عملية الصادر يقدر يتحكم فيها بنك السودان وخزنتو تتملي عملة صعبة.

02:02 PM April, 15 2020

سودانيز اون لاين
Arif Nashed-
مكتبتى
رابط مختصر

حسب معلوماتي البسيطة في عمليات التصدير والاستيراد بين الدول تتم عبر البنوك وتعرف ما يسمي بالضمان البنكي.
بعد التفاهم بين التاجر (المستورد) الجهة المصدرة (المصدر) علي حجم البضاعة وقيمتها يقوم المستورد بوضع المبلغ في أي بنك وعمل الضمان البنكي ويقوم البنك بمخاطبة بنك المصدر بالضمان البنكي وبدوره البنك يقوم بإخطار الجهة المصدرة بأن قروده أصبحت في أمان.
وعلي هذا الأساس يقوم التاجر المصدر بإرسال البضاعة.
وعند استلام البضاعة وبعد إخطار بنك المستورد بذلك يتم فك الضمان وتحويل المبلغ لبنك الجهة المصدرة.
الوسيلة دي بتحمي المصدر والمستورد من اي عملية احتيال.
وبتضمن للدولة دخول عملة صعبة بقنوات رسمية.
لا يسمح بعملية تصدير اي بضاعة إلا بعد إصدار إذن تصدير من بنك الجهة المصدرة نفترض انها بنك السودان.

ذو الاختصاص ممكن يفيدونا أكثر في هذا الموضوع.

اخي عارف تحياتي وسلامي،،

عارف انو دا أهم بوست على الإطلاق يتناول أزمة السودان الاقتصادية،،

هذا هو الحل الوحيد للتدهور الاقتصادي في البلاد التعامل التجاري يتم من خلال النظام المصرفي،،

هذا الحل هو الرادع الوحيد لوقف تجار العملة خارج الحدود في المضاربة ورفع سعر الدولار،،

يجب منع الاستيراد من الموارد الخاصة مهما كانت اهمية السلع،،

منع استيراد السيارات خطوة أولى مهمة لكن يجب منع بقية السلع من خلال القنوات الخارجية
وبهذه الطريقة يتوقف كل المشترين للعملات الحرة من خارج الحدود إما لتهريبها لبناء امبراطوريات
الفساد في الخارج أو لمص دم الشعب بتوريد السلع الضرورية والهامشية بالأسعار التي يريدونها،،

شكراً عارف،،

الإعتمادات المستندية هي منظم التجارة الخارجية بلا منازع ، غير ذلك نعود لعصر تجارة المقايضة !!!

فى عهد الكيزان يوجد حظر على السودان وكان على كل الاصعدة بدون Swift Code لاتستطيع بنوك
العالم تحويل مبالغ الا بااسيوفت كود دة ودة بطلع من امريكا بالمناسبة امريكا مراقبة اى سنت حول العالم
ما تقولوا لى الصين وفرتكان حتى الحوالات السريعة حقت الوسترن يونيون مراقبة من امريكا .
ولكن بعد ان سمحت امريكا وطبعا السودان استلم ال Swift Code ممكن التحاويل تتم على كافة قنوات
العالم ولكن يجب تنظيف البنوك من الكيزان لانه البنوك فى السودان شغالة غسيل بالكلوركس وفساد وتجارة العملة عينك
عينك لذا يجب تنظيف وسخ الكيزان من البنوك والبنوك تبدا بتشغيل الكفاءات المحترمة من ذوى الخبرة وغير كدة مافى دولة
حتديك سنت واحد الشفافية

الاخ عبد اللطيف تحياتي.
كما نضمن بأن قيمة صادراتنا النقدية (العملة) دخلت السودان عبر القنوات الرسمية. وأي تاجر سوداني او اي جهة يستورد عن طريق القنوات الرسمية وباستخدام النقد الأجنبي الذي سيتوفر في البنوك ونضمن بأن هناك بضاعة حقيقية اي كان نوعها قد دخلت بطرق صحيحة وتحد بذلك من عمليات تهريب العملة حتي الدولة تستطيع التحكم في السلع المستوردة حسب أهميتها.

