Post: #1
Title: نعم # حميدتي - أمل- السودان #
Author: Salah Zubeir
Date: 04-21-2020, 08:11 PM
Parent: #0
08:11 PM April, 21 2020 سودانيز اون لاين
Salah Zubeir-UAE
مكتبتى
رابط مختصر
الي هؤلاء بدون تحية ....
الخبراء السياسيين والاقتصاديين ...
البروفيسورات السياسيين والاقتصاديين ...
الدكاترة السياسيين والاقتصاديين ...
الدهاقنه والزلنطحيه وابان حلاقيم السياسيين والاقتصاديين ...
الجيوش الجراره مما يطلق عليهم سياسيين واقتصاديين ...
حميدتي زووووووط حشركم في فتيل ٢ تولا ...
في أقل من أسبوع ...
أناخ الدولار من ١٤٧ جنيه الي أقل من ١٠٠ جنيه ...
٣٠٠ مليون دولار ركبا درب في شرايين واوردة
بنك السودان ... وأعلن عن توفر القمح والبنزين
والجازولين والغاز والكهرباء طوال الشهر الكريم ...
العندو شك في انو ال ٣٠٠ مليون دولار يكون حميدتي
سرقا يمشي طوالي شارع الجامعة مبني النيابة
العامة الابوابها مشرعة ويفتح بلاغ ضدو ...
|
Post: #2
Title: Re: نعم # حميدتي - أمل- السودان #
Author: محمد البشرى الخضر
Date: 04-21-2020, 08:20 PM
Parent: #1
عموما الحساب مضروب الحمار الفبركه خت أندرسكور بين مدني و بين عبّاس
كذلك عمل مع حساب أمجد فريد
غايتو الليلة الليّافة و ضراير قحت اتعشّوا
|
Post: #3
Title: Re: نعم # حميدتي - أمل- السودان #
Author: Salah Zubeir
Date: 04-21-2020, 08:34 PM
Parent: #1
البلد محتاجه لي ناس عمل وإنجاز وفاعلية ...
مش محتاجين لي كلاب السياسة البتنهش
في عضامنا ولحمنا منذ فجر الإستقلال وإلي
يومنا هذا ...
البلد محتاجه لي قيادات زي حميدتي تعرف
كيف تنجز لهذا الشعب المسحوق وليست في
حوجه لي قيادات تعرف كيف تأمن مصالحها ...
|
Post: #4
Title: Re: نعم # حميدتي - أمل- السودان #
Author: زهير عثمان حمد
Date: 04-21-2020, 08:39 PM
Parent: #3
من أين للقاتل حميدتي هذا المال من جبل عامر ودماء شباب السودان في اليمن
مال قذر الجوع أكرم لنا #
|
Post: #5
Title: Re: نعم # حميدتي - أمل- السودان #
Author: Salah Zubeir
Date: 04-21-2020, 08:43 PM
Parent: #3
Quote: عموما الحساب مضروب الحمار الفبركه خت أندرسكور بين مدني و بين عبّاس
كذلك عمل مع حساب أمجد فريد
غايتو الليلة الليّافة و ضراير قحت اتعشّوا |
جيتني يا هادم البوستات ...
لكن عضم البوست (يا قول حفيظ) ما عندك
معاهو شغله برضو دي حسنه ...
واذا مضايقك بوست مدني ولا العنوان المأخوذ
منو ممكن نشيلم ... علي أية حال العنوان كان
فاقع زي اول عنوان لأول بوست دخلت بيهو
سودانيز لو بتذكرو وغيرتو في آخر لحظه لي
هشتاق مدني حتي ولو مزيف ...
|
Post: #6
Title: Re: نعم # حميدتي - أمل- السودان #
Author: Salah Zubeir
Date: 04-21-2020, 08:57 PM
Parent: #5
Quote: من أين للقاتل حميدتي هذا المال من جبل عامر ودماء شباب السودان في اليمن
مال قذر الجوع أكرم لنا # |
عارف يا ابوزوز اللجنة الإقتصادية
البرأسها حميدتي فيها كم رفيق؟
ياخي ديل حلفو اليمين علي مصحف
جد حميدتي ... وبعد ما حلفو وعشان
عارف دينم نص كم قال ليهم أي واحد
فيكم حلف في مصحف جدي ونقض
حلفو بيصبح تاني يوم مشلول ...
اها الرفاق من ساعتها منفقلين
عيونن وخايفين من الغفوة حتي ...
ما عايز اقول ليك الجوع في البلد دي
قد عم القرى والحضر منذ حين .. وياخي
خليك مستمتع بي KL ....
|
Post: #7
Title: Re: نعم # حميدتي - أمل- السودان #
Author: محمد البشرى الخضر
Date: 04-21-2020, 08:59 PM
Parent: #6
هههههههههه دا كلام شنو يا قريبك ما تطلع فيني سمعة ساي
خلاص دا حساب مدني و الكاملين زاتو
|
Post: #8
Title: Re: نعم # حميدتي - أمل- السودان #
Author: ABUHUSSEIN
Date: 04-21-2020, 09:45 PM
Parent: #7
تكتب ليك بوست كل 3 شهور و يطلع مضروب من قولة تيت ...؟؟؟؟
عايز اقول ليك كورتك فكت لكن لقيت انو انت اصلا ما عندك كورة عشان تفك ....
زوووووووووووط ..... 😂😂😂😂😂😂😂
|
Post: #9
Title: Re: نعم # حميدتي - أمل- السودان #
Author: Salah Zubeir
Date: 04-21-2020, 10:37 PM
Parent: #8
Quote: تكتب ليك بوست كل 3 شهور و يطلع مضروب من قولة تيت ...؟؟؟؟
عايز اقول ليك كورتك فكت لكن لقيت انو انت اصلا ما عندك كورة عشان تفك |
كويس يا نجيب محفوظ ...
اقسمبلاي لو اعتزل بوستاتك ناس الكلمة الكاتبه
آخر حاجه ومونتا وبعض المجاملين إلا بوستاتك
تبقي زي موز العصر في السوق ... الناس تعاين
فيهو وما تشتريهو ... بوستات كلها عوقو ورفسو
وامبده ... والواحد إن دخل سلم ساي تعمل ليهو
رد طويل عريض ... غايتو جقود السواها ما بتمرق ...
|
Post: #10
Title: Re: نعم # حميدتي - أمل- السودان #
Author: نصر الدين عشر
Date: 04-22-2020, 03:59 AM
Parent: #9
حميدتي تاجر حرب قتل اهلنا في دارفور وتاجر بدماء ابناءنا في اليمن
حميدتي فض الاعتصام وقتل الصائمين في رمضان
حمدتي طالب سلطة وجاهل
الحكمة بتقول عدو عاقل خير من صديق جاهل
نحن ابتلينا بعدو جاهل
بلد التقول عافصة ليها عمل
|
Post: #11
Title: Re: نعم # حميدتي - أمل- السودان #
Author: muntasir
Date: 04-22-2020, 04:49 AM
Parent: #10
ما تشتغل بي ودو ده جيب المضروبة بتاعت أمجد فريد😂
|
Post: #12
Title: Re: نعم # حميدتي - أمل- السودان #
Author: عبدالحفيظ ابوسن
Date: 04-22-2020, 05:18 AM
امل منو 😆😆😆😆
امل كتبت وما قرأت
ازيك.صلاح وضيوفه
|
Post: #13
Title: Re: نعم # حميدتي - أمل- السودان #
Author: muntasir
Date: 04-22-2020, 05:29 AM
Parent: #12
بارك الله في منو دي يا شيخ العرب كنت خايفك تجيب العيد😂😂
|
Post: #14
Title: Re: نعم # حميدتي - أمل- السودان #
Author: عبدالحفيظ ابوسن
Date: 04-22-2020, 05:32 AM
Parent: #13
يا منص
امل السودان دى حدقها الامام زمان 😆😆
|
Post: #15
Title: Re: نعم # حميدتي - أمل- السودان #
Author: Salah Zubeir
Date: 04-22-2020, 06:28 AM
Parent: #14
| Quote: حميدتي تاجر حرب قتل اهلنا في دارفور وتاجر بدماء ابناءنا في اليمن |
لا يوجد بريء واحد في كل الهيلمانه
التي تسمي سياسي ومناضلي دارفور
لم يقتل او يتاجر او يتخذ دارفور مطية
ليصل لمبتغاه ... الذي لن يكون إنسان
دارفور ... حميدتي يبزهم عطاء لإنسان
دارفور والسودان ...
