة

انا باقي لي، الجملة اعلاه لخصت الموضوع!

ماعشان كده نزلت الوزيــــــــــــــــرة كمان من العربية بي جلالة قدرها اللي هبشو حتة"شرطي" عشان تادبو، باستخدام سلطتا، شغل بوبار!!!

ما كنتا عارف انها نزلت كمان من العربية!

وقسما قايلا نزلت القزاز او قالت ليهو "انا وزيــــــــــرا"، هوي ياعواليق!!

لاحظ المضحك المبكي، انو البدافعو عن تصرف الزولة دي، المبرر بالنسبة ليهم هو انها عندها تصريح مرور!!

طيب، لو كده، ماتخلي السواق بتاعا ولا ايا من افراد الحاشية، يتولو باقي التفاصيل؟

لزومو شنو تقوم هي متلبة من العربية بي نفسا لولا انها مغرورة، الغريرة؟

شئ عجيب!!!

-
سلام طلحة ورمضان كريم
(((:
سلام يا كمال ورمضان كريم
أنا ما عارف بشاشا دا هنا ما فاهم
الموضوع واللا فاهمو وعايز يتغاتت علينا ويكاجر
واللا شنو فكرتو بالضبط مع انو الموضوع واضح جدا
من كل نواحيهو .))

بشاشا عارف الكلام دا كلو وفايت قعر أضنينو !
بشاشا عاوز يعامل الوزير بمعيار أعلي
to
"hold her to a higher standard" ...
يعني التصرف دا لو حدث وبكل تفاصيلو لمواطن عادي مع الشرطي لوقف بشاشا مع المواطن -بشاشا زي الزول اللي بجي يحضر كورة في التلفزيون ويقوم طوالي يشجع الفريق
غير المرشح بالفوز أو التعبان الunderdog
بس نسي إنو هنا الunderdog هو الوزيرة لا الشرطي !
* بشاشا عاوز يكسر مناخير ناس الحظوة والتميز وأولاد العز والسادة وأصحاب السلطة والسطوة اللي بواجهو الشرطي أو الموظف العام يازول إنت عارف نفسك بتتكلم مع مين؟
عاوز تقطع عايشك واللا شنو ويجي صاحب رتبة أو منصب أعلي يكفتو ويرفدو وأمسح لينا في وجهنا وزويلك دا تاني ماب يعتب علي الشُغل دا
بشاشا وقع تحت إعتقاد إنو الوزيرة - بظهورها بصفتها كوزير عملت intimidation للشرطي ورمت بثقلها وسطوتها كوزيرة وهذه صفة قد تؤثر علي الشرطي وتربكه !
ولكن هذا لم يحدث فالشرطي أصر علي تعسفه وإحتجازه للوزيرة حتي بعد أن علم أنها وزيرة
* بشاشا يتحدث وفي ذهنو الوزير في العهد الدكتاتوري -صاحب السلطة والسطوة الذي لايحمل تصريح ويرمي مثل هذا الشرطي في بيوت الأشباح !
- نحن في عهد ديموقراطي الوزير يقيف ويبرز تصريحه والشرطي يحاسب إن تجاوز سلطته والإعلام يكتب وينتقد
** الوزيرة دي ماعندها ضهر أو حزب أو ثروة تحميها من سياط التكفير والتمييز السلبي بإعتبارها إمراة..تري لو كان الوزير رجلا - أوزير للدفاع أو حميدتي كان سيكون تصرف الشرطي - نفس الحصل مع ولاء ؟؟ هل الحرية تعني مصادرة حقوق لمواطن لمجرد إنه وزير-وزير فألعب به ومرمطو وختو تحت الجزمة

-
سلام طلحة ورمضان كريم
(((:
سلام يا كمال ورمضان كريم
أنا ما عارف بشاشا دا هنا ما فاهم
الموضوع واللا فاهمو وعايز يتغاتت علينا ويكاجر
واللا شنو فكرتو بالضبط مع انو الموضوع واضح جدا
من كل نواحيهو .))