الصادرات والواردات عن طريق الاعتماد البنك وسيلة آمنة ومضمونة ولكنها ليست الوسيلة الوحيدة للتعامل التجاري بين الدول، توجد طرق أخرى تعتمد على الثقة مثل التحويل البنكي ومبادلة الصادر بالوارد والدفع المقدم والدفع الاجل.. الخ
بنك السودان مازال عاجزا عن ضبط هذه العملية بسبب الحظر وقلة للموارد إذ انه لايتوفر العملة الأجنبية للموردين كما تفعل بنوك العالم المركزية، ورغم هذا القصور الا ان هناك آليات أخرى لضبط الصادر والوارد غير بنك السودان موجودة لدى وزارات المالية والتجارة والداخلية.. الخ، وللأسف اي من هذه الجهات ستجد فيها ثقوب تتسبب في انفراط هذه العملية..

هذا العمل تقوم به البنك التجاري السوداني قبل الانقاذ وقبل البنوك اللاسلامية الطفيلية
وكانت العملة الحرة كلها في البنوك وليس في الشارع والصرافات وبيوت القطط السمان يعني لحدي 1979
الحاجة الثانية عبدالرحيم حمدي هو الدمر اقتصاد السودان لانه عميل رخيص للبنك الدولي وخرجت القطط السمان مع اقتصاد البوت والكومشن وتحول القصر الجمهوري الي ماخور
عشان كده لابد من
نرجع لي اقتصاد المؤسسات
مثلا
مؤسسة تسويق الماشية واللحوم
مؤسسة تسويق الصمغ العربي
مؤسسة الاقطان
مؤسسة السكر
مؤسسة .......
الاصلاح الاقتصادي مرحلة ثالثة
اول حاجة الاصلاح القضائي =المحكمة الدستورية + المراجع العام ناس القلم الاخضر
اصلاح اداري الغاء ال18 ولاية واعادة الاقاليم وتحديد اختصاص حاكم الاقليم ومع برلمانات اقليمة ودي بتقضي علي 90% من الزواحف والمؤتمر الوطني وبتخلي ناس الاقاليم يحرسو مواردهم المنهوبة من النظام المركزي الفاسد
دي العلمليات الجراحية المفروض يعملوها ويبنو عليها الدستور من 2019 مع العسكر

Quote: الصادرات والواردات عن طريق الاعتماد البنك وسيلة آمنة ومضمونة ولكنها ليست الوسيلة الوحيدة للتعامل التجاري بين الدول، توجد طرق أخرى تعتمد على الثقة مثل التحويل البنكي ومبادلة الصادر بالوارد والدفع المقدم والدفع الاجل.. الخ

اخي عمر انك تتحدث عن طريقة الدفع من ضمن شروط الاعتمادات،
ومهما يكن ، فإنها عملية تنظمها البنوك برعاية البنك المركزي وليست
طرق مجهولة مصادر الأموال تغرق الأسواق بالبضائع وعاملة البنوك كبري،،

النظام المصرفي هو الوسيط بين البائع والمشتري ليضمن كل طرف هدفه!!

عارف ازيك يا ع......... 😂
قبل شوية شفت لي مقطع فيديو 18 دقيقة
بتكلم عن فساد الصادر كلام خطير لو صح ....
و شلت (من شلت يشلت اداه شلوت) فيه حميدتي و وجدي ميرغني و مدني عباس زاااااتو معاهم ...
المصيبة الكبرى داخلين فيها برضو اجانب شغالين في البلد السايبة دي
ديل بشترو اسماء شركات مسجلة
و بمشو وزارة التجارة بخلصو اجراءات تصدير مثلا سمسم و بدفعو لتمرير شغلهم
و بمشو الجمارك يشحنو و يدفعو برضو لتمرير شغلهم
و اخيرا بمشو بنك السودان و اكيد ايضا بكونو دفعو
لم يمشو لي بنك السودان قبل ما يبدأو الإجراءت دي السمسم بكونو الناس اكلوه في الدولة المصدرة ليه
الصادر دا مفروض قروشو نسبة معينة منه تدخل السودان عن طريق بنك السودان
وحاتك انت قال قروشو كلها بتتحول في بنك معين في دولة معينة ....
يعني في صادر لكن لا الدولة لا المواطن المسكين مستفيدين منها شي ...

اول مرة تفتح ليك موضوع منو فايدة
شكلك كدا استفدت من دخولك لي بوستاتي 😂

لا يا ود البشرى الموضوع ده بقى أوڤر خالص

Quote: لا يا ود البشرى الموضوع ده بقى أوڤر خالص

يا عواليق شايفك بقيت لافي البوستات و تسيء لي ....
طولت ليك بالي زيادة عن اللزوم
احسن ليك ترعوي يا فقر ....

