***** الناس ديل لو كان عملو لدنيا كان عملو فينا شنو اكتر من كدا ؟؟ *****

Post: #1
Title: ***** الناس ديل لو كان عملو لدنيا كان عملو فينا شنو اكتر من كدا ؟؟ *****
Author: ABUHUSSEIN
Date: 04-23-2020, 09:04 PM
Parent: #0

09:04 PM April, 23 2020
سودانيز اون لاين
ABUHUSSEIN-السعودية الرياض
مكتبتى
رابط مختصر

الحالة لسه في (معلمين) كبار ما هبشوهم .... !!!!

Post: #2
Title: Re: ***** الناس ديل لو كان عملو لدنيا كان عملو في
Author: ABUHUSSEIN
Date: 04-23-2020, 09:23 PM
Parent: #1

على قول (الجقة) داك كانو طلعو ميتينا زاتو ..... ؟؟؟؟؟

Post: #3
Title: Re: ***** الناس ديل لو كان عملو لدنيا كان عملو في
Author: محمد المرتضى حامد
Date: 04-23-2020, 09:34 PM
Parent: #2

كنا ندرك منذ اليوم الأول من هم ..
كنا نعلم جيدا أنهم أسوأ ما أنبتت الأرض السودانية،
لذا لم يهادن الشرفاء في مقاومتهم حتى سقطوا،
الجاي مدهش ،
الذين (تابوا) والذين نشدوا النجاة قدموا معلومات ستدهشك ..
الهاربون يراهنون على النسيان أو العفو أو أن تأتي حكومة منتخبة أو انقلابية تعفو عنهم وتعيد إليهم مانهبوا..
هكذا يحلمون..

Post: #4
Title: Re: ***** الناس ديل لو كان عملو لدنيا كان عملو في
Author: جمال ود القوز
Date: 04-23-2020, 09:47 PM
Parent: #3

الدنيا وملذاتها أكبر همهم ..
ده حزب شيطاني قذر
لا زالوا مكنكشين في البلد
والغريبة ماقادرين يحاكموهم لي هسه
والبزعلك أكتر الكيزان الحايمين بره ديل
يقولوا ليك قلعنا من الكوز الفرتكاني
300 قطعة ارض
طيب الكوز ده لا زال حايم بره السجن ليه!!
البخليك ما تتربسوا شنو
ماسكين على الناس شنو
شي رشاوي وشي شيكات بتتحرر ..
ومامعروف ماسكين شنو على الناس ..
شان ماقادرين يحاكموهم ويرحلوا المطلوبين للجنائية
والباقين يدوهم أحكام رادعة بالسجن ..
ويصادروا كل ما نهبوه من مال الشعب
ماذا تحت الأكمة يا مدنية ويا حمدوكـ ..
احترنا وحار بينا الدليل ..

المهم ..
ديل زي الرماد كان شالوا ما بنشال وكان خلوا خرب الدار ..
أأأأأأيه دنيا .......

Post: #5
Title: Re: ***** الناس ديل لو كان عملو لدنيا كان عملو في
Author: ABUHUSSEIN
Date: 04-23-2020, 09:50 PM
Parent: #2

2 مليار دولار = 2،000 مليون
عدد السكان حوالي 40 مليون
لو قسمنا ال 2،000 مليون دولار ÷ 40 مليون = 50 دولار
يعني دا سارق من كل مواطن سوداني 50 دولار
يعني الشافع العمرو 8 سنوات الخلى المدرسة و عمل ليه صندوق ورنيش و اشتغل عشان يصرف على اهله
اكل و شراب و علاج الحرامي دا ناشل منو 50 دولار
الارملة
اليتيم
المريض
المجانين الحايمين في الشوارع ديل
الاعمى البيشحد في الشوارع
ديل كلهم الحرامي دا نشل من كل واحد فيهم 50 دولار

حسبي الله و نعم الوكيل فيكم

Post: #6
Title: Re: ***** الناس ديل لو كان عملو لدنيا كان عملو في
Author: جلالدونا
Date: 04-23-2020, 10:00 PM
Parent: #5

ممكن تعيد الحسبة دى قبل ما يجوك ناس مولاهم
و أحمد محمد عمر و باقى الطيور التى تقع عليهماااااااا

Post: #7
Title: Re: ***** الناس ديل لو كان عملو لدنيا كان عملو في
Author: ABUHUSSEIN
Date: 04-23-2020, 10:58 PM
Parent: #6

Quote: كنا ندرك منذ اليوم الأول من هم ..
كنا نعلم جيدا أنهم أسوأ ما أنبتت الأرض السودانية،
لذا لم يهادن الشرفاء في مقاومتهم حتى سقطوا،
الجاي مدهش ،
الذين (تابوا) والذين نشدوا النجاة قدموا معلومات ستدهشك ..
الهاربون يراهنون على النسيان أو العفو أو أن تأتي حكومة منتخبة أو انقلابية تعفو عنهم وتعيد إليهم مانهبوا..
هكذا يحلمون..