بشاشا عارف الكلام دا كلو وفايت قعر أضنينو !
بشاشا عاوز يعامل الوزير بمعيار أعلي
to
"hold her to a higher standard" ...
يعني التصرف دا لو حدث وبكل تفاصيلو لمواطن عادي مع الشرطي لوقف بشاشا مع المواطن -بشاشا زي الزول اللي بجي يحضر كورة في التلفزيون ويقوم طوالي يشجع الفريق
غير المرشح بالفوز أو التعبان الunderdog
بس نسي إنو هنا الunderdog هو الوزيرة لا الشرطي !
* بشاشا عاوز يكسر مناخير ناس الحظوة والتميز وأولاد العز والسادة وأصحاب السلطة والسطوة اللي بواجهو الشرطي أو الموظف العام يازول إنت عارف نفسك بتتكلم مع مين؟
عاوز تقطع عايشك واللا شنو ويجي صاحب رتبة أو منصب أعلي يكفتو ويرفدو وأمسح لينا في وجهنا وزويلك دا تاني ماب يعتب علي الشُغل دا
بشاشا وقع تحت إعتقاد إنو الوزيرة - بظهورها بصفتها كوزير عملت intimidation للشرطي ورمت بثقلها وسطوتها كوزيرة وهذه صفة قد تؤثر علي الشرطي وتربكه !
ولكن هذا لم يحدث فالشرطي أصر علي تعسفه وإحتجازه للوزيرة حتي بعد أن علم أنها وزيرة
* بشاشا يتحدث وفي ذهنو الوزير في العهد الدكتاتوري -صاحب السلطة والسطوة الذي لايحمل تصريح ويرمي مثل هذا الشرطي في بيوت الأشباح !
- نحن في عهد ديموقراطي الوزير يقيف ويبرز تصريحه والشرطي يحاسب إن تجاوز سلطته والإعلام يكتب وينتقد
** الوزيرة دي ماعندها ضهر أو حزب أو ثروة تحميها من سياط التكفير والتمييز السلبي بإعتبارها إمراة..تري لو كان الوزير رجلا - أوزير للدفاع أو حميدتي كان سيكون تصرف الشرطي - نفس الحصل مع ولاء ؟؟ هل الحرية تعني مصادرة حقوق لمواطن لمجرد إنه وزير-وزير فألعب به ومرمطو وختو تحت الجزمة

Quote: الوزيرة دي ماعندها ضهر أو حزب أو ثروة تحميها من سياط التكفير والتمييز السلبي بإعتبارها إمراة..تري لو كان الوزير رجلا - أوزير للدفاع أو حميدتي كان سيكون تصرف الشرطي - نفس الحصل مع ولاء ؟؟ هل الحرية تعني مصادرة حقوق لمواطن لمجرد إنه وزير-وزير فألعب به ومرمطو وختو تحت الجزمة؟

بالضبط هو كدا يا كمال
موقف بشاشا هنا زي موقف ضياء الدين لما اعتذر لحميدتي في
خبر مضروب وما اعتذر للوزير أكرم ..
وزي ما قلت أنت فوق أراهنك لو كان محل الوزيرة
دا ملازم بنجمة واحدة كان العسكري المستأسد دا ضرب التحية
ومررو بدون حتى ما يشوف تصريحو .. وللأسف دي
ياها العقلية المتخلفة المتسلطة الغالبة في البلد
ودايسين بيها على رقبة المواطن الغلبان دا .. تجسيد
حي لقانون الغاب ونظرية القوي يأكل الضعيف .
بشاشا عايز يفرض فهمو هو للموضوع متجاهلا
معطيات واضحة جدا لو أطلع عليها أبو العكسري المستأسد
دا واللا أخوهو ذاتو كان جرمو بيها وطالب بمعاقبته.
هو يصر على أن العسكري برغم الكاكي اللابسو
والبندقية الشايلا والصلاحيات الممنوحة ليهو في الموقف
دا مجرد مواطن والوزيرة اللي طالبت بحقها وأبرزت
جواز مرورها يجب أن يتم ايقافها ومرمطتا فقط لأنها وزيرة
وفي رأيو ما (مواطنة) بحجة الديمقراطية والحاجات القاعد يقولا دي ..
والغريبة في خضم غلاطو دا يناقض كل سطر يكتبو بالسطر
الذي يليه مباشرة .. يمنح لقب المواطن للعسكري ويصادرو
من الوزيرة كأنها جاية من النيجر .. يطالب بالديمقراطية ويسلب حق
الوزيرة ويقف مع منعها من المرور برغم التصريح
فالديمقراطية عنده في الموضع دا تحديدا هو أن تصادر
حقوق الوزراء وأصحاب المناصب لمجرد أنهم كذلك
وتمنحها للمواطنين حتى لو غرقانين في الغلط والمخالفات
يعنى باختصار يكرس للفوضي ليبقي من حق الأقل مقاما
في المناصب أن يفرض رأيه وسطوته على الأعلى
الوزير على الرئيس، والملازم على اللواء والمواطن
العادي على ديل كلهم بغض النظر عن أن الحق القانوني
مع منو .. ودا لعمري فكر متسلط وهو نفسه الذي كرسه
الكيزان بحيث يستطيع أتفه كوز أن يملى رأيه وقراره
وسطوته على عالم كيمياء لمجرد أن الأخير غير منتم للنظام .
.................
يا بشاشا قول أنا عايز أفرض رأيي رجالة ساي كدا
وبنقول ليك خلاص كلامك صاح ونحن العشرمية الفوق
ديل غلطانين .. غير كدا صدقني أي رد عليك هنا بخليك
تغوص عميقا عميقا في مستنقع الغلاط والسفسطائية و اللامعقولية

كتب بشاشا مستعجبا

Quote: ماعشان كده نزلت الوزيــــــــــــــــرة كمان من العربية بي جلالة قدرها اللي هبشو حتة"شرطي" عشان تادبو، باستخدام سلطتا، شغل بوبار!!! ما كنتا عارف انها نزلت كمان من العربية! وقسما قايلا نزلت القزاز او قالت ليهو "انا وزيــــــــــرا"، هوي ياعواليق!!