| Quote: حميدتي فض الاعتصام وقتل الصائمين في رمضان |
دا إتهام لم يثبت صحته الي الآن والرجل من شدة
ثقته بنفسه متقلد منصب الرجل الثاني في السودان
ويعتبر حلال مشاكل الدولة السياسية والاقتصادية
والأمنية وراعي مباحثات السلام ...
| Quote: حمدتي طالب سلطة وجاهل |
هو الوحيد طالب السلطة ويستحقها بانجازاته
علي الأرض ... البقية حرامية سلطة يبغونها عوجا ...
|
Post: #17
Title: Re: نعم # حميدتي - أمل- السودان #
Author: Salah Zubeir
Date: 04-22-2020, 06:35 AM
Parent: #15
ما عارف ليه بذكرني بي سليمان عبدالقادر ...
كورو كلها ماشا الكشافات ...
|
Post: #16
Title: Re: نعم # حميدتي - أمل- السودان #
Author: حاتم إبراهيم
Date: 04-22-2020, 06:32 AM
Parent: #1
Quote: 30-4-2019
عمر جنا التاج ... سلام ...
غايتو لستتك دي فيها خلل كبير بين ١ و٢
الدعم السريع تم تكوينه بواسطة استخبارات
الجيش والأمن الوطني ... لو يعلم واضعي
استراتيجية الجيش (الدفاع والامن) بأن قوة
حميدتي تعادل ما نسبته ٥% من قوة الجيش
لما اقدمو علي تسليحه ورعايته حتي لو أراد
البشير ذلك ... لا يملك حميدتي آي سلاح
استراتيجي ... ما يملكه حميدتي هو هذه
التاتشرات منصوبا" عليها مدافع ذات احجام
مدروس مداها وقوة نيرانها بدون الحصول
علي اي دعم من الاستخبارات او المدرعات
والمدفعية وسلاح المظلات او سلاح الطيران
بكل أنواعه إذا حصلت مواجهة .. نتمني ان
لا يحدث مواجهة بين الجيش والدعم السريع
وربنا يحفظ الارواح لكن نتيجة المواجهة تعلمها
قيادة الدعم السريع قبل غيرهم ...
لن يستغرق تدمير قوة حميدتي أكثر من ثلاث
ساعات إذا قرر الجيش التخلص من حميدتي ...
قوة حميدتي الآن بعيدة عن حاضنتها وفي أماكن
مكشوفة ومعلومة تماما لاستخبارات الجيش ...
٣ هليكوبتر ويسلموك الفاضي بتاع حميدتي ...
تحياتي ...
Re: نذر التصعيد والمواجهةRe: نذر التصعيد والمواجهة |
Quote: 04-12-2019
أها ... سعادة الفريق أول حميدتي برفقتي في
مسيد جدي الشيخ باسبار ... يناير ٢٠١٧ ....
المناتلين يمتنعون ....
|
Quote: 03-12-2019
ههههههه يا سمعه ... الداير ياكل كتف التاني
منو .. الزول جانا في دار ابوي .... افاااااااا ...
الزول ضيفنا واكرمناهو .. وهو ما قصر ...
بني مسجد المسيد ومنامتين لحفظة القرآن ....
Re: حميدتي المدينة غير Re: حميدتي المدينة غير |
Quote: 03-12-2019
حميدتي ركب عربيتو و معاهو ٤ عربات يعني ٥ عربات
لاندكروزر (أوباما) من جبرة في الخرطوم جنوب
لي مسيد الشيخ باسبار بمدينة البسابير مرتين
٣٠٠ كيلو ماشي وجاي ... مرة للتبرع للمسيد
وللبسابير زاتا التي اقام فيها مبني المحكمة
وبيت القاضي والمرة التانية لافتتاح هذه
المنشآت .... مش لأنو عندو عقيدة في جدي
زي وزي باقي أهلي ومش لأنو من المنطقة كما
تعلمون ومش لأنو عبيط ممكن أي جلابي ياكل
كتفو وراسو عشان يقطع المشوار دا ماشي
وجاي ليقوم بما قام به ... ولكن مؤكد
لأمر أنتم لا تعرفونه ولن تعرفونه مني ... ومؤكد
هذا الأمر يفوق بأضعاف ما قدمه للمنطقة ....
(صدور الرجال بنوك) ....
اهمدو وروقو فلسنا ممن يأكل الكتف قبل أن
نعطي اكتافنا لتؤكل ...
Re: حميدتي المدينة غير Re: حميدتي المدينة غير |
Quote: 21-04-2020
البلد محتاجه لي ناس عمل وإنجاز وفاعلية ...
مش محتاجين لي كلاب السياسة البتنهش
في عضامنا ولحمنا منذ فجر الإستقلال وإلي
يومنا هذا ...
البلد محتاجه لي قيادات زي حميدتي تعرف
كيف تنجز لهذا الشعب المسحوق وليست في
حوجه لي قيادات تعرف كيف تأمن مصالحها ... |
Quote: 21-04-2020
لا يوجد بريء واحد في كل الهيلمانه
التي تسمي سياسي ومناضلي دارفور
لم يقتل او يتاجر او يتخذ دارفور مطية
ليصل لمبتغاه ... الذي لن يكون إنسان
دارفور ... حميدتي يبزهم عطاء لإنسان
دارفور والسودان ...
+++
دا إتهام لم يثبت صحته الي الآن والرجل من شدة
ثقته بنفسه متقلد منصب الرجل الثاني في السودان
ويعتبر حلال مشاكل الدولة السياسية والاقتصادية
والأمنية وراعي مباحثات السلام ...
+++
هو الوحيد طالب السلطة ويستحقها بانجازاته
علي الأرض ... البقية حرامية سلطة يبغونها عوجا ... |
|
Post: #18
Title: Re: نعم # حميدتي - أمل- السودان #
Author: Salah Zubeir
Date: 04-22-2020, 06:42 AM
Parent: #16
جيت يا المبروك ... 😃😃😃
مرحب حبابك ... وشكرا لي
تعبك معاي في جلبك للصورة ...
من أمس داير اختها ومكسل ...
|
Post: #19
Title: Re: نعم # حميدتي - أمل- السودان #
Author: Salah Zubeir
Date: 04-22-2020, 06:59 AM
Parent: #18
Quote: امل منو 😆😆😆😆
امل كتبت وما قرأت
ازيك.صلاح وضيوفه |
حبابك حبابك حبابك
يا حفيظ ... مع إنو العنوان قحاتي
كامل الدسم ورأي في القحاته معلوم ...
