🙈 نصيبتنا معاك نصيبة عدوك يا حمدوك🙊

03:01 PM April, 17 2020

سودانيز اون لاين
دفع الله ود الأصيل-
مكتبتى
رابط مختصر

《نعيلها و العيبُ كلُّ العيبِ فينا》
●شريحة كبيرة من الناس البسطاء في الشارع مفتكرين الحكومة دي حقت شيوعيين.
●والشيوعيين شايفين دي حكومة هبوط ناعم وجزو منهم شايفنها حكومة متواطئة مع الكيزان، و الكيزان طبعنة ظاتم شايفنكم قحاطة شيوعيين و يساريين.
●و الحركات المصلحة ديل براهم كم كوم شايفنها حكومة مركز
وناس كتيرين من المركز والشمال شايفنها حكومة هامش.
● ناس شايفنها حكومة عميلة لعيال زايد والدب الداشر،
و ديل زاتم نطو و نفضو يدينم من دعمكم بالجاز و القمح.
●وناس شايفنها صنيعة بنك دولي و الدولي برضو شايفا
حكومة غير مستوفية للشروطه لذلك لم يقدم لها قروض.
● ناس شايفنها حكومة رأسمالية وامريكا أم الرأسمالية ذاتها
ما عاوزة تشطب اسم السودان من قائمة رواعية الإرهاب!!!
● كثير من الثوار شايفنها حكومة احزاب والأحزاب ما
راضية عنها شايفنها حكومة تكنوقراط.
● عسكر القوات (المشلحة) و جنجويد الدم السريع شايفنها
مدنية 😏 والمدنيين شايفنها مخطوفة من عسكر و حرامية 😒
●الزواحف عاوزين يسقطوها، و بعض من الثوار شايفنها لم تسقط
بعد و متململين عاوزين يسقطوها برضو مقنى فثلاثَ و رُباع.
● يلا، عرفتوا نحن مشكلتنا وين؟ 😂😂

ود الأصيل قف انك مسئول عن قلمك الذى يصول ويجول فى المنبر بكلام يحير العقول

حاضر ، سمعن و طاعة لصديقي ود مهدي .و لكن، لو ظنك إني
قاعد أنبش في حال حكومة حمدوك ؛ فخليك من متن الموضوع
الظاهر إنك ما قريتو ؛ و ركز معاي بس على إني فارعو بعبارة إننا :
《نعيبها و العيبُ كلُّ العيبِ فينا》عشان تنصفني و تعرف إنو النقد
ليس موجهاً إلى انتقالية نخبة سبق لي و شبهتهم بخضراوات الدمن ،
أي الغيد الحسناوات في منابت السوء . و المعنى إنو : مصيبتنا مع
ناس حمدوك كامنة في كوننا مبتلين بجيش من (النُّقَّاض) نقناق و
لا يعجبة عجبٌ و لا صيام في رمضان ناهيك عن رجب