Post: #1
Title: البرهان- قوات ومليشيات إثيوبية تحتل جزءاً من السودان
Author: زهير عثمان حمد
Date: 04-26-2020, 02:05 PM
02:05 PM April, 26 2020 سودانيز اون لاين
زهير عثمان حمد-السودان الخرطوم
مكتبتى
رابط مختصر
أقر البرهان، باستيلاء قوات ومليشيات إثيوبية على جانب كبير من أراضي السودان الواقعة على الحدود بين البلدين.
ويعد حديث البرهان أول اعتراف من مسؤول سوداني باحتلال قوات ومليشيات إثيوبية، لأراضي زراعية تقع في ولاية القضارف الحدودية مع اثيوبيا شرقي البلاد.
وقال البرهان، في مقابلة بُثت على تلفزيون، رصدتها "سودان تربيون"، السبت: "هناك مشاكل قديمة، وفقد رعاة مواشيهم ومزارعون فقدوا أراضيهم وما كان من القوات المسلحة إلا حمايتهم، لأن الإثيوبيين فرضوا وجوداً في الأراضي".
وأكد مقتل أحد عناصر الجيش وجرح اثنين، خلال هجوم شنته مليشيات إثيوبية على الأراضي السودانية مؤخرًا.
وتفقد البرهان ورئيس هيئة الأركان ومدير جهاز المخابرات وقادة الجيش، في التاسع من أبريل الجاري، قوات الفرقة الثانية مشاة المرابطة على الحدود الشرقية بعدد من المواقع.
وآنذاك، قال رئيس مجلس السيادة إن الجيش مستعد تمامًا لحماية المواطنين وأراضي البلاد، وأكد على القوات المسلحة لن تفرط في واجبها أبدًا.
وبعد يومين من هذه التطورات أي في 11 أبريل وصل الخرطوم رئيس هيئة الأركان الاثيوبي الفريق أول ركن ادم محمد برفقة عدد من كبار القادة العسكريين وأجرى محادثات مع البرهان وكبار القادة العسكريين، كما اجتمع الى رئيس الوزراء عبد الله حمدوك.
واتفق الطرفان خلال هذه المحادثات على ضبط الحدود ومحاربة الجرائم العابرة كما توصلا الى "تفاهم كامل ومستديم لتأمين الحدود المشتركة".
وكان الجيش السوداني، أعاد في 30 مارس الماضي انتشاره بعد غياب استمر لنحو 25 عاماُ في منطقة “الفشقة الصغرى” الحدودية مع اثيوبيا والمتنازع عليها بين البلدين والتي تشهد توترات من وقت لآخر جراء نشاط عصابات في المنطقة.
وقال المتحدث باسم الجيش السوداني، العميد ركن عامر محمد الحسن، وقتها إن نشر القوات يرمي لحفظ الأمن ويقع ايضاً ضمن الاجراءات الاحترازية التي اتخذتها حكومة السودان في مواجهة جائحة فايروس كورونا المستجد.
واضاف الحسن، في تصريح صحفي "نشر القوات أيضا لتأمين المنطقة من النزاعات التي تحدث بين المزارعين عند بداية التحضير للموسم الزراعي".