لكنه لم يجانب الحقيقة ... وبينا وبينك الأيام ...
|
Post: #20
Title: Re: نعم # حميدتي - أمل- السودان #
Author: جلالدونا
Date: 04-22-2020, 08:11 PM
Parent: #19
مع التحيه ،
لمن لا يعرف من هو المجرم حميتى ،
ومن هم القَتَلَة الجنجويد .
——
أولاً : الإسم الحقيقي للمليشيا التى
يقودها المجرم حميتى هو :
مليشيا الجنجويد .
وإطلاق مسمى : قوات الدعم
السريع على هذه المليشيا هو
مجرد تزوير قام به نظام البشير ،
لإضفاء نوع من الشرعية الزائفة
عليها ، مثل رتبة ” الفريق ” الزائفه
التى منحها المجرم البشير للمجرم
حميتى ، دون وجه حق ، ومخالفاً
بذلك كل الأعراف والقوانين .
ثانياً :إن القول بأن مليشيا الجنجويد
جزء من قوات الجيش وقوات الأمن
هو مجرد كذب ، فهذه المليشيا خارج
سيطرة قوات الجيش والأمن ،
ولا تسرى عليها أنظمة وسلوكيات
قوات الجيش والأمن ، ولا يملك أفراد
هذه المليشيا المؤهلات الضروريه
للإلتحاق بأي قوات نظاميه ، ومن
أبسط هذه المؤهلات معرفة القراءة
والكتابة ، والحصول على أقل قدر من
التعليم .
ثالثاً : مليشيا الجنجويد التى
يقودها المجرم حميتى هي بطبيعة
تكوينها مليشيا قبليه وجهويه ، وقد
قامت منذ تأسيسها على أساسٍ قبلي
و أساس عنصري لمحاربة قبائل معينه فى
دارفور . كماتعتمد هذه المليشيا على
أن تكون مليشيا مرتزقه ، سواءً مرتزقه
لنظام عمر البشير ، أو مرتزقة وعملاء
لأنظمةالسعودية والأمارات ، كما ظهر
واضحاً من خلال إرتزاقهم للحرب فى اليمن .
ولا يمكن أبداً لمليشيا بهذه المواصفات أن
تكون جزءاً من قوات الجيش و الأمن
النظامية في السودان .
رابعاً :قامت مليشيا الجنجويد ، منذ
تأسيسها فى دار فور ، بإرتكاب جرائم
حرب وجرائم ضد الإنسانية ، أدانها كل
العالم ، وشملت جرائم قتل المدنيين ،
وإحراق القرى ، وتشريد السكان ، ونهب
ممتلكاتهم ، وإنتهاك حقوقهم الإنسانية ،
مما دعا العالم للتدخل على مستوى
منظمة الأمم المتحدة لحماية المدنيين
من جرائم مليشيا الجنجويد . وسيظل
الجنجويد منبوذين دائماً ، ومطلوبين
لمحاسبتهم على جرائمهم .
خامساً : مهما حدث ، فلن يحصل
المجرم حميتى ومليشيا الجنجويد
على تأييد أوتعاطف من جانب الشعب
السودانى الواعى الذي يعرف أن الجنجويد
صنيعة الإنقاذ ، ويعرف أن عمر البشير
جلبهم الى الخرطوم والمدن الأخرى
لقمع وقتل المتظاهرين ، وقمع الثوره ،
وإذلال الناس ، وجلد الشبان والشابات
بالسياط ، وإهانتهم ، والتعدى على حرمة
البيوت ، والتنكيل بالنساء وكبار السن ،
وهناك عشرات الفيديوهات التى تظهر
فظائع ممارسات مليشيا الجنجويد
الهمجية ضد المواطنين الأبرياء.
سادساً : وإذا إستعرضنا تاريخ المجرم
حميتى ، فإننا نعرف أنه كان كلب
حراسة عمرالبشير ، وأقوى المدافعين
عن نظامه الديكتاتوري ، وأكبر
المنتفعين من فساد الإنقاذ ،وقد كان
المجرم حميتى العدو الأول لثورة
ديسمبر منذ بدايتها ، وشارك فى قتل
وقمع الثوار ، وتوجد تصريحات كثيره
له وهو يهدد ويتوعد المتظاهرين ،
ويحاول عرقلة مسيرة الثورة
والمفاوضات بين العسكر والمدنيين،
ولما فشلت كل حركاته المضادة
للثورة لجأ إلى تخطيط وتنفيذ
أكبر مذبحة دمويه جبانه قام
خلالها مرتزقة الجنجويد بإطلاق
الرصاص الحي ضد الثوار فى
مذبحة فض الإعتصام أمام
القيادة العامة ، تحت سمع
أعضاء المجلس العسكري
وبصرهم ، دون وازع من
دينٍ ، أو وطنيةٍ ، أوضمير .وهذه
هي الجريمة المحورية التى لن
ينجو منهاالمجرم حميتى أبداً
دون عقاب .
سابعا : يراقب الشعب السوداني
بمزيد من الحيرة والألم تسلط
مجرم جاهل مثل حميتى على
أجهزة الدولة ومقدراتها ،
والتفاوض بإسمها ، والتدخل
سياساتها الأمنية والإقتصادية ،
ورشوة ضعاف النفوس للتطبيل
له ،مع إستمرار عنجهية المجرم
حميتى وعمالته وإرتزاقه
للسعودية والإمارات ، وتجارته
فى دماءجنوده المرتزقة
فى اليمن.
هذه كلها حقائق تكشف حقيقة
المجرم حميتى ومليشيا الجنجويد
والخطر الأكبر الذى يمثلون ضد
السودان فى حاضره ومستقبله .
|
Post: #21
Title: Re: نعم # حميدتي - أمل- السودان #
Author: جلالدونا
Date: 04-22-2020, 08:17 PM
Parent: #20
الكلام الفوق ده جبتو ليك من تحت
عشان تقراهو
_____Quote: ومش لأنو عبيط ممكن أي جلابي ياكل
كتفو وراسو عشان يقطع المشوار دا ماشي
وجاي ليقوم بما قام به ... ولكن مؤكد
لأمر أنتم لا تعرفونه ولن تعرفونه مني ... ومؤكد
هذا الأمر يفوق بأضعاف ما قدمه للمنطقة .... |
البسابير دى بيزرعو فيها بصل
|
Post: #22
Title: Re: نعم # حميدتي - أمل- السودان #
Author: Salah Zubeir
Date: 04-22-2020, 08:55 PM
Parent: #21
Quote: الكلام الفوق ده جبتو ليك من تحت
عشان تقراهو |
😀😀😀😀😀
يا حليلي أنا ... هسع منتظرني أقرأ ليك الكلام
دا كلو ... ياخي تخ ... انا أكان بقرا قدر دا كنتا
بقيت أديب ومحلل سياسي ترمباوي زي صاحبك ...
عموما بقجتك دي خارج نطاق البوست لأنو
البوست يتحدث عن إنجاز يشبه المعجزة وليس
عن تاريخ منحاز ولا يشمل كل فعايل الرجل ...
دي واحده ...
التانيه لي معلوميتك ومعلوميت (المبروك)
والمباريك التانين ... لا تربطني بالرجل أي مصالح
أو اجتماعيات من أي نوع او اتصال بكافة الوسايل
ولو لاقاني في شارع الله دا ما حا يتذكرني لأنو
كل لقاءاتنا القصيرة لم تتعدا الثلاث مرات واقربها
منذ سنتين ...