وبدورى أستعجب من الفهم المعكوس دا
يعني لو كان الوزيرة دي ماكلفت نفسها
بالنزول للعسكري واكتفت بس بانو تنزل القزاز لتقول ليهو هوي
يا عواليق أنا وزيرة كدا تكون ما مغرورة لكن تنزل
عشان تتفاهم معاهو رأس برأس ورجل برجل كدا بدون
أي حواجز أو مقامات كدا تكون طاؤوس عديل .. خخخخخخخخ
المقتبس الفوق يزيد امعان بشاشا في الغلاط والجرجرة ويؤكد في الوقت
نفسه تسلط العسكري ودوسه على القانون واحتقاره ليهو
لأن الواضح أن الوزيرة اضطرت للنزول للتفاهم مع العسكري
المستأسد بعد أن رفض الانصياع لكلام السائق أو المعاهو وربما
رفع صوتو عليهم لانو في فهمو هو القانون لمجرد انو ( لابس كاكي وشايل بندقية )
وبعد ما نزلت السيدة الوزيرة المبجلة لتوضح له
حقيقة موقفها وقانونية مرورها ركب العسكري المستأسد
رأسه وقال يمين ستين ما تمر لا الوزيرة ولا البرهان نفسو
ههههههههه ولو جاب سيرة البرهان حقيقة فهو هنا يضيف
إلى جريمة تجاوزو للقانون جريمة الكذب لأنو لو كانت
الوزيرة دي ملازم بنجمة واحدة أراهن كان اداهو التحية ومررو
بدون ما يشوف التصريح ذاتو.. أنت يا بشاشا أخوى عايز
تقول أنو العساكر خلاص عاملين القانون دا محراب يتعبدو فيهو ؟؟ خخخخخخ

شوف دي كمان

Quote: لاحظ المضحك المبكي، انو البدافعو عن تصرف الزولة دي، المبرر بالنسبة ليهم هو انها عندها تصريح مرور!! طيب، لو كده، ماتخلي السواق بتاعا ولا ايا من افراد الحاشية، يتولو باقي التفاصيل؟ لزومو شنو تقوم هي متلبة من العربية بي نفسا لولا انها مغرورة، الغريرة؟

وانت لاحظ يا بشاشا بتكرر في نفس الموال دا من أول مداخلة ليك
وكل ما يوضحو ليك تمشى وتجي خاميهو تاااااااني تلصقو
سؤال
القال ليك منو أصلا هي ما خلت السواق والمعاهو يتفاهموا مع
العسكري المستأسد دا ؟؟ مش يمكن خلتم واضطرت في النهاية
للنزول بنفسها عشان تقنع أب رأسا قوي دا ولجأت في الأخير
خالص لتشتكي عليهو ؟؟ دا يتبعه سؤال برضو لو كان دا انت
يابشاشا في نفس الموقف دا والعسكري المستأسد دا رفض يمين
ستين بعد كل المحاولات والمفاوضات كنت ح ترجع من
حيث أتيت مثلا ؟ ولو فرضنا رجعت كنت ح تأكلا في حنانك
وتسكت واللا تشتكى؟ لو قلت بتشتكي يبقي مالك على الوزيرة؟؟
ولو قلت ما بشتكي يبقي انت كدا بتكرس للفوضي وبتولع ضوء
أخضر للعساكر عشان يتسلطوا على الوزير والخفير ودا عكس
الديمقراطية القلتها دي تماما .
بعدين الكلام دا برضو بوريك انو انت قاعد تطبز في عينك
بيدك لأنو بيؤكد حقيقة انو الوزيرة دي بساطا أكتر من أحمدي
والدليل انو ما معاها حرس ممكن يهرشوا العسكري المستأسد
دا يعنى ملازم بنجمة مثلا خخخخخخخخخ
وفي الختام عزيزي بشاشا عايز أقول ليك يا أخوي اتا كتا كويس
هنا في المنبر دا الحصل ليك شنو ؟؟

أقترح عليك تقول أنا كنت من البداية ما فاهم الموضوع
واللا اتحايل بأي مراقة وكسح من هنا أبرك لك خخخخخخخخ

