حاكم نيروبي يوزع الكونياك مجانا "لقتل" الفيروس

02:42 PM April, 16 2020

سودانيز اون لاين
زهير عثمان حمد-السودان الخرطوم
مكتبتى
رابط مختصر

رويترز - نيروبي

وزع حاكم العاصمة الكينية نيروبي زجاجات مشروب الكونياك الكحولي على الفقراء قائلا إنه يحمي من فيروس كورونا المستجد وذلك رغم أن الشركة المصنعة للمشروب والحكومة الكينية انتقدتاه لنشره أسطورة لا أساس لها من الصحة.
ونشر الحاكم مايك مبوفي سونكو، المعروف بشغفه بارتداء الحلي الذهبية كبيرة الحجم وارتجال الأغاني من نوع الراب، صورا على وسائل التواصل الاجتماعي هذا الاسبوع لزجاجات تحمل علامة هينيسي التجارية وسط أكياس تمتلئ بالمواد الغذائية والطحين (الدقيق) وغيرها من السلع الأساسية.
وقال سونكو الذي ألقي القبض عليه العام الماضي في مقطع فيديو وهو يرتدي قناع وجه "من واقع الأبحاث التي أجرتها منظمة الصحة العالمية ومؤسسات مختلفة معنية بالصحة ... يلعب الكحول دورا رئيسيا جدا في قتل فيروس كورونا أو أي نوع من الفيروسات".
وقالت شركة إل.في.إم.إتش، أكبر شركة في العالم لصناعة السلع الفاخرة والتي تنتج كونياك هينيسي، إن سونكو مخطئ وإن أي مشروب من المشروبات الكحولية لا يحمي من الفيروس.
وأكدت كينيا اكتشاف 225 إصابة بكورونا حتى الآن وقيدت حركة الناس لإبطاء انتشار الفيروس.
وقال سايروس أوجونا المتحدث باسم الحكومة إن العلم لم يثبت أن الكحول يتيح الحماية وحذر الساسة من استغلال الجائحة في أغراض دعائية.
وكانت الشرطة ألقت القبض على سونكو في ديسمبر الماضي بتهم الفساد لكنه نفى الاتهامات وأفرجت السلطات عنه بكفالة.

وزع حاكم العاصمة الكينية نيروبي زجاجات مشروب الكونياك الكحولي على الفقراء
قائلا إنه يحمي من فيروس كورونا المستجد وذلك رغم أن الشركة المصنعة للمشروب
والحكومة الكينية انتقدتاه لنشره أسطورة لا أساس لها من الصحة.
==========================================
حبيبنا زهير تحياتي
مالك علينا .. العمر راح .. ورمضان على الابواب.. وكورونا جنب البيت
رجعتنا ستين سنة للوراء .. يا زهير الكيني ده اكيد زول تربال ..
عندنا زمن داك كثير من الأمراض كان علاجها بعرقي التمر ( البكر ) النوع المعتق
حتى الصغار بنات أو أولاد .. كانت الدودة الشريطية زمان مشكلة كبيرة جداً .. مغص وهزال شديد
وكان على ريق جرعة بكمية قليلة للصغار .. كان يقولوا لأن مع الجوع
الدودة تنتظر أول شيء يدخل المعدة .. لدرجة كان يقولوا تكون فاتحة خشمها
وفعلا الدودة كان تنزل مع البراز طبعا ما في حمامات وبالنسبة للصغار في أي ملف
ويوم نزول الدودة كان يوم احتفال هتاف وصاحب الدودة كان يتباهى بالنصر
وكان برضو علاج المغص والنزلة

زمان طبعا ( ميزالمدرسين ) ناظر المدرسة في جلسات الخميس في ميز المدرسين .. كان يردد دائما ًعبارة :
قال المسيح عليه السلام (( القليل منه يشفي المعدة )) هو كان معتدل ما يحب
السكرة الطينة والطرطشة .. على خفيف ونسة وغناء

من نميري أعلن قراره .. بدأ استهلاك السكر والحليب يتصاعد في السودان
وتضاعف الاستهلاك لعدة مرات ( عملة صعبة ) لأنهم اضداد : ودالجريد والسكر واللبن ومشتقاتو
كان الناس ما عندهم وقت للجدال السياسي والكلام الكثير .. شغل .. شلة .. قعدة .. البيت
العلاقات كانت قوية .. حتى لو حدثت مشكلة (( كلام الليل يمحوه النهار ))

البوليس يقبض عليك ويطلق سراحك بعد الوعي .. بكل أدب واحترام .. يمكن في المدن .. عندنا ما في بوليس

اعتبروه حكي وكلام .. للشباب الذين لم يعايشوا ذلك الزمني

ورطنا يا زهير ..