دي التانية ...
البصل في نواحي البسابير إبداع حقيقي ...
بس حكومة السجم دي شغاله بي معاولها
ممثله في وزير التجارة والصناعة ومدير
الجمارك وأضيف ليهم كرونا في هدم وتعطيل
حصايل الصادر من الخضروات والفواكه مع
سبق الإصرار والترصد ...
|
Post: #23
Title: Re: نعم # حميدتي - أمل- السودان #
Author: اخلاص عبدالرحمن المشرف
Date: 04-23-2020, 04:34 AM
Parent: #22
كترت المحلبية يا صلاح 😂😂
|
Post: #24
Title: Re: نعم # حميدتي - أمل- السودان #
Author: muntasir
Date: 04-23-2020, 05:49 AM
Parent: #23
كترها ساكت يا دكتورة معاها نشادر وموية صحة😂
|
Post: #25
Title: Re: نعم # حميدتي - أمل- السودان #
Author: Deng
Date: 04-23-2020, 06:56 AM
Parent: #24
بس دي ياها ذاتها
يا فيها يا نفسيها
|
Post: #26
Title: Re: نعم # حميدتي - أمل- السودان #
Author: عبدالله الشقليني
Date: 04-23-2020, 11:47 AM
Parent: #25
من قال لكم أن رئيس مجلس السيادة له نائب؟
أذهبوا لقراءة الوثيقة الدستورية مرة أخرى
*
بالمناسبة ندى القلعة أكبر من حميدتي!
|
Post: #27
Title: Re: نعم # حميدتي - أمل- السودان #
Author: اخلاص عبدالرحمن المشرف
Date: 04-23-2020, 11:59 AM
Parent: #26
غايتو يا muntasir نتعاطف معاه في بصل البساببر
بس ما يصدرو كله
نعمل به ( قاورما ) وكان بقي كبار
رمضان دخل 😹😹😂😂
|
Post: #28
Title: Re: نعم # حميدتي - أمل- السودان #
Author: Salah Zubeir
Date: 04-23-2020, 12:09 PM
Parent: #25
Quote: الكلام الفوق ده جبتو ليك من تحت
عشان تقراهو |
تصدق وتامن بالله ... تحت دي يادوب
عرفتا مكانا وين ... غايتو شرحو لي River Nile
|
Post: #29
Title: Re: نعم # حميدتي - أمل- السودان #
Author: Salah Zubeir
Date: 04-23-2020, 12:20 PM
Parent: #28
| Quote: كترت المحلبية يا صلاح 😂😂 |
ابدا والله يا دكتورة ... الدولار زات نفسو
أقر وقال (بل) زي دا ما حصل عليهو منذ
فجر الإستقلال مع مواجهته لفطاحلة
السياسة والإقتصاد والعسكرتارية ...
دا لو كان رئيس اللجنة دي أي واحد غير
حميدتي وحدس ما حدس كان صار بطل
ثورة ديسمبر ... لأن ما حدس يعتبر الحسنه
الوحيده لهذه الثورة التي تأثر مباشرة"
في معايش الناس ...
|
Post: #30
Title: Re: نعم # حميدتي - أمل- السودان #
Author: اخلاص عبدالرحمن المشرف
Date: 04-23-2020, 12:32 PM
Parent: #29
اهم شئ الدولار
بالجنبة كده اسع البسابير دي ما فيهامنقة !!!!
تقول لينا بصل
|
Post: #31
Title: Re: نعم # حميدتي - أمل- السودان #
Author: Salah Zubeir
Date: 04-23-2020, 12:51 PM
Parent: #30
Quote: بالجنبة كده اسع البسابير دي ما فيهامنقة !!!!
تقول لينا بصل |
يا دوك المنقه المنتجه هذه الأيام معظمها
جاي من جنوب كردفان والنيل الأزرق وأشهرها
منطقة ابوجبيهه ... منقة التصدير ومعروف انواعها
سوف ترد السوق ابتداءا" من منتصف اغسطس ...
ولاية نهر النيل منتج رئيسي للبصل حيث يزرع في
مساحات واسعة وأشهر بصل للتصدير ينتج نواحي
نهر عطبرة وام الطيور والبسابير ...
|
Post: #32
Title: Re: نعم # حميدتي - أمل- السودان #
Author: Salah Zubeir
Date: 04-23-2020, 01:07 PM
Parent: #31
أااااااتك ااااحميدتي ....
الإمداد الكهربائي مستقر ولا يشهد أي قطوعات
مبرمجة او غير مبرمجة منذ الجمعة الماضية
علي أن يتواصل هذا الوضع الي ما بعد نهاية
رمضان والعيد ... رجل وعد وأنجز ...
|
Post: #33
Title: Re: نعم # حميدتي - أمل- السودان #
Author: قسم الفضيل مضوي محمد
Date: 04-23-2020, 02:30 PM
Parent: #32
يا ابو صلاح ...
بعد كمية كسير التلج المرفقة في الاقتباسات ...
ما فضل ليك الا شراب السجائر ...
|
Post: #34
Title: Re: نعم # حميدتي - أمل- السودان #
Author: نعمات عماد
Date: 04-23-2020, 02:40 PM
Parent: #33
صحي حميدتي داير يعين صلاح والي للبسابير؟
|
Post: #35
Title: Re: نعم # حميدتي - أمل- السودان #
Author: Salah Zubeir
Date: 04-23-2020, 05:04 PM
Parent: #34
Quote: واصل سعر الدولار رحلة الهبوط والانهيار أمام الجنيه السوداني في سوق العملات الأجنبية (السوق السوداء)
يوم الخميس 23 ابريل 2020م ووصل إلى (110) جنيهات.
وقال متعاملون في سوق النقد الأجنبي أن سعر الدولار الامريكي يواصل التراجع لليوم السابع على التوالي حيث بلغ سعره (110) جنيهات
فيما يعرض تجار شراء العملة الامريكية بمبلغ دون المائة جنيه. وبحسب أحد التجار فإنه تم تداول الريال السعودي بـ (29.40) جنيهاً
الدرهم الإماراتي (31)
جنيهاً، اليورو (123) جنيه
الجنيه الاسترليني (139)
جنيهاً، الجنيه المصري (7)
جنيهات، الريال القطري (30) جنيه. |
أشهد بأن مساء الثلاثاء 14/4 كان سعر الدولار 147 جنيه ...
|
Post: #36
Title: Re: نعم # حميدتي - أمل- السودان #
Author: عبدالحفيظ ابوسن
Date: 04-23-2020, 06:36 PM
Parent: #35
يا صلاح يا اخوي في الدولار دة بقت واضحة ياخ
مافي اي اجراءات اقتصادية جديدة اتعملت
نزل براهو كيف ؟ نزل دستور يا اولاد ماما 😆😆
|
Post: #37
Title: Re: نعم # حميدتي - أمل- السودان #
Author: ABUHUSSEIN
Date: 04-23-2020, 06:42 PM
Parent: #36
بالغت يا حاج الطيب ...
|
Post: #38
Title: Re: نعم # حميدتي - أمل- السودان #
Author: Salah Zubeir
Date: 04-23-2020, 07:52 PM
Parent: #37
| Quote: كترها ساكت يا دكتورة معاها نشادر وموية صحة |
😜😜😜😜😜
وإنتا الصادق صندليه عديييل وكفوها في حفرة الدخان ...