حسام الدين
وين لقيت التفاصيل بان العسكري أخذ التصريح من الوزيرة المبجلة رفض إعادة التصريح إليها!!؟؟
وبعدين هل العسكري ده واقف براهو في نقطة التفتيش ام معاهو آخرين ومن بينهم ضابط!!؟؟
المنطق بيقول أن الوزيرة الموقرة تجاوزت حدود اللياقة حتى أن العسكري النفر لم يصدق انها وزيرة
في حكومة حمدوك ....
كنا نتوقع بيان رسمي من وزارة الداخلية بتفاصيل الحادث الذي أثار جدلا واسعا في وسائط التواصل الاجتماعي ..
لكن للاسف الحكومة الانتقالية دي ما قدر قامة الثورة الشعبية الجبارة للشعب السوداني البطل الذي بذل الغالي والنفيس
من أجل حكم ديمقراطي حقيقي يكون فيه الشعب فوق السلطة ويكون القانون هو سيد الموقف...
ولكن للأسف القانون ومنفذو القانون أصبحوا تحت جزمة المسؤولين الكبار...ويا ليتهم كانوا كبارا بقدر قامة الثورة ...

الحبيب طلحة .. تحياتي
شكرا كثير على الحضور الباذخ
التحية لكم .. البوست منساب بطريقة سلسة
ونقاشات هادئة تغلب عليها الاخوانية
يا ريت بعد كده المنبر يكون بهذا النموذج من المداخلات
شكرا كثير الحبيب طلحة
وحبيبنا كمال والحبيب بشاشا
والابنة امتثال والبشرى
سوف أكرر شكري لكم لأنني في غاية السرور
لهذه المثالية

بعد هذا المقال رجعت الى موقع الانتباهة ووجدت كل مقالات هاجر سليمان
نقد لحكومة الثوار .. نرجع نقول هي حرية الرأي

مودتي الاحباب

السلام عليكم يا أستاذنا علي ورمضان كريم ليك ولي ضيوفك الكرام
أنا رأي إنو العسكري غلطان ثم غلطان لمنع شخص يحمل مرور تصريح
ودي عقلية العساكر عندنا شايفين نفسهم فوق القانون، دي نقطة.
كمان الوزيرة غلطتها أكبر من العسكري وإلا ما كان هذا النقاش يعني كان
ممكن تتكرم وتجلس معززة في عربيتها والسواق أوالمعاها يحلوا المشكلة
وإذا العسكري تجاوز صلاحياته يجيبوا ليها حقها وهي في مكتبها والموضوع
ينتهي .. لكن هي بمجرد إتصلت بوزير أو بي سلطة أعلي معناتها هي عايزة تقول
للعسكري إنت منو كمان؟ أنا ذاتي عندي سلطة أعلي منك؟ ونفترض إنها مواطنة
عادية وما بتعرف أي سلطة عالية ولا عندها واسطة وفي ظلم وقع عليها كان عملت
شنو؟ وتتصرف كيف؟ ببساطة كان إنتظرت في عربيتها لحد ما مسؤول أعلي يجي
يشوف موضوعها شنو ويحل المشكلة و الناس ما كان إنشغلت بي موضوع بسيط زي ده
وبالتأكيد القوات النظامية كلها عايزة إعادة تأهيل وتدريب.

أنا رأي إنو العسكري غلطان ثم غلطان لمنع شخص يحمل مرور تصريح
ودي عقلية العساكر عندنا شايفين نفسهم فوق القانون، دي نقطة.
كمان الوزيرة غلطتها أكبر من العسكري وإلا ما كان هذا النقاش يعني كان
ممكن تتكرم وتجلس معززة في عربيتها والسواق أوالمعاها يحلوا المشكلة
وإذا العسكري تجاوز صلاحياته يجيبوا ليها حقها وهي في مكتبها والموضوع
ينتهي .. لكن هي بمجرد إتصلت بوزير أو بي سلطة أعلي معناتها هي عايزة تقول
للعسكري إنت منو كمان؟ أنا ذاتي عندي سلطة أعلي منك؟ ونفترض إنها مواطنة
عادية وما بتعرف أي سلطة عالية ولا عندها واسطة وفي ظلم وقع عليها كان عملت
شنو؟ وتتصرف كيف؟ ببساطة كان إنتظرت في عربيتها لحد ما مسؤول أعلي يجي
يشوف موضوعها شنو ويحل المشكلة و الناس ما كان إنشغلت بي موضوع بسيط زي ده
وبالتأكيد القوات النظامية كلها عايزة إعادة تأهيل وتدريب.
==================================
حبيبنا محمد قاضي .. تحياتي
شكرا على المداخلة وابداء الرأي بكل وضوح انصفت الطرفين
يبدو لي أن هناك عدم الخبرة من الطرفين وتقييم الوضع بالطريقة السليمة

كمان حبيبنا عاطف في الفيسبوك ( تحت ) يقول بأن الموضوع لم يكن
قاصر على التصريح ولكن الشرطي سال عن تصريح تظليل السيارة

