و لازال "الشبشب" فى نفس جودته وهيئته يقاوم الزمن !!!
Post: #2 Title: Re: أربعون عاما على andquot; شبشب دكتور شولandquot; !! Author: Osman Musa Date: 04-13-2020, 08:04 AM Parent: #1
أخونا الوليد سلامات أذكر قبل خمسين سنة ونحن عيال الريف المقطوع اذكر في ديك دخلنا المدارس لابسين الشدة و الصندل الانجليزي ماركة الشمس المشرقة . وفي الثمانينات دخل علينا د. شول . ومن شدة قوة التعليم كان طيش الفصل فينا ممكن يقود حكومة في العالم الحولنا . امس يادوبك معتمد امدرمان مسمع بي الكورونا ويا دوبك فكر في رش الأسواق . وزيادة تسعيرة دخول دبليو سيهات الأسواق. شايف ؟
Post: #3 Title: Re: أربعون عاما على andquot; شبشب دكتور شولandquot; !! Author: walid taha Date: 04-13-2020, 09:09 AM Parent: #2
عثمان إزى الحال
Quote: امس يادوبك معتمد امدرمان مسمع بي الكورونا ويا دوبك فكر في رش الأسواق .
لاحظ شبشب دكتور شول (سيورو معقمة بالديتول ) يعنى - سبحان الله - متلائم مع المرحلة :)
تحياتي
Post: #4 Title: Re: أربعون عاما على andquot; شبشب دكتور شولandquot; !! Author: أبوذر بابكر Date: 04-13-2020, 09:28 AM Parent: #1
ازيك يا وليد
اظرف شي برضو واحد من الكورس لابس قميص تحرمني منك
ههههههه
طبعا نحن دكتور شو وتحرمني منك دى ما حضرناها زى ناس عمك عثمان ديل
حكى لينا بيها بابا
ههههههه
Post: #5 Title: Re: أربعون عاما على andquot; شبشب دكتور شولandquot; !! Author: Osman Musa Date: 04-13-2020, 10:03 AM Parent: #4
يا اب ذر حكي ليك بيها بابا ؟ هسع عليك الشيخ الجعلي زول ينجح في امتحان الترجمة ده . لو ما حضر زمن الانجليز بنجح ؟
Post: #6 Title: Re: أربعون عاما على andquot; شبشب دكتور شولandquot; !! Author: أبوذر بابكر Date: 04-13-2020, 10:15 AM Parent: #5
لا لا ما كده يا اونكل عثمان
الإنجليزي ده قرتني ليهو ماما
ههههههه
Post: #7 Title: Re: أربعون عاما على andquot; شبشب دكتور شولandquot; !! Author: Osman Musa Date: 04-13-2020, 10:54 AM Parent: #6
يا اب ذر عندنا صديق مقيم خارج السودان بقول لي بتو عمرها 11 سنة . بقول ليها زمان في قريتنا كان جدك بحوم بلدنا قرية قرينة . يوزع دعوات الفرح و يكلم الأهالي بي مناسبة زواج فلان و فلان . قامت قاتلو . هو جدي كان شغال في ال dhl express هههههههه. .. اها يا اب ذر تلقاك انت و وليد زمان اشتغلتوا في ال دي اتش ال من الباقير لي تمبول .
Post: #8 Title: Re: أربعون عاما على andquot; شبشب دكتور شولandquot; !! Author: علي عبدالوهاب عثمان Date: 04-13-2020, 11:55 AM Parent: #7
دكتور شو وتحرمني منك دى ما حضرناها زى ناس عمك عثمان ديل
======================= الحبيب أبازر يا اخي نحن ناس ضواحي الدنيا كنا نعرف دكتور شول قميص تحرمني بنطلون شارلستون تسرحة الخنفسة
ما عارف زمنا داك البعيد كل الناس كانوا رشيقين ما في سمنة
وهو شبشب كانوا يصنعونه من لساتك العربات كان يحدى حفر الشوارع والمطبات وموية المطر
Post: #12 Title: Re: أربعون عاما على andquot; شبشب دكتور شولandquot; !! Author: Osman Musa Date: 04-13-2020, 01:27 PM Parent: #11
يا وليد والله عمك ابو جهينة ده تلقاهو زمان في عطبرة كسح بي التموت تخلي جنس مسح. هو هسع داير يعمل ليك ما حضر داك الزمن . ياخ عمك زمن ظهور ابو جنزير في عطبرة يكون كان في عطبرة الثانوية . يعني نديد اب ذر وكدي .
انا شخصيا غايتو بتذكر دكتور شول وإنه بتباع فى المحلات فى السبعينات وتحديدا منتصف السبعينات لأنه دي الفترة البقينا فيها واعين نوعا ما بالأشياء حوالينا وبقينا نشوف ونلاحظ
أي شى قبل كده اسالو منه ناس عمو قباني
Post: #19 Title: Re: أربعون عاما على andquot; شبشب دكتور شولandquot; !! Author: walid taha Date: 04-13-2020, 11:11 PM Parent: #1
Quote: اظرف شي برضو واحد من الكورس لابس قميص تحرمني منك
القميص ده (تحرمنى منك ) ولا (جوزيف) يا أبوذر؟ :) بس للعلم :))