Quote: بس دي ياها ذاتها
يا فيها يا نفسيها |
شكرا يا دينق علي المرور من هنا ...
Quote: من قال لكم أن رئيس مجلس السيادة له نائب؟
أذهبوا لقراءة الوثيقة الدستورية مرة أخرى
بالمناسبة ندى القلعة أكبر من حميدتي! |
تحياتي أستاذنا الشقلليني ...
علي حسب علمي هنالك لائحة داخلية للمجلس السيادي
أقرت بأن يكون حميدتي نائب رئيس المجلس باتفاق
جميع الأعضاء ....
|
Post: #39
Title: Re: نعم # حميدتي - أمل- السودان #
Author: Salah Zubeir
Date: 04-23-2020, 08:25 PM
Parent: #38
Quote: يا ابو صلاح ...
بعد كمية كسير التلج المرفقة في الاقتباسات ...
ما فضل ليك الا شراب السجائر ... |
والله يا قسم مافي شي هزم ود الباوقه في المنبر دا
إلا حاجتين :-
١ :- شيلت سيدو الرئيس ...
٢ :- أخبار الدولار ....
طبعا البيحصل هذه الأيام من قبل اللجنة الإقتصادية
هو فتح رباني وانتصار كامل للثورة علي الأزمات
المزمنه التي يعاني منها البلد ... حدثت كيف وعن
طريق منو ما مهم ... المهم تقلعو النضاره السوداء
ونشوفو الحقيقة ...
| Quote: صحي حميدتي داير يعين صلاح والي للبسابير؟ |
والله يا دكتورة الله الغني ... أحمد الله ربنا عفا عنا
من أمراض السلطة والثروة البنهبوها ...
| Quote: مافي اي اجراءات اقتصادية جديدة اتعملت |
أجي يا عبدو ... ما قريت دي في متن البوست :-
٣٠٠ مليون دولار ركبا درب في شرايين واوردة
بنك السودان ... وأعلن عن توفر القمح والبنزين
والجازولين والغاز والكهرباء طوال الشهر الكريم .
| Quote: بالغت يا حاج الطيب ... |
سمعت بالحوار الغلب شيخو ...
احتار زي ما عايز ... دا شعرن ما عندك ليهو جيد ...
خليك في طرمبا والصين وجقود ....
|
Post: #40
Title: Re: نعم # حميدتي - أمل- السودان #
Author: عبدالحفيظ ابوسن
Date: 04-24-2020, 10:32 AM
Parent: #39
شايفها يا صلاح
ودة ما اجراء اقتصادي ضخ المال دة مجرب . تضخ بي هنا وتمرق بي هناك
الا يكون هو البي هناك ! 😆😆
اديك مثال
لو اديت زول قروش وهو ماعندو وظيفة بيها وعاطل
اكيد يتصرف منها وحتكمل يوم ويرجع مفلس
ف شنو
ماعمل شي لغاية هسة ولن يستطيع الموضوع علم ماشيل بندقية
|
Post: #41
Title: Re: نعم # حميدتي - أمل- السودان #
Author: Arif Nashed
Date: 04-24-2020, 11:07 AM
Parent: #40
أمل دي منو!
ياخي بق بق ما كسر تلج قدر ده.
ما فاضل ليك إلا تدردق في النجيلة.
😂😂😂
|
Post: #42
Title: Re: نعم # حميدتي - أمل- السودان #
Author: Salah Zubeir
Date: 04-24-2020, 11:54 AM
Parent: #41
Quote: ودة ما اجراء اقتصادي ضخ المال دة مجرب . تضخ بي هنا وتمرق بي هناك
الا يكون هو البي هناك ! 😆😆
اديك مثال
لو اديت زول قروش وهو ماعندو وظيفة بيها وعاطل
اكيد يتصرف منها وحتكمل يوم ويرجع مفلس
ف شنو
ماعمل شي لغاية هسة ولن يستطيع الموضوع علم ماشيل بندقية |
يا عبدو ... الزول دا ما طارح نفسو كعالم اقتصاد ...
علماء الإقتصاد قاعدين عن يمينه وشماله ... الزول
دا أقصي مأ مطلوب منو عملو وبي تفوق يحسد عليه ...
الزول دا وفر للبلد المنتهية دي والكانو بيكسرو ليها
في عيونا ... وهبا قبلة الحياة .... بي حقو ركب الدرب
لي بنك السودان ... وبي بندقيتو قدر حيد كل تجار العملة
والتهريب وأصحاب النفوس المريضة البيحلبو في البلد ...
حيث استطاع الإطاحة بالدولار ومرمغ مناخيرو بالأرض
ووفر كل اساسيات الحياة للبلد .... أظنها نقطة إنطلاق
عظيمة لعلماء وكفاءات الإقتصاد الموجوده في اللجنة
والحكومة لبناء إقتصاد يعتد فيه ....
مهما قلتو لن تستطيعوا إنكار ضوء الشمش ....
يا عارف إذا الموضوع كتابة مداخله والسلام فشكرا
علي المرور ... ياريت الدور الجاي تجي بي فكرة جديدة ...
|
Post: #43
Title: Re: نعم # حميدتي - أمل- السودان #
Author: نعمات عماد
Date: 04-24-2020, 12:06 PM
Parent: #42
شكراً يا صلاح على الرد، ربنا يغني جميع السودانيين عمن سواه.
للأمانة عندك موهبة أحسن من أي spin doctor.
|
Post: #44
Title: Re: نعم # حميدتي - أمل- السودان #
Author: Salah Zubeir
Date: 04-24-2020, 01:26 PM
Parent: #43
Quote:
Abubakr Ahmed Abbas
بالرغم من انو صلاح الزبير صديقي وهسّ في وضع يحنن، لكن جاب لينا حاتم والواحد ممكن يرجع يلعب ليهو قشاش حتى نعيد لسودانيز ألقها من جفاف كتابات ود البشرى وحافظ.
مشكلتي مشاكل بكري وكرامتي لا تسمح لي بطلب كلمة مرور جديدة بدل الضيعتها متعمداً
أي وساطات بقبلها |
(جفاف كتابات ود البشرى وحافظ) .... خخخخخخخخ
وصف موووووباااااااالغه .....
والله الفريق بعدك خلا ...
(أي وساطات بقبلها) تقطع الحشا ... يلا يا خيرين ..
|
Post: #45
Title: Re: نعم # حميدتي - أمل- السودان #
Author: Salah Zubeir
Date: 04-24-2020, 01:57 PM
Parent: #44
والله يا دوك حاسس انو فيها ردم ...
غايتو إذا بتفتكري انو انا موهوب لف ودوران ...
وبصنع من الفسيخ شربات وبسخر كتاباتي لأعلي
بها من لا يستحق لأهداف شخصية .. تبقي ظلمتيني ...
شخصيا ما شايف في المنبر دا زول بيتكلم بي
حرية فكر ودماغ زيي .. ما عندي مشكلة في ردم
حميدتي بكرة إذا استحق ذلك ... معظم من يكتب
هنا مشدود لي فكر أنبياءهم الهلكو من سنين ومبارنهم
عمي .. مع انهم بشر زيهم واحد ...
|
Post: #46
Title: Re: نعم # حميدتي - أمل- السودان #
Author: Biraima M Adam
Date: 04-24-2020, 02:28 PM
Parent: #45
ول أبا صلاح الزبير،
أرمي قدام .. يحمد للقائد حميدتي حمي ظهر القوات المسلحة في وقت تكالبت عليهم الحركات من كل صوب.