تحياتي الحبيب محمد

Quote: شنو؟ وتتصرف كيف؟ ببساطة كان إنتظرت في عربيتها لحد ما مسؤول أعلي يجي

يعني بالعربي ممكن الوزيرة تقعد تنتظر لما الصباح يجي عشان تغادر ،،، ويحقق العسكري الكوز بطولته بإهانة الوزيرة ،،،،
زي ما حصل للطبيب نائب الأخصائي الكان راجع من نبطشية آخر الليل رغم إنه يحمل تصريح وكل ما يثبت بأنه طبيب ،،، وقال له العسكري إترزع هنا للصباح ،،،،
يا إمتثال شوفي الديمقراطية الأمريكية دي ،،، شرطي عايز يقزقز بأفريقية ،، فوقفها ،،،، طلعت المدعي العام للولاية ،،، شالت أساميهم وقالت ليهم أصبروا ساي ،، ح أوريكم المكشم بلا بصل ،،،،،
نعم من حق الشرطي أن يحترمه الناس طالما قام بأداء عمله ولم يتجاوز سلطاته كما حدث مع هذا الشرطي مع الوزيرة ولاء البوشي ،،،

Quote: لخرطوم- السوداني كشفت وزيرة الشباب والرياضة ولاء البوشي، عن تلقيها تهديدات بالقتل وصلتها عبر رسائل على تطبيق واتساب قبل أيام من جهة مجهولة لا تزال التحقيقات تجرى لمعرفة مصدرها. وأكدت وفقاً لموقع (السودان اليوم)، أن ما تم تدواله في مواقع التواصل الاجتماعيّ حول إيقاف أحد رجال الشرطة وتوقيفها غير صحيح، حيث أن رجل الشرطة المعني أوقف سيارتها وطلب من السائق الأوراق الخاصة بالسيارة والتصريح للمرور والذي يحمل أسمي وبصفتي “ولاء البوشي وزيرة الشباب والرياضة” والتصريح يحمل رقم السيارة وبتوقيع قائد المنطقة العسكرية وطلب تصديق تظليل السيارة ورد عليه السائق أن العربة دستورية، و أصر على توقيفنا، لكنه لم يتعامل بشكل لائق وروح القانون بل زاد بالقول :(الليلة لو جاء برهان ما ح أخليه يمشي وأفك التظليل)، وقال لزميله (قصها). وأضافت: تم توقيفنا وتمرير باقي السيارات وفيها عربات زجاجها مظلل وحتى بعضها كان يحمل لوحات غير سودانية، وظل محتفظاً بالتصريح لمدة زمنية طويلة ومنعنا من التحرك. وقالت البوشي لـ(السودان اليوم)، إنها تواصلت مع مجلس الوزراء الذي تواصل بدوره مع وزير الداخلية، وتم توجيه الضباط للسماح لنا بالعبور وهو ما حدث فعلاً. وواصلت بالقول: تابعت لاحقاً ردود الفعل على مواقع التواصل الاجتماعيّ، وللأمانة لم أتابع الأمر لأنه حسب علمي سيتم فيه إجراء تحقيقات وهي مسؤولية إدارته والوحدة التي يتبع لها لكن ليس لدي أي علاقة بتوقيفه أو ما إلى ذلك.

https://www.sudanakhbar.com/730567/https://www.sudanakhbar.com/730567/

Quote: الخرطوم: الانتباهة أون لاين أصدرت الإدارة العامة للعلاقات العامة لقوات الشرطة ببانا كشفت فيه التفاصيل الكاملة لحادثة وزير الشباب والرياضة ولاء البوشي وتقدمها لشكوى جاء فيها انها تعرضت لتجاوز من أحد منسوبي الشرطة بأحد الارتكازات. وقال البيان المنشور على الصفحة الرسمية للشرطة بالفيس بوك: (تقدمت وزيرة الشباب والرياضة الأستاذة ولاء عصام البوشى بشكوى لوزارة الداخلية عبر مجلس الوزراء الإنتقالى حول تعرضها لتجاوز من أحد منسوبي الشرطة بأحد الإرتكازات التى تنفذ إجراءات حظر التجول (الصحى) بولاية الخرطوم خلال يوم أمس 25 أبريل ٢٠٢٠م . تم تكليف ضابط شرطة للتقييم المبدئي والإحاطة بتفاصيل الشكوى ومن ثم أحيلت بطبيعة الحال للتحقيق حولها وفق الضوابط الادارية والقانونية المعلومة. لم توجه السيدة الوزيرة أي إتهامات جنائية للشرطي، كما راجت بعض الشائعات بوسائط التواصل الإجتماعي وإنحصرت الشكوى في تأخيرها وحجزها بالموقع المحدد رغم أنها تحمل “تصريح مرور” مكتوب صادر من الجهات المختصة). وأكدت رئاسة قوات الشرطة أن الواقعة ستجد التحقيق العادل بحياد وشفافية بما يستجلي الحقائق كاملة والإلتزام الصارم بتحقيق العدالة وسيادة حكم القانون وتنفيذ المعالجات الإدارية اللازمة، وتجدد التزامها بتقييم وترقية الأداء المهني بصورة مستمرة بما يحقق الأهداف).