اللهم المغفرة .. يا جماعة ونسة بس .. استعادة ايام الشباب فيها صحة وعافية

لكن بتبالغوا الحاكم ده عندو بعد نظر وحكمتو بالغة.
الكحول في حد ذاتها مطهر يعني لو وصلت كروناية الحلقوم جمعة كحول بتقضي عليها وبرضو ممكن تستخدم في تطهير الأيدي ما تظلموا الراجل ساكت.

الفائدة التانية الناس تلطط وترقد في بيوتها ما محتاجين يعملوا ليهم حظر تجول.

ما قصر معاهم الكونياك بينفع في الفلو العادي لكن الهينيسي نسبة كحوله ٤٠٪؜ وسكرته قردية كما أفادنا بعض أولي الخبرة في الخاص

كورفوازير ؟

Quote: نسبة كحوله ٤٠٪؜ وسكرته قردية كما أفادنا بعض أولي الخبرة في الخاص

يا منص نسبة كحول العرقى الواحد دة كم وبارك الله فيك ؟؟؟؟

العرقي ده توافيق في الزمن الأول كان بكشحو منه شوية في الواطة لو عمل بلورات ده أصلي فالعرقي بالنظر بس

لا يا قبة هينيسي

العرقي ده توافيق في الزمن الأول كان بكشحو منه شوية في الواطة
لو عمل بلورات ده أصلي فالعرقي بالنظر بس

==========================

حبيبنا منتصر تحياتي يا جميل
مالك علينا قبل رمضان .. خليت البوست ليهو طعم
عرقي التمر .. لا يمكن واحد يكشحو في الارض
ده يمكن عرقي العيش ..
عندما تكشحوا في الكاس ( الكباية ) تظهر الرغوة
كان بسموها عندنا ( سورفا ) يعني ( سبحة او عقد الخرز )
لأن الرغوة تكون على السطح حول الكباية

موية التمر نادر جداً وعصارة كم قيراط تمر لا يمكن كشحه في الأرض

منتصر الحبيب .. تحياتي .. خلينا نحن لاعبين في الزمن الضايع
مودتي الجميل منتصر

مشكلتي معاك مرات ما أفهم مداخلاتك .. آه نحن ناس عربي دنقلا


ع

سلام علي عرقي التمر ده في الشمالية على ما اعتقد الخرطوم اغلب عرقيهم من العيش لتوفره بعد داك بعد الشريعة٨٣ بقى المشروب الرئيسي بعد قفل البارات لكن كان تسمع فلان شقاهو عرقي ومات وهو التسمم الكحولي لانه يقول ليك في تصنيعه ناس بختو حجار بطارية وناس بنج حصين عشان كده قلت ليك توافيق لانه مقطر بطريقة غير علميه فما مافي زول عارف نسبة الكحول

Quote: الخرطوم اغلب عرقيهم من العيش

معلومة اكيدة دي و لا اتخيلت كده يا مونتا ...

ياخ عيش بتاع فنيلتك ... ههههه

الخرطوم دي تطير عيشتها ياخ ...

عارف..

لكن بتبالغوا الحاكم ده عندو بعد نظر وحكمتو بالغة.
...
ضحكتنى فى زمن الكورونا..
يجازى محنك يا سلطان أويل..

والله يا قبة انا بسمع سماع لكن طبعاً شهادة الخبير يعتد بها أكثر من الشهادة السماعية اتفضل معاك أحلى ميكرفون

هسّى نحنا ... و مع زنقتنا فى امريكا دى ... الما جرّبنا الحاجات دى
تنصحونا بى شنو

يا زول بعد عمرك ده كان جربت إلا يهنق حمار الوادي القيامة قربت وانت من بعد ما فات الأوان الليلة جاي تبتدئ .المهم الماريجوانا لو في ولايتكم حلال

Quote: هسّى نحنا ... و مع زنقتنا فى امريكا دى ... الما جرّبنا الحاجات دى تنصحونا بى شنو

يا جلالدونا الحاجات الفي البوست دا حاجات كبيرة عليك ودايرة ليها راس راكز.
إنت براسك الخفيف دا حدك البقنية وكتيرك القامزوت

Quote: كان تسمع فلان شقاهو عرقي ومات وهو التسمم الكحولي لانه يقول ليك في تصنيعه ناس بختو حجار بطارية وناس بنج حصين