والأن يتحرك بصورة جادة لإعادة بناء السودان ..
ناس قحت ما يبكوا علي اللبن المسكوب، عليهم أن يقعدوا تحت وينجزوا ما أتي بهم الشعب له ..
بريمة
|
Post: #47
Title: Re: نعم # حميدتي - أمل- السودان #
Author: جمال المنصوري
Date: 04-25-2020, 07:15 AM
Parent: #46
صلاح الزبير
وضيوفه الكرام
رمضان مبارك عليكم جميعا
يا صلاح
اتفق معاك تماما بخصوص حميدتي..
الخيارات الساسية المتاحة بتقول كده...
ودي فرضتها ظروف اقوى من امكانيات دول كبرى ناهيك عن دولة منهارة زي السودان..
الخيارات على الأرض كالتالي:
- جيش تم ادلجته 30 سنة وهو يتكون من اغلبية ذات انتماء للجبهة الإسلامية وابنائها الشعبي واللاوطني..
-مليشيات الكيزان المتعددة المعروفة والغير معروفة وكتائب الظل المستعدة تعمل كل شيء ممكن وغير ممكن عشان تعود للسلطة.
- اجهزة الأمن الظاهرة والخفية التابعة للنظام السابق.
- الحركات المسلحة المنشقة عن النظام السابق.
- قوات الدعم السريع..
كل القوى دي تعتبر بتفاوت قوى متربصة ومعرقلة للثورة، وبتحاول بصورة مباشارة أو غير مباشرة تجيير الوضع لصالحها،
بعضها يعمل للتحالف مع بعض القوى السياسية المكونة للحاضن الثوري (قحت) للإنقضاض على الفترة الإنتقالية.
الدعم السريع هو القوة الوحيدة الغير مؤدلجة..
يبقى على قوى الثورة والثوار دراسة الخيارات دي جيدا... ضع مليار خط تحت جيدا دي..منو الممكن من كل هؤلاء يساعدها على انجاز مهمة الفترة الإنتقالية وتفكيك نظام الكيزان من دون ما تدفع ثمن باهظ؟
الناس براها شايفة انو الأزمة الأقتصادية الماثلة امامنا ليس سببها الندرة، وانما سببها التواطوء بين اجهزة امن النظام في حماية ووصول السلع الضرورية الى المستهلك
والمساعدة على تهريبها الى خارج البلاد..
افتكر الناس حقوا يكونوا واقعيين ، في في السياسة مبدأ يقال له احسن الخيارات السيئة،
حميدتي اسمه براه بيسبب رعب لبني كوز..
بمجرد ما قال (ما تدسوا لينا المحافير) هبط الدولار .. ما بالك لو فتش المحافير الح يحصل شنو؟
مودتي
|
Post: #48
Title: Re: نعم # حميدتي - أمل- السودان #
Author: Salah Zubeir
Date: 04-26-2020, 12:47 PM
Parent: #47
تحياتي بريمة ...
القحاته تتنازعهم ولاءتهم ....
القحاته تنقصهم القيادة والطريق ...
بارك الله فيك يا جمال ...
|
Post: #49
Title: Re: نعم # حميدتي - أمل- السودان #
Author: HAIDER ALZAIN
Date: 05-02-2020, 11:16 AM
Parent: #48
*****
|
Post: #50
Title: Re: نعم # حميدتي - أمل- السودان #
Author: عبدالحفيظ ابوسن
Date: 05-02-2020, 12:11 PM
Parent: #49
قالوا
شيخ شبه متعلم قابض الحلة كلها علا مستفيد 😉
ياهو المأذون والامام والمفتي وبالبرقى وكلو بي تمنو شي نقدا وشي عيني من بيض لي لبن لي خلافو
اها يوم جاهم ضيف كامل التعليم . وحضر معاهم صلاة الجمع . وعرف الشيخ قاعد عمة ساكت
وقعدو للغداء في الديوان الجامع كعادة اهل القرى
المتعلم داير يحرج الشيخ
قال ليهو يا شيخنا كدى اقرا لينا سورة البقرة
والشيخ نبيه وذكي ذكاء بادية قال ليهو
اتا كدى اقرا لينا سورة التور وانا بقرا ليك سورة البقرة
المتعلم تبسم كمن قبض محتالا متلبسا وقال ليهو
كمان التور عندو سورة !!؟
الشيخ اتلفت لي جماعتو
عان زويلكم !! هو البقرة ام شطور عندها سورة والتور اب قلقات ماعندو
الزول مرقنو كرعينو متهما بالكفر وافساد العقيدة
اها
المناسبة شنو!؟
في وحاة الخوة
تحياتي صلاح وضيوفه
|
Post: #51
Title: Re: نعم # حميدتي - أمل- السودان #
Author: علي عبدالوهاب عثمان
Date: 05-02-2020, 01:08 PM
Parent: #50
الحبيب صلاح .. تحياتي
نفس المداخلة كان في بوست آخر
===========
الحبيب صلاح عندما يدخل الواحد في عمل ومصلحة تسقط عنده كل النظريات السياسية
السنة دي دخلنا بقوة في الموسم الزراعي الشتوي عندنا في الشمالية .. اهم شيء عندنا النجاح
أنا دائما بنظر للموضوع من المصلحة وخاصة الجازولين للزراعة
أمس قرأت موضوع في موقع جريدة الوطن عن حميدتي .. أنا مبسوط للبواخر التي
وصلت الى الميناء .. ولكن أريد أن أسال فقط حبيبنا حميدتي من أين له هذه المبالغ
ربما يكون زي السيسي المصري يلعب في المحاور الخليجية المهم البواخر( فرح الغلابا)
وخاصة الجازولين ما علينا بالبنزين ..
الخبر كما ورد في موقع الجريدة مقالة طويلة ولكن هذه الفقرة هي المهمة :
الوطن :
((( ثمن عدد من الخبراء والمحلليين السياسيين وصول عشرة بواخر محملة بالوقود وغاز الطهي لميناء
بورتسودان بدعم مباشر وسخي من الفريق اول محمد حمدان دقلو النائب الاول لرئيس مجلس السيادة رئيس
اللجنة العليا للطوارئ الاقتصادية لحل أزمات الوقود والغاز المستفحلة في ربوع الوطن
مؤكدين ان ذلك يدل بما لايدع مجال للشك على قومية ووطنية حميدتي وبعده عن تحقيق المكاسب الشخصية الذاتية
ووضعه للسودان وشعبه في حدقات العيون مبينين ان هذه الصفات الوطنية الخالصة تمثل العقيدة العسكرية الوطنية لقوات الدعم السريع وقائدها)))
==================
يبدو لي أن حمدوك لعب بذكاء ووضعه في منصب رئيس اللجنة
توزيع أدوار حميدتي للمحاور الخليجية وحمدوك يتفرغ للغرب والامم المتحدة
حميدتي يجيد التعامل مع الخليجيين .. حمدوك خبراته أمريكية
المهم أننا نستفيد
حبيبنا صلاح .. معليش قصة الزراعة والموسم يجعل الواحد ينظر الى المصلحة
ربما لولا الزراعة كان رأينا مختلف .. لأن فشل الموسم كارثة للمزارع ويعمل مرض نفسي
ويمكن أخطر من ذلك ..