https://alintibaha.net/online/28745/

الحبيب حسام .. تحياتي
شكرا على رفد البوست بهذه المعلومات
كمان تهديد بالقتل .. ممارسات جديدة على المجتمع السوداني
الموضوع يحتاج الى وقفة وتأمل ماذا يجري

تحياتي الحبيب حسام .. وافر الشكر

بشاشا قنعانين من انه يراجع فكرة رسخت في ذهنه وبنى عليها سيناريوهات وجاب العدة وبدا يشتغل
لكن انتي يا امتثال لسة صغيرة فا كدي بعد تقري توضيح الوزيرة من جهة وبيان الداخلية من جهة تانية ورينا هل لازلت على فكرتك الاولى و في انتظار الانقلاب العسكري يخلّصنا من تسلّط وزراء الحرية و التغير و ديكتاتوريتهم ولاّ سماح المرة دي

يعني يا محمد البشرى عاوزنا نصدق ان العسكري النفر رسل تهديد بالقتل للوزيرة وهو محبوس على قيد التحقيق،،،
وهل تعتقد ان وزارة الداخلية ،او قل وزير الداخلية حيقول الحقيقة ضد الوزيرة ويؤيد قول عسكري نفر ويزعل وزيرة
معاه في مجلس الوزراء،،،،ما اظن نكون وصلنا المرحلة دي من الديمقراطية ونحن نرى لجان المقاومة يقتحمون المنازل
بالقوة وكانهم مليشيات مسلحة يذكروننا بسئ الذكر مليشيات الجنجويد واسم الدلع قوات الدعم السريع التي اسسها
المخلوع البشير ونظام اللصوص والحرامية ،،،،

يا امتثال الله يهديك تهديد بالفتل شنو ياخ انت قلتي الوزارة ما طلعت بيان اهو الوزارة طلعت بيان
الموضوع كله واضح من كلام الوزيرة وهي طلعت ما اتصلت على وزير الداخلية كما ظننت حتى
عموما ما مشكلة يا زولة خلاص خليك في انتظار الانقلاب

بعدبن موضوع لجان المقاومة دا اي نعم الحصل من اقتحام خطأ و اتوقع انه الكل استفاد من الدرس و النقد و الرفض وتاني ما اظنه يتكرر لكن لا يمكن الحكم على مجموعات كاملة بسبب خطأ لمجموعة واحدة
لجان المقاومة قامت بادوار مهمة في مسيرة الثورة واحد اسباب نجاحها والآن تقوم بأدوار أكبر و اهم

حسام الدين
بوليس نيويورك بيختلف من بوليس الولايات الاخرى،،،والبنت القالت هي المدعي العام للولاية
هي محظوظة انها ما المدعي العام لولاية نيويورك واوقفها بوليس،نفر من شرطة نيويورك
لان البوليس هنا كان حينزلها من عربيتها ويكلبشها ويوديها الحبس في مركز الشرطة ، واذا كان يوم حبسها
كان يوم جمعة بالمساء فهي ستظل في الحبس حتى يوم الاثنين الصباح لحين عرضها على القاضي
وطبعا التهمة جاهزة وهي انها هددته بانها مدعي عام الولاية عشان هو طلب منها رخصة القيادة
واوراق السيارة ،،،وخليك من مدعي عام ،حتى ولو كان الذي اوقفوه عمدة المدينة نفسه،فانه ينصاع
للقانون بادب وباحترام والا لقي ما لا يحمد عقباه،،،
وبوليس نيويورك من دون الولايات الاخرى عنده اوامر صريحة shoot to kill اذا وجد اي تهديد لحياته
من اي شخص اوقف سيارته لخطا ما،،
وعندما وصلنا الجامعة اول يوم تحدثت معنا مرشدة تعلمنا كيفية التعامل من شرطة نيويورك وحذرتنا
من ان نمد يدنا الى جيوبنا كي نستخرج رخصة القيادة لنقدمها للشرطي اذا اوقف السيارة لاي سبب ما
وقبل ان يطلب هو ذلك لانه سيطلق عليك الرصاص فورا لانه سيعتقد انك تريد اخراج سلاح من جيبك،
فبوليس الولايات الاخرى مقارنة ببوليس نيويورك انما هو حمل وديع او ارنب لطيف،،
وبعدين الفيديو الانت نزلته مصور من كاميرا صغيرة مثبتة في كتف العسكري،ورئاسة الشرطة افرجت عن
الشريط وتم انزاله في اليوتوب كي يعلم كل الناس ماذا حصل،،،،
مش زي هنا عندنا في السودان بيان من وزارة الداخلية لا نعرف اذا كان فيه شئ من الحقيقة ،،،
هل شاهدت فيديو لعساكر هنود واقفين في نقطة تفتيش لمنع الناس من كسر حظر التجول وجاء اربعة اشخاص
سايقين مواتر في انتهاك واضح لكسر التجول واقفوهم وامروهم بالركوب في اسعاف وكان بداخل الاسعاف
صابط بوليس راقد في سرير ويمثل انه عنده كرونا،،وعندما دخل الموقوفين داخل الاسعاف وشاهدوا المريض
جن جنونهم وارادوا القفز من نوافذ الاسعاف،،
ويا ريت واحد خبير ينزل لينا الفيديو ده هنا ،،،عشان نعرف الفرق بين معاملة شرطة دول العالم لكل من ينتهك حظر
التجول ومقارنته ببوليس السودان المسكين كي تعرف ان بوليس السودان حمل وديع وارنب لطيف،،
وكل سنة وانت طيب،،