|
Post: #2
Title: Re: البرهان- قوات ومليشيات إثيوبية تحتل جزءاً
Author: adil amin
Date: 04-26-2020, 02:57 PM
Parent: #1
برضه محور مصر السعودية الامارات مضر جدا للسودان في الوقت الراهن
وحيخلونا ذى ليبيا وسوريا واليمن
مش مصر برضو محتلة حلايب
وتهين السودان والسودانيين علانا في اعلاما الرخيص
لازال السودان عالق في عالم العريب البغيض ولم تكن هناك ثورة حقيقية وراي البرهان هو راي اللجنة الامنية المرتطبة بي مصالح الدول دي في السودان حتي الان
مصر والسعودية والامارات
واستمرو في بيع الجنود للحرب القذرة في اليمن وليبيا
وتريد مصر ان تجعل من السودان مخلب في الاساءة للحبشة واجهاض مشاريعا الطموحة
ولا السيسي ولا محمد بن زايد ومحمد بن سلمان
نماذج مشرفة عالميا حتي حيال شعوبا عشان نلهث معاهم لحدي هسة
ودي ازمة مواجهة الحقيقة في السودان لحدي ما تلقو نفسكم ذى ليبيا دمار بس بين فضائية الجزيرة محور قطر وتركيا او العربية الحدث محور مصر السعودية الامارات
والمشروع الامريكي المفضوح والمدمر
احسن نزح من العالم العربي في هذه المرحلة ونرتب السودان اقاليم ونرجع الديمقراطية والانتخابات ونبدا من دستور 1974 باسس جديدة
يرجع السودان دولة ديمقراطية فدرالية اشتراكية حقيقية وتنتهي مهمة الجيش في السلطة ويسلم البلد لي المحكمة الدستورية بس
تحدد ما هو دستوري وما هوغير دستوري
|
Post: #3
Title: Re: البرهان- قوات ومليشيات إثيوبية تحتل جزءاً
Author: جمال ود القوز
Date: 04-26-2020, 03:09 PM
Parent: #1
الحكومة الاثيوبية تكذب من سنة 1957 م وبتقول انها معترفة بتبعية المنطقة للسودان ثم تدعي انه مجموعات الشفته خارج سيطرتها وطبعا ده كلام ما بمش حتى على طفل رضيع لانه كلام فارغ هذه المجموعات اللابسة مدني تتبع للجيش الاثيوبي وتسليحها من الجيش الاثيوبي واسنادها الحربي واللوجستي من القوات الاثيوبية الحبش وضعوا يدهم على هذه المنطقة الخصبة لانه ما عندهم اراضي مسطحة تصلح للزراعه لذا اطماع اثيوبيا كدولة لن تتوقف اطلاقا الا في حال شافوا العين الحمراء من الجيش السوداني حاليا الفطامة حتبقى ليهم حارة المزارعين الاثيوبيين عايزين يرجعوا يزرعوا طبعا الشفتة أو الجيش الاثيوبي المدسي بملابس مدنية بيحميهم ويوفر ليهم الغطاء حتى يزرعوا في اراضي السودان اوانطة والان ما قادرين يخشوا صحي عندهم جزء كبير لا زال لكن المنطقة المنتشر فيها الجيش الآن هم في حوجة شديدة للتحرك والدخول لها ومافي طريقة لهم الا عبر الاشتباك مع الجيش - الحكومة الاثيوبية كل مرة تجي تطبطب على جماعتنا وتقول ليهم نحن معترفين بان الفشقة تتبع لحكومة السودان طيب وبعدين !! دي نفس الحركة الشغالين بيها في موضوع سد النهضة بدوهو من قولة تيت بي كضبة انه للكهرباء بس ومافي تخزين موية الآن اتضح انه السد الحيتم تجميع 74 مليار متر مربع موية هو للسيطرة على المياه حتى لو ما عندهم ارضي كبيرة يزرعوها لكن حيبتزوا السودان قبل مصر بالمياه والناس حتشوف مدى فداحة التعامل بحسن النية مع الاحباش يغنوا ليك ويرقصوا ليك وفي النهاية يدوك ليهو ناشف سد النهضة ابو كضبة حتى الآن الكضب فيهو متواصل الحبش مابقولوا ليك لا اصلا لكن بيسووا الحاجة الهم عايزنها وحيدوك كلام معسول ويخدروك ثم حكوماتنا المتعاقبة اتهاونت كثيرا في المنطقة دي فلا تستبعد تجي حكومة اثيوبية وتقول ليك ما حقتك ولا ننسى حلايب وشلاتين لابد من ارجاع مثلث حلايب يجب الدفع بقوات بكامل عدتها وعتادها لكلا المنطقتين في وقت واحد لاعادة هيبة الدولة السودانية ولتعيد سيطرتها على اراضضيها المحتلة ولا مصر بتغلبنا ولا الحبش بيقدروا علينا والحرب كان ما دورت مافي زول بيقدر يحدد رجحان الكفة لي منو السلاح الاكثر تطورا عمره ما كان هو البيرجع الكفة في الحروب والا لما كانت امريكا بكل عتادها وقوتها اتشرشحت في العراق وفيتنام والصومال الاخوة الامريكان مايزعلوا مني لانه ده ضرب مثل بس.... .....
سامحونا للاخطاء في التايبو ما حاراجع الكتبته ماش اخش المطبخ ........
|
Post: #4
Title: Re: البرهان- قوات ومليشيات إثيوبية تحتل جزءاً
Author: جمال ود القوز
Date: 04-26-2020, 04:58 PM
Parent: #3
مكعب ...
|
|