Quote: فى عهد الكيزان يوجد حظر على السودان وكان على كل الاصعدة بدون Swift Code لاتستطيع بنوك العالم تحويل مبالغ الا بااسيوفت كود دة ودة بطلع من امريكا بالمناسبة امريكا مراقبة اى سنت حول العالم ما تقولوا لى الصين وفرتكان حتى الحوالات السريعة حقت الوسترن يونيون مراقبة من امريكا . ولكن بعد ان سمحت امريكا وطبعا السودان استلم ال Swift Code ممكن التحاويل تتم على كافة قنوات العالم ولكن يجب تنظيف البنوك من الكيزان لانه البنوك فى السودان شغالة غسيل بالكلوركس وفساد وتجارة العملة عينك عينك لذا يجب تنظيف وسخ الكيزان من البنوك والبنوك تبدا بتشغيل الكفاءات المحترمة من ذوى الخبرة وغير كدة مافى دولة حتديك سنت واحد الشفافية

ود حمودي تحياتي.
بعد استلام السودان ل Swift Code المشكلة أصبحت محلولة وتبدأ بالتعامل المنطقي والمحترم بدل شغل تجارة الشنطة البحصل ده.
الضمانات البنكية هي الوسيلة الوحيدة لضمان دخول حصيلة الصادرات دون التلاعب بها خارجيا من التجار ومهربي العملة.
ومبدئيا يتم التعامل مباشرة مع بنك السودان مع تنضيف عملاء الكيزان من البنوك.

Quote: الصادرات والواردات عن طريق الاعتماد البنك وسيلة آمنة ومضمونة ولكنها ليست الوسيلة الوحيدة للتعامل التجاري بين الدول، توجد طرق أخرى تعتمد على الثقة مثل التحويل البنكي ومبادلة الصادر بالوارد والدفع المقدم والدفع الاجل.. الخ بنك السودان مازال عاجزا عن ضبط هذه العملية بسبب الحظر وقلة للموارد إذ انه لايتوفر العملة الأجنبية للموردين كما تفعل بنوك العالم المركزية، ورغم هذا القصور الا ان هناك آليات أخرى لضبط الصادر والوارد غير بنك السودان موجودة لدى وزارات المالية والتجارة والداخلية.. الخ، وللأسف اي من هذه الجهات ستجد فيها ثقوب تتسبب في انفراط هذه العملية..

ود التاج تحياتي.
التجارة بين دولتين يحدث بالاتفاق بين وزراء التجارة وده لا يكون فيه أي لبس او تلاعب أما عن طريق المقايضة او الكاش.
في زمن الكيزان كانوا يرسلوا زولهم بالكأس ويستوردوا أشياء ولما تصل يجدوها غير مطابقة للمواصفات او مضروبة والنزول الرساله بكون لبع من القروش زاته.
حاليا ليس هناك ما يمنع تقنين هذا الامر سواء من وزير المالية او التجارة.
المهم قروش صادراتنا تدخل في شكل عملة صعبة.

Quote: هذا العمل تقوم به البنك التجاري السوداني قبل الانقاذ وقبل البنوك اللاسلامية الطفيلية وكانت العملة الحرة كلها في البنوك وليس في الشارع والصرافات وبيوت القطط السمان يعني لحدي 1979 الحاجة الثانية عبدالرحيم حمدي هو الدمر اقتصاد السودان لانه عميل رخيص للبنك الدولي وخرجت القطط السمان مع اقتصاد البوت والكومشن وتحول القصر الجمهوري الي ماخور عشان كده لابد من نرجع لي اقتصاد المؤسسات مثلا مؤسسة تسويق الماشية واللحوم مؤسسة تسويق الصمغ العربي مؤسسة الاقطان مؤسسة السكر مؤسسة ....... الاصلاح الاقتصادي مرحلة ثالثة اول حاجة الاصلاح القضائي =المحكمة الدستورية + المراجع العام ناس القلم الاخضر اصلاح اداري الغاء ال18 ولاية واعادة الاقاليم وتحديد اختصاص حاكم الاقليم ومع برلمانات اقليمة ودي بتقضي علي 90% من الزواحف والمؤتمر الوطني وبتخلي ناس الاقاليم يحرسو مواردهم المنهوبة من النظام المركزي الفاسد دي العلمليات الجراحية المفروض يعملوها ويبنو عليها الدستور من 2019 مع العسكر

حقود تحياتي.
المشكلة حاليا إقتصادية بحتة وليس من الصعب تكليف البنك التجاري بهذه المهمة وإعادة عمل المؤسسات التي ذكرتها وغيرها في التحكم علي الصادر ففي النهاية تصب في المصلحة العامة ولا أري أن تربط بمحكمة دستورية او غيره لأنها عملية تنظيمية.
18 ولاية اتفق معك بأنها ترهل حكومي وصرف بزخي تخفض الي 6 ولايات.