تحياتي أخ محمد البشري

...

Quote: ببشاشا قنعانين من انه يراجع فكرة رسخت في ذهنه وبنى عليها سيناريوهات وجاب العدة وبدا يشتغل لكن انتي يا امتثال لسة صغيرة فا كدي بعد تقري توضيح الوزيرة من جهة وبيان الداخلية من جهة تانية ورينا هل لازلت على فكرتك الاولى و في انتظار الانقلاب العسكري يخلّصنا من تسلّط وزراء الحرية و التغير و ديكتاتوريتهم ولاّ سماح المرة دي

المُشكلة إنو الأخت إمتثال معجبة وتابعة لموقف بشاشا من دون أن تستوعب منطلقات ومرامي بشاشا. بشاشا لم ينكر أن الشرطي تجاوز صلاحياته وتعسف في إستخدام سلطاته
-وبشاشا لم يصف الوزيرة بالكذب والتأليف
- * نقطة بشاشا الأساسية هي أن الوزيرة تخاطبت مع الشرطي بصفتها وزيرة بدلا من ترك هذا معالجة هذا لمرافقيها دا غلطها في نظر بشاشا ليه ؟لأنو بعتقد
إنو الوزيرة - بظهورها بصفتها كوزير عملت intimidation للشرطي ورمت بثقلها وسطوتها كوزيرة وهذه صفة قد تؤثر علي الشرطي وتربكه !
ولكن هذا لم يحدث فالشرطي أصر علي تعسفه وإحتجازه للوزيرة حتي بعد أن علم أنها وزيرة!
فبشاشا هنا منطقي في لامنطقيته - بينما إمتثال تستخدم منطق معطوب ومغالطات عقيمة
للتفصيل في موقف ومنطق بشاشا طالع
(بشاشا عاوز يعامل الوزير بمعيار أعلي
to
"hold her to a higher standard" ...
يعني التصرف دا لو حدث وبكل تفاصيلو لمواطن عادي مع الشرطي لوقف بشاشا مع المواطن -بشاشا زي الزول اللي بجي يحضر كورة في التلفزيون ويقوم طوالي يشجع الفريق
غير المرشح بالفوز أو التعبان الunderdog
بس نسي إنو هنا الunderdog هو الوزيرة لا الشرطي !
* بشاشا عاوز يكسر مناخير ناس الحظوة والتميز وأولاد العز والسادة وأصحاب السلطة والسطوة اللي بواجهو الشرطي أو الموظف العام يازول إنت عارف نفسك بتتكلم مع مين؟
عاوز تقطع عايشك واللا شنو ويجي صاحب رتبة أو منصب أعلي يكفتو ويرفدو وأمسح لينا في وجهنا وزويلك دا تاني ماب يعتب علي الشُغل دا
بشاشا وقع تحت إعتقاد إنو الوزيرة - بظهورها بصفتها كوزير عملت intimidation للشرطي ورمت بثقلها وسطوتها كوزيرة وهذه صفة قد تؤثر علي الشرطي وتربكه !
ولكن هذا لم يحدث فالشرطي أصر علي تعسفه وإحتجازه للوزيرة حتي بعد أن علم أنها وزيرة
* بشاشا يتحدث وفي ذهنو الوزير في العهد الدكتاتوري -صاحب السلطة والسطوة الذي لايحمل تصريح ويرمي مثل هذا الشرطي في بيوت الأشباح !
- نحن في عهد ديموقراطي الوزير يقيف ويبرز تصريحه والشرطي يحاسب إن تجاوز سلطته والإعلام يكتب وينتقد
** الوزيرة دي ماعندها ضهر أو حزب أو ثروة تحميها من سياط التكفير والتمييز السلبي بإعتبارها إمراة..تري لو كان الوزير رجلا - أوزير للدفاع أو حميدتي كان سيكون تصرف الشرطي - نفس الحصل مع ولاء ؟؟ هل الحرية تعني مصادرة حقوق لمواطن لمجرد إنه وزير-وزير فألعب به ومرمطو وختو تحت الجزمة!
................

