التلفزيون لازم يكون سنين(من يسن السكين سنا) HD او 4K مشاهدة ممتعة
Post: #2 Title: Re: للمحجورين فى منازلهم ، حلقة رائعة عن الثق� Author: امتثال عبدالله Date: 04-11-2020, 07:34 PM Parent: #1
ممكن ملخص بسيط او الخطوط العريضة للمسلسل،،وهل مسلسل طويل ،،،قبل ما نمشي نفتش..
Post: #3 Title: Re: للمحجورين فى منازلهم ، حلقة رائعة عن الثق� Author: أبوذر بابكر Date: 04-11-2020, 07:43 PM Parent: #1
النصري كاكا
كيفك يا حبيبنا
الشى الوحيد الما قدر العلماء يعرفو عنه كتير
حتي استيفن هوكنز قال ده اكتر شى محير
الفرقة المفضلة عندي يا نصري والبعشقها هي Pink Floyd
عندهم أعظم اغنية عندهم اسمها Crazy Diamond
ديفيد قلمور بقول فيها
Now there is a look in your eyes Like BLACK HOLES in the sky
من اعمق الأوصاف ال سمعتها والله
لو بتحب المزيكا الجد جد والغناء العالي اسمع الأغنية دي عليك الله
أحلى من البرتكان آب صرة
هههههه
Post: #4 Title: Re: للمحجورين فى منازلهم ، حلقة رائعة عن الثق� Author: النصرى أمين Date: 04-11-2020, 11:31 PM Parent: #3
أهلا امتثال االبرنامج وثائقى يتحدث عن الثقوب السوداء فى الفضاء و كيف حيرت العلماء ، مدهش حقا ويستاهل المشاهدة لو عندك رغبة فى مثل هذه الأمور. الحاجة الكويسة انه ليس معقد علميا و ممكن الانسان العادى يفهمه .
انصحك بالمشاهدة .
Post: #5 Title: Re: للمحجورين فى منازلهم ، حلقة رائعة عن الثق� Author: النصرى أمين Date: 04-11-2020, 11:45 PM Parent: #4
يا مطر
سلام
مشيت فتشت الأغنية بتاعتك فى يوتوب و جهزت السماعات . الاغنية طلعت خازووق كبير هههههه ...ياخ والله مملة لمن غلط .. ههه ....غلبنى اكملها ..فطيت جزء منها و برضه استمرت فى صناعة الملل والزهج .....معليش على الصراحة هههه
نخلى الناس تسمع و تحكم بنفسها ....
الحاحة المحيرانى انى بحب اغانى الهيب هوب hip hop ..احتمال لان الحانها خفيفة تناسب الزمن
Post: #6 Title: Re: للمحجورين فى منازلهم ، حلقة رائعة عن الثق� Author: muntasir Date: 04-12-2020, 00:00 AM Parent: #5
يا نصري لو بتحب الهيب هوب نوصيك بالأستاذة مروة الدولية في أغنية بعرف جداول الضرب وبعد تتسلك شوية بندخلك على الأستاذة منى ماروكو عشان تآمن بالثقوب السوداء
Post: #7 Title: Re: للمحجورين فى منازلهم ، حلقة رائعة عن الثق� Author: Dr. Ahmed Amin Date: 04-12-2020, 00:40 AM Parent: #6
شكرا النصري..
ساتابعه بكل تأكيد.
