ترشيحات جديدة لمنصب الوالي بكل أقاليم السودان!!!

ترشيحات جديدة لمنصب الوالي بكل أقاليم السودان!!!


04-18-2020, 00:23 AM


  » http://sudaneseonline.com/cgi-bin/sdb/2bb.cgi?seq=msg&board=510&msg=1587165814&rn=6


Post: #1
Title: ترشيحات جديدة لمنصب الوالي بكل أقاليم السودان!!!
Author: زهير عثمان حمد
Date: 04-18-2020, 00:23 AM
Parent: #0

00:23 AM April, 17 2020

سودانيز اون لاين
زهير عثمان حمد-السودان الخرطوم
مكتبتى
رابط مختصر





ادناه قايمة الترشيحات لولاة الولايات،

١/ ولاية الخرطوم: ايمن نمر، التجمع الاتحادي
٢/ ولاية الجزيرة: عبد الله ادريس، الحزب الشيوعي
٣/ ولاية النيل الأبيض: اسماعيل وراق، حزب الامة
٤/ ولاية النيل الازرق: عبد الرحمن نور الدايم، البعث الاصل
٥/ ولاية سنار: يوسف النعيم تقلي، حزب الامة
٦/ ولاية جنوب كردفان: رضوان كنده، حركة حق
٧/ ولاية غرب كردفان: عبد الرحمن صالح، حزب الامة
٨/ ولاية شمال كردفان: خالد مصطفى، حزب الامة
٩/ ولاية جنوب دافور: شمس الدين احمد صالح، البعث الاصل
١٠/ ولاية شمال دارفور: محمد حسن عربي، الموتمر السوداني
١١/ ولاية وسط دارفور: أديب عبد الرحمن يوسف، ...
١٢/ ولاية غرب دارفور: عبد الله الدومة، حزب الامة
١٣/ ولاية شرق دارفور: عز الدين محمد الصافي، ...
١٤/ ولاية القضارف: سليمان علي، التجمع الاتحادي
١٥/ ولاية كسلا: صالح عمار، ..
١٦/ ولاية البحر الأحمر: عبدالله شنقراي، ..
١٧/ ولاية نهر النيل: صالح عمر، الموتمر السوداني
١٨/ ولاية الشمالية: عز الدين جعفر سالم، التجمع الاتحادي"

"

Post: #2
Title: Re: ترشيحات جديدة لمنصب الوالي بكل أقاليم الس
Author: Deng
Date: 04-18-2020, 04:00 AM
Parent: #1

Quote: ٤/ ولاية النيل الازرق: عبد الرحمن نور الدايم، البعث


Quote: ٩/ ولاية جنوب دافور: شمس الدين احمد صالح، البعث الاصل



ده أستخفاف واضح بأنسان المناطق المزكورة هنا. مش كفاية تعيين صديق تاور في مجلس السيادة، وهو من أبناء النوبة ولكنه مركب مكنة حزب البعث العربي الاشتراكي أيضا، وإذا أحتج النوبة على التهميش سوف يقول لهم عندكم أتنين في مجلس السيادة. و عندما تأتي وتدقق جيدا سوف تجد أحدهم كوز (كباشي) والثاني بعثي (تاور) والاثنين معا لا توجد لديهم أي أجندة حقيقية لجبال النوبة ولأنسانها أصلا.

بصراحة نفوذ البعثيين في قحط صار مقلق وسوف يكلف البلاد الكثير.

هذه وصفات سوف تؤدي الى كوارث حقيقية.

بعد كل ذلك يستغرب بعض الناس عن لماذا مازالت حركات المقاومة المسلحة تحمل السلاح!


Post: #3
Title: Re: ترشيحات جديدة لمنصب الوالي بكل أقاليم الس
Author: Deng
Date: 04-18-2020, 04:18 AM
Parent: #2

أتمنى أن تكون هذه الترشيحات غير حقيقية لأنها كارثية.

Post: #4
Title: Re: ترشيحات جديدة لمنصب الوالي بكل أقاليم الس
Author: adil amin
Date: 04-18-2020, 04:33 AM
Parent: #3

Quote: أتمنى أن تكون هذه الترشيحات غير حقيقية لأنها كارثية.


