الله يجازي محنك يا ود قباني ، والله اول ما فتحت الفيديو كنت قايلاها واحدة صاحبتنا معانا هنا شكل وصوت ، وسودانية وانتو بتعرفوها وحتى لهجتها نفس اللهجة .. لكن مين طارق جبريل !!؟؟
ظلت مبتسمة إبتسامتها الجميلة طوال الوقت .. إبتسامة مدعومة بأحلى نونتين تذكرك بأحبو وأحب نوناتو الفى وجناتو كما غنا العميد وإبتيامة الزول بتنبوع من شعورو كما غنى ابو عركى
وجدت نفسى طوعاً أبتسم وأحسب كل من شاهد المقطع إبتسم كورونا ذاتا تبسمت وإبتعدت!
Quote: ظلت مبتسمة إبتسامتها الجميلة طوال الوقت .. إبتسامة مدعومة بأحلى نونتين
ابن عمي يا جميل ... علك بخير و الاولاد ...
بالله عمك مصطفى بطران ما صدق في كلامه ده : يا شادي قول نغمك جميل ....صوت البلابل ليك زميل أشفى السقيم وأسجى الثميل ... وزى ما تميل بى عقولنا ميل
ما ياها دي الشادي ذات نفسه ...
Post: #8 Title: Re: كرونا يا كرونا .. اغنية تشفي السقيم .. تقولي Author: علي عبدالوهاب عثمان Date: 04-12-2020, 08:02 PM Parent: #7
حبيبنا قباني .. تحياتي أنا افتكرت البوست اغنية حقيبة .. يا جميل امس استحضرتك وأنا اشاهد في حبس كورونا قناة النيل الازرق حلقة مسجلة كان فيها امدرماني عتيق وجميل ومتحدث لبق ( حكاي ) زول أنيق اسمه لو ما خانتني الذاكرة ( بشرى النور) تقريبا من حي العرب يا سلام حكاويكم حلوة جداً يا ناس امدرمان .. وطريقة تقديم الاغنية .. وتشعر في قسمات وجهه حب ذلك الاديم .. مرة اذكر سمعته يتحدث عن ابراهيم عوض وكيف أنه سمع حوار نسائي امام منزلهم في أمدرمان عن ابراهيم عوض حديث شيق بس ابننا ( حمودي ) عازف العود كان يقاطعه وكمان كان في فنان ضرير اسمه ( عاطف ) يتغنى بالحقيبة كما هي ..