مافي زول ما عارف انه حميدتي ممكن يدفع ملايين عشان يجمل صورته الكريهة في مخيلة الشارع والعالم الحر. حاول مع شركات علاقات عامة عالمية (كندية) و دفع فيها 6 ملايين في فضيحة يعرفها القاصي والداني. حاول الرشوة علي الملأ بعد السقوط وطرق اي باب عسي ولعل.. لكن تجي من رئيس وزراء اعظم ثورة في التاريخ؟!! صورة تجسد الخنوع..
Post: #2 Title: Re: + الخنوع.. الآلية العليا للاقتصاد + Author: Mutasim Idris Date: 04-19-2020, 04:48 AM Parent: #1
حميدتي لا يفقه في اي شئ غير التهربيب والارتزاق والعمالة.. لا يستطيع يقرأ حتي من ورقه امامه , يااخ لا يستطيع حتي يحفظ التلقين..
هل ينجح حمدوك في تلقينه؟
Post: #3 Title: Re: + الخنوع.. الآلية العليا للاقتصاد + Author: Mutasim Idris Date: 04-19-2020, 05:02 AM Parent: #2
اتحولت مليشيا الجنجويد بعد سقوط نظام الانقاذ الاسلامي المستبد من مليشيا مكروهة عند الانسان السوداني الحر نسبة لتاريخها القذر وما اعتملته في حق اهلنا في دارفور و جبال النوبة ومناطق اخري من الوطن الي مليشيا (مقبولة) علي اسوأ تقدير عند ممثل الشارع بعد اتفاق الشراكة التاريخي. لم يهنأ فريق الخلا بدرجة القبول المستوحاة من انحيازه للثورة حسب روايات عسكر لجنة البشير الامنية ولا بالخروج بأثر رجعي من رحم قواتنا المشلحة حتي بانت حقيقتها في فض دولة اعتصام القيادة العامة لتنال من السخط والكراهية لدرجة تغني فيه الشارع بكراهيته للمليشيا. قتلونا مندسين لوحاتهم ق د س.
Post: #4 Title: Re: + الخنوع.. الآلية العليا للاقتصاد + Author: Mutasim Idris Date: 04-19-2020, 05:28 AM Parent: #3
ضمت الالية العليا لانقاذ الاقتصاد كوكبة معروفة من قوي الحرية والتغيير بالاضافة الي اعضاء من لجنة التفكيك وبعض العساكر.
معقولة لاااازم الكاكي دا يدخل في اااااي تركيبة مدنية؟ ديل سلاح شنو يارب وشغلتهم شنو في اللجنة؟ هل عقرت حواء السودان من الاقتصاديين ام تم ابعادهم لشئ في نفس قوي الحرية والتغيير ورئيس حكومتها؟؟ سعي حميدتي بوضع يده علي كل الملفات المهمة في الحياة السياسية , المدنية والعسكرية. بجانب قيادته الي مليشيته تم تفصيل منصب مخصوص بأمره ليصبح نائب رئيس مجلس السيادة في تحدي سافر للوثيقة الدستورية الخالية من المسمي دا. بجانب رئاسته ملف السلام مع الحركات الثورية فهو رئيس الالية الاقتصادية العليا.
Post: #5 Title: Re: + الخنوع.. الآلية العليا للاقتصاد + Author: Mutasim Idris Date: 04-19-2020, 05:36 AM Parent: #4
المضحك المبكي من المجلس السيادي و في تغريدة اليوم بعد اجتماع الالية العليا للاقتصاد حاول السيادي (تجميل) صورة حمدوك بتسميته (الرئيس المناوب) للالية بديل عن نائب الرئيس (حميدتي ) فريق الخلا الجنجويدي المعروفة بعمالته وارتزاقه وجهله وهو الاقتصادي المعروف هههههههه.
بعدين عشان نتهم السيادي (بالتكتم) بهتانا يجب ان نذكّر كلمة السرية والعسكر صنوان.
Post: #6 Title: Re: + الخنوع.. الآلية العليا للاقتصاد + Author: Mutasim Idris Date: 04-20-2020, 00:44 AM Parent: #5
اهم حاجة في انك تكوني اقتصادي سوداني هو البلادة.. فلن يجد حمدوك افضل من حميدتي للقيام بالدور دا..
ربنا يساعدهم في مسعاهم ويرفعوا البلاء والغلاء عن البلد.