نحن زمان شن قلنا وقلنا الطير بيالكلنا
هسة فرق الناس ديل من البشير والسعلوة بدرية سليمان والاصم شنو الافسدو انتخابات 2010
وليه يا دينق المخستك بس البعث
اي سوداني ما يحترم ارادة الشعب والانتخابات انتهازي رخيص وق حت انتهازية
وحتي بتاع حزب الامة ده
لو عملو فيش لحزب الامة نسخة الصادق المهدي في الاقاليم الغربية واعلام حر يعري مخازي الحزب والابادة ما بفوز بالانتخابات اطلاقا والشعب السجل في 2010 18 مليون خيارتهم واضحة
مش قلنا احسن نلغي ال18 ولاية ونرجع الاقاليم الخمسة فقط وانتخابات قائمة نسبية لحاكم اقليم ونائيب برلمان اقليم طوالي ونرتاح من ال18 جنرال ديل ومن والولايات الوسخة دي الفرخا البشير لاضعاف الاقاليم والفدرالية في السودان
الفيش
1= المحكمة الدستورية
2- الاعلام الحر والمسؤل البعري بعاعيت مايو 1969 وايتام الترابي
3- الانتخابات طوالي في اطار الحكم الاقليمي للامركزي
وخلو اللف والدوران
يعني انت عشان شيوعي ولي بعثي ولي ناصري معجزة السودان الكبرى وفريد عصرو الما متلو شي ؟؟؟استحو علي وحهكم
الدولة مؤسسات هيلكل الدولة وامشي في الانقاذ دي بالاستيكة لحدي 30 ويونيو 1989 السودان برجع براه بما في ذلك دولة جنوب السودان
ولازال الاتبزال مستمر
بالله مش فضيحة يكون في ناصري وبعثي وشيوعي وكوز وسلفي لحدي هسة في السودان و وعي دولة المركزية الغبية في حدود مثلث الحمدي
دبنق اختشي وما تفرز ...التوم ريحتو واحدة
انقرع
الدولة المركزية والتعيين وربط المركز بي الخارج المجرم مستمرة وليس بي الداخل النطيف اطلاقا
عاش ابو هاشم وعبد العزيز الحلو وموسي هلال وعبد الواحد نور وجبهة الشرق
دي القوى الديمقراطية ((النظيقة في السودان))
https://top4top.io/


Post: #5
Title: Re: ترشيحات جديدة لمنصب الوالي بكل أقاليم الس
Author: خضر الطيب
Date: 04-18-2020, 05:09 AM
Parent: #4

واضح انو القائمة دي غير حقيقية
مافيها غير حزب الامة و الاتحادي
معقولة ؟؟؟

Post: #6
Title: Re: ترشيحات جديدة لمنصب الوالي بكل أقاليم الس
Author: Al Sunda
Date: 04-18-2020, 06:13 AM
Parent: #5

لماذا تسيس منصب الوالي او الحاكم في ظل الفترة الانتقالية والتي تحتاج إلى كفاءات غير حزبية او غير مسيسة ؟
إذا كانت تبعية الولاة لمجلس الوزراء لماذا لا يتم تطبيق ذات مبدا اختيار الوزراء على اختيار الولاة أي (بدون تسيس)؟
لماذا في الأصل سياسيون لمنصب الوالي في الفترة الانتقالية وقد انتهت مسألة ان يكون الوالي رئيسا للحزب الحاكم يدير الولاية وفق نظام الحزب الواحد ؟
ماهي الضمانات في الا يجير الوالي المسيس الولاية لصالح حزبه في الفترة الانتقالية ؟
ماهي الضمانات في عدم حدوث صراع بين الأحزاب في الولاية في ظل تسيد الوالي المسيس للموقف السياسي ؟
اتخيل ان موظف خدمة مدنية بدرجة وكيل اول او حتى ضابط شرطة او جيش من ناس الصالح العام بمساعدين لإدارة الولاية في الفترة الانتقالية يبقى أكثر قدرة من سياسي المحاصصة الحزبية
واعتقد ان خطوة لسحب الامتيازات من الوظائف الدستورية لكيلا تكون جاذبة ولتفادي صراع المناصب عند أهل قحط والحركات المسلحة قد تكون مطلوبة في ظروفنا الحالية

Post: #7
Title: Re: ترشيحات جديدة لمنصب الوالي بكل أقاليم الس
Author: adil amin
Date: 04-18-2020, 02:22 PM

خلو اللف والدوران يا ناس ق حت او مايو 1969 ده كسبكم الديمقراطي في السودان وحجمكم
Quote: المستهبلون

