Post: #2
Title: Re: يا عالم هوووووي ازدواجية البوستات زغللت ع
Author: ABUHUSSEIN
Date: 04-16-2020, 07:33 PM
Parent: #1
إشمعنا زهير بس و التانين بعض الإخوة ؟؟؟؟؟
قول كل الاسماء ....😂
|
Post: #3
Title: Re: يا عالم هوووووي ازدواجية البوستات زغللت ع
Author: يحي قباني
Date: 04-16-2020, 07:38 PM
Parent: #2
Quote: إشمعنا زهير بس و التانين بعض الإخوة ؟؟؟؟؟
قول كل الاسماء |
هههههه
سغيل ...
ذكرتني زمان ايا الجامعة ... اصدقاءنا صديق الزيلعي و معاوية عبد الرحمن الاتنين طلبة في الجامعة و الاتنين يساريين و الاتنين من الابيض
يوم سافروا الابيض ناس الامن اعتقلوهم و الخبر نزل في الجريدة كاتالي:
تم القاء القبض على عضو الجبهة الديمقراطية صديق الزيلعي و ( الطالب ) معاوية عبد الرحمن ...
اها معاوية لي يوم الليلة مزعلاو قصة ( الطالب ) دي ... ههه
|
Post: #4
Title: Re: يا عالم هوووووي ازدواجية البوستات زغللت ع
Author: Arif Nashed
Date: 04-16-2020, 07:50 PM
Parent: #3
Quote: إشمعنا زهير بس و التانين بعض الإخوة ؟؟؟؟؟
قول كل الاسماء ....😂 |
هههههه لانو زهير أكثر زول نشط في رفد المنبر بالاخبار واتعودنا عليهو.
ويحصل زهير ينزل الخبر بعد شوية نفس الخبر ينزلوا عضو آخر ومرات بحدث العكس.
الواحد يعمل مسح جيولوجي للمنبر وبعدها يلطخ البتاع 😂😂
|
Post: #5
Title: Re: يا عالم هوووووي ازدواجية البوستات زغللت ع
Author: يوسف الطيب احمد إدريس
Date: 04-16-2020, 10:02 PM
Parent: #4
اخونا عارف
اتوقع انك قاصد البوستات حقت خبر اقالة والي الخرطوم
تصدق وتأمن بالله اني قبل ما انزله مسكت الصفحة الاولى من اولها لاخرها
ما لقيت اي خبر قمت نزلتو بعد نزلتو لقيت اخونا زهير منزل بوست
العذر منكم انت وابو حسين وكل الاعضاء والقراء.
ما قاعد احب البوستات الكتيرة عن خبر واحد مرات اخش بوست وتجيني فكرة الرد
القى واحد من الاخوان نزل نفس الفكرة طوالي بكنصل الرد وبكتفي بالقراية والمتابعة.
|
Post: #6
Title: Re: يا عالم هوووووي ازدواجية البوستات زغللت ع
Author: Arif Nashed
Date: 04-16-2020, 10:10 PM
Parent: #5
اخوي يوسف ما تتحسس ما البوست ده في كتير غيره.
مرات موضوع معين مفتوح بيهو أكثر من اتنين الاختلاف يكون في المانشيست فقط وتدخل تلقي المضمون واحد تقعد تقول الموضوع لاقاك وين.
|
Post: #7
Title: Re: يا عالم هوووووي ازدواجية البوستات زغللت ع
Author: يوسف الطيب احمد إدريس
Date: 04-16-2020, 10:18 PM
Parent: #6
حبيبنا عارف
مافي اي حساسية .. كلامك حتى لو موجه ماخدو بصدر رحب لانو كلام منطقي
فعلا الواحد يكتب رد في بوست منزله واحد يلقى واحد تاني منزل بوست بنفس الخبر
يلخبت وممكن يرد في بوست غير العايز يرد فيه.
على قول الراحل كباشي صافي النور عليه الاعوج رأي والعديل راي
ربنا يتقبله ويجعله من اصحاب اليمين
|
Post: #8
Title: Re: ياعالم هووي ازدواجية البوستات زغللت عيونا
Author: احمد عمر محمد
Date: 04-17-2020, 07:29 AM
بوستات زهير اعتبلاها للقراءة والاطلاع باعتبارها خبرية اما اذا
حدث تكرار لنفس البوست حتى لو بتغير الاسم فقط و المحتوى
نفسه فاعتبربوست للتداخل وتبادل الرأي والرأي الآخر لأن
زهير في الغالب ما بيرجع لبوستاته وما يقعد يحرسها الأ ما ندر
كما يفعل أصحاب البوستات الآخرين تلقى الواحد مما ينزل
بوست تلاقيه مصاقر بوستيه لحد ما يوصلوا لي غايته.
تحياتي
كتب رد امس بالليل ولقيتو ما في ممكن الكوتة شكلها كملت امس
|
|