و الله يا ابو اكرم ديل حيرو ليك ابليس زاتو ...
اشرف الشرفاء العارضو الحكومة دي ما اظنهم كانو متخيلين مجرد خيال سرقتهم تصل للمبلغ دا ...
و لاحظ دا واحد بس ...
الله سبحانه و تعالي قال حقي حاجة و ممكن اعفيه لكن حق الناس براه يعني الله لو قبل توبتهم لسه باقي حق الناس ...
عشان الناس تعرف كبر و عظمة الإثم في اكل مال الناس ...
نسيان مين يا مولانا ؟؟؟؟؟
دي حاجة بتتنسي ....
ما ادونا اي فرصة للنسيان عملوها شينة شديد

Post: #8
Title: Re: ***** الناس ديل لو كان عملو لدنيا كان عملو في
Author: ABUHUSSEIN
Date: 04-23-2020, 11:53 PM
Parent: #7

Quote: الدنيا وملذاتها أكبر همهم ..
ده حزب شيطاني قذر
لا زالوا مكنكشين في البلد
والغريبة ماقادرين يحاكموهم لي هسه
والبزعلك أكتر الكيزان الحايمين بره ديل
يقولوا ليك قلعنا من الكوز الفرتكاني
300 قطعة ارض
طيب الكوز ده لا زال حايم بره السجن ليه!!
البخليك ما تتربسوا شنو
ماسكين على الناس شنو
شي رشاوي وشي شيكات بتتحرر ..
ومامعروف ماسكين شنو على الناس ..
شان ماقادرين يحاكموهم ويرحلوا المطلوبين للجنائية
والباقين يدوهم أحكام رادعة بالسجن ..
ويصادروا كل ما نهبوه من مال الشعب
ماذا تحت الأكمة يا مدنية ويا حمدوكـ ..
احترنا وحار بينا الدليل ..

المهم ..
ديل زي الرماد كان شالوا ما بنشال وكان خلوا خرب الدار ..
أأأأأأيه دنيا .......

يا جيمي البتعمل فيه اللجنة دا ما شي ساهل
القروش و الاصول المنهوبة ما شوية زي ما كل الناس شايفة الآن
الشغل العلى نار هادية دائما بكون مسبوك و طااااااااعم و نجييييييض ....
و اهو كل اسبوع بقينا ننتظر بفارق الصبر المؤتمر الصحفي و نعيش اجواء الثورة
كمان برضو بوظان اعصاب الكيزان اللي لسه ما اتبلو بمتعنا اكتر
كيزان كتيرين معروفين و غير معروفين بكون عندهم إسهال كوليرا
و طمام حوامل .... 😂😂😂
بالإضافة زي ما قال مولانا ابو اكرم حالات التوبة بتكون في زيادة و ديل حا إفتو الكثير و المثير
انا غايتو شايف اللجنة شغالة بصورة ممتازة جدا ....

Post: #9
Title: Re: ***** الناس ديل لو كان عملو لدنيا كان عملو في
Author: ABUHUSSEIN
Date: 04-24-2020, 00:18 AM
Parent: #8

Quote: ممكن تعيد الحسبة دى قبل ما يجوك ناس مولاهم
و أحمد محمد عمر و باقى الطيور التى تقع عليهماااااااا

يا زول هوي ....
ديل كلهم على بعض كدا زنة باعوضة في اضان فيل ....

Post: #10
Title: Re: ***** الناس ديل لو كان عملو لدنيا كان عملو في
Author: ABUHUSSEIN
Date: 04-24-2020, 00:30 AM
Parent: #9

نعم النفس امارة بالسوء .... لكن قدر دا ؟؟؟؟
و نعم الانسان ممكن يكون طماع .... لكن زي دا ؟؟؟؟
معقول يكون في انسان بالسوء و الطمع ديل ؟؟؟؟
غايتو المساجين الكانو في كوبر قبل الثورة من حرامية و قتلة و رباطين و نشالين بتكون معنوياتهم في السماء بعد ما جوهم معلمين كبار ...
اسي بيني و بينكم الزول دا حسابو طلع 2 مليار يوم القيامة بطلع كم ؟؟؟؟
اكيد الناس ديل ما بتكون حساباتهم دقيقة زي حساب يوم القيامة
و اكيد المسجلنو ليه الملائكة ادق من اي سجل تاني ....

