انتو ليه بتكتبو عن الزول بعد ما يموت ؟

03:33 PM April, 25 2020

سودانيز اون لاين
أبوذر بابكر-
مكتبتى
رابط مختصر

الزول عايش وقاعد وسط الناس وفي نص الحياة

بغض النظر لو زول كعب ولا سمح

ما يكون الناس شغالين بيه نهائي

بس موتو كده تعال عاد شوف ليك جنس نضمي وجنس كلام وكتابة

هسي منصور خالد ده ما كان عايش ليه الف سنة مما تعدون

الكلام الانكتب عنه فى الجرائد والمواقع والقنوات ما كان ممكن يتعمل وهو حي ؟

أوع بس يجي واحد يقول لى ده رثاء للفقيد وشنو وشنو
ونوع الكلام الساذج ده

حاجة غريبة ب الجد

يوم شكرو جا الله لا يجيب يوم شكرك

أغرب شى يا منتصر تشكر ليك زول وهو مات

عيب يعني ولا شى كعب لو انا كتبت عن شخص وهو حي ؟

هسى الزول يأخذ المرتب مقدما أم نهاية الشهر؟

أثناء حياته يكتب الرجل (أى رجل أو أمرأة) وخين يتوفاه الله الناس تودعه و تتذكر أفضاله عليهم.

فى الشمالية لما يموت شخص مهم يقولوا المرق (بكسر الميم و الراء) انكسر.. يعنى طريقة فى ذكر مناقبه انه كان كريما يعتمد عليه الكثيرون من الفقراء.

طيب البمنع شنو يذكروه بالخير ويشكروه
ويمجدوه وهو حي ومعاهم طالما هو زول كويس

حبيبنا أبوذر تحياتي .. سؤالك موضوعي

وهناك مشكلة أيضاً يا الحبيب أبوذر .. الاستشهاد بالمتوفين
ألاحظ في بعض المقابلات السياسية او الرياضية او الفنية
دائما ما يستشهد الضيف بالمرحوم ..

(( مرة لاقيت المرحوم فلان قال لي .............. إلخ ))

نادر الاستشهاد بالاحياء ..

تحياتي الحبيب ابوذر

Quote: طيب البمنع شنو يذكروه بالخير ويشكروه ويمجدوه وهو حي ومعاهم طالما هو زول كويس

كويس إتخطينا الحتة دى موضوع البوست..

ازيك يا علي وكيف الحال

عندنا سلوكيات مفاهيمية غريبة وعجيبة ويمكن بليده كمان

الزول يموت بى جاى
وتعال شوف المقالات والذكريات والقصائد وشنو وشنو

طيب ما كان معاكم وبينكم
إلا يموت يعني حتي الناس تعرف أنه كويس ؟

معليش يكون في رثاء ونعي كالعادة فى حالة اى وفاة

لكن يبقى زى الناس الفجاة أكتشفت انه كان فى زول بستحق التمجيد والمديح والشكر والثناء

ده هو الغريب

السلام عليكم
تعرف يا أبوذر دكتور منصور له كاريزما وحضور
لما يكون عنده لقاء في التلفزيون اترك كل ما لدي
وأستمع وحديثه دوماً لا يمل ويملك معلومات ويثير
تساؤل ، ازعم ان دكتور منصور يعرف ما يفعل وحتي
اكاد أقول انه خطط لما بعد مماته ، معروف أن دكتور
منصور لم يتزوج وأحسب أنه حسب ما بعد مماته وأعد
مشهد النهاية وبأحترافية لا يبلغها كثر فشغل الناس
وملأ الاسافير في مماته وكم من متوفيِ لا يشعر به
احد أما دكتورمنصور فقد حرك الأحجار جميعها
ويا له من عبقري قل ان يجودالزمان بمخطط في قامته
وأكاد أقول انه من مصاف العظام .
هذا المشهد يليق ب دكتور منصور ولو انه أقل مما يستحق
ولكنا في بلاد لا تف عظمائها قدرهم وأظن ان كثر عليهم
الكتابة عن دكتور منصور ليسجلوا اسمهم في دفتر الحضور.

انا ازعم ان دكتور منصور من أهل الحضرة فقد نعاه الإمام الصادق
وكما أراد دكتور منصور ونعته دولة ج السودان وايضاً كما أراد
دكتور منصور وكان براق الختمية حاضراً وأظن منصوراً
من اقطاب ذا الزمان . و للحضرة مفهوم مختلف وصور شتي
وأقول لك كثر كانو حضور في المشهد وقد يتحدث البعض
يوماً ما .

ازيك يا دكتورة

قطعا كلامك صحيح تماما عن منصور خالد
ويمكن أقل من مقامه ومكانه ومكانته كمان

انا تحديدا بتكلم عن الاحتفاء والفرح بناس زى منصور خالد وهم أحياء

على الأقل هم يعرفو قيمتهم عندنا وقدرهم وسط الناس

وأعتقد وقع التكريم والاحتفاء والتقييم بكون أكبر وأعظم عند الشخص المعني
وعند الناس كمان

كدي خلونا نجرب من هنا ولقدام

وشوفو الفرق حيكون سمح كيف