التسمم الكحولي وفلان شقاهو عرقي ماليهو علاقة ببنج الحصين وحجار البطارية وممكن يشقك ويسكي او كونيـاك نضيف..
ودا موضوع مختلف تماماً ممكن يكلمك بيهو دكتور حافظ بشيـر ..البحب اشير ليهو هنا انا فريـة ناس الخرطوم عرقيهم عيش وربطها بقفل البارات
كلام غيـر صحيح وتعميم مخل ولا يستند على دراسات كمبوهاتية تجريبية واقعية ..
فحسب كلام الخبراءء والباحثين اكثرما ينتشر عرقي العيش في النيـل الأبيض والسواحل الغربية للنيـل الأزرق ..
وتمت الإشارة اليـه بأنه باعث على الخمول مميت للأرجل مسيَح للركب كتال حيل ..
وهي عكس خصائص عرقي البلح الباعث على النشاط وجالب للبهجة والسرور وجو الطرب الذي يعشقه سكان الخرطوم وام درمان ..

يا منص مشيت قوقلتا البتقول عليها المرقوتا دى
القانون بيديك ستة شهور سجن اول مرّة
بعدين هى علاقتا مع الكورونا شنو ؟
ممكن تدينى فكرة
مولاهم
سمعتا بالبقنية من حكاوى اهلى الكبار
لكن قسما بالله القامزوت دى اول مرّة اسمعا
و لو القصد القامظوط ممكن استوعبا
كفطرة و كده
تصدّق بديت استوعبك
و حتما ح احتويك

ال هينيسي بعالج أي شي

أهم شي ضبط الكمية

ما تجغمو ساي على عينكن

هههههه

الكلام ده جد ما ضحك

المريسة برضو علاج

كل يوم نص عبار الصباح

ما بجيك اى مرض فى الدنيا
لا حمي لا نزلة لا التهاب ولا غيرو

خصوصا لو العيش كان فتريتة جديد وحق السنة

Quote: خصوصا لو العيش كان فتريتة جديد وحق السنة

دى ذكرتنى بالنتكة حقة كسوف القمر قالوا الحاج زبون جة داخل على بيت الانادى المريسة وطلب عبار بعد
المرة جابت العبار قالت ليه يا الحاج فى كسوف فى القمر بعد اخذت ليه شربة بى نفس طويل قال ليها دة كل من عمايلكن رققتن
المريسة وخليتنا موية كيف ما يجى الكسوف وتحياتى

قال الفنان ( رحمه الله)
عرقي العيش ما بنقدر
و البدور طولة العمر
يشرب من عرقي التمر
يشرب لامن...........

قال الفنان ( رحمه الله)
عرقي العيش ما بنقدر
و البدور طولة العمر
يشرب من عرقي التمر

==================================
الحبيب زكريا ..
خطير الحبيب زكريا ( الشاعر خطير )

العنب والتمر ( المصادر الاساسية )
غايتو في واحد جرب الموضوع ( ما أنا )
قال لي فرق الليل والنهار ..

بعدين اهلنا الترابلة زمان كان يقولوا
الذرة ما فيها اي فائدة ( عليقة للبهائم ) القمح اصل الصحة والجمال
( القراصة ، العيش البلدي ، القرقوش ، ا لبسكويت ، وباقي الخبائز )
حتى في جمال المرأة زمان ( الدلكة من دقيق القمح ) بالنوبية ( بوكريه)

والتمر في نوع اسمه ( اوسميدان ) اساساً كان يشتلوه من أجل (العرقي ، الدكاي ، النبيذ )

تحياتي للاحباب ..

يا جماعة ما ترفعوا البوست نحن مع بداية الشهر الكريم
صدقوني قصدي ونسة ترابلة في ضل النخل

يا أخ منتصر
عرقي البركاوي هو اشد أنواع الشراب .
في الشمالية اسمو شوربة لحم الأسود. قالوا واحد بعد
الكأس التالت . عشان يتذكر اسمو لاحدي ما رجع لي
جواز السفر حقو .
وفي بعض عادي من اول كأس بركاوي بدقوا انجليزي .
وحسب النظافة و الحرفنة في الصناعة .
مره راجعين من الشمالية بي قطار اكسبريس حلفا .
وكان في سيرة . عريس ماشي الخرطوم .
وأصحاب العريس شايلين شربوت لزوم مجاملات العريس
بعد محطة العالياب في جالون من جوالين شوربة الأسود
طار بي شباك القطار .
والله يا جماعة الجالون ده طار زي الصاروخ والقطار مسرع
كانت حاجة مدهشة .

