Post: #1
Title: كشف مخطط انقلاب عسكري بمشاركة شخصيات بالمجلس السيادي
Author: زهير عثمان حمد
Date: 04-17-2020, 11:47 AM
11:47 AM April, 17 2020 سودانيز اون لاين
زهير عثمان حمد-السودان الخرطوم
مكتبتى
رابط مختصر
الخرطوم (التغيير) –
أبلغ مصدر عسكري رفيع (التغيير) أنهم كشفوا عن مخطط انقلاب عسكري بمشاركة عسكريين نافذين بالمجلس السيادي الانتقالي.
وقال المصدر أنهم ابلغوا مجلس الأمن والدفاع بمخطط الانقلاب والذي بدوره سوف يبلغ مجلس الوزراء بذلك.
وسألت التغيير مصدر مطلع بمجلس الوزراء إلا أنه رفض التعليق على الخبر وقال أنهم في مرحلة جمع المعلومات وطلب عدم ذكر اسمه.
وقال المصدر العسكري أن الانقلاب مدعوم من دولة قطر ويهدف إلى استيلاء مجموعة من الاسلاميين في الجيش على السلطة بمشاركة نافذين على مستوى عالي في المجلس السيادي.
وتابع ” يتضمن المخطط اقصاء قوات الدعم السريع و اعتقال مجلس الوزراء وقيادات قوى الحرية والتغيير ولجان المقاومة “.
ونشرت صحيفة الشرق الأوسط السعودية قبل أيام خبر موسع عن محاولة انقلابية خطط لها ضباط بالجيش السوداني.
وقال المصدر أنهم أبلغوا قيادي بمجلس الوزراء والحرية والتغيير بالمحاولة الانقلابية .
وكانت مجموعة من انصار النظام السابق قد تجمعوا اليوم امام بوابة القوات البرية بالقيادة العامة للقوات المسلحة السودانية وطالبوا الجيش بالتدخل واستلام السلطة.
|
Post: #2
Title: Re: كشف مخطط انقلاب عسكري بمشاركة شخصيات بالم
Author: أبوذر بابكر
Date: 04-17-2020, 12:24 PM
Parent: #1
تحياتي يا زهير
وأهم وغافل وساذج من يظن أنه الإسلاميين وناس المؤتمرين الاتنين
وكل أتباعهم انهم ح يستكينو ويرضو ويستسلمو ويسلمو بالأمر الواقع
مستحيل ده يحصل
وكل يوم أو يمكن كل ساعة حنسمع أخبار زى ده
لأنهم شغالين وبكل جدية على مدار الساعة
والغافل زى ما قال الفيتوري من ظن أن الأشياء هي الاشياء
|
Post: #3
Title: Re: كشف مخطط انقلاب عسكري بمشاركة شخصيات بالم
Author: adil amin
Date: 04-17-2020, 12:49 PM
Parent: #2
| Quote: ونشرت صحيفة الشرق الأوسط السعودية قبل أيام خبر موسع عن محاولة انقلابية خطط لها ضباط بالجيش السوداني. |
شوف اكبر مشكلة في السودان الان غرور ونرجسية ناس قح ت ديل واصرارهم علي المضي قدما في المحاصصة العقيمة وانتظار التعيين والولايات ومجلس تشريعي في ظروف ذى دي
ونحن كل مرة نطرح ليهم البديل الممكن من محل واقفين الان
وهسة الخبر ده انا جبتو من تويتر هنا في بوست كبير عريض قراه 2000 شخص
https://top4top.io/
وقلنا الثورة تزحنا من الدول دي نهائي مصر السعودية الامارات قطر تركيا قبل ما نلحق اليمن سوريا وليبيا ونحن ما عرب وعندنا قبل لانقاذ دي بي يوم نظام الحكم الاقليمي للامركزي نرجع ليه باسس جديدة وبس
https://top4top.io/
|
Post: #4
Title: Re: كشف مخطط انقلاب عسكري بمشاركة شخصيات بالم
Author: امتثال عبدالله
Date: 04-17-2020, 12:55 PM
Parent: #3
هسع دي المحاولة الانقلابية الثانية ولم يمض على الحكومة الانتقالية سنة ...
فما الذي سيحدث غدا او بعد غد ...الله وحده يعلم....فإذا لم تغير الحكومة الانتقالية
من سياساتها وقحت تغير من تصرفاتها وتصريحاتها الهوجاء فإن المحاولات الانقلابية
سوف لن تتوقف ....
|
Post: #5
Title: Re: كشف مخطط انقلاب عسكري بمشاركة شخصيات بالم
Author: Gafar Bashir
Date: 04-17-2020, 02:36 PM
Parent: #4
| Quote: أبلغ مصدر عسكري رفيع (التغيير) أنهم كشفوا عن مخطط انقلاب عسكري بمشاركة عسكريين نافذين بالمجلس السيادي الانتقالي. |
المجلس السيادي ؟؟؟؟
طيب ما ياهم قاعدين ناس المجلس السيادي
|
Post: #6
Title: Re: كشف مخطط انقلاب عسكري بمشاركة شخصيات بالم
Author: محمد على طه الملك
Date: 04-17-2020, 02:50 PM
Parent: #5
زول وصل المجلس السيادي بدون يطلق طلقة وبدون يخوض جهاد الانتخابات عايز تاني شنو!!؟
|
Post: #7
Title: Re: كشف مخطط انقلاب عسكري بمشاركة شخصيات بالم
Author: Mutasim Idris
Date: 04-17-2020, 04:19 PM
Parent: #6
زهير وضيوفه سلام..
Quote:
زول وصل المجلس السيادي بدون يطلق طلقة وبدون يخوض جهاد الانتخابات عايز تاني شنو!!؟ |
عساكرنا لا بعرق جبين ولا وشا بصر.. متواطئ وعميل.
إنقلابيين بالفطرة وكارهين للوطن وشعبه بإخلاص. عمر الجيش
السوداني في كل تاريخه ما قدم ما يفيد.. تتوقع شنو.
صراع المحاور ح يكون علي اشدُّ في المرحلة دي وحميدتي
لن يتهاون في بيع الاسلاميين وتعليقهم في المشانق لو
لقي نفس قبول الحكومة عند الشارع. تركيبة قوي الاعلان
اللي ممتدة وبتشمل المحورين هي العائق.
فقدنا شرعيتنا الثورية ونطمع في لعبة ون تو بين حمدوك
وحميدتي (طالما بقي اسوأ الخيارين). القرارات المصيرية
دوما محتاجة جرأة وشجاعة وحتما ح يتبعها بعد تململ
قبول. الشارع قدم وضحي دم جوع ودموع هل سينال؟؟
|
|