تحياتي الحبيب صلاح .. احياناً المقدرات لا تحتاج إلى شهادات
|
Post: #52
Title: Re: نعم # حميدتي - أمل- السودان #
Author: Salah Zubeir
Date: 05-02-2020, 08:09 PM
Parent: #51
أنا غايتو سمعتا وشفتا بوست اتفتح في سودانيز دي
عنوانو ٥ نجيمات بي هني و٥ نجيمات بي هناك وفي
النص نقط نقط نقط نقط نقط ... وردا علي مداخلتك
يا ود الزين نقول ... ، .... ، ..... وقالو درب السلامة
للحول قريب ....
|
Post: #53
Title: Re: نعم # حميدتي - أمل- السودان #
Author: Salah Zubeir
Date: 05-02-2020, 11:16 PM
Parent: #52
Quote: شيخ شبه متعلم قابض الحلة كلها علا مستفيد 😉
ياهو المأذون والامام والمفتي وبالبرقى وكلو بي تمنو شي نقدا وشي عيني من بيض لي لبن لي خلافو
اها يوم جاهم ضيف كامل التعليم . وحضر معاهم صلاة الجمع . وعرف الشيخ قاعد عمة ساكت
وقعدو للغداء في الديوان الجامع كعادة اهل القرى
المتعلم داير يحرج الشيخ
قال ليهو يا شيخنا كدى اقرا لينا سورة البقرة
والشيخ نبيه وذكي ذكاء بادية قال ليهو
اتا كدى اقرا لينا سورة التور وانا بقرا ليك سورة البقرة
المتعلم تبسم كمن قبض محتالا متلبسا وقال ليهو
كمان التور عندو سورة !!؟
الشيخ اتلفت لي جماعتو
عان زويلكم !! هو البقرة ام شطور عندها سورة والتور اب قلقات ماعندو
الزول مرقنو كرعينو متهما بالكفر وافساد العقيدة |
وحاة الخوة كتلتو كتلا ... هههههههههههه
|
Post: #54
Title: Re: نعم # حميدتي - أمل- السودان #
Author: Salah Zubeir
Date: 05-02-2020, 11:22 PM
Parent: #53
| Quote: احياناً المقدرات لا تحتاج إلى شهادات |
عزيزنا علي ...
البلد محتاجه لكل القدرات سواء كانت مدعومة
بي سلطة او شهادات او أفكار ... الإنجاز لهذا
الشعب هو المطلوب من الجميع ....
|
Post: #55
Title: Re: نعم # حميدتي - أمل- السودان #
Author: HAIDER ALZAIN
Date: 05-02-2020, 11:43 PM
Parent: #54
ياود الزبيـر عاوز اسأل سؤال بس خايف من يوصموني بالجهالة
أو يجي واحد يقول لي اقرأ سورة التور وابقى في البلابيط ..
لكن عليك يا كريم نستفسر ..
انتو حميدتي دا تعبان كدة مالو
مش في الوثيقة في حتة قالوا فيها البيشارك في الانتقالية محرماً عليه المشاركة في حكومة الانتخابات ؟
الكلام دا هل والا ما هل .. !
من ناحية أخرى .. حقيقة مفتقد ابو نجمات..
المنبر بدونه سطحي ويخلو من المعرفة العميقة والطرح البسيط بالقسط الميسـر مما يؤدي لتمدد الجهل النشط ..
|
Post: #56
Title: Re: نعم # حميدتي - أمل- السودان #
Author: Salah Zubeir
Date: 05-03-2020, 01:08 PM
Parent: #55
Quote: انتو حميدتي دا تعبان كدة مالو
مش في الوثيقة في حتة قالوا فيها البيشارك في الانتقالية محرماً عليه المشاركة في حكومة الانتخابات ؟
الكلام دا هل والا ما هل .. ! |
الكلام دا (هل) ونص وخمسة في الأول ساعة
اتفق علي أن تكون الإنتقالية حكومة تكنوقراط ...
ونقض الاتفاق منذ الوهلة الأولى حيث بدأت غرفة
عمليات بقيادة مرافيد الحزب العتيق وأعضاء فاعلين
من أحزاب اليسار في تعيين منسوبيهم بإسم (قحت)
في عملية تمكين واسعة طالت العديد من الوزارات
والمؤسسات ... وكلو في السليم بإسم قحت ...
وبعيدا عن أحزاب الطايفتين ...
بالنسبة لي حميدتي في مقابلة تمت معاهو أمس
في سودانية ٢٤ وأظن الجميع اطلع عليها نسبة
لانتشارها الواسع في الواتساب ... شخصيا شوفتو
في اكتر من ٩ قروبات ... اها حميدتي بقول
ويكرر في نفس الكلام دا من بداية أحداث
التغيير في أبريل ٢٠١٩ ... حميدتي بيقول :-
١ :- ما داير سلطة... لا عن طريق انتخابات ولا
عن طريق بندقيتو ....
٢ :- حدد وظيفتو طوال الفترة الانتقالية بأن يحمي
الثورة وحكومة الثورة والفترة الإنتقالية من العابثين ...
بس البيقنع ديكت (جمع ديك) الأحزاب منو ...
|
Post: #57
Title: Re: نعم # حميدتي - أمل- السودان #
Author: Salah Zubeir
Date: 05-03-2020, 05:56 PM
Parent: #56
Quote: من ناحية أخرى .. حقيقة مفتقد ابو نجمات..
المنبر بدونه سطحي ويخلو من المعرفة العميقة والطرح البسيط بالقسط الميسـر مما يؤدي لتمدد الجهل النشط .. |
غايتو بيذكرني ود جيرانا زمان ... أي عكه في الحله
بيكون طالع منها مفلوق ... مع إنو ما عندو أي دخل ....
😃😃😃
|
Post: #58
Title: Re: نعم # حميدتي - أمل- السودان #
Author: Salah Zubeir
Date: 05-21-2020, 06:07 PM
Parent: #57
فوووووووق
الرجل وعد فأوفى وأنجز ...
ووزراء المحاصصه الحزبية والتمكين غرقانين
في شبر مويه مع يرقات القعوي ...
|
Post: #59
Title: Re: نعم # حميدتي - أمل- السودان #
Author: Salah Zubeir
Date: 05-21-2020, 06:21 PM
Parent: #58
Quote: وأعلن عن توفر القمح والبنزين
والجازولين والغاز والكهرباء طوال الشهر الكريم |
الخبز والوقود والكهرباء والغاز ...
دي كانت مشاكل وأزمات البلد ...
وانبرى لها الفارس حميدتي ...
تم حل هذه الأزمات وتوفرت كما لم
تتوفر من قبل لدرجة انها صارت نسيا"
منسيا .... اقترح إسناد وزارة الصحة
للقايد حميدتي فورا" ....
|
Post: #60
Title: Re: نعم # حميدتي - أمل- السودان #
Author: Salah Zubeir
Date: 05-21-2020, 09:14 PM
Parent: #59
البلد مش محتاجه لي حزب أو أيديولوجيا تحكمها ...
البلد محتاجه لي ناس تشتغل وتنجز وتفك البلد من
كربها التي لا تعد ولا تحصي ...
البيحصل من الأحزاب هذه الأيام هو نفسو الحصل
بعد ثورة أكتوبر ٦٤ وابريل ٨٥ وحا نصل لي نفس
الحلقة الشريرة ويأتي أحد الأحزاب العقائدية لفترة
شمولية جديدة عن طريق العسكر فاسدة تتحكم
في رقاب الناس ظلما وعدوانا ..