Quote: شكلك كدا استفدت من دخولك لي بوستاتي 😂

هههههههه .... في بوست مفتوح بيطالب بي شيل العدة
منك واخرين لعدم الاختساس .... هسع عاين زي عارف دا
جايط الموضوع دا كيف ... كدي عشان نستعدل ليك القصة
حقو تعرف انو الاستيراد عملية تتبع لعدة إجراءات عشان
تتم ولا علاقة لها بالعملية الثانية وهي التصدير الذي تتم
عن طريق إجراءات مختلفة ... العمليتين مختلفات ولا
رابط بينهما إلا داخل وزارة التجارة ويتم التصديق لهما
في أقسام مختلفة كذلك يمكن أن يقوم بالعمليتين نفس
التاجر ولا غضاضه في ذلك ...
طيب بحكم اني لسع سنه أولي تصدير ولسع ما صدرتا
اكتر من مادتين غذاءيتين عدة مرات ... مؤكد وزارة
التجارة محددة لكل مادة حصيلة صادر بالدولار ملزمة
لكل مصدر تحويلها من الخارج الي النظام المصرفي
السوداني ... يعني اذا صدرت ٣٠ طن بصل (حصيلة
صادر البصل ٢٠٠ دولار للطن) انت ملزم بتحويل ما
قيمته ٦٠٠٠ دولار في حسابك المصرفي وهو مبلغ
تملكه انت كمصدر ويمكنك التصرف فيه بالطريقة
البتعجبك ... يعني ممكن تبيعو لي تاجر (مورد او
مستورد) وتحولو لي حسابو عادي ... اي مصدر
يلتزم بتحويل حصيلة الصادر بنكيا هو مصدر ناجح ...
يعني ال ٦ ألف دولار دي تملكها حسابيا فقط وهي
بالتأكيد تعتبر رصيد لبنك السودان يمكن استعمالها
لتوريد أدويه او قمح او ... إلخ.
بس كدا كفاكم ...
عارف ود حلتنا سابقا .... تحياتي ...

دا التالت يا عارف
لم جاء كان تحت كفالتي اتفرعن و بقى عواليق .... 😂😂😂

Quote: لم جاء كان تحت كفالتي

والله يا خلفان لسع ما نقلت الكفاله ... اوع
تمشي تعمم علي ...

Quote: عارف ازيك يا ع......... 😂 قبل شوية شفت لي مقطع فيديو 18 دقيقة بتكلم عن فساد الصادر كلام خطير لو صح .... و شلت (من شلت يشلت اداه شلوت) فيه حميدتي و وجدي ميرغني و مدني عباس زاااااتو معاهم ... المصيبة الكبرى داخلين فيها برضو اجانب شغالين في البلد السايبة دي ديل بشترو اسماء شركات مسجلة و بمشو وزارة التجارة بخلصو اجراءات تصدير مثلا سمسم و بدفعو لتمرير شغلهم و بمشو الجمارك يشحنو و يدفعو برضو لتمرير شغلهم و اخيرا بمشو بنك السودان و اكيد ايضا بكونو دفعو لم يمشو لي بنك السودان قبل ما يبدأو الإجراءت دي السمسم بكونو الناس اكلوه في الدولة المصدرة ليه الصادر دا مفروض قروشو نسبة معينة منه تدخل السودان عن طريق بنك السودان وحاتك انت قال قروشو كلها بتتحول في بنك معين في دولة معينة .... يعني في صادر لكن لا الدولة لا المواطن المسكين مستفيدين منها شي ... اول مرة تفتح ليك موضوع منو فايدة شكلك كدا استفدت من دخولك لي بوستاتي 😂

أبو حسين انزيك.
شفت كيف التلاعب البحصل ده يعني منتجاتنا اي كان نوعها مرقت بره بقيمة صفرية لانو البلد ما استفادت من عائداتها من العملة الصعبة.
ياااااخي منكم نستفيد 😂
لكن البحلك من شواطين شنو.