سلام يا حيدر

Quote: التسمم الكحولي وفلان شقاهو عرقي ماليهو علاقة ببنج الحصين وحجار البطارية وممكن يشقك ويسكي او كونيـاك نضيف

كلام صاح مية بالمية
التسمم الكحولي سببه إرتفاع نسبة الكحول في الدم وليس بسبب المواد السامة الأخرى في المشروبات البلدية.
ويحدث في الغالب عندما تصل نسبة الكحول إلى 0.5% من الدم
وهي نسبة أعلى بعشرة أضعاف النسبة التي تسبب الإبتهاج والتفاعل الإجتماعي.

عمك ابوعليوة خطير وخبير ورهيب

Quote: نوع اسمه ( اوسميدان ) اساساً كان يشتلوه من أجل (العرقي ، الدكاي ، النبيذ )

ويجي يقول ليك رمضان قرب.
مطرب كبير بعد تم تكريمه بارقى انواع العرقي المستورد خصيصا من دنقلا لهذا الحفل البهيج
لدرجة ان المطرب الكبير رفض ان يستلم باقي العداد عدا ونقدا وقغل لاهل المناسبة
( جيبوا لي بالباقي عرقي).
عموما حاكم نيروبي.تصرف باحسن من متظمة الصحة العالمية الفاشلة

عرقي الموز في الجنوب ...
كان ما فاطر ما تخاطر ...

سقيتو زمان لي واحد أسكتلندي قال انحنا أهل الاسكوتش
قت ليو سمح ده ٩٠ في المية كحول .. و ما تضوق ،، اكشح بس
ضحك و داير امزمز ... بس نزيلت الكاس عيونه جن مارقات و قرب يسلم النمر ...

مطرب كبير بعد تم تكريمه بارقى انواع العرقي المستورد خصيصا من دنقلا لهذا الحفل البهيج

==============================
فنانا االجميل أحمد يسين أمبس
اذكر زمان كان شحن العرقي يتم بطريقة صعبة الى الخرطوم
طبعاً زجاج ما في جركانات زمان ( قزاز البيرة) كان الشحن يتم
داخل شنطة الصفيح .. لو تذكر الشنط المصنوعة من صفائح الجاز
الابيض ( شل واجيب وتوتال ) كان صفيح لامع وجميل ..يتم تعبئة الشنطة بدقيق القمح
ويتم غرز الزجاجات داخل الدقيق .. لمنع الكسر أو الاحتكاك والدقيق
يكون عازل للزجاج ..
شوف أهلنا التربالة كيف قدموا دروس لشركات الشحن فدكس وارامكس في شحن (قابل للكسر)
نسيت كمان للتموية كان يضعوا زجاجة سمن وسط زجاجات العرقي

تحياتي الحبيب احمد أمبس ..

المحيرنى فى هذا البوست
انو الحنكوش بتاع حب الكلاب
بنظر فى انواع العرقى وهو تعلم
الشاراب فى النادى القبطى وكان بمز بالكفيار
لكن برجع لكم وحكى قصتى مع عرقى السكر فى العاصمة
السعودية الرياض عام ١٩٩٨م حين كنت فى زيارة

بسم الله الرحمن الرحيم ..
أعوز بالله من شياطين الإنس ..

Quote: هسّى نحنا ... و مع زنقتنا فى امريكا دى ... الما جرّبنا الحاجات دى

..
عاين شوايقة امريكا ..
هسه لو مرقنا الدي ان ايه نلقى الحبال ملانة عقد كحول ..
بوكانكم دا قالو فيهو حتى العشر والضريسا .

وعربي RBG ده حالته كان ماشي عمرة

يا ملك ما تلخبت الاختساس في جيناتنا الدكاي وده ما عرقي انت ما سمعت حميد قال
إيدين بنيات الفريق
بتحش تمر..
تخرت سبيط
بتعتِّق الدكّاي..
وتخبز للصفاح
بتكفّي عيزومة
وضيوف..
بتغني قيدومة
وتطوف
بتهني..
بتودي وتجيب
بتحني..
بتدلك حبيب

Quote: وفي بعض عادي من اول كأس بركاوي بدقوا انجليزي .

ذكرتنا "مصطفى سعيد" الله يطراه بالخير يا عثمان :)

Quote: المحيرنى فى هذا البوست انو الحنكوش بتاع حب الكلاب بنظر فى انواع العرقى وهو تعلم الشاراب فى النادى القبطى وكان بمز بالكفيار

حنكوش لكن جمره يا عريبي اربجي يا مورق البصل ...