حسبي الله و نعم الوكيل فيكم ...

Post: #11
Title: Re: ***** الناس ديل لو كان عملو لدنيا كان عملو في
Author: Nasser Amin
Date: 04-24-2020, 00:34 AM
Parent: #9

سلامات ابو حسين
٠انا المفور دمي موقف حزب الامة.. حزب الللمة يدعو للتطبيع
مع هؤلاء اللصوص و القتلة... و يعني عشان يعمل فيها حقاني
بقول ما هسي اثناء الفترة الانتقالية ، بعد الناس تتعب وتزيل اثارهم
يجو و بمباركة حزب المعفن الكبير "الكاذب الملعون" و يشاركوا في الحياة
السياسية.
لاحظوا كلما قوى الثورة احدثت تقدم في المحاسبة، كلما حاول هذا " الكاذب الضليل"

اعاقتها .

Post: #12
Title: Re: ***** الناس ديل لو كان عملو لدنيا كان عملو في
Author: ABUHUSSEIN
Date: 04-24-2020, 01:00 AM
Parent: #11

Quote: سلامات ابو حسين
٠انا المفور دمي موقف حزب الامة.. حزب الللمة يدعو للتطبيع
مع هؤلاء اللصوص و القتلة... و يعني عشان يعمل فيها حقاني
بقول ما هسي اثناء الفترة الانتقالية ، بعد الناس تتعب وتزيل اثارهم
يجو و بمباركة حزب المعفن الكبير "الكاذب الملعون" و يشاركوا في الحياة
السياسية.
لاحظوا كلما قوى الثورة احدثت تقدم في المحاسبة، كلما حاول هذا " الكاذب الضليل"

اعاقتها .

اقول ليك رأيي في تصرفات حزب الامة و بي صراحة
حزب الامة هو حزب الصادق
و البعمل فيه الصادق دا كولو فقط حماية لي اولادو الاتنين المتورطين مع حكومة الانقاذ ...
انا ما شايف ليه اي تفسير تاني

Post: #13
Title: Re: ***** الناس ديل لو كان عملو لدنيا كان عملو في
Author: علاء سيداحمد
Date: 04-24-2020, 01:13 AM
Parent: #12

انا المحيرنى اكتر قصة فندق قصر الصداقة
كوريا الجنوبية والصين وكوريا الشمالية قدموا
مشروعات صداقة خلال اواخر سبعينات وبدايات ثمانينات القرن الماضى
مشروعات كبيرة ..
كوريا الجنبية : فندق قصر الصداقة وقصر الشباب والاطفال
الصين قاعة الصداقة
كوريا الشمالية : نادى على مستوى عالى ومستوصف فى حى كوريا بالبرارى
( وقد تم تسمية الحى باسمها )
المشكلة فى انى قرأت قبل قليل فى الفيس بوك ان هذا الفندق قد اشتراه على كرتى
بتسهيلات واقساط وسعر رخيص ثم باعه لعبدالباسط حمزة .

لابد وان يكون هناك قوانين رادعة لمن يسرق املاك الدولة حتى لا تتكرر هذه المآسى .

Post: #14
Title: Re: ***** الناس ديل لو كان عملو لدنيا كان عملو في
Author: ABUHUSSEIN
Date: 04-24-2020, 03:33 PM
Parent: #13

Quote: انا المحيرنى اكتر قصة فندق قصر الصداقة
كوريا الجنوبية والصين وكوريا الشمالية قدموا
مشروعات صداقة خلال اواخر سبعينات وبدايات ثمانينات القرن الماضى
مشروعات كبيرة ..
كوريا الجنبية : فندق قصر الصداقة وقصر الشباب والاطفال
الصين قاعة الصداقة
كوريا الشمالية : نادى على مستوى عالى ومستوصف فى حى كوريا بالبرارى
( وقد تم تسمية الحى باسمها )
المشكلة فى انى قرأت قبل قليل فى الفيس بوك ان هذا الفندق قد اشتراه على كرتى
بتسهيلات واقساط وسعر رخيص ثم باعه لعبدالباسط حمزة .

لابد وان يكون هناك قوانين رادعة لمن يسرق املاك الدولة حتى لا تتكرر هذه المآسى .

يا علاء يا اخوي ديل حيرو ابليس حا تغلبم انت ...
الناس ديل لسه حا تظهر ليهم مصايب و كوارث هم زاتم ما حا يصدقوها ....