الحل في إبعاد الأحزاب عن حكومة الفترة الإنتقالية
وتفعيل دور التكنوقراط النضاف من أي صبغه
حزبية ويحتكم الجميع للقانون وإعطائهم الفرصة
الكافية للعمل والإنجاز ومحاسبتهم علي الإخفاق ...
|
Post: #61
Title: Re: نعم # حميدتي - أمل- السودان #
Author: جمال ود القوز
Date: 05-21-2020, 09:33 PM
Parent: #60
| Quote: نعم # حميدتي - أمل- السودان # |
غايتو دي جبتها كبيرة ..
أمل شنو قلت لي !! ..
بعد تلجك التقيل ده يا أبو صلاح
لا يمكنه تخطيك وما يعينك وزير كان دانت ليهو كاملة
بدل شغل مقاولات الباطن والأنفار ده ..
غايتو أنا حاجز مدير مكتبك كان قلت خير ...
بتبالغ وانت تقفز من المستوى الشخصي
للمستوى العام يارجل ...
كل سنة وانت طيب قبل الزحمة ..
ماتنسى تطلبني كان استوزرت يأخ ..
أنا ما طمّأع مدير مكتب نايمة معاي نوم ..
تكون متدسي وتكجم بي تحت تحت ..
وقدوتي للانطلاق من المنصب الصغيروني ده
انت عارفو براك ..
إن شاء الله بس نلحق ترب الناها ونغز عودنا ... 
|
Post: #62
Title: Re: نعم # حميدتي - أمل- السودان #
Author: علي عبدالوهاب عثمان
Date: 05-21-2020, 09:42 PM
Parent: #61
الحبيب ودالزبير تحياتي
حميدتي ذكي ويعرف يستغل الفرصة
اليوم أمر قوات الدعم السريع بالانتشار في المستشفيات في اقسام الطواريء
لحماية الاطباء
لأن قوات الدعم السريع ما يحتاج لأي شروط أو مخصصات او بدلات مالية ( عشان كده سريع )
الموضوع انتماء وولاء ( نموذج الحرس الثوري وحزب الله ) وهؤلاء اليوم
اهم من الجيوش النظامية في كل شيء والاهم في العقيدة القتالية
بغض النظر عن الرتب والمصالح المادية ..
حميدتي سوف يكون رقم اقليمي وفي نطاق أوسع من الوطن
تحياتي الحبيب ودالزبير
|
Post: #63
Title: Re: نعم # حميدتي - أمل- السودان #
Author: Salah Zubeir
Date: 05-21-2020, 10:45 PM
Parent: #61
Quote: غايتو دي جبتها كبيرة ..
أمل شنو قلت لي !! ..
بعد تلجك التقيل ده يا أبو صلاح |
مش لمن اكون أنا القاطع العنوان دا من دقنوسي ...
ما عهدتك بتلوخ من طرف ساي كدا ... كان
ود البشرى احرف منك (راجع مداخلته وردي
عليها بعد متن البوست مباشرة)
العنوان صاحبو بفضل قبقبتو يوم فض
الاعتصام وقطع زرارة قميصو صار وزير ...
تانيا :-
| Quote: كان دانت ليهو كاملة |
حليلك وحليلي أنا ... إنتا بوستيني دا قريت
العنون واكتفيت وطوالي مشيت لي كسير
تلجي واستوزاري ..
في مداخله هنا وضحت أهداف حميدتي
من البيعمل فيهو من ما بدا التغيير في
١١ أبريل ١٩ وكان خطابو واحد لغاية آخر
مقابلة مع سودانية ٢٤ قبل أسبوعين او
تلاتة وقال فيها :- (كبشرا من البوست دا)
Quote: بالنسبة لي حميدتي في مقابلة تمت معاهو أمس
في سودانية ٢٤ وأظن الجميع اطلع عليها نسبة
لانتشارها الواسع في الواتساب ... شخصيا شوفتو
في اكتر من ٩ قروبات ... اها حميدتي بقول
ويكرر في نفس الكلام دا من بداية أحداث
التغيير في أبريل ٢٠١٩ ... حميدتي بيقول :-
١ :- ما داير سلطة... لا عن طريق انتخابات ولا
عن طريق بندقيتو ....
٢ :- حدد وظيفتو طوال الفترة الانتقالية بأن يحمي
الثورة وحكومة الثورة والفترة الإنتقالية من العابثين ...
بس البيقنع ديكت (جمع ديك) الأحزاب منو ... |
ثالثا ... برضو لو راجعت البوست دا فوق بتلقي
غيرك بيعزف في نفس اللحن بتاع كسير التلج دا
والوحيدة دكتورة نعمات افترضت انو عندي مصلحة
وفرقها منك انو ما طالبت بي مصلحة زيك وممكن
تلقي ردي المفروض مقنع ليها ومع ذلك ادتني
بالحته الفيها زهره ... وكان ردي ليها :-
Quote: والله يا دكتورة الله الغني ... أحمد الله ربنا عفا عنا
من أمراض السلطة والثروة البنهبوها ... |
بارك الله فيك قومتا نفسي ... 😜😜😜
|
Post: #64
Title: Re: نعم # حميدتي - أمل- السودان #
Author: جمال ود القوز
Date: 05-23-2020, 09:18 AM
Parent: #63
| Quote: ما عهدتك بتلوخ من طرف ساي كدا ... كان |
واتا ما الزول البيلخوهو يأ قريبي ..
شفت التلج ده كيف .. هههههه ..
ده لا يمنع إنه وقعت ليك صاقطة ..
ماتنسى حكاية مدير مكتب الوزير دي
لانها مهمة اليومين ديل مع فلس الكرونا .. خخخخ
كل سنة وانت والاسرة بخير
|
Post: #65
Title: Re: نعم # حميدتي - أمل- السودان #
Author: ABUHUSSEIN
Date: 05-23-2020, 11:46 AM
Parent: #64
Quote: فوووووووق
الرجل وعد فأوفى وأنجز ...
ووزراء المحاصصه الحزبية والتمكين غرقانين
في شبر مويه مع يرقات القعوي ... |
مرات كدا يا حاج الطيب بتذكرني ناس ابوقبورة و تورالجر ...... 😂😂😂😂
|
Post: #66
Title: Re: نعم # حميدتي - أمل- السودان #
Author: Salah Zubeir
Date: 05-23-2020, 02:13 PM
Parent: #65
| Quote: كل سنة وانت والاسرة بخير |
جيمي ياخي عيدك مبارك وربنا يلطف بأهل السودان ....
|
Post: #67
Title: Re: نعم # حميدتي - أمل- السودان #
Author: Salah Zubeir
Date: 05-23-2020, 06:10 PM
Parent: #66
| Quote: حميدتي ذكي ويعرف يستغل الفرصة |
عزيزنا علي ... عيدك سعيد ونسأل الله اللطف
بأهل السودان ... اتفق معاك وهو ذكي كفاية
من أن يورط نفسه أو جيشه في المطالبه بأن
يحكم جنازة البحر الاسمها السودان ....
يا عادل ....
حاج العوض وابوحسين دي اسامي لا تصلح
بأن تطلق علي كادر شيوعي ... تاني عادل بس ...
اسم سمبتيك وياهو شبهم ... عليك الله غير
صورة البروفايل دي ... استلف تي شيرت
حسين وحتة بنطلون جينز وسخان كدا مع
الصلعة تكون شبه المعلم الشفيع خدر ...
|
|