Post: #8 Title: Re: للمحجورين فى منازلهم ، حلقة رائعة عن الثق� Author: النصرى أمين Date: 04-12-2020, 01:55 AM Parent: #7
يا منتصر .. انا بكل براءة مشيت قوقلت مروة الدولية دى و رائعتها (جدول الضرب) طلعت خازوق كبير . اول مرة اسمع بيها لكن سمعت بواحدة اسمها ريانه الساته. ياخ انا لمن اقول هيب هوب لا اقصد ناس مروة الوهم ديل!! انا اقصد فنانيين دوليين زى ايد شيران و ادم لافين و ريانا و تايلور سويفت و دريك وغيرهم
Post: #9 Title: Re: للمحجورين فى منازلهم ، حلقة رائعة عن الثق� Author: النصرى أمين Date: 04-12-2020, 01:57 AM Parent: #8
يا دكتور
الحلقة مدهشة جدا . حتعجبك أنا متأكد
Post: #10 Title: Re: للمحجورين فى منازلهم ، حلقة رائعة عن الثق� Author: أبوذر بابكر Date: 04-12-2020, 05:40 AM Parent: #5
ال بينك فلويد خازوق ؟
غايتو منو العوض وعليهو العوض
خازوق زى ال كاكا يعنى هههههه
تصدق يا نصري اتوقعت والله ما تعجبك
قول لى ليه
لأنه البينك فلويد دى بتختلف من فرق الدنيا كلها
الموسيقي والغناء حقهم اسمه Psychedelic progressive rock
سيبك من الموضوع ده
انا قلتهم ليك بس عشان موضوع التشبيه ب الثقوب السوداء
لو فتشت غناء البشر كله من نزول آدم للأرض لغاية اليوم ما بتلقي اغنية فيها إشارة ولا تشبيه ولا ذكر ل الثقوب السوداء
شفت الفرق كيف
تقول لى هيب هوب
يهبهب يا يوما راسك المدوقس ده
هههههه
Post: #11 Title: Re: للمحجورين فى منازلهم ، حلقة رائعة عن الثق� Author: النصرى أمين Date: 04-12-2020, 12:48 PM Parent: #10
يا المطر ذكرتنى لمن مرة كتبت ان حسن عطية و أبوداود مرض و لا أحب غناهم . على قولة عادل إمام ؛ القاى يضرب واللى رايح يضرب و الستات يزغردو..و العيال.
دى مشكلتنا نحن الذين نصدح بالحق و لا نجامل فيما نعتقد انه صحيح.
عندى قناعات تانية ، بنزلها شوية شوية.
اما ال pink Floyd ديل نشكرهم على ذكر الثقوب السوداء كما نشكر الفنان محمد احمد عوض حين نجح فى تلحين كلمة نموذج فى نص شعرى
Post: #12 Title: Re: للمحجورين فى منازلهم ، حلقة رائعة عن الثق� Author: أبوذر بابكر Date: 04-12-2020, 12:55 PM Parent: #11
عارفك عارفك
اصلك معولق ههههههه
اوعك تجيب سيرة أبوداود
بعوقك
ههههههههه
Post: #13 Title: Re: للمحجورين فى منازلهم ، حلقة رائعة عن الثق� Author: muntasir Date: 04-12-2020, 01:20 PM Parent: #12
يا اخانا أباذر ياخ خليك من بينك فلويد وحسن عطية وأب داؤود ده عنده رأي في الأستاذة عشة الجبل( عارفه ما بيقدر بيمشوا يقوقل رائعتها الساكن الكنكة😂)
Post: #14 Title: Re: للمحجورين فى منازلهم ، حلقة رائعة عن الثق� Author: النصرى أمين Date: 04-12-2020, 01:53 PM Parent: #13
يا منتصر ، واضح جدا انك من عشاق اغانى الزنق (صححنى لو الاسم غلط) لانك تعرف اسماء الفنانات و اغانيهم ، مشكلتك انك تتجمل امام المجتمع و تتلصق فى ناس ابوذر ديل لانهم راقيين حقيقة ،
لو انت مكانك كنت اعلنتها داوية انى احب اغانى البنات ناس راوية الجبل و ريان الساتة و الزول السمين داك بتاع اغنية احييييى.
يا منتصر ؛ انت مننا و لينا اعترف و خلى الخوف.. بتعرفنا و بنعرفك
Post: #15 Title: Re: للمحجورين فى منازلهم ، حلقة رائعة عن الثق� Author: muntasir Date: 04-12-2020, 02:50 PM Parent: #14
انت يا نصري الوديتني في الطريق ده لمن نصحتني أنزل التيك توك ثم حدس ما حدس الحمدلله ما اشتريت الكاكا😂😂
Post: #16 Title: Re: للمحجورين فى منازلهم ، حلقة رائعة عن الثق� Author: النصرى أمين Date: 04-12-2020, 02:54 PM Parent: #15
يا سلام على التيك توك Tik Tok ..
معظم وقتى بهناك ؛ اضحك (بتشديد ضاد والحاء) و اتبسم اليوم كله. ناس مبدعين بشكل خرافى . فى نظرى هو التطبيق الاول فى الإنترنت ، انتهى تماما من يوتوب.
ننصح به بشده مع الحجر القاسى الايام دى.
Post: #17 Title: Re: للمحجورين فى منازلهم ، حلقة رائعة عن الثق� Author: أبوذر بابكر Date: 04-12-2020, 04:43 PM Parent: #1