Aramis D. Ayala
هي المدعي العام لولاية فلوريدا ،،، في مدينة أورلاندو ومعلوماتها وسيرتها متاحة في المواقع الإسفيرية ...



https://www.sao9.net/aramis-d-ayala.html

Quote: Aramis D. Ayala State Attorney Ninth Judicial Circuit Aramis Donell Ayala received a Bachelor of Arts from the University of Michigan, a Juris Doctor from the University of Detroit-Mercy School of Law, and a Master of Science in Criminal Justice from the University of Central Florida. ​Aramis was sworn in as the State Attorney for the Ninth Judicial Circuit of Florida on January 3, 2017. Prior to her election as State Attorney, she served as an Assistant State Attorney, an Assistant Public Defender, a Civil Litigator, Adjunct Professor of Law, and Legal Analyst. She now manages four offices an administrative team, nearly 150 attorneys, sworn police investigators, victim advocates and hundreds of support staff. Aramis has prosecuted and defended a range of criminal cases from Misdemeanors to Capital Felonies, including Sex Crimes, crimes against children, and Homicides. She has always recognized the dangers of Domestic Violence and other violent crime and has been devoted to ensuring safe and healthy communities. Aramis’ commitment to safety is supported by her unwavering commitment to criminal justice reform, integrity and accountability. While often being recognized as the first Black State Attorney in Florida’s history, she is most focused on the impact her unique vision and perspective have for the citizens of Orange and Osceola Counties. Since taking office, Aramis has been recognized by many local and national organizations, including the Central Florida Victim Services Network and Florida Parents of Murdered Children. She received the NAACP’s 2017 Civil Rights Champion of Justice Award and Equal Justice USA’s Leadership Award. Aramis Ayala is the member of multiple local, State, and National Bar Associations and has served in various leadership positions within. She has been a member of The Florida Bar since 2003 (Board of Governors Ex-Officio (2012-2013), a member of the National Bar Association since (President- Florida Chapter (2012-2013), Regional Director (2012-2013), Chair- Pro Bono and Public Service Committee (2013-2014). She is a member of the Orange County Bar Association (Executive Council Ex Officio (2007-2008). She is also a Past President of two local Bar Associations. As a cancer survivor who was less than 24 hours from death, while committed to justice, she always holds true to her core values- her faith, her health and her family. She looks forward to enjoying free time with her loving and most supportive husband, David and their 2 precious daughters.

بس نسيت اقول ان عبرة shoot to kill تذكرنا دائما بسئ الذكر نائب الرئيس المخلوع علي عثمان،،،

من الفيسبوك Atif Omer Mohamed Ali
كمان حبيبنا عاطف في الفيسبوك ( تحت )
يقول_الأخ علي
عاطف لا قال لا لاقالوا ليه!!هم (القحاتة) ووزيرتهم القالوا!!
فحقوا تفرز للجمهور (الكيمان) و(العيشة)!!
موضوع التظليل دا براهم جابوهووو على (استحياء)
واشتغلوا (تدليس)كعادتهم و(تغبيش) و(تعميش)و(تتطفيش) للكورة!!!
=========================
تحياتي الحبيب عاطف شكرا على المتابعة والمداخلات

تحياتي وشكرا كثير

الاحباب
البشرى
وكمال
وحسام
والابنة امتثل

صدقوني أنا في الاعجاب بطريقتكم الرائعة
في عرض ارائكم .. بوست في الصحفة الثانية
بكل ود والاحترام ..

مودتي لكم نموذج رائع

كتب كمال عباس

Quote: بشاشا هنا منطقي في لامنطقيته

!!

كلام سيدي ما بتفهم .. كما قالت حبوبتي!

بريمة

لو كانت الوقفة قبل سقوط النظام ،، وكان المحتجون من الثوار ،، كان سيطلق عليهم الرصاص في الرأس بلا رحمة ،،،،
الفيديو التحت دي وقفة المهندسين أمام دار المهندس أيام الثورة ،،، فقط ناس واقفين وشايلين أوراق فيها شعارات أيام الثورة ،، لاحظي الفرق في التعامل ،، تم ضرب المهندسين والمهندسات وتمت مطاردتهم داخل دار المهندس يعني العساكر نطوا السور وضربوهم جوة دار المهندس ،،،،
تحياتي

حسام الدين
ديل قوات الجنجويد ، واسم الدلع قوات الدعم السريع ، وهم نفسهم الذين قتلوا شباب الثورة
عند فض الاعتصام والقوهم وهم احياء في النيل وربطوهم بحجارة حتى يغرقوا...وعشان كده قلت حيكون
فرقهم شنو من الكيزان ونظام اللصوص والحرامية ....