فى أنتخابات 1986 م وهى انتخابات شهد المجتمع الدولى والإقليمى والمحلى بنزاهتها وشفافيتها كانت النتائج النهائية كالآتى..
1/حزب الأمة القومى الجديد برئاسة السيد الصادق المهدى(101)واحد ومائة مقعد.
2/الحزب الاتحادى الديمقراطي بزعامة مولانا محمد عثمان الميرغنى (63)ثلاثة وستون مقعداً
3/الجبهة الإسلامية القومية بزعامة الشيخ الدكتور حسن عبدالله الترابي (51) واحد وخمسون مقعداً
4/الحزب القومى السودانى برئاسة المرحوم الأب فليب عباس غبوش (7)سبعة مقاعد
5/الحزب الشيوعي السودانى برئاسة الأستاذ المرحوم محمد إبراهيم نقد (3)ثلاثة مقاعد فقط.
6/حزب البعث العربي الاشتراكي برئاسة الرفيق بدرالدين مدثر (صفر)
7/حزب البعث العربي الاشتراكى..جناح سوريا(صفر)
8/الحزب العربي الاشتراكى الناصري برئاسة الأستاذ ساطع الحاج(صفر)
الناس ديل ما مشكلتم الشعب بنتخب الكيزان المشكلة لحدي هسة في ناصريين وبعثيين في السودان ليه ؟؟
1- المحكمة الدستورية والاعلام الحر والمسؤل وانتخابات قوة المقعد الدائرة الواحدة كاف لتصحيح خيارات الناس الانتخابية لو المشكلة وعي يا ناس الغزالة الفوق في السلم ق حت او بعاعيت مايو 1969

خلونا من محاصصة المركز الفاشلة وسيرك جوبا غير المجدي واعادة تدوير الدولة المركزية البتخدم الخارج
الامور واضحة
قلتو محاصصة ترجعو الاقاليم وتلغو الولايات
والاحق بمنصب حاكم اقليم
دارفور عبدالواحد نور او موسي هلال اوانتخاباات حاكم اقليم لم يريد بعد الفيش والتشبيه
اقليم كردفان عبدالعزيز الحلو او الوليد ما دبو او ما سبق الشعب مصدر السلطات
اقليم الاوسط الاستاذة اسماء محمود او ازرق طيبة
الاقليم الشرقي تختارو جبهة الشرق
الاقليم الشمالي جعفر محمد عثمان الميرغني او عادل عبدالعاطي
مش القصة محاصصة ولي حاجة تانية
الفدرالية الحقيقية هي الحل وما في اي بوابة ترجعنا ليها غير ما قبل 30 يونيو 1989 والحكم الاقليمي للامركزي ودستور 1974 ثم نبني علي كده لي قدام البرلمانات الاقليمة وبرلمان المركز
نطلع من الوضع الشائن النحن فيه قبل الزواحف يمرقو في رمضان
ونقول ما جانا نذير

Post: #8
Title: Re: ترشيحات جديدة لمنصب الوالي بكل أقاليم الس
Author: Al Sunda
Date: 04-18-2020, 06:31 PM
Parent: #7

Quote: الاقليم الشمالي جعفر محمد عثمان الميرغني او عادل عبدالعاطي

بأمارة ايه يعني ؟؟؟؟

مع كل الاحترام
انت رجل خارج التاريخ
جعفر ايه ومحمد عثمان ايه
انت لسع فاكر انو الناس دي عندها .بركات
با رآآآآآآآآآآآآآآآآآآآآآآآآآآآآآآآآآآآآآآآآآآآآجل

Post: #9
Title: Re: ترشيحات جديدة لمنصب الوالي بكل أقاليم الس
Author: علي عبدالوهاب عثمان
Date: 04-18-2020, 06:53 PM
Parent: #8

وبحسب مانشره موقع “تاق برس” فأن الاختيار وقع على أيمن نمر واليا لولاية الخرطوم؛ وإسماعيل وراق واليا لولاية النيل الأبيض؛
ومن المقرر إعلان ولاة الولايات ال (16) المتبقية تباعا خلال ٤٨ ساعة بعد اكتمال إجراءات الفحص الامني والمشاورات.
وأكدت المصادر للموقع ان تسليم قوى الحرية والتغيير رئيس الوزراء قائمة من أكثر من 20 مرشحا للاختيار من بينهم .

=====================
قبل قليل قرأت هذا الخبر في موقع اخبار السودان
يبدو أن كشف زهير صحيح

كان افضل بدون ذكر الاحزاب
لأن الاحزاب الاخرى سوف تتربص بالوالي وتضع العراقيل
ونحن من قبل الاستقلال الانتماء للحزب فوق الوطن


تحياتي الحبيب.. زهير