Quote: هههههههه .... في بوست مفتوح بيطالب بي شيل العدة منك واخرين لعدم الاختساس .... هسع عاين زي عارف دا جايط الموضوع دا كيف ... كدي عشان نستعدل ليك القصة حقو تعرف انو الاستيراد عملية تتبع لعدة إجراءات عشان تتم ولا علاقة لها بالعملية الثانية وهي التصدير الذي تتم عن طريق إجراءات مختلفة ... العمليتين مختلفات ولا رابط بينهما إلا داخل وزارة التجارة ويتم التصديق لهما في أقسام مختلفة كذلك يمكن أن يقوم بالعمليتين نفس التاجر ولا غضاضه في ذلك ... طيب بحكم اني لسع سنه أولي تصدير ولسع ما صدرتا اكتر من مادتين غذاءيتين عدة مرات ... مؤكد وزارة التجارة محددة لكل مادة حصيلة صادر بالدولار ملزمة لكل مصدر تحويلها من الخارج الي النظام المصرفي السوداني ... يعني اذا صدرت ٣٠ طن بصل (حصيلة صادر البصل ٢٠٠ دولار للطن) انت ملزم بتحويل ما قيمته ٦٠٠٠ دولار في حسابك المصرفي وهو مبلغ تملكه انت كمصدر ويمكنك التصرف فيه بالطريقة البتعجبك ... يعني ممكن تبيعو لي تاجر (مورد او مستورد) وتحولو لي حسابو عادي ... اي مصدر يلتزم بتحويل حصيلة الصادر بنكيا هو مصدر ناجح ... يعني ال ٦ ألف دولار دي تملكها حسابيا فقط وهي بالتأكيد تعتبر رصيد لبنك السودان يمكن استعمالها لتوريد أدويه او قمح او ... إلخ. بس كدا كفاكم ... عارف ود حلتنا سابقا .... تحياتي ...

ود الزبير تحياتي.
كان قلت ليك متخصص أكون كضبت عليك وكوركنا لناس التخصص يفيدونا.
وبقينا نلتخ سااااااااي مع تمسكنا بجوهر الفكرة. 😂
في الثمانينات كان بعض التجار السعوديين يشيلوا قروش كاش يذهبوا تايوان ووقعوا في شركات وهمية وضاعت قروشهم.
السلطات السعودية علي ما أعتقد الزمتهم بالتعامل عبر البنوك لئلا تحدث عمليات احتيال وحسب معايير هيئة المقاييس والمواصفات السعودية.
حلتنا الشعبية سابقا.

Quote: ولا أري أن تربط بمحكمة دستورية او غيره لأنها عملية تنظيمية. 18 ولاية اتفق معك بأنها ترهل حكومي وصرف بزخي تخفض الي 6 ولايات.

الاصلاح القضائي اولا
وازفت حاجة نعطل المحكمة الدستورية ونعوس مع اشخاص رئيس قضاء ونائب عام ولجان مغرضة حاكمو السيدة وخلو حرم ...
لانه في كوز عنده 64 مليار دولار مفضوح وديل ما قادرين يدينو لا قضائيا ولا اعلاميا
https://top4top.io/
ستة شهور بس declaration
اما ترجع الدولارات المكدسة في البيوت وبنوك الخارج وحسابات الاقارب والعقارب واما قانون مكافحة احتكار وتهريب العملة ودي سابقة قضائية في السودان ق عقوبتا الاعدام
الله يرحم جرجس ومجدي محجوب
https://top4top.io/

ستة شهور بس فترة كافية ترجع الاموال في جسابات مفتوحة ومعلنة في بنك السودان تحت قاعدة السترة والفضيحة ومتباريات وبعد داك ناس الامن الاقتصادي يفشتو البيوت

الاصلاح الادراي
لغي والولايات 18 واعادة الاقاليم 5 تقضي علي 90% من حزب المؤتمر الوطني في الاقاليم في كل الوظائف الوسيطة والعليا
وتقلل الصرف
وما ممكن تعمل من موية الفسيخ شربات
تصلح السودان في مواعين الانقاذ القذرة

ق حت رايح ليها درب وما قادرة ترتب الاولويات وما هو المهم و الاهم
زول يولول بسبب الفساد الاقتصادي بدون شفافية في القضاء والاعلام ده زول مستهبل ونص ناس ق حت ديل اهلهم كانو في الانقاذ