انت اتعلمت الشربة النضيفة في الدوحة يا مهفهف ههههه ... ايام السودان انت شرابك بغو و عسلية ...

حبيب الشعب علي عبدالوهاب

Quote: اذكر زمان كان شحن العرقي يتم بطريقة صعبة الى الخرطوم طبعاً زجاج ما في جركانات زمان ( قزاز البيرة) كان الشحن يتم داخل شنطة الصفيح لو تذكر الشنط المصنوعة من صفائح الجاز

انا زمان قلت ليك انت باحث في التراث
في شنطة حديد كانت عبارة عن صفيحتين ملصقات مع بعض وكانت القزايز الخضراء ملفوفة ومخبأة بعناية فائقة

Quote: في شنطة حديد كانت عبارة عن صفيحتين ملصقات مع بعض وكانت القزايز الخضراء ملفوفة ومخبأة بعناية فائقة

احمد ياسين إزيك
ياخى شنطة الصفيح دى كانت رمز من رموز الخير ،حبوبة كانت بترسل لسنا فيها التوم والشمار والفول والقرقوش ، لكن قصة القزايز الخضرا تتخبأ فى شنطة صفيح دى أول مرة نسمع بيها !! :)

تحياتي ،،

وليد أمبس
الشنطة ( فردة ) .. وبصفيحتين ( قرنة ) بضم القاف الاسماء حسب الصانع
وليد أمبس ( ما شاء الله انتو من ناس كرم الله وجهه ) الكلام دا لناس (القزاز )

وليد أمبس .. أرمدان جوبو ..
أهلا رمضان

على أمبس هال مندى

Quote: وليد أمبس ( ما شاء الله انتو من ناس كرم الله وجهه ) الكلام دا لناس (القزاز )

الغريبة الوالدة كانت لمن ترجع الشنطة للحبوبة من ضمن الحاجات بخت ليها (صندوق سجاير بنسون) صندوق مش باكو :)))))))

تحياتي ،،

وليد حبيبنا.....كيفك ياخي

Quote: ياخى شنطة الصفيح دى كانت رمز من رموز الخير ،حبوبة كانت بترسل لينا فيها التوم والشمار والفول والقرقوش ، لكن قصة القزايز الخضرا تتخبأ فى شنطة صفيح دى أول مرة نسمع بيها !! :)

والبلح برضو
واكتر شيء كان بيفرح في الارسالية دي القرقوش...كان ليهو طعم عجيب مع شاي الحليب
لكن القزايز كانت تهرب وسط القمح او التمر ...الغريبة مع صعوبة الشحن ووعورة الطريق
ووعثاء السفر ..وميلان الباظ او اللوري .كانت تصل( الخرتوم ) سالمة غانمة ليس فيها كسر او حتى شق

للسكرجية ومن جاورهم
هل فى عام كرونا هذا يوجد
خم رماد

Quote: القرقوش...كان ليهو طعم عجيب مع شاي الحليب

يا الله .. عجزت كل بيوتات الكيك والمخابز أن تأتى بنكهة زى نكهة القرقوش ، جمالو ولذتو فى إنو بغميسة واحدة بشفط نص الكباية :)))

----

الكباية المقصودة -لكل من يمر عبر هذه المداخلة- هى كباية شاي لبن أو حليب حتى لا تٌفهم فى سياق البوست :)))

البوست كان ماشي زي الحلاوة هينيسي وكورفوازير وجمايكن روم جنو ناس أمبس عملوا لينا قرقوش وملوحة 😂

Quote: للسكرجية ومن جاورهم هل فى عام كرونا هذا يوجد خم رماد

لا بل ابيحت المسكرات طوال الشهر المبارك ...

زمان صاحبنا (ود حلة صاحبي ) والده توفى و الناس عاصره الفراش من الصباح
و طبعا اول يوم الناس بتكون ساكته مافي كلام و مافي ونسة ...
بعد العشا الناس بدت تفرتق لكن طبعاً الاصحاب بيقعدوا و منهم الببيت في الصيوان مع صاحبه طبعاُ ...
لامن بقت الساعة 10 و الدنيا صانة و الاصحاب ساكتين عشان يواسو صاحبهم ..
قام صاحبنا ود المرحوم قال : يا خوانا رايكم شنو واحد منكم يتناول لينا قزازة عرقي من الشارع الورانا ده ... حاجة كده بس نكسر بيها حاجز الحزن ده ...

فيا امير ... خلي ليك حاجة تكسر بيها الملل ... الظروف ما معروفه ... ههههههههههه

هيك المفتى ولابلاش
تسلم شيخى قبانى